စိုးထိုက်အောင် ကရင်နီမျိုးနွယ်စုတို့ရဲ့ ကေ့ထျိုးဘိုး ခေါ် တံခွန်တိုင် အလံကို လွှင့်ထူထားတဲ့ ကုန်တင်ကားတွေပေါ်မှာ ချက်ပြုတ်စားသောက်စရာ ဆန်တွေ၊ ဆီတွေ၊ ရေတွေနဲ့ လုံးပတ် တစ်လက်မတ်ခွဲလောက်ရှိတဲ့ ကြိုးခွေတွေ တင်ပြီး အမျိုးသား လူတစ်စုက တောထဲကို မောင်းထွက်သွားပါတယ်။ ဒါကတော့ ဒီးမော့ဆိုမြို့နယ် ၊ ထီးပိုးကလိုးကျေးရွာအုပ်စု ၊ ဖဲလျာကျေးရွာကနေ ဘိုးလျားကျေးရွာရဲ့ အရှေ့ဘက်ကို ၃ နာရီမျှ မောင်းပြီးတော့ တောထဲမှာ ကေ့ထျိုးဘိုး(ခေါ်)တံခွန်တိုင်ခုတ်ဖို့ အလုပ်လုပ်နေကြတဲ့ လူတစ်စုစီကို သွားခဲ့တာဖြစ်ပါတယ်။ တောထဲမှာတော့ ရှင်းလင်းထားတဲ့ တောင်ကုန်းတွေပေါ်မှာတော့ မီးဖိုတွေ၊ တဲအိမ်တွေ၊ ချက်ပြုတ်စားသောက်ဖို့ ပြင်ဆင်နေကြတဲ့သူတွေကို တွေ့ရမှာဖြစ်ပါတယ်။ ဒါတွေကတော့ ကေ့ထျိုးဘိုးတိုင်တော်ကို ခုတ်လဲဖို့ သယ်ဆောင်ဖို့အတွက် ရောက်လာတဲ့ သူတွေကို […]

စိုးထိုက်အောင် ကပ်ရောဂါဆိုးဖြစ်ခြင်းမှ ကင်းဝေးစေဖို့ ကြိုတင်တားဆီးကာကွယ်တဲ့အနေနဲ့ စုပေါင်းကေ့ထျိုးဘိုးပွဲတော်ကို ရိုးရာအရသာ အကျဉ်းချုံးပဲပြုလုပ်တော့မှာဖြစ်တယ်လို့ (၆၂)ကြိမ်မြောက် စုပေါင်းရိုးရာကေ့ထျိုးဘိုးပွဲတော် ကျင်းပရေး ဦးစီးကော်မတီ ဥက္ကဌ ဦးမီရယ်က ပြောပါတယ်။ ကေ့ထျိုးဘိုးပွဲ ဖြစ်မြောက်ရေးကော်မတီ ဥက္ကဌဦးမီရယ်က “ ဒီပွဲက ကျတော်တို့အစကတော့ ကျတော်တို့ဒီပွဲဖြစ်မယ်မဖြစ်မယ်ဆိုတာက ကျတော်တို့အရင် လျာထားတဲ့ဟာတွေပေါ့နော် ဖြစ်မယ်လို့ဘဲ ထင်တာပေါ့နော် ပွဲလဲနီးလဲနီးရော ကျတော်တို့ဒီ ကိုရိုနာ ဗိုင်းစ်ရပ်အကြောင်း ကျတော်တို့ကြားလိုက်ရတော့ ကျတော်တို့အကုန်လုံးပြန်လျော့ရတယ်ပေါ့နော်။”လို့ ပြောပါတယ်။ ကယား(ကရင်နီ)မျိုးနွယ်စုတို့ရဲ့ (၆၂)ကြိမ်မြောက် စုပေါင်းရိုးရာကေ့ထျိုးဘိုးပွဲတော်ကို ကယားပြည်နယ်၊ ဒီးမော့ဆိုမြို့နယ်၊ ထီးပိုးကလိုးကျေးရွာအုပ်စု၊ ဖဲလျားကျေးရွာတွင် မတ်လ ၂၃ ရက်နေ့ ၂၀၂၀ခုနှစ်ကနေ မတ်လ ၂၈ ရက်နေ့အထိ စည်ကားသိုက်မြိုက်စွာ ကျင်းပဖို့ ကနဦးလျာထားခဲ့ပြီးဖြစ်ပါတယ်။ ယခုလို […]