ကန္တာရဝတီ တိုင်း(မ်)
ဒီကနေ့ မတ်လ ၂၄ ရက်နေ့ ကရင်နီပြည်၊ ဒီးမော့ဆိုမြို့နယ် အရှေ့ဘက်ခြမ်း တစ်နေရာကို စစ်ကောင်စီတပ်မှ လေကြောင်းဖြင့် တိုက်ခိုက်မှု ပြုလုပ်ခဲ့တယ်လို့ ကန္တာရဝတီတိုင်း(မ်)ရဲ့ မြေပြင်သတင်းထောက်မှ သတင်းပေးပို့ချက်အရ သိရပါတယ်။
ကျေးရွာတစ်ရွာထဲကို ယနေ့ နေ့လည် ၁၂ နာရီ မိနစ် ၄၀ ဝန်းကျင်မှာ တိုက်လေယာဥ် တစ်စီး ၊ ၁ နာရီ ၁၅ မိနစ်မှာ ရဟတ်ယာဥ် (၂) စီးဖြင့် လာရောက်ပစ်ခတ်ခဲ့တယ်လို့ သိရပါတယ်။
အကြိမ်ရေ (၅) ကြိမ်ထက်မနည်း ပစ်ခတ်ခဲ့ပြီးနောက် ကျေးရွာထဲက နေအိမ် (၁၀၀) ဝန်းကျင် မီးလောင်ပျက်စီးခဲ့တယ်လို့ သိရပါတယ်။
ညနေ ၅ နာရီ ဝန်းကျင်မှာလည်း စစ်ကောင်စီမှ ကင်းထောက်လေယာဥ် တစ်စီး ပျံသန်းပြီး ကင်းထောက်တာတွေ ပြုလုပ်နေတယ်လို့ သိရပါတယ်။