စိုးထိုက်အောင် လွိုင်ကော်ကတ်သလစ်သာသနာ (၆၆) နှစ်မြောက် ဆုတောင်းပြည့် လုဒ်မယ်တော်သခင်မလှိုဏ်ဂူပွဲတော်ကြီးကို ဒီးမော့ဆိုမြို့နယ် ဆောင်ဒူလာကျေးရွာအုပ်စု ယူဆမိုဆိုကျေးရွာတွင် ဆယ်ရက်တိုင်တိုင် ယခင်နှစ်ကထက် ပိုပြီး စည်ကားသိုက်မြိုက်စွာကျင်းပခဲ့ကြပါတယ်။ ဒီမော့ဆိုမြို့နယ်၊ စံပြ(၆)မိုင်မှလာရောက်တဲ့ မဖိလစ်စတာက “တောင်ပေါ်မှာတက်ကြည့်ရင် လူတအားစည်ကားတယ် ပြီးတော့ မထင်မှတ်ဘူးပေါ့နော် လူအဲ့လောက်များမယ်လို့လဲမထင်ခဲ့ဘူး မယ်တော်မာရိယာကို ဘယ်လောက်ကြည်ညိုလဲ၊ ဘယ်လောက်အားကိုးလဲ ဆိုတာခံစားမိတယ်ပေါ့။”လို့ ပြောပါတယ်။ ဆုတောင်းပြည့်လုဒ်သခင်မ(ဆော်ဘော့သ) ယူဆမိုဆိုမယ်တော်လိုဏ်ဂူပွဲတော်မှာ နိုဝေးနားပြင်ဆင်ခြင်းနှင့် ပွဲတော်တွေ ဖေဖော်ဝါရီလ ၁ရက်နေ့ကနေ ၁၁ ရက်နေ့အထိ စီစဉ်ခဲ့ကြတာဖြစ်ပါတယ်။ ယခင်ကတော့ တောင်ငူသာသနာ၊ တောင်ကြီးသာသနာ ကနေအခုလွိုင်ကော် သာသနာဆိုပြီးတော့ သတ်မှတ်ခဲ့တာဖြစ်ပါတယ်။ အရင်တုန်းကဆိုရင် သာသနာပိုင်အနေနဲ့အသိမှတ်မပြုသေးခင်က ယူဆမိုဆိုရွာနဲ့ဆောင်ဒူလာရွာ (၂)ရွာကပဲ တစ်ရွာကို တစ်နှစ်စီ အလှည့်ကျနဲ့တာဝန်ယူပြီးတော့မှ မယ်တော်လိုဏ်ဂူပွဲတော်ကို စတင်ပြုလုပ်ခဲ့ကြတယ်လို့သိရပါတယ်။ […]