ကယားပြည်နယ်၏ ဖြည့်စွက်ရန်ပုံငွေကို လွတ်တော်ကစိစစ်လျော့ချ

လင်းသန့်

ပြည်နယ်အဆင့်အဖွဲ့အစည်းများမှ တင်ပြတောင်းခံထားထားသော၂၀၁ရ -၁၈ ဖြည့်စွက်ရန်ပုံငွေ ၈၁၅၄ သန်းကျော်ထဲက ၉၇၉ သန်းကျော်လျော့ချရန် ကယားပြည်နယ်လွှတ်တော်က ဆုံးဖြတ်လိုက်သည်။

၂၀၁၇-၁၈ ဖြည့်စွက်ရန်ပုံငွေတောင်းခံရာမှာ ပြည်နယ် အစိုးရအဖွဲ့၏ အရသုံးစာရင်းမှာထည့်သွင်းရေးဆွဲထားသော ဌာန ၆ ခု ပြည်နယ် အဆင့်အဖွဲ့အစည်း ရ ဖွဲ့ စုစုပေါင်း ၁၃ ဖွဲ့က ခွင့်ပြုဖို့တောင်းခံခဲ့ခြင်းဖြစ်သည်။

ပြည်နယ်အဆင့် အဖွဲ့အစည်းတွေအနေနဲ့ ၂၀၁၇-၁၈ ဘဏ္ဍာရေးနဲ့ မူလခွင့်ပြုငွေ မလုံလောက်တဲ့ အတွက် ကျပ် ၈၁၅၄.၃၇၃ သန်းကို ဩဂုတ်လ ၂၉ ရက်က ကျင်းပသည့် လွှတ်တော်အစည်းအဝေးမှာ တောင်းဆိုခဲ့သည်။

“ကယားပြည်နယ်ရဲ့ ပြုပြင်ခန့်မှန်းခြေငွေစရင်းအရ လိုငွေကျပ်သန်းပေါင်း ၅၁၄၄၂.၀ရ သန်းကို ပြည်ထောင်စုဘဏ္ဍာငွေကနေပြီးတော့ မူလခန့်မှန်းခြေစရင်းမှာ ထောက်ပံ့ ငွေအားဖြစ် ထောက်ပံ့ပေးရန်သဘောတူပြီးဖြစ်ပါတယ်။ ဒါကြောင့်၂၀၁ရ ၁၀၁၈ ဘဏ္ဍာရေးနှစ်တွက် ဖြည့်စွက်ခွင့်ပြုငွေတောင်ခံတဲ့ သာမန်သုံးစရိတ် ကျပ် ၁.၄၀၃ သန်းနဲ့ ငွေလုံးငွေရင်းသုံးစရိတ်ကျပ် ၈၁၅၂.၇၉ဝ သန်းကို စုစုပေါင်းကျပ် ၈၁၅၄.၃၇၃ သန်းကို ဘဏ္ဍာရေး လုပ်ထုံးလုပ်နည်းနဲ့ အညီ စိစစ်ထားပြီးဖြစ်တဲ့ အတွက်ကြောင့် ဒီအဆိုကိုပြည်နယ်လွှတ်တော်မှာ အတည်ပြုပေးနိုင်ပါရန်တောင်းဆိုပါတယ်။”ဟု စီမံကိန်းနှင့် ဘဏ္ဍာရေးဝန်ကြီး ဦးမော်မော်က လွှတ်တော်အစည်းအဝေးတွင် တင်ပြခဲ့သည်။

အဆိုပါကိစ္စကို ဩဂုတ်လ ၃ဝ ရက်နေ့ ကျင်းပတဲ့ ကယားပြည်နယ် လွှတ်တော်မှာ ပြန်လည်ဆွေးနွေးမည့် လွှတ်တော်ကိုယ်စားလှယ်မရှိဘဲ လွှတ်တော်မှ အတည်ပြုလိုက်သည်။

ပြည်သူ့ငွေစာရင်းစောင့်ကြည့်စစ်ဆေးကော်မတီမှ ကယားပြည်နယ်၏ ၂၀၁၇-၁၈ ဘဏ္ဍာရေးနှစ်အတွက် ဖြည့်စွက်ခွင့်ပြုငွေစာရင်းကို ပြန်လည်
စိစစ်ပြီး မလိုအပ်တဲ့ စီမံကိန်းတွေကို လျော့ချလိုက်ခြင်းလည်းဖြစ်သည်။

ကယားပြည်နယ်ရန်ပုံငွေ အစီအစဉ်တွင် ဗဟိုအဖွဲ့အစည်း ၅ ခု ဦးစီးဌာန ၁၆ ခု စည်ပင်သာယာရေးအဖွဲ့ စုစုပေါင်း အဖွဲ့အစည်း ၂၁ ခုတို့ ပါဝင်သည်။

“ကယားပြည်နယ်အတွက် ၂၀၁ရ ၂၀၁၈ ရဲ့ ဘဏ္ဍာရေးနှစ်သုံးငွေကတော့ ကျပ်သန်းပေါင်း ၅သောင်း ရ ထောင်ကျော် ရာထားအသုံးပြုခဲ့တာဖြစ်ပါတယ်။ ရငွေတွေအနေနဲ့ ပြည်ထောင်စုက ကျပ်သန်းပေါင်း ၅ သောင်း ၁ ထောင်ကျော် ထောက်ပံ့ပေးထားတာဖြစ်ပြီး ပြည်နယ်အစိုးရရဲ့ ရငွေကိုတော့ ကျပ်သန်း ပေါင်း ၆ ထောင်ကျော်သာရှိပါတယ်။ ပြည်သူ့ငွေစာရင်းစောင့်ကြည့်စစ်ဆေးကော်မတီကနေ စိစစ်ပြီးနောက် အခုလိုငွေတွေကို လျော့ချလိုက်တာဟာ ဒေသအတွက် နစ်နာတယ်ဆိုပေမယ့် ပြည်ထောင်စုရဲ့ လိုငွေတွေကိုတော့ လျော့ချပေးနိုင်မှာဖြစ်ပါတယ်။” ဟု ပြည်သူ့ငွေစာရင်းစောင့်ကြည့်စစ်ဆေးကော်မတီဥက္ကဌ ဦးစိုးရယ်က လွှတ်တော်ကို အစီရင်ခံစာတင်ပြခဲ့ခြင်းဖြစ်သည်။

ပြည်နယ်အဆင့်ဌာနအဖွဲ့အစည်းများမှ ဖြည့်စွက်ခွင့်ပြုငွေ တောင်ခံသော စာရင်းတွင် ၂၀၁ရ ၂၀၁၈ ဘဏ္ဍရေးအတွက် ပြုပြင်ပြီး ခန့်မှန်းခြေငွေစာရင်းမှာ ကျပ် ၈၁၅၄.၀၀၅ သန်းနှင့် အသုံးစရိတ်လျော့နည်းခြင်းကြောင့် အသုံးပြုရသောပမာဏမှာ ငွေကျပ် ဝ.၃၆၈ သန်းဖြစ်သည်။

ရငွေပိုမိုရရှိရရန် ပြည်ထောင်စုမှ ပြည်နယ် ဘဏ္ဍာငွေကို ခွဲဝေပေးသော အခွန်ဝေစုသည် ကျပ် ၄၀၆၃.၀၂ရ သန်းရှိပြီး ပြုပြင်ပြီး ခန့်မှန်းခြေငွေစာရင်းအရ ကျပ် ၁၁၉၂၅.၄၅၈ သန်းဖြစ်ခြင်းကြောင့် ကျပ် ၇၈၆၁.၄၃၁ သန်း ပိုမိုရရှိလာခြင်းဖြစ်သည်။ပြည်နယ်အဆင့်အဖွဲ့အစည်းများမှ တင်ပြတောင်းခံထားထားသော၂၀၁ရ -၁၈ ဖြည့်စွက်ရန်ပုံငွေ ၈၁၅၄ သန်းကျော်ထဲက ၉၇၉ သန်းကျော်လျော့ချရန် ကယားပြည်နယ်လွှတ်တော်က ဆုံးဖြတ်လိုက်သည်။

Comments

comments

Next Post

အစိုးရစနစ်ပြုပြင်ပြောင်းလဲရေး

Tue Sep 5 , 2017
ကျော်စိုးသူ(Economic Development)ရေးသားသည်။ ပြုပြင်ပြောင်းလဲရေးလုပ်ငန်းစဉ်မှန်သမျှသည် အခက်အခဲမျိုးစုံနှင့်ကြုံတွေ့နိုင်သလို အခန့်မသင့်လျှင် နောက်ပြန်လန်ကျနိုင်သည်အထိ စိုးရိမ်ဖွယ်ရာရှိသော လုပ်ငန်းစဉ်တစ်ခုပင် ဖြစ်သည်။ မြန်မာနိုင်ငံလိုနှစ်ပေါင်းများစွာ အာဏာရှင် အုပ်ချုပ်ရေးအောက် ရပ်တည်ရှင်သန်ခဲ့ရသော နိုင်ငံအတွက် ပြုပြင်ပြောင်းလဲရေးလုပ်ငန်းစဉ်များသည် အင်မတန်မှ ကျယ်ပြန့်ပြီး လုပ်ငန်းစဉ် တစ်ခုနှင့်တစ်ခုလည်း ချိတ်ဆက်နိုင်ဖို့ အဓိက လိုအပ်ပေလိမ့်မည်။ ပြီးခဲ့တဲ့အစိုးရလက်ထက်က ပြုပြင်ပြောင်းလဲမှုများကို ပြန်လည်လေ့လာသုံးသပ်ပြီး ချည်းကပ်ဆောင်ရွက်ရပေလိမ့်မည်။ ပထမဦးစွာ ထောက်ပြလိုသောအချက်မှာ အစိုးရစနစ်ဖောင်းပွခြင်း ပင်ဖြစ်ပေသည်။ ဖောင်းပွနေသည့် ဝန်ကြီးဦးစီးဌာနများနှင့် ဖွဲ့စည်းပုံများကို မိမိတို့ အစိုးရနှင့်ကိုက်ညီမည့် ပုံစံသို့ ဦးစွာပြောင်းလဲသင့်ပေသည်။ ဝန်ကြီးဌာနများကို(၃၈)ခု မှ (၂၁)ခု သို့လျော့ချဖွဲ့စည်းခဲ့သော်လည်း ဦးစီးဌာန၊ လုပ်ငန်းဌာနများကိုမူ လျော့ချခြင်း၊ ပေါင်းစပ်နိုင်ခဲ့ခြင်းမရှိပေ။ ယခင်အစိုးရ လက်ထက် သက်တမ်းကုန်ခါနီးမှ ထပ်မံတိုးချဲ့ဖွဲ့စည်းခဲ့သော အတွင်းဝန်ရုံးများသည်လည်း […]

ဆက်စပ်သတင်းများ