ကန္တာရဝတီတိုင်း(မ်)
ကယားပြည်နယ်ရှိ ရဲတပ်ဖွဲ့ဝင်တွေ CDMမှာ ပါ ဝင်တဲ့သူ တွေထဲမှာ ဒီးမောဆိုမြို့မရဲစခန်းကဆိုရင် ဒုရဲအုပ် အပါအဝင် တခြားရဲတပ်ဖွဲ့ဝင်တို့ပါဝင်လာကြတယ်လို့သိရပါတယ်။
CDMမှာ ပါဝင်လာတဲ့ ရဲတပ်ဖွဲ့တွေကို ကယားပြည်နယ် သပိတ်ကော်မတီ ကနေပြီးတော့ လုံခြုံတဲ့နေရာမှာ စောင့်ရှောက်ထားတာလည်း ရှိပါတယ်။
ဖရူဆိုမြို့မရဲစခန်းက CDM ဝင်တဲ့ ရဲတပ်ဖွဲ့ဝင်တစ်ဦးကတော့ အခုလိုပါဝင်လာတာဟာ စစ်အာရှင်လက်အောက်မှာမနေချင်လို့ ပြည်သူလူထုနဲ့ပူးပေါင်းလာတာဖြစ်တယ်ဆိုပြီး ကယားပြည်နယ် သပိတ်ကော်မတီ လူမှုကွန်ယက်စာမျက်နှာမှာ ဖော်ပြထားပါတယ်။
“ အရင်ကကျနော်က ပြည်သူ့ရဲ ပြည်သူချစ်မယ့်ရဲတစ်ယောက်အဖြစ်ရဲထဲဝင်လာတာပါ။ ဒီလိုစစ်အာဏာလက်အောက်မှာနဲ့ ကြာလာရင် စစ်အာဏာလက်အောက်မရောက်ချင်လို့ ဒီလိုထွက်ပြေးလာတာပါ။ “
မတ်လ လေးရက် နေ့ ကယားပြည်နယ်မှာ CDM ဝင်တဲ့ ရဲတပ်ဖွဲ့ဝင် ဝန်ထမ်း ၉ ဦးအထိရှိပါတယ်။ ကယားပြည်နယ်မှာ ရဲတပ်ဖွဲ့ဝင်တွေ ဖေဖော်ဝါရီလ ၁၀ရက်နေ့ကစပြီး CDMမှာ ပူးပေါင်းပါဝင်လာခဲ့ကြပါတယ်။ ကယားမှာ ရဲဝန်ထမ်း ၂၄၀ ဦး အနက် CDM ပါဝင်သူ တစ်ရာကျော်ရှိပြီဖြစ်ပြီး တိုင်းနဲ့ပြည်နယ်တွေမှာ ကယားက ရဲတပ်ဖွဲ့ CDMပါဝင်မှု အများဆုံး ဖြစ်ပါတယ်။