spot_img
Tuesday, January 31, 2023
spot_img

ဒီကနေ့ နံနက်ပိုင်း အချိန် ကရင်နီပြည်တချို့နေရာတွေမှာ စစ်ကောင်စီ တိုက်လေယာဉ် ဝဲပျံတာတွေ လုပ်ဆောင်ခဲ့

spot_imgspot_imgspot_imgspot_img

ကန္တာရဝတီတိုင်း(မ်)

ဒီကနေ့ (ဒီဇင်ဘာလ ၂၀ရက်) နံနက် ၁၀နာရီခွဲ ဝန်းကျင်လောက်မှာ ကရင်နီပြည်တချို့နေရာတွေမှာစစ်ကောင်စီတိုက်လေယာဉ် ဝဲပျံခဲ့ပါတယ်။ တိုက်လေယာဉ် ဝဲတာတွေ ပြုလုပ်တဲ့အတွက် ပြည်သူလူထုတွေ ကြောက်လန့်ခဲ့ရပြီး တချို့စစ်ရှောင်စခန်းမှာဆိုရင် ပြေးပုန်းခဲ့ရတာတွေလည်း ရှိခဲ့ပါတယ်။

” ဒီမနက်မှာ တိုက်လေယာဉ်ဝဲလာတယ်။ ကျမနေတဲ့ အိမ်ပေါ်မှာ ပျံတဲ့အချိန် တော်တော် နိမ့်တော့ ပြေးပုန်းနေရတယ်။ ကျမသိရသလောက် တခြားနေရာမှာရှိတဲ့ စစ်ရှောင်စခန်းတစ်ခုဆိုရင် စာသင်နေတဲ့ ကလေးတွေလည်း အိမ်ကို အကုန်ပြေးပြန်ရတယ်။ စစ်ရှောင်တွေလည်း အကုန်ပြေးပုန်းကြတယ်။ ” လို့ ဒီးမော့ဆို မြို့နယ် ပြည်သူတစ်ဦးက ပြောပြပါတယ်။

အဲဒီတိုက်လေယာဉ်ဟာ မည်သည့်အကြောင်းကြောင့် ဝဲပျံလာတယ်ဆိုတာကို တိတိကျကျမသိရသေးပေမယ့် စစ်ရှောင်တွေနေတဲ့ နေရာအနား ဝဲပျံလာတာလည်း ရှိတဲ့အတွက် စစ်ရှောင်စခန်းမှာ နေထိုင်သူတွေက တိုက်လေယာဉ်ကနေ လက်နက်တွေ ပစ်ချမှာကို စိုးရိမ်နေကြတာ ဖြစ်ပါတယ်။

“ တော်တော်တော့ ကြောက်ဖို့ကောင်းတယ်။ အကြီးပဲ အဲ့လိုမျိုး တခါးမှ အရင်က မကြုံဖူးသေးဘူး။ ဒီတစ်ခေါက်တော့ နည်းနည်းထူးဆန်းတယ်ပြောရမယ်။ တော်တော်လည်း ကြောက်ဖို့ကောင်းတယ်။ ကလေးတွေ သက်ကြီးရွယ်အိုတွေ အများကြီးရှိခါကျတော့ သူတို့တောင်တော်တော်လေး ကြောက်သွားတယ်ပေါ့နော။ တအားကြီး လန့်သွားတယ်ပေါ့နော။ တအားကြီး နီးနီးကပ်ကပ် ပြောရမှာပေါ့နော။ တော်တော်တော့ကြီးတယ်။ အပြာရောင် တော်တော်ကြီးတယ်။ အဲ့တော့ မြင်ရတဲ့ကလေးတွေ လူကြီးတွေအတွက်တော့ တော်တော်လေး လန့်သွားတယ်ပေါ့နော။ “ လို့ စစ်ရှောင် တစ်ဦးက ပြောပါတယ်။

စစ်ကောင်စီရဲ့ တိုက်လေယာဉ်ဝဲပျံတာကတော့ ဒီးမော့ဆို အပြင် တခြားနေရာတွေဖြစ်တဲ့ လွိုင်ကော်၊ မိုးဗြဲတို့ဖက်မှာလည်း တိုက်လေယာဉ် ဝဲပျံသံကြားရတာတွေ လည်း ရှိတယ်လို့ ဆိုကြပါတယ်။

spot_imgspot_imgspot_imgspot_img

More from the blog

ဒီးမော့ဆိုအရှေ့ဖက်ခြမ်းကို စစ်ကောင်စီတပ်မှ မီးကျည်လက်နက် အသုံးပြုပြီး တိုက်ခိုက်

ကန္တာရဝတီတိုင်း(မ်) စစ်ကောင်စီတပ်ကနေ ဒီးမော့ဆိုအရှေ့ဖက်ခြမ်းမှာ အဆောက်အဦးတွေကို လောင်ကျွမ်းစေနိုင်တဲ့ မီးကျည် လက်နက် အသုံးပြုပြီး တိုက်ခိုက်လာတာကို တွေ့ရှိရတယ်လို့ ကရင်နီပြည်အစိုးရ ပြည်ထဲရေးဝန်ကြီးဌာနမှ ဝန်ကြီး ခူညေးရယ်က ပြောပါတယ်။ “ အဲ့မီးကျည်က အဆောက်အဦးတွေ ဘာတွေ လောင်တယ်ပေါ့။ နောက်ပြီးတော့ နောက်ပိုင်းကျတော့ အဲ့ဒီ ထွက်လာတဲ့ အခိုးအငွေ့တွေက ဓါတုတွေ...

တောင်ယာအပြန် စစ်ရှောင်အမျိုးသားတစ်ဦး မိုင်းနင်းမိပြီး ဘယ်ခြေထောက်ဆုံးရှုံးခဲ့

ကန္တာရဝတီတိုင်း( မ် ) ကရင်နီပြည် လွိုင်ကော်မြို့အရှေ့ဘက်ခြမ်း ဒေါတဟေးကျေးရွာမှာ စစ်ရှောင်နေတဲ့ အမျိုးသားတစ်ဦး ယမန်နေ့ ( ဇန်နဝါရီလ ၃၀ ရက်နေ့ ) က တောင်ယာကအပြန် မိုင်းနင်းမိပြီး ဘယ်ခြေထောက်တစ်ဖက် ဆုံးရှုံးခဲ့တယ်လို့ သွားရောက်ကူညီခဲ့တဲ့ ရွှေလွိုင်ကော်ပရဟိတအသင်းဝင်တစ်ဦးက ပြောပါတယ်။ “မနေ့က ပဲစဉ်းငုံသွားခူးတာ ဒေါတဟေးရွာအရှေ့ဘက်မှာ ပဲစေးငုံသွားခူးပြီးတော့...

စစ်ကောင်စီက ကျူးလွန်တဲ့ လူ့အခွင့်အရေးချိုးဖောက်မှုတွေကို ထုတ်ဖော်ပြောဆိုဖို့ လိုအပ်တယ်လို့ ကရင်နီလူ့အခွင့်အရေးအဖွဲ့ ပြော

ကန္တာရဝတီတိုင်း(မ်) အာဏာသိမ်းပြီးနောက်ပိုင်း လူ့အခွင့်အရေးချိုးဖောက်ခံရမှုကို ကရင်နီဒေသခံတွေလည်း မျက်မြင်ကိုယ်တွေ့ ခံစားနေကြရပြီး အဲဒီကျူးလွန်မှုကိုလုပ်ဆောင်တဲ့ စစ်ကောင်စီလုပ်ရပ်နဲ့ ပတ်သက်ပြီး ထုတ်ဖော်ပြောဆိုဖို့ လိုအပ်တယ်လို့ ကရင်နီလူ့အခွင့်အရေးအဖွဲ့မှ ဒါရိုက်တာ ဆရာဗညားက ပြောပါတယ်။ “သူတို့(စစ်ကောင်စီ) ချိုးဖောက်မှာပဲ။ အဲ့တော့ သူတို့လုပ်ရပ်ကို ကျနော်တို့သိတယ်ဆိုရင် ရက်တိုင်း ပြောနိုင်မယ်ဆိုရင် မလုပ်ရဲတော့ဘူး။ ဒါက သဘောသဘာဝဖြစ်တယ်။ လူ့အခွင့်အရေးကိုချိုးဖောက်တယ်ဆိုတဲ့နေရာမှာ...

အရေးပေါ်ရွေ့ပြောင်းလာတဲ့ စစ်ရှောင်တွေကို စာသင်ကျောင်းမှာနေရာချထား၊ ကျောင်းယာယီပိတ်ထားရ

ကေးဒူ ( ကန္တာရဝတီတိုင်း(မ်)) ကရင်နီပြည် ဒီးမော့ဆိုမြို့နယ် အရှေ့ဘက်ခြမ်းမှာ ဇန်နဝါရီလ ၂၅ ရက်နေ့က တိုက်ပွဲကြောင့် အရေးပေါ် ထွက်ပြေးတိမ်းရှောင်လာတဲ့ ဒီးမော့ဆိုအရှေ့ခြမ်းက ဒေသခံကျေးရွာ အပါအဝင် တိုက်ပွဲနဲ့ နီးတဲ့ စစ်ရှောင်စခန်းတွေမှာနေထိုင်တဲ့ လူဦးရေ သုံးထောင်ငါးရာ ဝန်းကျင်လောက် အတွက် နေရာထိုင်ခင်းတွေအခက်ခဲဖြစ်နေတယ်လို့ ဒေသခံတွေက ပြောပါတယ်။ လက်ရှိမှာတော့...