စစ်တပ်နှင့် KNPP အကြား တင်းမာမှု ငြိမ်းချမ်းစွာဖြေရှင်းရန် အရပ်ဘက် အဖွဲ့အစည်းများတောင်းဆို

ကန္တာရဝတီတိုင်း(မ်)

ကယားပြည်နယ်၊ ဖရူဆိုမြို့၊ ကေးလျားကျေးရွာအုပ်စု၊ ဒေါတကလဲ့ကျေးရွာ တောင်ဖက်(၁)မိုင်အကွာရှိ ထျို့တဲ့ဆို တောင်ပေါ်တွင် KNPP တပ်မတော်မှ ယာယီနားနေတဲများ လာရောက်ဆောက်လုပ်နေစဉ် အတောအတွင်း စစ်တပ်နှင့် KNPP တို့အကြား စစ်ရေးတင်းမာမှုများ ဖြစ်ပေါ်ခဲ့သည်။

စစ်ရေးတင်းမာမှုများကြောင်း ဒေသနေပြည်သူများမှ စိုးရိမ်ပူပန်နေကြခြင်းဖြစ်ကာ အဆိုပါ နှစ်ဖက်ကြားအပြုအမှုများသည် လက်ရှိဖေါ်ဆောင်နေသော ငြိမ်းချမ်းရေးကို ထိခိုက်လာစေနိုင်ကြောင်း ကယားပြည်နယ်ငြိမ်းချမ်းရေးလေ့လာစောင့်ကြည့်ရေးကွန်ယက်နှင့် အရပ်ဘက်အဖွဲ့အစည်း ၂ဝ ကျော်က ဩဂုတ်လ ၂၄ ရက်စွဲပါ အစီခံစာဖြင့် ဝေဖန်ထောက်ပြလိုက်ခြင်း ဖြစ်သည်။

ဩဂုတ်လ ၁၅ ရက်နေမှစ၍ KNPP တပ်မတော်မှ အဆိုပါ တဲများကို ဆောက်လုပ်ခဲ့ခြင်းဖြစ်ကာ စစ်တပ်မှ ကန့်ကွက်ခဲ့ကာ ယင်းကိစ္စနှင့် ပတ်သက်၍ KNPP နှင့် အစိုးရစစ်တပ်အကြား အပြန်အလှန် တင်းမာမှုများ ဖြစ်ပွားခဲ့ကြောင်း သိရသည်။

ဩဂုတ်လ ၁၈ ရက်နေ့တွင် တဲများကို ဖြုတ်သိမ်းခဲ့သော်လည်း အလားတူတင်းမာမှုများ ဖြစ်ပေါ်လာနိုင်သော အခြေအနေများကို ဒေသခံများမှ စိုးရိမ်နေကြပြီး အဆိုပါ နေရာများသို့ မည်သည့်လက်နက်ကိုင်တပ်ဖွဲ့ကိုမှ လာရောက်အခြေချခြင်းများ မပြုလုပ်ရန်လည်း ဒေသခံများက လိုလားနေကြကြောင်း အစီရင်ခံစာက ဆိုထားသည်။

နောက်နောင် အလားတူဖြစ်ရပ်များ မဖြစ်ပွားစေရန်အတွက် အဆိုပါနေရာများ၌ တပ်စခန်းနှင့် တဲများ ဆောက်လုပ်ခြင်းမပြုရန်နှင့် ကျေးရွာစိုက်ခင်းများဖြစ်သာ ပြုလုပ်စေလိုကြောင်း အစီရင်ခံစာက တောင်းဆိုထားသည်။

ထို့အပြင် ကယားပြည်နယ်၏ တည်ငြိမ်အေးချမ်းရေးနှင့် ဖွံ့ဖြိုးရေးကို ရှေ့ရှု၍ အစိုးရနှင့် KNPP တို့အကြား သဘောတူချုပ်ဆိုထားသော အပစ်အခက်ရပ်စဲရေးစာချုပ်ကိုလည်း လေးစားလိုက်နာရန်နှင့် ညှိနှိုင်းအဖြေရှာခြင်းနည်းလမ်းကိုသာ အသုံးပြုဆောင်ရွက်ရန် အစီရင်ခံစာက အကြုံပြုထားသည်။

Comments

comments

Next Post

အိမ်မက်ထဲက နယ်စပ်မြို့လေးဆီကို လက်တွေ့ခရီးစဉ်တစ်ခေါက်

Sat Aug 26 , 2017
မူအက်စတာ  အေးချမ်းလှတဲ့မနက်ခင်းလေးမှာ ကောင်းကင်ယံတစ်ခွင်လုံး အုံ့မိုင်းနေပြီး မိုးစက်လေးတွေက နေအိမ်ရဲ့သွပ်မိုးအဖျားကကို တစ်စက်ပြီးတစ်စက် စည်းချက်ညီညီနဲ့ ခုန်ဆင်းနေပါတယ်။ ဒီလိုမနက်ခင်းလေး မျိုးတွေမှာ စောင်အောက်မှာဘဲကွေးလို့ကောင်းတဲ့အချိန်ပေါ့။ ဒါပေမယ့် စောင်အောက်မှာ ဆက်ပြီးကွေးနေချင်ပေမယ့် လက်ပတ်နာရီလေးကို တစ်ချက် ကြည့်လိုက်တယ် အချိန်က နံနက်(၀၆းဝ၀)၊ ဩ.. ကယားပြည်နယ်အရှေ့တောင်ဖက်စွန်း၊ ထိုင်းနိုင်ငံနဲ့ နယ်နိမိတ်ချင်းထိစပ်နေတဲ့ နယ်စပ်မြို့လေးမယ်စဲ့ကို ခရီးသွားရမယ်လို့ အသိစိတ်ကဝင်လာတော့ ခရီးသွားဖို့ ပြင်ဆင်လိုက်ပါတယ်။ မိုးဖွဲလေးတွေက မြေပြင်တစ်ခွင်က ချိုင့်ခွက်လေးတွေမှာ နေရာယူကြပြီး အချို့ကတော့ သစ်ရွက်လေး တွေပေါ်ကတစ်ဆင့် မြေပြင်ပေါ်ကို ဆင်းသက်လာကြတယ်။ မြောက်ဖက်ကလေတွေလည်း အရပ်ရပ်က တိမ်စိုင်တွေကို အလျင်အမြန်ပင့်ဆောင်လာနေတာကိုလည်း တွေ့မြင်နေရတယ်။ ဒီရာသီအချိန်အခါမျိုးမှာ သစ်ပင်၊ ပန်းမာလ်တွေအကောင်းဆုံး ရှင်သန်ကြီးထွားဖို့အတွက် လုံလောက်တဲ့ ပြင်ဆင်ချိန်လည်းဖြစ်ပါတယ်။ အိမ်ဘေးပတ်လည်မှာတော့ […]