spot_img
Tuesday, January 31, 2023
spot_img

ကိုဗစ်မဖြစ်ပွားရေး ကြိုတင်ကာကွယ်တဲ့အနေဖြင့် ကျေးရွာအချို့တွေမှာ ကိုဗစ် စစ်ဆေးရေးဂိတ် ပြုလုပ်ထား

spot_imgspot_imgspot_imgspot_img
ဓါတ်ပုံ – CJ

ကန္တာရဝတီတိုင်း(မ်)

ကိုဗစ်ရောဂါမဖြစ်ပွားရေး ကြိုတင်ကာကွယ်တဲ့အနေနဲ့ ဒီမော့ဆိုမြို့နယ် အနောက်ဖက်ခြမ်း ကျေးရွာအချို့တွေမှာ ကိုဗစ်စစ်ဆေးရေးဂိတ်တွေ ပြုလုပ်ထားတယ်လို့ ဒေသခံတွေက ပြောပါတယ်။

“ကျနော်တို့ စစ်ဆေးရေးဂိတ်ချထားတယ်။ စစ်ဆေးရေးဂိတ်မှာလည်း mask တို့၊ လက်သန့်ဆေးရည်တို့ ထားထားတယ်ပေါ့နော်။ ပြီးတော့ အပူချိန်တိုင်းကိရိယာလည်း ထားထားတယ်ပေါ့နော် အဲ့လိုမျိုး ကာကွယ်ထားတယ်။” လို့ ဒေသခံတစ်ဦးက ပြောပါတယ်။

ဒေသခံအစီအစဉ်နဲ့ တစ်နိုင်တစ်ပိုင်ဆောင်ရွက်ထားတာဖြစ်ပြီး ကိုဗစ်မဖြစ်ပွားရေး ကြိုတင်ကာကွယ်တဲ့အနေနဲ့ လုံခြုံရေးဂိတ်ထားတာဖြစ်သလို Mask မဖြစ်မနေတပ်ဆင်ဖို့၊ လက်သန့်ဆေးရည်သုံးဖို့ အသိပညာပေးတာတွေ အပူချိန်တိုင်းတာ တာတွေကို ဆောင်ရွက်ပေးတယ်လို့ သိရပါတယ်။

ကျေးရွာအတွင်း ပုံမှန်ထက် လူဝင်လူထွက်များနေပြီး ရွာသူရွာသားတွေနဲ့ စစ်ရှောင်ပြည်သူတွေအတွက် လုံခြုံရေးဆိုင်ရာနဲ့ပတ်သက်ပြီး စိုးရိမ်ရသလို လက်ရှိ ဖြစ်ပွားနေတဲ့ ကိုဗစ်ရောဂါကြောင့်လည်း များစွာစိုးရိမ်ပူပန်မှုရှိတယ်လို့ ဒေသခံတွေက ပြောဆိုကြပါတယ်။

“စိုးရိမ်စရာအများကြီးရှိတယ်ပေါ့နော ဒုက္ခသည်တွေ အရမ်းများတယ်ဆိုတော့ စိုးရိမ်စရာတွေအများကြီးရှိတယ်။ သူစိမ်းတွေဆိုရင် ကျတော်တို့ သေသေချာချာစစ်ဆေးပြီးတော့မှ ရွာထဲကိုဝင်ခိုင်းတယ် အပူချိန်ရှိမရှိပေါ့ တိုင်းပြီးမှ လက်ဆေးခိုင်းတယ်။ Maskမပါရင် Maskတပ်ခိုင်းတယ်ပေါ့ ရွာအတွက်တော့ အရမ်းစိုးရိမ်ပါတယ်။” လို့ အဆိုပါဒေသခံက ဆက်ပြောပါတယ်။

လက်ရှိဖြစ်ပွားနေတဲ့ ကိုဗစ်တတိယလှိုင်းမှာ ကရင်နီပြည်နယ်အတွင်း ကိုဗစ်ကြိုတင်ကာကွယ်မှုနဲ့ ပတ်သက်ပြီး အသိပညာပေးလုပ်ရှားမှုတွေ ကျယ်ကျယ်ပြန့်ပြန့်မရှိတာကြောင့် ပြည်သူလူထုကသာ မိမိကိုယ်ကို ကာကွယ်ရမှာဖြစ်တယ်လို့ လွိုင်ကော်မြို့နေ ဒေသခံတစ်ဦးက ပြောပါတယ်။

“ အခုလက်ရှိပေါ့နော ကျမတို့ပြည်နယ်မှာ ကိုဗစ်၁၉ကာကွယ်တာနဲ့ပတ်သက်ပြီးတော့မှ အသိပညာပေးလုပ်ရှားနေတဲ့အဖွဲ့ မရှိဘူးပေါ့နော လူထုအနေနဲ့ကတော့ ကိုဗစ်ရောဂါမဖြစ်ပွားအောင် ကိုယ့်ကိုယ်ကိုယ်တိုင်ပဲ ကာကွယ်ရမှာဖြစ်တယ်ပေါ့။ တတ်နိုင်သမျှ အပြင်မထွက်ဖို့ လူထူထပ်တဲ့နေရာမသွားဖို့လိုတယ်ပေါ့နော။ မဖြစ်မနေ သွားရမယ်ဆိုရင်တောင်မှ Maskတွေတပ်ဖို့ပေါ့နော လက်သန့်ဆေးရည် သုံးပေးဖို့ပေါ့နောလိုတယ်။” လို့ အဆိုပါ ဒေသခံက ပြောပါတယ်။

ကရင်နီပြည်တွင်းမှာ ကိုဗစ်ဖြစ်ပွားမှု တတိယလှိုင်းအတွင်း ဇူလိုင်လ ၆ရက်နေ့အထိ ကိုဗစ်ပိုးတွေ့ရှိသူ ၆ ဦးရှိနေပြီဖြစ်တာကြောင့် မိဘပြည်သူများအားလုံး မိမိကစ၍ ကာကွယ်ကြဖို့ ပြည်နယ်ကျန်းမာရေး တာဝန်ရှိသူတွေကလည်း တိုက်တွန်းထားပါတယ်။

စစ်ကောင်စီ ကျန်းမာရေးဝန်ကြီးဌာနမှ ဇူလိုင်လ ၅ရက်နေ့အထိ ထုတ်ပြန်ချက်အရ ကိုဗစ်၁၉ ဓတ်ခွဲအတည်ပြုလူနာ ၁၆၈၃၇၄ ဦး ရှိနေပြီး ကိုဗစ်ရောဂါဖြင့် သေဆုံးသူ စုစုပေါင်း ၃၄၆၁ ဦး ရှိနေပြီလို့ သတင်းထုတ်ပြန်ထားပါတယ်။

spot_imgspot_imgspot_imgspot_img

More from the blog

ယခင်နှစ်ထက် ဈေးတစ်ဆနီးပါးရတဲ့ ကယန်းဒေသထွက် ငရုတ်သီး

ခွန်းကလိုင်းဖရီး (ကန္တာရဝတီတိုင်း(မ်)) ကယန်းဒေသကထွက်ရှိတဲ့ ငရုတ်သီးတွေကို ပွဲစားတွေက ယခင်နှစ်ကထက် ဈေးတဆ လောက်ပိုပေးဝယ်နေတာကြောင့် ဈေးကောင်းရနေတယ်လို့ ငရုတ်စိုက်တောင်သူတွေက ပြောဆိုကြပါတယ်။ ငရုတ်သီးဈေးကောင်းရတဲ့အပေါ် အလယ်ကယန်းဒေသက ငရုတ်စိုက်တောင်သူ စခွန်းကြီးမောင်က "အရင်တစ်နှစ်က ဈေးနှုန်းက ရှစ်ထောင် ၊ တစ်သောင်း ဘားဆုံးပဲ။ ဒီတစ်နှစ်ကတော့ တစ်သောင်းရှစ်ထောင် များတယ်။ တစ်သောင်းကိုးထောင်၊ နှစ်သောင်းကတော့...

ဒေသခံတစ်ဦး လက်နက်ကြီး ထိမှန်ပြီး သေဆုံး

ကန္တာရဝတီ တိုင်း(မ်) ယမန်နေ့ ဇန်နဝါရီလ ၂၉ ရက်နေ့က ကရင်နီပြည် ဒီးမော့ဆိုမြို့နယ် အရှေ့ဘက်ခြမ်းမှာ အကြမ်းဘက်စစ်ကောင်စီရဲ့ လက်နက်ကြီး ပစ်ခတ်မှုကြောင့် ဒေသခံတစ်ဦး ထိမှန် သေဆုံးသွားခဲ့ပါတယ်။ လက်နက်ကြီးဟာ မနက်ပိုင်း ၉ နာရီခွဲ ဝန်းကျင်လောက်က ကျလာတာဖြစ်ပြီး နေအိမ်မျာ ပစ္စည်းပြန်ယူတဲ့ အသက် ၂၇ နှစ်အရွယ်...

စစ်ရှောင်လူဦးရေ ထပ်မံတိုးလာတာကြောင့် ရေအခက်အခဲကြုံတွေ့နေရ

ကန္တာရဝတီတိုင်း(မ်) ကရင်နီပြည် ဒီးမော့ဆိုအရှေ့ဘက်ခြမ်းမှာ ၂၀၂၃ခုနှစ် ဇန်နဝါရီလ နောက်ဆုံးပတ်လောက်ကစပြီး လူဦးရေ သုံးထောင်ငါးရာ ဝန်းကျင်လောက်ဟာ ထပ်ဆင့်ထွက်ပြေးတိမ်းရှောင်ရတဲ့အတွက် လက်ရှိမှာ ရေရှားပါးမှုပြသာနာနဲ့ ကြုံတွေ့နေကြရပါတယ်။ ယခင်ရှိပြီးသား စစ်ရှောင်စခန်းအများစုမှာလည်း ရေကိုမျှဝေသုံးစွဲနေကြရပြီး ယခုလို စစ်ရှောင်လူဦးရေ ထပ်မံတိုးပွားလာတာကြောင့် ရေရှည်မှာ ခက်ခဲလာနိုင်တယ်လို့ ကရင်နီလူ့အခွင့်အရေးအဖွဲ့မှ ဒါရိုက်တာ ဆရာဗညားက ပြောပါတယ်။ "အခုလောလောဆယ် ရှောင်တဲ့နေရာတွေ...

တိုက်ပွဲကြောင့် ထပ်ဆင့်ပြောင်းရွှေ့ရတဲ့ IDPs များ စားနပ်ရိက္ခာ အခက်အခဲ တွေနဲ့ ကြုံတွေ့နေရ

ကန္တာရဝတီ တိုင်း(မ်) ကရင်နီပြည် ဒီးမော့ဆို အရှေ့ဘက်ခြမ်းကို စစ်ကြောင်းထိုးလာတဲ့ စစ်ကောင်စီတပ်နဲ့ ဒေသခံ ပြည်သူ့ကာကွယ်ရေး တပ်ဖွဲ့တို့ ဇန်နဝါရီလ ၂၂ ရက်နေ့စ တိုက်ပွဲ ပြင်းထန်နေပြီး စစ်ရှောင်စခန်းအတွင်း လက်နက်ကြီးများ ကျရောက်ပေါက်ကွဲ ထိခိုက်မှုတွေကြောင့် IDPs စစ်ရှောင်စခန်း (၃)ခု ထပ်မံပြောင်းရွေ့ခဲ့ကြရပါတယ်။ ဇန်နဝါရီလ ၂၃ ရက်နေ့လောက်က...