spot_img
Thursday, February 9, 2023
spot_img

တိုက်ပွဲထက် စားနပ်ရိက္ခာပြတ်လပ်မှု နဲ့ ဆေးဝါးခက်ခဲမှုကြောင့် သေဆုံးသူပိုများလာနိုင် ကြောင်း KNHRG အဖွဲ့ပြော

spot_imgspot_imgspot_imgspot_img

မော်မီမြာ / ကန္တာရဝတီတိုင်း(မ်)

ဒီးမော့ဆိုမြို့နယ် အရှေ့ဘက်ခြမ်းက စစ်ရှောင် စခန်းတစ်နေရာ

တစ်နှစ်ကြာဖြစ်ပွားနေတဲ့ တိုက်ပွဲတွေနဲ့အတူ စစ်ရှောင်နေကြရတဲ့ ကရင်နီပြည်က လူထုတွေဟာဆိုရင် တိုက်ပွဲတွေကြောင့် သေဆုံးတာထက် စားနပ်ရိက္ခာ မလုံလောက်မှု ၊ ပြတ်လပ်မှု နဲ့ ကျန်းမာရေးပြဿနာ ကြောင့် သေဆုံးသူပိုများလာနိုင်တယ်လို့ ကရင်နီပြည် လူ့အခွင့်အရေးအဖွဲ့ (KNHRG) ညွန်ကြားရေးမှူး ဗညား က သုံးသပ်ပြောဆိုလိုက်ပါတယ်။

ပြီးခဲ့တဲ့ မေလ ၃၀ ရက်နေ့ ကရင်နီပြည်နယ်၏ လူသားချင်းစာနာထောက်ထားမှု ဆိုင်ရာ အကြပ်အတည်း သတင်းစာရှင်းလင်းပွဲ အပြီးမှာ ကန္တာရဝတီတိုင်း(မ်) ကို ပြောဆိုလိုက်တာပါ။  

“ နှစ်ခုပေါင်းလိုက်ရင် ကျနော်ပြောရဲတာက နောက်ပိုင်း သုံး ၊ လေး လထက်စာပြီးတော့ ဒီလိုမျိုး ပုံစံအတိုင်း ဆက်သွားမယ်ဆိုရင် ကျနော်တို့ ပြည်နယ်ထဲမှာ စိတ်ကျရောဂါကြောင့်ဖြစ်စေ သက်ကြီးရွယ်အို ဖြစ်စေ ကလေးဖြစ်စေ မိခင်ဖြစ်စေ သေဆုံးမှုနှုန်းက ချက်ချင်းကို သိသိသာသာထောင်တက်သွားနိုင်ချေရှိတယ်။ မနေ့တနေ့က ကျနော်တို့ ပြောတဲ့ ဒီ စစ်ရှောင်စခန်းတစ်ခုမှာ ဝမ်းလျောရောဂါဖြစ်ပြီးတော့ သေသွားတဲ့ကလေးရှိတယ်။ ဒါက အစပဲရှိသေးတယ်။“ လို့  ကရင်နီပြည်လူ့အခွင့်အရေး အဖွဲ့ဒါရိုက်တာ ဦးဗညားက ပြောပါတယ်။

လက်ရှိမှာဆိုရင် စစ်ရှောင်တွေအတွက် အကူအညီ လိုအပ်လျက်ရှိနေပြီး သက်ဆိုင်ရာ နိုင်ငံတကာအဖွဲ့အစည်း တွေကနေပြီး ကူညီဖို့လိုအပ်တယ်လို့ ဆိုပါတယ်။

အထူးသဖြင့် ဒီးမော့ဆို ၊ ဖရူဆို ဖက် စစ်ရှောင်တွေဟာ စိုက်ပျိုးရာသီမှာ မစိုက်ပျိုးနိုင်တာတွေ ကြောင့် စားနပ်ရိက္ခာကြပ်တည်းလာသလို၊ သယ်ယူပို့ဆောင်တဲ့နေရာမှာလည်း စစ်ကောင်စီဖက် ပိတ်ဆို့တာတွေ ၊ ဆေးဝါး မလုံလောက်မှု တွေ ၊ အာဟာရချို့တဲ့မှု ၊ သဘာဝဘေးအန္တာရယ်တွေကြောင့် သေဆုံးမှုတွေ ဖြစ်ပေါ်လာနိုင်တာဖြစ်ပါတယ်။

ဒီးမော့ဆို နဲ့ ဖရူဆို တွေမှာ စစ်ရှောင်နေကြရတဲ့ သူတွေဟာဆိုရင် လာမယ့် စိုက်ပျိုးရာသီမှာ မစိုက်ပျိုးနိုင်တာတွေ ရှိလာနေတဲ့အတွက် စားနပ်ရိက္ခာအတွက် စိုးရိမ်မှုရှိနေတယ်လို့ ဒီးမော့ဆိုအနောက်ဖက်ခြမ်း စစ်ရှောင်ပြည်သူ တစ်ဦးက ပြောပါတယ်။

“ ထောက်ပံ့ကြေးပဲ မျှော်ရတော့မှာပေါ့။ ထောက်ပံ့ကြေးက မလောက်ရင်လည်း ရှာကြံစားရမာပေါ့။ ဝင်ငွေလည်း မရှိဘူး။ ကျမတို့ စားစရာမရှိတော့မှာလည်း စိုးရိမ်တယ် အခြေအနေက ဘယ်လိုလာမလဲ မသိသေးဘူး။ “ လို့ စစ်ရှောင် အမျိုးသမီးတစ်ဦးက ပြောပါတယ်။

စိုက်ပျိုးရေးလုပ်နေသော စစ်ရှောင် မိသားစုတစ်ခု

တစ်နှစ်ကျော်ကာလအတွင်း လူ့အခွင့်အရေးအဖွဲ့ ကောက်ယူထားတဲ့ ပြည်သူလူထုသေဆုံးသူ စာရင်းအရ  ၂၀၀ ကျော်ရှိပေမယ့် စာရင်းထက်ပိုများနိုင်တယ်လို့ ဆိုပါတယ်။

“ တော်တော်များများ ဘယ်မှာသွားကောက်လဲဆိုတော့ ဒီဖက်ခြမ်း တိုက်ပွဲဖြစ်လို့ စစ်ကောင်စီဖမ်းဆီးလို့ ၊ သတ်ဖြတ်လို့ ၊ မြေမြှုပ်မိုင်းထိလို့ မဟုတ်ရင် အစုအလိုက်အပြုံလိုက် သတ်ဖြတ် အဲ့ဒီဟာတွေဖြစ်တယ် လက်နက်ကြီးထိလို့ ။ ဒါပေမယ့် ဒီကြားမှာ မသိမသာဖြစ်တဲ့ ခဏက စခန်းမှာ သေတဲ့ နှုန်းက တအားများတယ်။ ကျနော် အခုစာရင်းတွေ တောင်းထားတယ်။ မရသေးဘူး။ မမှားဘူးဆိုရင် စာရင်းအရ ငါးရာနီးပါးရှိတယ်။ လောလောဆယ်စာရင်း အရ ၂၀၀ကျော်ရှိတယ်။ “ လို့ ကရင်နီပြည်လူ့အခွင့်အရေးအဖွဲ့ ဒါရိုက်တာ ဦးဗညားက ဆက်ပြောပါတယ်။

ကိုဗစ်ကြောင့် သေဆုံးတာတွေ၊ ဆေးဝါး အားနည်းချက်ကြောင့် သေဆုံးတာတွေ ကြုံတွေ့နေရတာဖြစ်ပြီး သက်ကြီးရွယ်အိုသေဆုံးသူ ပိုများနေတာဖြစ်ပါတယ်။ ကရင်နီပြည်မှာဆိုရင် လူဦးရေ ထက်ဝက်ကျော်လောက်ဟာဆိုရင် စစ်ရှောင်နေရတာဖြစ်ပါတယ်။

spot_imgspot_imgspot_imgspot_img

More from the blog

စစ်ရှောင်တွေ မွေးမြူတဲ့ကြက် အနာကျပြီး သေဆုံးမှုရှိ

ကန္တာရဝတီတိုင်း(မ်) ကရင်နီပြည် ဒီးမော့ဆိုမြို့နယ် အရှေ့ဘက်ခြမ်း စစ်ရှောင်စခန်းတစ်နေရာမှာ ပြီးခဲ့တဲ့ ဇန်နဝါရီလကစပြီး အာဟာရဓါတ်ရဖို့ မွေးမြူတဲ့ကြက်တွေ အနာကျ သေဆုံးတာတွေ ရှိတယ်လို့ စစ်ရှောင်တွေက ပြောပါတယ်။ တောင်ယာလုပ်ငန်းမှာလည်း ရိုးရာအရ ကြက်ရိုးထိုးရတာတွေ ရှိသလို ကျောင်းနေ အရွယ်ကလေး အာဟာရဓါတ် တိုက်ကျွေးမှုမှာလည်း အများအားဖြင့် ကြက်ကို အသုံးပြုကြတာကြောင့် အခုလို...

စစ်ကောင်စီရဲ့ အင်အားအလုံးအရင်း ထိုးစစ်ဆင်မှုကြောင့် မိုးဗြဲ-ပီကင်းလမ်း ယာယီပိတ်ထား

ကန္တာရဝတီတိုင်း(မ်) မိုးဗြဲမြို့မှာ ယမန်နေ့ (ဖေဖော်ဝါရီ ၇ရက်နေ့) က အင်အားအလုံးအရင်း ထိုးစစ်ဆင်လာတဲ့ စစ်ကောင်စီနဲ့ ထိတွေ့တိုက်ပွဲဖြစ်ပွားခဲ့ပြီး လက်ရှိမှာစစ်ကောင်စီဖက် လှုပ်ရှားမှု ရှိနေဆဲဖြစ်တဲ့အတွက် မိုးဗြဲ-ပီကင်းလမ်း ကိုလည်း ရက်အကန့်အသတ်မရှိ ယာယီပိတ်ထားတယ်လို့ မိုးဗြဲPDFတာဝန်ရှိသူတစ်ဦး ကပြောပါတယ်။ “ လောလောဆယ် မိုးဗြဲက မနေ့က စစ်ကောင်စီဖက်က အင်အားအလုံးအရင်းနဲ့ ထိုးတက်လာတော့...

စစ်ရှောင်စခန်းတစ်ခုမှာ ကိုယ်ပိုင်ဝင်ငွေတွေ ရနိုင်ဖို့ တစ်ပိုင်တစ်နိုင် မွေးမြူရေးပြုလုပ်

ကန္တာရဝတီတိုင်း(မ်) ဒီးမော့ဆိုအနောက်ခြမ်းမှာရှိတဲ့ သစ်ယားတောစစ်ရှောင်စခန်းမှ စစ်ရှောင်တွေဟာ တစ်ပိုင်တစ်နိုင် မွေးမြူရေးကို လုပ်ကိုင်ကြပါတယ်။ စစ်ရှောင်အိမ်တိုင်းလိုလို မွေးမြူရေးကို လုပ်ကိုင်ကြပြီး အဓိက ကြက် နဲ့ ဝက်ကို မွေးမြူကြတာဖြစ်ပါတယ်။ အခုလို တစ်ပိုင်တစ်နိုင်မွေးမြူရေး လုပ်ရတာဟာ နောင်တစ်ချိန် ရိက္ခာပစ္စည်းတွေလာရောက်ထောက်ပံ့ခြင်း မရှိတော့ရင် ကိုယ်ပိုင် ဝင်ငွေရစေဖို့ဖြစ်တယ် လို့ စစ်ရှောင်အမျိုးသမီးတစ်ဦးက အခုလိုပြောပါတယ်။ " နောင်တစ်ချိန်မှာ...

ဒိုယှက် စစ်ဘေးဒုက္ခသည်စခန်းမှာ ၅ နှစ်အောက် ကလေးငယ်တွေ ကာကွယ်ဆေး မထိုးနှံရသေး

CJ ကန္တာရဝတီတိုင်း(မ်) ကရင်နီပြည် ဖရူဆိုမြို့နယ် အနောက်ဘက်ခြမ်း ဒိုယှက် စစ်ဘေးဒုက္ခသည်စခန်းမှာ ၅ နှစ်အောက် ကလေးငယ်တွေ ကာကွယ်ဆေး မထိုးနှံရသေးတာကြောင့် ထိုးနှံဖို့ လိုအပ်နေတယ်လို့ ဒိုယှက် စစ်ဘေးဒုက္ခသည် ကော်မတီဝင်တစ်ဦးထံကနေ သိရပါတယ်။ ဒိုယှက် စစ်ဘေးဒုက္ခသည်စခန်း အနေနဲ့ ယခင်နှစ်ကတည်းက ၅ နှစ်အောက် ကလေးငယ်တွေ စာရင်းပြုစုထားတာရှိပေမယ့်...