spot_img
Sunday, February 5, 2023
spot_img

ကုန်စျေးနှုန်းမြင့်တက်နေတဲ့အတွက် ဖားဆောင်းမြို့နယ်က ဒေသခံတွေ စားဝတ်နေရေး အခက်ကြုံ

spot_imgspot_imgspot_imgspot_img

ကန္တာရဝတီတိုင်း ( မ် )

ကရင်နီပြည် ဖားဆောင်းမြို့နယ်မှာ အခြေခံစားသောက်ကုန်စျေးနှုန်းတွေ မြင့်တက်နေပြီး ဒေသခံတွေ စားဝတ်နေရေးအတွက် အခက်အခဲ ကြုံတွေ့နေရတယ်လို့ ပြောပါတယ်။

“စျေးမြင့်တယ်ကော။ ဆိုင်တွေလည်း စျေးမြင့်၊ ဆန်တွေလည်း စျေးမြင့် စားမလောက်ဘူး။ ငွေနှစ်သိန်းသုံးသိန်းက ဘားမတွေ့ဘူး။ အရင်တုန်းက တစ်ပိဿဝယ်နိုင်တယ်။ အခု မဝယ်နိုင်တော့ဘူး။ အစိတ်သား၊ ငါးဆယ်သား အများဆုံး။ အဲ့လိုမျိုး ရှာစား၊ ဖွေစားလည်း ခက်၊ အရောင်းအဝယ် ကိုယ်ထွက်တဲ့ဟာက စျေးပေါ သူများလာတဲ့ဟာက စျေးကြီး။ ငါးတောင်မှ တစ်ပိဿတစ်သောင်းတဲ့” လို့ ဖားဆောင်းမြို့နယ် ဒေသခံအမျိုးသမီးတစ်ဦးက ပြောပါတယ်။

အခုလို ကုန်စျေးနှုန်းမြင့်တက်တာဟာ ကိုဗစ်ဖြစ်ချိန်က စတင်တာဖြစ်ပြီး အာဏာသိမ်းပြီးနောက်မှာလည်း စျေးနှုန်းက ပိုမိုမြင့်တက်လာပါတယ်။
ယခင်က သုံးသောင်းတန် ဆန်တစ်အိတ်ကို လက်ရှိမှာ ငါးသောင်းအထိ ပေးဝယ်နေရတာတယ်လို့ သိရပါတယ်။

ဖားဆောင်းမြို့နယ်က ဒေသခံအပါအဝင် ကရင်နီပြည်က လူထုအများစုဟာ တောင်ယာလုပ်ငန်းဖြင့်သာ အသက်မွေးဝမ်းကျောင်း ပြုနေကြရတာပါ။ တောင်ယာတွေကနေ ရတဲ့ဝင်ငွေနဲ့ နေ့စဉ်စားဝတ်နေရေးကို ဖြေရှင်းနေကြရပါတယ်။

အခုလို နိုင်ငံရေးအကျပ်အတည်းကာလမှာ တောင်ယာ၊ လယ်ယာတွေ သွားရောက်လုပ်ကိုင်ဖို့အတွက် စိုးရိမ်ကြောက်ရွံ့နေရတယ်လို့ ဒေသခံအမျိုးသမီး တစ်ဦးက ပြောပါတယ်။

“အခက်အခဲတော့ အမြဲတမ်းပဲရှိတယ်။ ကြောက်လည်းကြောက် ဘယ်မှလည်း မသွားရဲ ကြောက်လည်း ကြောက်တယ်ကော။ အိမ်မှာပဲနေပြီးရှာစား ငတ်ပြတ်လည်း ငတ်တာပေါ့။ ငတ်တဲ့အခါလည်း ငတ်တာပေါ့။ ဘယ်တတ်နိုင်မှာတုန်း သွားမှမရ လာလည်း မရပဲကော” လို့ ဒေသခံအမျိုးသမီးတစ်ဦးက ပြောပါတယ်။

ကရင်နီပြည်မှာ စစ်အာဏာသိမ်းပြီးနောက်ပိုင်း လွိုင်ကော်၊ ဒီးမော့ဆို၊ ဖရူဆို၊ ဖယ်ခုံ၊ မိုးဗြဲ စတဲ့မြို့တွေက ဒေသခံတွေ တိုက်ပွဲဖြစ်ပွားပြီး စစ်ဘေးရှောင်နေရပေမယ့် ဖားဆောင်းမြို့ပေါ်တွေမှာတော့ တိုက်ပွဲဖြစ်ပွားခြင်း မရှိသေးပါဘူး။

သို့ပေမယ့်လည်း စစ်တပ်အာဏာသိမ်းမှုရဲ့ အကျိုးဆက်ကြောင့် ဖားဆောင်းမြို့ပေါ်က ဒေသခံတွေအပြင် ကရင်နီလူထုတွေဟာ စားဝတ်နေရေး အကြပ်အတည်း ကြုံတွေ့ခံစားနေကြရပါတယ်။

spot_imgspot_imgspot_imgspot_img

More from the blog

လွိုင်ကော်တိုက်ပွဲအတွင်း စစ်ကောင်စီ (၁၅)ဦး ထက်မနည်းသေဆုံး၊ လက်နက်ကြီးပစ်ခတ်မှုကြောင့် ဘုရားကျောင်းအပါအဝင် နေအိမ်ပျက်စီးမှုရှိ

ကန္တာရဝတီတိုင်း(မ်) ကရင်နီပြည် လွိုင်ကော်မြို့နယ်တစ်နေရာမှာ ယမန်နေ့ (ဖေဖော်ဝါရီ ၄ရက်) ည အချိန် စစ်ကောင်စီတပ်နဲ့ ကရင်နီဒေသခံကာကွယ်ရေးပူးပေါင်းတပ်တို့ တိုက်ပွဲပြင်းထန်ခဲ့ပြီး နှစ်ဖက်ထိခိုက်ကျဆုံးမှုရှိခဲ့တယ်လို့ ကရင်နီတပ်မတော် စစ်ရေးချုပ် ဗိုလ်မှူးကြီး ဘုန်းနိုင် ကပြောပါတယ်။ “ ရန်သူဖက် ၁၅ယောက်သေတယ်လို့ ပြောတယ်။ ကျနော်တို့ဖက် KNDFက တစ်ယောက် ဒဏ်ရာရတယ်။ PDFဖက်က...

မိုးဗြဲစျေးမှာ အမျိုးသားတစ်ဦး သေနတ်ပစ်ခတ်ခံရ၊ ဈေးပိတ်သိမ်းခဲ့

ကန္တာရဝတီတိုင်း( မ် ) ဒီကနေ့ ဖေဖော်ဝါရီလ ၄ ရက်နေ့ နေ့ လည် ၁၂ နာရီ ဝန်းကျင်အချိန်မှာ ရှမ်း- ကရင်နီနယ်စပ် မိုးဗြဲမြို့ စျေးထဲ အမျိုးသားတစ်ဦး သေနတ်နဲ့ ပစ်ခတ်ခံရတယ်လို့ မျက်မြင်ဒေသခံတွေဆီကနေ သိရပါတယ်။ “စျေးထဲမှာ လူတစ်ယောက် သေနတ်နဲ့ ပစ်ခံရတယ်လေ။ နောက်ကျနော်ကြည့်တဲ့အခါတော့...

လွိုင်ကော်အရှေ့ဘက်ခြမ်းရှိ စစ်ရှောင်ဆေးခန်းတစ်ခု လေကြောင်းတိုက်ခိုက်ခံရ

ကန္တာရဝတီတိုင်း( မ် ) ယမန်နေ့ (ဖေဖော်ဝါရီလ ၃ရက်) က ကရင်နီပြည် လွိုင်ကော်မြို့ အရှေ့ဘက်ခြမ်းမှာ တိုက်ပွဲဖြစ်ပွားခြင်းမရှိဘဲ လေကြောင်းနဲ့ ဗုံးကျဲတိုက်ခိုက်ခံရမှုကြောင့် စစ်ဘေးရှောင်ဆေးခန်းတစ်ခု မီးလောင်ပျက်စီးသွားတယ်လို့ ကရင်နီပြည်ထဲရေးဝန်ကြီးဌာနမှ ပြည်ထဲရေးဝန်ကြီး ခူညေးရယ်က ပြောပါတယ်။ “ မနေ့ည ၆နာရီ ခွဲပေါ့ အဲ့မှာ လေယာဉ်တစ်စင်းနဲ့ လာပစ်တယ်။...

ကရင်နီပြည်မှာ ဇန်နဝါရီလ တစ်လအတွင်း တိုက်ပွဲ (၃၆)ကြိမ်ဖြစ်ပွားခဲ့ပြီး နှစ်ဖက်ထိခိုက်ကျဆုံးမှုရှိခဲ့

ကန္တာရဝတီတိုင်း(မ်) ကရင်နီပြည်မှာ ဇန်နဝါရီတစ်လအတွင်း စစ်ကောင်စီတပ်နဲ့ ထိတွေ့တိုက်ပွဲပေါင်း (၃၆)ကြိမ်ဖြစ်ပွားခဲ့ပြီး စစ်ကော်စီဖက် (၂၂)ဦး သေဆုံးခဲ့သလို KNDFမှရဲဘော် ၅ဦး ကျဆုံးခဲ့တယ်လို့ ကရင်နီအမျိုးသားများကာကွယ်ရေးတပ် (KNDF)က ဒီကနေ့ (ဖေဖော်ဝါရီ ၃ရက်နေ့ ) မှာ သတင်းထုတ်ပြန်ပါတယ်။ တိုက်ပွဲအတွင်း နှစ်ဖက်အကျအဆုံးရှိခဲ့သလို လက်ရှိအချိန်ထိ ဒီးမော့ဆိုအရှေ့ဖက်ခြမ်းမှာ ဇန်နဝါရီလ ဒုတိယအပတ်ကတည်းက...