spot_img
Saturday, December 10, 2022
spot_img

စိတ်ဒဏ်ရာကြောင့် စာစိတ်ဝင်စားမှု နည်းပါးလာတဲ့ စစ်ရှောင်ကလေးတွေကို စာရေးကိရိယာနဲ့ အဟာရမှုန့် လှုဒါန်းပေး

spot_imgspot_imgspot_imgspot_img

ကေးဒူ (ကန္တာရဝတီတိုင်း(မ်))

ကရင်နီပြည် ဒီးမော့ဆိုအရှေ့ဘက်ခြမ်းရှိ စစ်ရှောင်စခန်းတစ်နေရာမှာ ပညာသင်ကြားနေတဲ့ ကလေးတွေအတွက် လိုအပ်တဲ့ စာရေးကိရိယာနဲ့ အဟာရမှုန့် တချို့ကို KNDF တပ်ရင်း (၉)နဲ့ (၁၀) မှ ဒီကနေ့ ဩဂုတ်လ ၂၅ရက်နေ့မှာ သွားရောက်လှူဒါန်းခဲ့ပါတယ်။

စစ်ရှောင်ကလေးငယ်တွေဟာ စစ်ဒဏ်ကြောင့် စိတ်ဒဏ်ရာရရှိထားတဲ့အတွက် စာစိတ်ဝင်စားမှုမှာ အားနည်းတဲ့အပြင် သင်ကြာရေးပိုင်းမှာ စာရေးကိရိယာတွေ၊ ဖတ်စာအုပ်တွေ မလုံလောက်မှုကြောင့် အခက်အခဲရှိတယ်လို့ ဆရာမတစ်ဦးက ပြောပါတယ်။

“တချို့ကလေးတွေက စစ်ဒဏ်ကြောင့် စိတ်ဒဏ်ရာရတဲ့အခါကျတော့ စာက စိတ်ဝင်စားမှု နည်းနည်း အခက်အခဲရှိတယ်။ ပြီးတော့ သူတို့စာနဲ့ အလှမ်းဝေးတာကြာပြီဆိုခါကျတော့ ဆွဲခေါ်ဖို့ နည်းနည်း ခက်ခဲတယ်။ ပြီးတော့ ဒီရာသီဥတု ခြေနေပေါ်မူတည်ပြီး ဒီရာသီဥတု တအားပူခါကျတော့ ကျမ တစ်နေကုန်သင်လို့လည်း မဖြစ်ဘူး။ နေ့တစ်ပိုင်းနဲ့ပဲ သင်ခါကျတော့ ဒီကျောင်းတက် ပုံမှန် ခြေနေလိုမျိုးတော့ မဟုတ်ဘူး။ ဒါပေမယ့် သူတို့ စာနဲ့အလှမ်းမဝေးအောင် စာနဲ့အဆက်အသွယ်ရှိအောင်ဆိုပြီး ကျမတို့ သူတို့ကို ကူညီပေးတာပေါ့နော်”လို့ စစ်ရှောင်စခန်းမှာ တာဝန်ယူ သင်ကြားပေးနေတဲ့ ဆရာမ တစ်ဦးက ပြောပါတယ်။

မူကြိုကနေ အလယ်တန်းအထိကို ကလေး ၁၀၀ ကျော်ရှိပြီး ဆရာ၊ဆရာမ အင်အား ၁၂ ယောက်နဲ့ တာဝန်ယူ သင်ကြားပေးနေတာလို့ သိရပါတယ်။

လက်ရှိ စစ်ရှောင်စခန်းမှာ အိမ်ခြေ ၉၀ ကျော်ရှိပြီး လူဦးရေ ၄၀၀ နီးပါးရှိတယ်လို့ သိရပါတယ်။

spot_imgspot_imgspot_imgspot_img

More from the blog

စစ်ရှောင်ဆေးပေးခန်းတစ်ခုမှာ ဆေးဝါးတွေမရှိတော့တဲ့အတွက် ယာယီပိတ်ထားရ

CJ ( ကန္တာရဝတီတိုင်း ( မ် )) ကရင်နီပြည် ဒီးမော့ဆိုမြိုနယ် အရှေ့ဖက်ခြမ်း စစ်ဘေးရှောင်တစ်နေရာမှာ ဖွင့်လှစ်ထားတဲ့ ကိုယ်ထူကိုယ်ထ ကျန်းမာရေးဆေးပေးခန်းတစ်ခု အလှူရှင်တွေကို မှီခိုအားကိုးနေရပြီး လက်ရှိမှာ ဆေးဝါးတွေ မရှိတော့တဲ့အတွက် ဆေးပေးခန်း ယာယီပိတ်ထားနေရတယ်လို့ သိရပါတယ်။ " ဒီဇင်ဘာလ ၈ ရက်နေ့က စတင်ပိတ်တာ...

နိုဝင်ဘာလအတွင်း စိတ်ကြွရူးသွပ်ဆေးပြား ငါးထောင်ကျော်ဖမ်းဆီးရမိ

ကန္တာရဝတီတိုင်း(မ်) နိုဝင်ဘာလအတွင်းမှာဆိုရင် ရောင်းဝယ် နေတဲ့ WY စိတ်ကြွရူးသွပ်ဆေးပြားကို ကရင်နီပြည်ရဲဌာန ( KSP ) ကနေ ဖမ်းဆီးရမိတာ‌ေတွရှိပြီး အရေအတွက် ၅၂၂၅ ပြားအထိ ဖမ်းဆီးရမိတာရှိတယ်လို့ သိရပါတယ်။ လက်ရှိကာလအတွင်းမှာ မူးယစ်ဆေးဝါးရောင်းဝယ်သုံးစွဲမှုတွေရှိနေတဲ့အပေါ် KSPအနေနဲ့ မူးယစ်ဆေးဝါးအန္တာရာယ်နဲ့ပတ်သက်ပြီး အသိပညာပေးတာတွေကို လုပ်ဆောင်နေတာတွေလည်း ရှိတယ်လို့ KSP သတင်းနဲ့...

ဆီးသူးတော်စစ်ဘေးဒုက္ခသည်စခန်းမှာ အရေးပေါ်ရိက္ခာတွေကို အသုံးပြုနေရပြီး မကြာခင် ရိက္ခာပြတ်လပ်လာနိုင်

ကန္တာရဝတီတိုင်း( မ် ) ကရင်နီပြည် ဒီးမော့ဆိုမြို့နယ် အနောက်ဘက်ခြမ်းက ဆီးသူးတော်စစ်ဘေးဒုက္ခသည်စခန်းမှာ အလှူရှင်မရောက်တာ သုံးလကျော်ပြီဖြစ်တဲ့အတွက် အရေးပေါ်ရိက္ခာတွေကို အသုံးပြုနေရပြီး မကြာခင် ရိက္ခာပြတ်လပ်လာနိုင်တယ်လို့ စစ်ရှောင်စခန်းကော်မတီတစ်ဦးက ပြောပါတယ်။ လူဦးရေ ၁၀၀၀ကျော်နဲ့ အိမ်ခြေ ၁၆၀ ကျော်ရှိတဲ့ အဲဒီစစ်ဘေးဒုက္ခသည်စခန်းမှာ ၆ အိမ်လောက်က စားဝတ်နေရေး ခက်ခဲတဲ့အတွက် စစ်ဘေးဒုက္ခသည်စခန်းမှာ...

KNDF တပ်ရင်း ၄က ရဲဘော် ဂျေရုမ်း မိုင်းနင်းမိရင်း ကျဆုံး

ကန္တာရဝတီတိုင်း(မ်) ဖရူဆိုမြို့တွင်းတစ်နေရာမှာ နယ်မြေရှင်းလင်းရေးပြုလုပ်ရင်း စစ်ကောင်စီထောင်ထားတဲ့ မိုင်းနင်းမိတဲ့အတွက် ကရင်နီအမျိုးသားများ ကာကွယ်ရေးတပ် ( KNDF ) တပ်ရင်း ၄မှ ရဲဘော် ဂျေရုမ်းဟာ ဒီဇင်ဘာလ ၄ရက်နေ့က ကျဆုံးသွားခဲ့ရပါတယ်။ ရဲဘော် ဂျေရုမ်းဟာ တပ်ရင်း(၄) တည်ထောင်တဲ့အတောအတွင်း ပထမဆုံး ကျဆုံးသွားတဲ့ ရဲဘော်ဖြစ်တယ်လို့ KNDF တပ်ရင်း...