spot_img
Saturday, April 1, 2023
spot_img

တောင်ကြီးမြို့မှာခိုလှုံနေထိုင်ကြတဲ့ ကရင်နီစစ်ရှောင်တွေကို နေရပ်ပြန်ခိုင်း

spot_imgspot_imgspot_imgspot_img

ကန္တာရဝတီတိုင်း( မ် )

ကရင်နီပြည်ကနေ ရှမ်းပြည်နယ်တောင်ကြီးမြို့နဲ့အနီးတစ်ဝိုက်ဒေသမှာ သွားရောက် ခိုလှုံနေထိုင်ကြတဲ့ ကရင်နီစစ်ရှောင်တွေကို စက်တင်ဘာလကုန်အထိ အချိန်ပေးထားပြီး နေရပ်ပြန်ခိုင်းတယ်လို့ တောင်ကြီးမြို့မှာ သွားရောက်နေထိုင်သူတွေထံကနေ သိရပါတယ်။

“၁၀လပိုင်းကျရင် ပြန်ခိုင်းမယ်လို့တော့ ကြားတယ်ပေါ့နော။ ပြန်ခိုင်းမယ်ဆိုလို့ရှိရင် အခု နေတဲ့နေရာခါကျတော့ အတိအကျ မပြောသေးဘူးလေ။ ပြန်ခိုင်းမယ်လို့တော့ ကြားတယ်။ အကယ်လို့ မပြန်ဘူးဆိုရင် အထောက်အထား ပြရမယ်လို့ သူတို့ကပြောတယ်လေ။ ဥပမာ အိမ်မရှိဘူးဆိုရင် ဘယ်အနားမှာ ရှို့လဲ ဘာညာ သူတို့က ပြောမှာပေါ့နော။ ပြခိုင်းတယ်။” လို့ ဒီးမော့ဆိုမြို့မှ တောင်ကြီးကိုစစ်ရှောင်နေသူတစ်ဦးက ပြောပါတယ်။

နေရပ်ပြန်ရမယ့်သူတွေဟာ စစ်ရှောင်စခန်း၊ ဌားရမ်းထားတဲ့အဆောင်တွေမှာ နေထိုင်ကြတဲ့သူတွေဖြစ်တယ်လို့ ဆိုပါတယ်။ ယခင်နေထိုင်တုန်းက နာမည်၊ ဖုန်းနံပါတ်၊ မှတ်ပုံတင်နံပါတ်ကိုပေးထားရပြီး ဧည့်စာရင်းတိုင်ပြီး နေထိုင်ကြရပါတယ်။ သို့ပေမယ့် လက်ရှိမှာတော့ ဧည့်စာရင်းတိုင်တာကို လက်မခံတော့ဘဲ ရပ်ကွက်အုပ်ချုပ်ရေးမှူးတွေကနေ နေရပ်ပြန်ခိုင်းနေတယ်လို့ ဆိုပါတယ်။

တောင်ကြီးမှာ အဆောင်ဌားပြီးနေထိုင်တာ နှစ်လကျော်ရှိပြီဖြစ်တဲ့ ဖရူဆိုဒေသခံတစ်ဦးက လက်ရှိမှာတော့ နေထိုင်လို့ရနေသေးတဲ့အတွက် နေရပ်မပြန်သေးဘူးလို့ ဆိုပါတယ်။

“ကျမအရင်နေခဲ့တဲ့ အဆောင်မှူးက မရဘူးလို့ပြောတယ်။ နောက်ကျမကို အဆောင်ကနေ ထွက်ခိုင်းတယ်ပေါ့။ နောက် အဆောင်တစ်ခုသွားရှာတော့ နေလို့ရတယ်လို့ပြောတယ်။ ဒါပေမယ့် ဆက်ရမလား။ ပြန်ခိုင်းမလားတော့ မသိဘူး။ ကျမနေလို့ရသေးရင်နေမယ်။ နေလို့မရဘူးဆိုရင်လည်း ပြန်ရုံပဲပေါ့နော။” လို့ ၎င်းက ပြောပါတယ်။

အာဏာသိမ်းပြီးနောက်ပိုင်း ကရင်နီပြည်နယ်မှာ တိုက်ပွဲစတင်ဖြစ်ပွားချိန် ဒေသခံနှစ်သိန်းဝန်းကျင်ဟာ စစ်ရှောင်နေကြရတာပါ။ ပြည်နယ်တွင်း ကျေးလက်တောရွာတွေဖက်မှာ တဲထိုးပြီး စစ်ရှောင်နေသူတွေရှိသလို မြန်မာနိုင်ငံတွင်းက တိုက်ပွဲမဖြစ်ပွားတဲ့ တခြား တိုင်းနဲ့ပြည်နယ်တွေကို စစ်ရှောင်သူတွေလည်းရှိနေပါတယ်။

လွိုင်ကော်မြို့မှာ တိုက်ပွဲပြင်းထန်ခဲ့တဲ့၂၀၂၂ခုနှစ် ဇန်နဝါရီလအတွင်း စစ်ရှောင်သောင်းဂဏန်းဟာရှမ်းပြည်နယ်ဘက်က တောင်ကြီး၊ ဆီဆိုင်၊ ဆိုက်ခေါက်၊ ကလော၊ ညောင်ရွှေ စတဲ့ဒေသတွေမှာ သွားရောက်စစ်ရှောင်ခဲ့ကြပါတယ်။ လက်ရှိမှာ မိမိနေရပ်ကို ပြန်နေကြသူတွေလည်း ရှိကြပါတယ်။

တောင်ကြီးမြို့မှာ သွားရောက်ခိုလှုံနေထိုင်ကြသူအများစုဟာ တိုက်ပွဲဖြစ်ပွားနေဆဲဖြစ်တဲ့ ဖယ်ခုံ၊ မိုးဗြဲ၊ ဖရူဆို၊ ဒီးမော့ဆိုမြို့နဲ့ နေအိမ်မီးလောက်ပျက်စီးသွားပြီး ပြန်စရာအိမ်မရှိတော့တဲ့ သူတွေဖြစ်ကြတယ်လို့ သိရပါတယ်။

spot_imgspot_imgspot_imgspot_img

More from the blog

လူထုထောက်ခံမှုရှိနေသ၍ ပါတီဆက်ရှိနေအုံးမယ်လို့ KySDP ပြော

ကန္တာရဝတီတိုင်း( မ် ) ကရင်နီပြည်နယ်အခြေစိုက် တိုင်းရင်းသားပါတီအပါအဝင် တိုင်းရင်းသားပါတီ ၄၀ ကို ဖျက်သိမ်းကြောင်း စစ်ကောင်စီရဲ့ ရွေးကောက်ပွဲကော်မရှင် ( UEC ) က မတ်လ ၂၈ ရက်နေ့မှာ ကြေညာခဲ့ပေမယ့် လူထုထောက်ခံမှုရှိနေသ၍ ကတော့ ပါတီဆက်လက်ရှိနေအုံးမှာဖြစ်တယ်လို့ ကယားပြည်နယ် ဒီမိုကရက်တစ်ပါတီ ( KySDP...

နှစ်ရက်တိုက်ပွဲအတွင်း စစ်ကောင်စီတပ်မှ (၁၅)ဦးသေဆုံး၊ လေကြောင်းတိုက်ခိုက်မှုပြုလုပ်ခဲ့

ကန္တာရဝတီတိုင်း(မ်) ကရင်နီပြည် ဒီးမော့ဆိုမြို့နယ် အရှေ့ဘက်ခြမ်း ဒေါလျားခူကျေးရွာအနီးရှိ ညေးဘူးခူတောင်ပေါ် ဖက်ကို စစ်ကြောင်းထိုးလာတဲ့ စစ်ကောင်စီတပ်နဲ့ ကရင်နီတပ်မတော်(KA)၊ KNDF ပူးပေါင်းတပ်ဖွဲ့နဲ့ တိုက်ပွဲဖြစ်ပွားခဲ့ပြီး စစ်ကောင်စီတပ်မှ ၁၅ ဦးသေဆုံးခဲ့သလို လက်နက်ခဲယမ်းအသုံးအဆောင်ပစ္စည်းတွေ သိမ်းဆည်းမိခဲ့တယ်လို့ ကရင်နီအမျိုးသားများကာကွယ်ရေးတပ် (KNDF) က ဒီကနေ့ မတ်လ ၃၁ ရက်နေ့မှာ...

တစ်လကျော်ကြာတိုက်ပွဲပြင်းထန်နေတဲ့ ဖယ်ခုံ-ပင်လောင်း နယ်စပ်မှာ လေကြောင်းတိုက်ခိုက်မှုပြင်းထန်စွာ အသုံးပြုနေ

ကန္တာရဝတီတိုင်း(မ်) ပင်လောင်းမြို့နယ်ဖက် စစ်ကြောင်းထိုးနေတဲ့ စစ်ကောင်စီတပ်နဲ့ ပြည်သူ့ကာကွယ်ရေးပူးပေါင်းတပ်ဖွဲ့တို့ ထိတွေ့တိုက်ပွဲ အပြင်းအထန်ဖြစ်ပွားနေတာ တစ်လကျော်ကြာရှိနေပြီဖြစ်ပြီး စစ်ကောင်စီဖက် လေကြောင်းတိုက်ခိုက်မှု ပြင်းထန်စွာ သုံးနေတယ်လို့ ပြည်သူ့ကာကွယ်ရေးပူးပေါင်းတပ်ဖွဲ့တွေက ဆိုကြပါတယ်။ မတ်လ (၂၉)ရက်နေ့ ဖယ်ခုံ-ပင်လောင်းနယ်စပ်တစ်နေရာမှာ ဖြစ်တဲ့ တိုက်ပွဲမှာ စစ်ကောင်စီဖက် တိုက်လေယာဉ် (၄)စင်းနဲ့ အပြင်းအထန် တိုက်ခိုက်ခဲ့တယ်လို့ ဆိုပါတယ်။ အဲဒီရက်တိုက်ပွဲမှာ...

ဒီးမော့ဆိုအရှေ့ဘက်ခြမ်းရှိ အထက်တန်းစာသင်ကျောင်း လေကြောင်းတိုက်ခိုက်ခံရ

ကန္တာရဝတီတိုင်း(မ်) ဒီကနေ့ မတ်လ ၃၀ ရက်နေ့ မွန်းလွဲ ၁ နာရီအချိန်မှာ ဒီးမော့ဆိုမြို့နယ်အရှေ့ဘက်ခြမ်းကို စစ်ကောင်စီ လေကြောင်းအသုံးပြုတိုက်ခိုက်ခဲ့တဲ့အတွက် အထက်တန်း စာသင်ကျောင်းတစ်ကျောင်း ထိမှန်ပျက်စီးခဲ့ရပါတယ်။ “၁ နာရီ ၁၆မိနစ်မှာ တိုက်လေယာဉ် နှစ်ပတ် ပတ်ပြီးဝဲတာ ဝဲပြီးတော့ ၁၈မိနစ်လောက်မှာ တစ်ခါတည်းတန်းပစ်တာ။ ၈ခေါက်တိတိပစ်တယ်။ လေယာဉ်ဒုံးနဲ့လည်းပစ်တယ် ရွာတစ်လျှောက်...