spot_img
Sunday, February 5, 2023
spot_img

ဒီးမော့ဆိုမြို့မှာ ၅နှစ်အောက်စစ်ရှောင်ကလေး ၃၀ရာခိုင်နှုန်း အာဟာရချို့တဲ့မှု ကြုံတွေ့နေရ

spot_imgspot_imgspot_imgspot_img

ကန္တာရဝတီတိုင်း( မ် )

ကရင်နီပြည် ဒီးမော့ဆိုမြို့မှာ ၅နှစ်အောက်စစ်ဘေးရှောင် ကလေး ၃၀ရာခိုင်နှုန်းလောက်ဟာ အာဟာရချို့တဲ့မှုကို ကြုံတွေ့နေရတယ်လို့ လူထုကျန်းမာရေးနှင့် ဖွံ့ဖြိုးရေးကွန်ယက် ( CHDN )မှ ဒါရိုက်တာဆရာဖိလစ်က ပြောပါတယ်။

“၃၀ရာခိုင်နှုန်းလောက်နီးနီးက အာဟာရချို့တဲ့တဲ့ လက္ခာဏာတွေ ဖြစ်နေပြီပေါ့။ ရာခိုင်နှုန်းအရဆိုရင် တအားများတယ်လေ အဲ့ဒီဟာ။ ကလေး ၁၀၀မှာ ၃၀ရာခိုင်နှုန်းလောက်က အဲ့ဒီလိုမျိုး လက္ခာဏာတွေ ပြနေပြီဆိုလို့ရှိရင် နောက်ထပ် အစားအစာတွေ မရဘူးဆိုလို့ရှိရင် ဒီထက်ပိုဆိုးဖို့ပဲ ရှိတော့တယ်။ အဲ့လိုမျိုးပေါ့။” လို့ ဆရာဖိလစ်က ပြောပါတယ်။

ဒီးမော့ဆိုမြို့နယ်က ၅နှစ်အောက် စစ်ရှောင်ကလေး (၅၀၈) ဦးကို အာဟာရပြည့်မပြည့် တိုင်းတဲ့ လက်ပတ်နဲ့ တိုင်းကြည့်ရာမှာ (၁၁၁) ယောက်ဟာ သတ်မှတ်ထားတဲ့ အရည်အသွေး မပြည့်မှီသလို အဲ့ဒီအထဲက ၄၄ယောက်ဟာလည်း အာဟာရချို့တဲ့တဲ့ လက္ခာဏာ တွေ့နေရတယ်လို့ ဆိုပါတယ်။

“သူတို့ အာဟာရချို့တဲ့ malnutrition ( အာဟာရ ချို့တဲ့ခြင်း ) လို့ ပြောတဲ့နေရာမှာ တချို့က ပိန်ရိုးရိုးပဲ ပိန်နေတယ်ပေါ့နော။ ကိုယ်သတ်မှတ်ထားတဲ့ ကိုယ်အလေးချိန်ဖြစ်ဖြစ် အရပ်ဖြစ်ဖြစ် မထွက်လာဘူး။ ပြင်းထန်တဲ့ လက္ခာဏာဆိုတာ တအားပိန်နေပြီ။ အသက်ပြင်းပြင်းထန်ထန် ရှူနေရတယ်။ ပြီးတော့ အစာရေစာဆိုရင်လည်း ဘားမှ မစားချင် မသောက်ချင်စိတ်တွေ ဖြစ်နေပြီ အဲ့လိုမျိုးပေါ့နော။ သူ့မှာ လက္ခာဏာတွေရှိတယ်။ နောက်ပြီးတော့မှ ပိန်တာတောင်မှ ရိုးရိုးပိန်တာ မဟုတ်ဘူး။ သူ့မှာ အရိုးနဲ့ အရည်ပဲကျန်တယ်။ ကျနော်တို့မှာ လက်မောင်းတိုင်းတဲ့ဟာတွေရှိတယ်။ အဲ့တာတွေကိုတိုင်းပြီးတော့ ကျနော်တို့ အဖြေတွေကို တွက်ထားတာ ဖြစ်နိုင်တယ်ပေါ့နော။ သေနိုင်တယ်ပေါ့နော။ အဲ့ဒီလိုမျိုး အာဟာရချို့တဲ့ တဲ့ ကလေးတွေက။” လို့ ဆရာဖိလစ်က ပြောပါတယ်။

ဒါဟာ ဒီးမော့ဆိုမြို့နယ်ထဲက စစ်ဘေးရှောင်ကလေးတွေကို တိုင်းတာထားတဲ့ စာရင်းသာဖြစ်ပြီး တခြား စစ်ဘေးရှောင်နေရတဲ့ ဖရူဆိုမြို့၊ ရှားတော၊ လွိုင်ကော်၊ ဖားဆောင်း စတဲ့မြို့တွေမှာလည်း တချို့တွေ့နေရတယ်လို့ ဆိုပါတယ်။

ဒီလို အာဟာရချို့တဲ့တာဟာ အစားအသောက်နဲ့ ကာကွယ်ဆေး လုံလောက်အောင် မရရှိမှုကြောင့် ဖြစ်တယ်လို့ဆိုပါတယ်။ ဒီးမော့ဆိုအနောက်ဘက်ခြမ်း စစ်ရှောင်ဖြစ်တဲ့ ဒေါ်အလယ်စတီးနာက စစ်ရှောင်တစ်နှစ်ကျော်အတွင်း သားသမီးအတွက် အသားဟင်း မဝယ်စားနိုင်ခဲ့ဘူးလို့ ပြောပါတယ်။

“အသားဟင်းကတော့မစားရပါဘူး။ မဝယ်စားနိုင်ဘူး။ ဒီမာလာနေတာလည်းကြာပြီ ဒါမဲ့မဝယ်စားနိုင်ဘူးလေ တခါမှမစားဖူးဘူး။” လို့ ဒေါ်အလယ်စတီးနာက ပြောပါတယ်။

စစ်ဘေးရှောင်စခန်းကလေးတွေ အာဟာရပြည့်ဝစွာစားသုံးနိုင်ဖို့အတွက် စစ်ဘေးရှောင်ကူညီတဲ့အသင်းအဖွဲ့တွေ အလှူရှင်တွေကနေပြီး တစ်ပတ်တစ်ခါ အာဟာရတိုက်ကျွေးတာ၊ ကျန်းမာရေးစစ်ဆေးပေးတာ ပြုလုပ်နေကြတာကို တွေ့ရှိရပါတယ်။

မိဘတွေအနေနဲ့လည်း ကလေးငယ်တွေကို အာဟာရပြည့်ဝအောင် အသားဟင်းမကျွေးနိုင်ရင်တောင်မှ ပဲဟင်း ချက်ကျွေးတာတွေပြုလုပ်ပေးဖို့ ဆရာဖိလစ်က အကြံပေးထားပါတယ်။

အာဏာသိမ်းပြီးနောက်ပိုင်း ကရင်နီပြည်မှာ စစ်ဘေးရှောင်း နှစ်သိန်းနီးပါးရှိနေပြီး ကလေးနဲ့ သက်ကြီးရွယ်အို အများစုဖြစ်ကြပါတယ်။ စစ်ရှောင်တစ်နှစ်ကျော်ကာလအတွင်း ဒေသတွင်းတိုက်ပွဲတွေကြောင့် နေရပ်ပြန်နိုင်ခြင်းမရှိသလို အချိန်ကာလကြာမြှင့်လာတာနဲ့အမျှ စားဝတ်နေရေး အခက်အခဲလည်း ကြုံတွေ့နေတယ်လို့ စစ်ရှောင်တွေက ပြောကြပါတယ်။

spot_imgspot_imgspot_imgspot_img

More from the blog

လွိုင်ကော်တိုက်ပွဲအတွင်း စစ်ကောင်စီ (၁၅)ဦး ထက်မနည်းသေဆုံး၊ လက်နက်ကြီးပစ်ခတ်မှုကြောင့် ဘုရားကျောင်းအပါအဝင် နေအိမ်ပျက်စီးမှုရှိ

ကန္တာရဝတီတိုင်း(မ်) ကရင်နီပြည် လွိုင်ကော်မြို့နယ်တစ်နေရာမှာ ယမန်နေ့ (ဖေဖော်ဝါရီ ၄ရက်) ည အချိန် စစ်ကောင်စီတပ်နဲ့ ကရင်နီဒေသခံကာကွယ်ရေးပူးပေါင်းတပ်တို့ တိုက်ပွဲပြင်းထန်ခဲ့ပြီး နှစ်ဖက်ထိခိုက်ကျဆုံးမှုရှိခဲ့တယ်လို့ ကရင်နီတပ်မတော် စစ်ရေးချုပ် ဗိုလ်မှူးကြီး ဘုန်းနိုင် ကပြောပါတယ်။ “ ရန်သူဖက် ၁၅ယောက်သေတယ်လို့ ပြောတယ်။ ကျနော်တို့ဖက် KNDFက တစ်ယောက် ဒဏ်ရာရတယ်။ PDFဖက်က...

မိုးဗြဲစျေးမှာ အမျိုးသားတစ်ဦး သေနတ်ပစ်ခတ်ခံရ၊ ဈေးပိတ်သိမ်းခဲ့

ကန္တာရဝတီတိုင်း( မ် ) ဒီကနေ့ ဖေဖော်ဝါရီလ ၄ ရက်နေ့ နေ့ လည် ၁၂ နာရီ ဝန်းကျင်အချိန်မှာ ရှမ်း- ကရင်နီနယ်စပ် မိုးဗြဲမြို့ စျေးထဲ အမျိုးသားတစ်ဦး သေနတ်နဲ့ ပစ်ခတ်ခံရတယ်လို့ မျက်မြင်ဒေသခံတွေဆီကနေ သိရပါတယ်။ “စျေးထဲမှာ လူတစ်ယောက် သေနတ်နဲ့ ပစ်ခံရတယ်လေ။ နောက်ကျနော်ကြည့်တဲ့အခါတော့...

လွိုင်ကော်အရှေ့ဘက်ခြမ်းရှိ စစ်ရှောင်ဆေးခန်းတစ်ခု လေကြောင်းတိုက်ခိုက်ခံရ

ကန္တာရဝတီတိုင်း( မ် ) ယမန်နေ့ (ဖေဖော်ဝါရီလ ၃ရက်) က ကရင်နီပြည် လွိုင်ကော်မြို့ အရှေ့ဘက်ခြမ်းမှာ တိုက်ပွဲဖြစ်ပွားခြင်းမရှိဘဲ လေကြောင်းနဲ့ ဗုံးကျဲတိုက်ခိုက်ခံရမှုကြောင့် စစ်ဘေးရှောင်ဆေးခန်းတစ်ခု မီးလောင်ပျက်စီးသွားတယ်လို့ ကရင်နီပြည်ထဲရေးဝန်ကြီးဌာနမှ ပြည်ထဲရေးဝန်ကြီး ခူညေးရယ်က ပြောပါတယ်။ “ မနေ့ည ၆နာရီ ခွဲပေါ့ အဲ့မှာ လေယာဉ်တစ်စင်းနဲ့ လာပစ်တယ်။...

ကရင်နီပြည်မှာ ဇန်နဝါရီလ တစ်လအတွင်း တိုက်ပွဲ (၃၆)ကြိမ်ဖြစ်ပွားခဲ့ပြီး နှစ်ဖက်ထိခိုက်ကျဆုံးမှုရှိခဲ့

ကန္တာရဝတီတိုင်း(မ်) ကရင်နီပြည်မှာ ဇန်နဝါရီတစ်လအတွင်း စစ်ကောင်စီတပ်နဲ့ ထိတွေ့တိုက်ပွဲပေါင်း (၃၆)ကြိမ်ဖြစ်ပွားခဲ့ပြီး စစ်ကော်စီဖက် (၂၂)ဦး သေဆုံးခဲ့သလို KNDFမှရဲဘော် ၅ဦး ကျဆုံးခဲ့တယ်လို့ ကရင်နီအမျိုးသားများကာကွယ်ရေးတပ် (KNDF)က ဒီကနေ့ (ဖေဖော်ဝါရီ ၃ရက်နေ့ ) မှာ သတင်းထုတ်ပြန်ပါတယ်။ တိုက်ပွဲအတွင်း နှစ်ဖက်အကျအဆုံးရှိခဲ့သလို လက်ရှိအချိန်ထိ ဒီးမော့ဆိုအရှေ့ဖက်ခြမ်းမှာ ဇန်နဝါရီလ ဒုတိယအပတ်ကတည်းက...