spot_img
Monday, March 27, 2023
spot_img

စစ်ရှောင်စခန်းရှိ YAC ကျောင်းမှ “အပြည်ပြည်ဆိုင်ရာ အမျိုးသမီးများနေ့” ကို ကြိုဆိုဂုဏ်ပြု

spot_imgspot_imgspot_imgspot_img
ဓါတ်ပုံ – YAC

ကန္တာရဝတီတိုင်း(မ်)

ကရင်နီပြည်နယ်ရှိ စစ်ရှောင်စခန်းတစ်နေရာမှာ ဖွင့်လှစ်သင်ကြားနေတဲ့ လူငယ့်အကယ်ဒမီကောလိပ် (YAC) ကျောင်းမှ ဒီကနေ့ မတ်လ ၈ ရက်နေ့မှာ ကျရောက်တဲ့ “အပြည်ပြည်ဆိုင်ရာ အမျိုးသမီးများနေ့” ကို ကြိုဆိုဂုဏ်ပြုတဲ့အခမ်းအနားတစ်ရပ် ကျင်းပပြုလုပ်ခဲ့ပါတယ်။

“အပြည်ပြည်ဆိုင်ရာအမျိုးသမီးများနေ့” ကိုရည်ရွယ်ပြီး အမျိုးသမီးအခွင့်အရေး၊ ကိုယ်ပိုင်စွမ်းရည်၊ အစွမ်းအစကို ထုတ်ဖော်ပြသတဲ့ အစီအစဉ်တွေကို ပြုလုပ်သွားခဲ့ကြပါတယ်။

YAC ကျောင်းမှ ကျောင်းအုပ်ခူးပရေးရယ်က “ကျနော်တို့အမျိုးသားတွေကလည်း ကမ္ဘာပေါ်မှာရှိတဲ့အမျိုးသမီးတွေ အားလုံးပေါ့လေ။ ဒီအမျိုးသမီးတွေရဲ့အခန်းကဏ္ဍတွေ ပိုပြီးပါဝင်လာဖို့အတွက် ပိုတွင်ကျယ်လာဖို့အတွက် အမျိုးသမီးအခွင့်အရေးတွေ ပိုရရှိလာဖို့အတွက် အရင့်အရင်ခေတ်က ရှေးအယူဝါဒတွေကို ကျနော်တို့ လျှော့ချပြီးတော့ ကျနော်တို့အားလုံးပူးပေါင်းပါဝင်သင့်တယ်ဆိုတာ ပြောချင်ပါတယ်။” လို့ဆိုပါတယ်။

ဓါတ်ပုံ – YAC

အခန်းကဏ္ဍအသီးသီးမှာ အမျိုးသမီးတွေရဲ့ ပါဝင်မှုက အရေးကြီးပြီး ပိုမိုအခွင့်အရေးပေးသင့်တယ်လို့ သူက ဆက်ပြောပါတယ်။ အထိမ်းအမှတ်ကို ဂုဏ်ပြုတဲ့အနေနဲ့ Fashion Show ၊ လှယှဉ်ကျေးမယ်၊ ထုပ်စည်းထိုး၊ ချောတိုင်တက်၊ ဘော်လီဘော အစရှိတဲ့ ပြိုင်ပွဲတွေ ပြုလုပ်သွားခဲ့တယ်လို့ သိရပါတယ်။

လက်ရှိ တော်လှန်ရေးကာလမှာ လူငယ်တွေ ပညာသင်ကြားခွင့် မဆုံးရှုံးဖို့ လူငယ့်အကယ်ဒမီကောလိပ် (YAC)ကျောင်းကို ၂၀၂၃ခုနှစ် ဇန်နဝါရီလအတွင်းမှာ ဖွင့်လှစ်သင်ကြားခဲ့တာဖြစ်ပါတယ်။

ဓါတ်ပုံ – YAC
spot_imgspot_imgspot_imgspot_img

More from the blog

ဒီးမော့ဆိုမြို့နယ် အရှေ့ဘက်ခြမ်းကို စစ်ကောင်စီတပ်မှ လက်နက်ကြီးတွေ အမြောက်အများ ပစ်ခတ်နေ

ကန္တာရဝတီ တိုင်း(မ်) ကရင်နီပြည် ဒီးမော့ဆိုမြို့နယ် အရှေ့ဘက်ခြမ်းကို ဒီးမော့ဆို အခြေစိုက် ခလရ ၁၀၂ တပ်မှ (၁)မိနစ် (၁) လုံးနုန်းနဲ့ လက်နက်ကြီးတွေ အမြောက်အများ ပစ်ခတ်နေတယ်လို့ သိရပါတယ်။ ယနေ့ ( မတ်လ ၂၆ ) ရက်နေ့ မနက် ၉ နာရီလောက်ကစပြီး...

စစ်ရှောင်ပြည်သူတွေကို ရိက္ခာဝေမယ်လို့ပြောဆိုပြီး ဓါတ်ပုံရိုက်ပြီးနောက် ဝေထားတဲ့ရိက္ခာတွေကို ပြန်သိမ်းယူသွား

ကန္တာရဝတီတိုင်း(မ်) လွိုင်ကော်မြို့ နမ့်ဘော်ဝမ် ရပ်ကွက်အတွင်းရှိ စစ်ဘေးရှောင်ပြည်သူတွေကို စစ်ကောင်စီ က ရိက္ခာဝေပေးမယ်လို့ပြောဆိုကာ ဒီကနေ့ (မတ်လ ၂၅ ရက်နေ့ ) မှာ စုရုံးခေါ်ဆောင်ပြီး ဓါတ်ပုံမှတ်တမ်းရယူခဲ့ပေမဲ့ ဝေငှထားတဲ့ ရိက္ခာထုပ်တွေကို ပြန်လည်တောင်းယူခဲ့တယ်လို့ စစ်ရှောင်တွေဆီကနေ သိရပါတယ်။ နမ့်ဘော်ဝမ်ရပ်ကွက်အတွင်းမှာ ရှိတဲ့ဘုရားကျောင်းမှာ စစ်ဘေးရှောင်တွေကို ခေါ်ယူစုရုံးပြီး ကုလားပဲထုပ်...

ဒီးမော့ဆိုအနောက်ဘက်ခြမ်းမှာ လက်နက်ကြီးကျပြီး ဒေသခံထိခိုက်မှုရှိခဲ့၊ ဖရဲသီးစိုက်ခင်းလည်းပျက်စီး

ကန္တာရဝတီတိုင်း( မ် ) ယမန်နေ့ မတ်လ ၂၄ရက်နေ့ မနက် ၁၀နာရီကျော်အချိန်မှာ ကရင်နီပြည် ဒီးမော့ဆိုမြို့နယ်အနောက်ဘက်ခြမ်းကို စစ်ကောင်စီက လက်နက်ကြီးတွေနဲ့ ပစ်ခတ်ခဲ့တဲ့အတွက် ဒေသခံတချို့ ထိခိုက်ခဲ့သလို ဖရဲသီးစိုက်ခင်းလည်း ပျက်စီးခဲ့တယ်လို့ ဒီးမော့ဆိုအနောက်ဘက်ခြမ်းမှာ နေထိုင်သူတစ်ဦးက ပြောပါတယ်။ "အိမ်ကတော့ လူနေအိမ်ပဲ မိန်းက‌လေးထိတယ်ပြောတယ်။ မိန်းကလေးနှစ်ယောက်။ ဒီကျတာက ဖရဲသီးခြံစိုက်ခင်းထဲမှာက...

ဒီမော့ဆို အရှေ့ဘက်ခြမ်းမှ ဆွေမျိုးများထံ ယာယီ ပြောင်းရွေ့လာတဲ့ စစ်ရှောင်ကလေးအချို့ ဝမ်းပျက်ဝမ်းလျောဖြစ်နေ

CJ (ကန္တာရဝတီတိုင်း(မ်)) ကရင်နီပြည် ဒီမော့ဆိုမြို့နယ် အရှေ့ဘက်ခြမ်းမှာ မတ်လ ၁၀ ရက်နေ့ ကတည်းက ဖြစ်ပွားတဲ့ တိုက်ပွဲတွေကြောင့် အနောက်ဘက်ခြမ်းက ဆွေမျိုးတွေဆီကို ယာယီ ပြောင်းရွေ့လာတဲ့ စစ်ရှောင်တွေအထဲက ကလေးတွေဟာ ဝမ်းပျက်ဝမ်းလျောဖြစ်နေတယ်လို့ စစ်ရှောင်အမျိုးသမီးတစ်ဦးက ပြောပါတယ်။ "အကြောင်းရင်းက ဘာလဲ မသိဘူး၊ ရေရှားတဲ့ နေရာလဲ မဟုတ်ဘူး၊...