spot_img
Wednesday, November 30, 2022
spot_img

ကရင်နီ စစ်ရှောင်တွေ စားနပ်ရိက္ခာတွေကို မျှဝေစားသောက်နေရ

spot_imgspot_imgspot_imgspot_img

ကန္တာရဝတီတိုင်း(မ်)

ကရင်နီပြည် ဒီးမော့ဆိုမြို့နယ်က စစ်ရှောင်တွေဟာ အစားရေစာ တွေကို အချင်းချင်းမျှဝေစားသောက်နေရတယ်လို့ ဆိုပါတယ်။

“ဝင်ငွေရတဲ့ အလုပ်အကိုင်တွေ ကျမတို့ မလုပ်တတ်တော့ ကျမတို့ ရနိုင်တဲ့ ဆန်တွေ ပြန်လို့ရရင် ပြန်ယူစားတယ်။ ပြန်လို့ မရရင် ကျမတို့ မျှပြီး စားကြတယ်။ ပိုက်ဆံနည်းနည်းရှိရင်တော့ ဝယ်စားတယ်။ လိုက်ရောင်းတဲ့ သူတွေဆီက အဲ့လိုမျိုးပေါ့။ “ လို့ ဒီးမော့ဆို စစ်ရှောင်စခန်းတခုက ဒေါ် အိစ္စဘဲလ်လာက ပြောပါတယ်။

တိုက်ပွဲတွေကြောင့် စစ်ရှောင်နေရင်းကနေ အိမ်ပြန်ပြီး ရိက္ခာပြန်ယူတဲ့ ချိန်မှာ စစ်ကောင်စီတပ်တွေနဲ့ တိုးပြီး အသတ်ခံရတဲ့သူတွေလည်းရှိနေတယ်လို့ ဒေသခံတွေဆီကနေသိရပါတယ်။

လက်ရှိမှာ အလှူရှင်တွေက လာရောက်ဝေငှတဲ့ ရိက္ခာတွေကို အားထားနေရပြီး တချို့တွေကတော့ အိမ်ပြန်ယူလို့ရတဲ့သူတွေ ပြန်ယူနေကြဆဲဖြစ်တယ်လို့ ဆိုပါတယ်။

ကရင်နီလူ့အခွင့်အရေးအဖွဲ့ ဒါရိုက်တာ ဦးဗညားက “အခုက ကျနော်တို့ပြည်နယ်မှာဆိုရင် တော်တော်များများကို ဟိုနားတစ်စု ဒီနားတစ်စုတော်တော်ပြန့်ကျဲတော့ လမ်းပန်းဆက်သွယ်ရေးကလည်းသိပ်မကောင်း နောက် တစ်ချို့နေရာတွေလည်း ကျနော်တို့ကလည်းမသိ အဲဒီဟာကလေ ဆက်သွယ်ရေးအတွက် သယ်ယူပို့ဆောင်ရေးအတွက် အခက်ခဲဖြစ်တယ်။ နောက် ဓတ်ဆီကလည်း ဈေးတအားကြီးတယ်ပေါ့နော ခုဈေးတော်တော် ထောင်တက်သွားပြီပေါ့။ ပုံးဝါတစ်ပုံးကို ၅သောင်းဖြစ်သွားပြီလေနော။ အဲ့ဒါကြောင့်မလို့ ဒီဇယ်တွေ ဓတ်ဆီဈေးကလည်းတက် ရန်ပုံငွေကလည်းရှားလာ လူထုတွေကလည်းပြန့်ကျဲဆိုတော့ ကျနော်တို့စားနပ်ရိက္ခာတွေကော ဆေးဝါးကုသမှုအပါ အဲ့ဒီဟာက ရေရှည်အတွက်ဆိုရင် အန္တာရာယ်တအားရှိတယ်လို့ ကျနော်တို့သုံးသပ်ထားတာရှိပါတယ်” လို့ ပြောပါတယ်။

ကရင်နီပြည်နယ်မှာ လက်ရှိအချိန်အထိ တိုက်ပွဲတွေပြင်းထန်နေပြီး စစ်ကောင်စီက နယ်မြေစိုးမိုးမှုတွေပြုလုပ်လာနေပါတယ်။ စစ်ရှောင်တွေဟာလည်း ထပ်ဆင့် စစ်ဘေးရှောင်နေရပြီး ရေရှားပါးမှုဒဏ်ကိုလည်း ကြုံတွေ့လာနေရပါတယ်။

spot_imgspot_imgspot_imgspot_img

More from the blog

ဖရူဆိုမြို့နယ်တွင်းက စစ်ကောင်စီတပ်စခန်းနဲ့ ခြေကုပ်စခန်းတို့ကို KA၊ KNDF တို့သွားရောက်တိုက်ခိုက်

ကန္တာရဝတီတိုင်း( မ် ) ကရင်နီပြည် ဖရူဆိုမြို့တွင်းမှာရှိတဲ့ စစ်ကောင်စီတပ်စခန်းနဲ့ ခြေကုပ်စခန်းတို့ကို သွားရောက်တိုက်ခိုက်ခဲ့ပြီး စစ်ကောင်စီဘက်က ၄ဦးသေဆုံးခဲ့တယ်လို့ KNDF B-15 က ဒီကနေ့ နိုဝင်ဘာလ ၂၉ ရက်နေ့မှာ ထုတ်ပြန်ထားပါတယ်။ ပြီးခဲ့တဲ့ နိုဝင်ဘာလ ၂၅ ရက်နေ့မှာ ဖရူဆိုမြို့နယ်တွင်းမှာရှိတဲ့ စစ်ကောင်စီရဲ့ အမှတ် (၁၄)...

ဖရူဆိုဒေသရဲ့ ရွှေ့ပြောင်းတောင်ယာ စပါးစိုက်ပျိုးမှု ယခုနှစ် အထွက်နှုန်းတစ်ဝက်လျော့ကျ

ကန္တာရဝတီတိုင်း(မ်) ကရင်နီပြည် ဖရူဆိုမြို့မှာ နေထိုင်ကြတဲ့ လူထုတွေဟာ ရွေ့ပြောင်းတောင်ယာ စပါးစိုက်ပျိုးတာကို အဓိကထားလုပ်ကိုင်ကြပြီး ယခုနှစ်မှာဆိုရင် စိုက်ပျိုးချိန် မိုးမရွာတာ၊ အပင်မပေါက်တာ ၊ အပင်သေတာတွေ ကြောင့် စပါးအထွက်နှုန်း တစ်ဝက်လောက် လျော့ကျနေတယ်လို့ တောင်သူတွေက ဆိုကြပါတယ်။ ရွှေ့ပြောင်းတောင်ယာ ပြန်လည်လုပ်ကိုင်တာ ၂နှစ်ရှိပြီဖြစ်တဲ့ ဦးရီဖဲ ကလည်း ယခုနှစ်...

ဖရူဆိုမြို့ အဝင်အထွက် ကရင်နီပြည်အစိုးရ ယာယီပိတ်မည်

ကန္တာရဝတီတိုင်း( မ် ) ကရင်နီပြည် ဖရူဆိုမြို့တွင်း ဝင်ထွက်သွားလာတာတွေကို လုံးဝခွင့်မပြုဘဲ ယမန်နေ့ နိုဝင်ဘာလ ၂၈ ရက်နေ့ကစပြီး လုံခြုံရေးအရ ယာယီပိတ်လိုက်တယ်လို့ ကရင်နီပြည်အစိုးရ ပြည်ထဲရေးဝန်ကြီးဌာနလက်အောက်ရှိ ကေးလျားမြို့နယ်အုပ်ချုပ်ရေးက ယမန်နေ့(နိုဝင်ဘာလ ၂၈ ရက်)မှာ ထုတ်ပြန်ထားပါတယ်။ “အခြေအနေကြည့်မယ်။ အကယ်၍ အခြေအနေကောင်းတယ်။ ကျနော်တို့ လူထုတွေ အိမ်ပြန်ကြည့်ဖို့အတွက်...

ဒီးမော့ဆိုအရှေ့ဖက်ခြမ်းမှာ နိုဝင်ဘာလနောက်ဆုံးပတ်အတွင်း စစ်ကောင်စီက လက်နက်ကြီးနဲ့ ပစ်ခတ်မှု ဆက်တိုက်လုပ်ဆောင်နေ

ကန္တာရဝတီတိုင်း (မ်) ကရင်နီပြည် ဒီးမော့ဆို အရှေ့ဘက်ခြမ်းရှိ ကျေးရွာတွေကို စစ်ကောင်စီရဲ့ အခြေစိုက်တပ်တွေက နိုဝင်ဘာလ ၂၃ ရက်နေ့က စတင်ပြီး လက်နက်ကြီးတွေနဲ့ နေ့ရောညပါ ဆက်တိုက် ပစ်ခတ်မှု လုပ်ဆေင် နေတယ်လို့ ဒေသခံတွေက ပြောပါတယ်။ တိုက်ပွဲဖြစ်ပွားမှုမရှိပဲ စစ်ကောင်စီက လက်နက်ကြီးတွေနဲ့ ဆက်တိုက်ပစ်ခတ်လာတဲ့အတွက် ကျေးရွာတွေထဲကျပြီး အရပ်သားထိခိုက်တာတွေ၊...