Tuesday, January 18, 2022

စစ်ရှောင်စခန်းတွေမှာ ကိုဗစ်တွေ့ရှိမှု ပိုများလာ

စစ်ရှောင်တနေရာတွင် Covid – 19 စစ်ဆေးနေစဉ် (ဓါတ်ပုံ –  CJ)

ကန္တာရဝတီတိုင်း(မ်)

ကရင်နီပြည်နယ်မှာ တိုက်ပွဲကြောင့် စစ်ဘေးရှောင်တွေ တိုးလာနေသလို စစ်ရှောင်ကြားမှာလည်း ကိုဗစ်တွေ့ရှိမှု တစ်နေ့ထက်တစ်နေ့ များလာနေပါတယ်။ လက်ရှိမှာဆိုရင် ဒီးမော့ဆို အရှေ့ဖက်ခြမ်းနဲ့ လွိုင်ကော်အရှေ့ဖက်ခြမ်း စစ်ရှောင်စခန်းတွေမှာ အဓိက တွေ့ရှိနေတာ ဖြစ်ပါတယ်။

လွိုင်ကော်အရှေ့ဖက်ခြမ်းမှာဆိုရင် စစ်ရှောင်စခန်းနှစ်ခုလောက်မှာ ကိုဗစ်တွေ့ရှိနေပါတယ်။ ဒီးမော့ဆိုအရှေ့ဖက်ခြမ်းမှာဆိုရင်တော့ စစ်ရှောင်စခန်းတွေအပြင် ကျေးရွာတွေ တော်တော်များများမှာလည်း ကိုဗစ်တွေ့ရှိတာတွေရှိတယ်လို့ ဒီးမော့ဆိုအရှေ့ဖက်ခြမ်းမှာ ကူညီဆောင်ရွက်ပေးနေတဲ့ နွေဦးဂရုလေးများ ကိုဗစ်စင်တာက တာဝန်ခံတစ်ဦးက ပြောပါတယ်။

ဒီအရှေ့ဖက် တစ်ကြောအတော်များများကတော့ အကုန်လုံး ဖြစ်တယ်လို့ပဲ ပြောရမယ်။ ပါဒေါဒူကနေစပြီး ဒေါတမကြီး၊ ဒေါညေးခူ အဲ့ဖက်ခြမ်းအထိ ကျနော်တို့ တွေ့နေရတယ်။ လို့ ပြောပါတယ်။

ကလေးရော၊ လူကြီးတွေပါ ကိုဗစ်တွေ့ရှိနေတာဖြစ်ပြီး များသောအားဖြင့် လူငယ်ပိုင်းတွေမှာ တွေ့ရှိမှုပိုများတယ်လို့ သိရပါတယ်။ ကိုဗစ်တွေ့ရှိတဲ့ လူနာတွေမှာ ပြင်းထန်လူနာ သက်ကြီးရွယ်အို တစ်ဦး၊ နှစ်ဦး လောက်ရှိပေမယ့် ကျန်လူနာတွေတော့ ခြေနေစိုးရိမ်ရတာတွေ မရှိဘူးလို့ သိရပါတယ်။

စစ်ရှောင်တွေမှာ တွေ့ရှိတဲ့ ကိုဗစ်လူနာတွေကိုတော့ သီးသန့်အဆောက်အဦး ထားရှိထားတာ ဖြစ်ပါတယ်။ လက်ရှိ နိုင်ငံရေးခြေနေကြောင့်လည်း ဆေးဝါးသယ်သူတဲ့နေရာတွေ၊ အောက်ဆီဂျင်ဖြည့်ရတဲ့ နေရာတွေမှာ အခက်အခဲတွေ ရှိနေတယ်လို့သိရပါတယ်။

ဒီးမော့ဆို အရှေ့ဖက်ခြမ်းမှာ ကူညီဆောင်ရွက်ပေးနေတဲ့ နွေဦး ဂရုလေးများ ကိုဗစ်စင်တာက တာဝန်ခံတစ်ဦးကလည်း ဆေးဝါးလုံလောက်မှုမရှိဘူးလို့ အခုလို ပြောပါတယ်။

လုံလောက်မှုရှိလားဆိုရင် ကျနော်တို့ မလုံလောက်သေးဘူးလို့ပဲ ပြောရမယ်။ ကျနော်တို့မှာ ရှိတဲ့ဟာနဲ့။ အစကတော့ ဒီးမော့ဆိုအရှေ့ဖက် ခြမ်းကိုပဲ ကျနော်တို့ coverဖြစ်တယ်ဆိုပြီး လုပ်ထားတာ။ ဒါပေမယ့် ကျနော်တို့မှာ ဘာဖြစ်လဲဆို ဒီးမော့ဆို အနောက်ဖက်ခြမ်းတို့ သေးဆူလဲတို့ လိုဘာခိုတို့ အဲ့ဖက်ခြမ်းတွေမှာ ကျနော်တို့ ဆေးဝါး တွေပို့ရတယ်။ အဲ့ဖက်ခြမ်းကို ရှိတဲ့ဟာမျှပို့ရတဲ့အတွက် ပြီး လူနာလည်း ထပ်တိုးလာတဲ့အတွက်။

ဒီးမော့ဆို အရှေ့ဖက်ခြမ်းမှာဆိုရင် နွေဦး ဂရုလေးများ ကိုဗစ်စင်တာမှာ ကုသနေတဲ့ ကိုဗစ်လူနာ ၁၄၅ဦးရှိပြီး လူနာတွေကို သီးသန့်ထားရှိထားတာဖြစ်ပါတယ်။ ကျေးရွာအတွင်းတွေ့ရှိတဲ့ ကိုဗစ်လူနာတွေလည်း ရှိတယ်လို့ သိရပါတယ်။

လွိုင်ကော်အရှေ့ဖက်ခြမ်းက ကိုဗစ်တွေ့ရှိတဲ့ စစ်ရှောင်စခန်းတစ်ခုမှာဆိုရင် မိသားစုအလိုက် ကိုဗစ်တွေ့တာတွေရှိပြီး ကိုဗစ်လူနာတွေအတွက် အာဟာရလိုအပ်နေတယ်လို့ စစ်ရှောင်ကူညီပေးနေတဲ့သူတစ်ဦးက ဆိုပါတယ်။

လောလောဆယ်ကတော့ သူတို့အိမ်မှာရှိတဲ့ ကြက်တွေ ဘာတွေဖမ်းတာလည်း ကုန်ပြီဆိုတော့ ဟင်းချက်စရာတွေပဲ ပြောပြီးတော့မှ ဒီအာဟာရရှိတဲ့ အစားအစာပေါ့နော။ ကြက်ဥတွေ ဘာတွေလည်း မရှိဘူး။သူတို့အတွက် အရမ်းလိုအပ်တယ်ပေါ့နော။အဓိက ကိုဗစ်လူနာတစ်ယောက်က အဓိက အားရှိဖို့ လိုတယ်ပေါ့နော။ခုခံအားမရှိရင် အဆင်မပြေတော့ ဒီအတွက် အများကြီးလိုအပ်တယ်ပေါနော။ဒီလူတွေအတွက်ကတော့ လောလောဆယ်ကတော့ ဘားမရှိဘူး။ သူတို့ ဖြစ်သလိုပဲ ရက်တိုင်း ချက်စားနေကြတယ်ပေါ့နော။တကယ်လို့ လှူမယ့်လူရှိရင်တော့ အာဟာရရှိတဲ့ အစားစာတွေ ဘာတွေ လာပြီးတော့ လှူပေးဖို့လည်း တပါတည်းတောင်းဆိုချင်တယ်ပေါ့နော။

လွိုင်ကော်အရှေ့ဖက်ခြမ်းက စစ်ရှောင်စခန်းတစ်ခုမှာလည်း စက်တင်ဘာ(၂၈)ရက်ကစပြီး ကိုဗစ်တွေ့ရှိခဲ့ပြီး အောက်တိုဘာ ၃ ရက်နေ့အထိ ကိုဗစ်လူနာ ၁၀၀ ဦးထိ တွေ့ရှိနေပြီလို့ သိရပါတယ်။

More from the blog

လွိုင်ကော်ပြည်သူ့ဆေးရုံကြီးမှ ကျန်းမာရေးဝန်ထမ်းနဲ့ လူနာများကို တောင်ကြီးကိုရွေ့ပြောင်း

ကန္တာရဝတီတိုင်း(မ်) ကရင်နီပြည်နယ်၊ လွိုင်ကော်မြို့ရှိ ကုတင်(၅၀၀)ဆန့် လွိုင်ကော်ပြည်သူ့ဆေးရုံကြီးမှ ကျန်းမာရေးဝန်ထမ်းနဲ့ လူနာတွေ ဇန်နဝါရီလ ၁၅ ရက်နေ့မှာ တောင်ကြီးမြို့ကို ရွေ့ပြောင်းသွားတယ်လို့ လွိုင်ကော်မြို့ဒေသခံဆီကနေ သိရပါတယ်။ “တောင်ကြီးကို ပြောင်းချင်တဲ့သူက...

လွိုင်ကော်တိုက်ပွဲအတွင်း ပြည်သူတစ်ဦး လက်နက်ကြီးထိမှန်

ကန္တာရဝတီတိုင်း(မ်) ကရင်နီပြည်နယ်၊ လွိုင်ကော်မြို့အတွင်းမှ ဖြစ်ပွားခဲ့တဲ့တိုက်ပွဲကြောင့် ဒေါတမရပ်ကွက်နေ ဒေသခံပြည်သူတစ်ဦး လက်နက်ကြီးထိမှန်ပြီး ထိခိုက်ဒဏ်ရာ ရရှိခဲ့တယ်လို့ ဒေသခံတွေဆီကနေ သိရပါတယ်။ “ တစ်ယောက်ထိထားတယ်။ ဝင်ခေါ်လို့လည်း မဖြစ်နိုင်သေးဘူး။ ဆေးရုံပို့ဖို့လည်း...

ကရင်နီပြည်နယ်မှာ စစ်ရှောင်ပြည်သူတွေအတွက် လုံခြုံတဲ့ စစ်မဲ့ဇုံ သတ်မှတ်ဖို့လိုအပ်နေ

ကန္တာရဝတီတိုင်း(မ်) စစ်ကောင်စီတပ်က တိုက်လေယာဉ်တွေ ရဟတ်ယာဉ်တွေနဲ့ လက်နက်ကြီးတွေ ထိုးစစ်ဆင်ခံနေရတဲ့ ကရင်နီပြည်သူလူထုတွေရဲ့ ဘဝ လုံခြုံတဲ့ စစ်မဲ့ဇုံ Safe Zone သတ်မှတ်ဖို့ အရေးတကြီးလိုအပ်နေပြီဖြစ် တယ်လို့ ကရင်နီပြည်နယ်အတိုင်ပင်ခံကောင်စီ(KSCC) ပြောခွင့်ရပုဂ္ဂိုလ် ဦးအောင်ဆန်းမြင့် က...

ကရင်နီပြည်နယ်ရဲဌာန(KSP)နှင့် တွေ့ဆုံမေးမြန်းခြင်း

ကန္တာရဝတီတိုင်း(မ်) ကရင်နီပြည်နယ်ရဲဌာန (KSP) ဟာ CDM လုပ်တဲ့ ရဲတွေနဲ့ ဖွဲ့စည်းထားတဲ့အဖွဲ့ဖြစ်ပြီး ကရင်နီပြည်နယ်အတိုင်ပင်ခံကောင်စီ (KSCC) လက်အောက်က ဌာနတစ်ခုလည်းဖြစ်ပါတယ်။ KSP ကနေပြီးတော့ ကရင်နီပြည်အတွင်း ဖမ်းဆီးရမိထားတဲ့...