ပိန်းချစ်ကျေးရွာရှိ ရှေးဟောင်းရေကန်ကို ပြန်လည်ပြုပြင်ထိန်းသိမ်းရန် လိုအပ်

ဦးမြာ

ကယားပြည်နယ် လွိုင်လင်လေးကျေးရွာအုပ်စု ပိန်းချစ်ကျေးရွာရှိ ရှေးဟောင်းရေကန်ကို ပြန်လည်ပြုပြင် ထိန်းသိမ်းရန် အစိုးရကို အကူအညီပေးစေချင်တယ်လို့ ပိန်းချစ်ကျေးရွာမှ ကျောင်းထိုင်ဆရာတော် ဦးကောဝိသက ပြောပါတယ်။

“ရွာကလူတွေက အဲ့ဒီဟာကို တန်ဖိုးမသိကြဘူး။ အဟောင်းဆိုတော့ သူတို့ သိပ်ကရုမစိုက်ကြဘူးပေါ့နော။ အဲ့လိုမျိုးဖြစ်နေတာ ပြန်လည်ပြုပြင်ဖို့က ဒီရွာကလူ ဦးဇင်းတို့နဲ့ပဲ မလွယ်လောက်ဘူးပေါ့နော အစိုးရက ကူညီမှပဲ ရတာပေါ့နော ″ ဟု ကျောင်းထိုင်ဆရာတော် ဦးကောဝိသက မိန့်ကြားသွားပါတယ်။

ယခင်က မြန်မာသက္ကရာဇ် ၁၂၆၂ ခု စော်ဘွားစဝ်ခွန်းလီလက်ထက်တွင် ပိန်းချစ်ကျေးရွာရှိ ဘုရားကို တည်ထောင်ထားပြီး ရေကန်ကိုလည်း တစ်ပြိုင်တည်း တည်ထောင်ထားခဲ့တာဖြစ်သည်ဟု ဆိုပါသည်။

ရေကန်နှင့်အတူ နှစ်ပေါင်းတူညီနေသည့် ပိန်းချစ်ဘုရားကို ပြန်လည်ပြုပြင်မွမ်းမံထားသည်ကို တွေ့ရသည်။ ရေကန်ကိုမူ ပြန်လည်ပြုပြင်နိုင်ခြင်း မရှိသေးသည့်အတွက် ယခုအချိန်တွင် ယိုယွင်းပျက်စီးနေတာဖြစ်သည်။ ယခင်က ၎င်းရေကန်သည် နက်ခဲ့သော်လည်း နှစ်ပေါင်းကြာလာတာနှင့်အမျှ တိမ်ကောလာခြင်းဖြစ်သည်ဟု ကျောင်းထိုင်ဆရာတော်ထံမှသိရသည်။

ပိန်းချစ်ဘုရားကို စော်ဘွားလက်ထက်တွင် ပြန်လည်ပြုပြင်မွမ်းမံခဲ့သော်လည်း ထီးတော်မတင်နိုင်ခဲ့ကြောင်းသိရသည်။ မြန်မာသက္ကရာဇ် ၁၃၄၆ ခုနှစ်တွင် ရသေ့တစ်ပါးက ၎င်းဘုရားကို ထီးတော်တင်ခဲ့သည့်အတွက် ရှေးဟောင်းလက်ရာများ မရှိတော့ပဲ မွမ်းမံဘုရားအဖြစ် ယနေ့အချိန်ထိ တည်ရှိနေတာကို တွေ့ရသည်။

ကျေးလက်နေ ပြည်သူလူထုများက ယိုယွင်းပျက်စီးနေပြီဖြစ်သည့် ရှေးဟောင်းလက်ရာကို အလေးထားမှု နည်းပါးသည့်အတွက် ရှေးဟောင် အမွေအနစ် ပျက်စီးမသွားအောင် ထိန်းသိမ်းပြီး ပြန်လည်ပြုပြင်ရန် လိုအပ်ကြောင်း ကျောင်းထိုင်ဆရာတော်က မိန့်ကြားထားပါသည်။

စော်ဘွားစဝ်ခွန်းလီ လက်ထက်တွင် ပိန်းချစ်ကျေးရွာသည် ဘုရားပွဲကို နှစ်စဉ်နှစ်တိုင်း ကျင်းပပြီး ရေကန်ကိုလည်း ထိန်းသိမ်းမှုများ ပြုလုပ်ခဲ့သည်ဟုဆိုပါသည်။

″ နောက်ပိုင်းက အခြေအနေ အကြောင်းအမျိုးမျိုးကြောင့် ဘုရားပွဲလည်း မဖြစ်ဘူး ရေကန်လည်း ဒီတိုင်းပဲ ပစ်ထားပြီးတော့ ရွာက သန့်ရှင်းရေးနဲ့ တစ်နှစ်တစ်ခါနှစ်ခါ အားလုံးပဲ လာပြီးတော့ သန့်ရှင်းရေးတွေ လုပ်ကြတယ်ပေါ့နော အမှန်ဆို ရှေးဟောင်းဆို ဒီတိုင်း ပြန်လည်ပြုပြင်သင့်တာပေါ့နော ဒီရှေးဟောင်းအမွေအနှစ်မပျောက်ပျက်အောင် သေချာထိန်းသိမ်းသင့်တယ်ပေါ့နော ″ ဟု ကျောင်းထိုင်ဆရာတော် ဦးကောဝိသက မိန့်ကြားပါသည်။

ယခင် အစိုးရလက်ထက်မှာ ရေကန်ကို ပြန်လည်ပြုပြင်နိုင်ရန် လာရောက်ကြည့်ရှူခဲ့ပြီး ကျောင်းထိုင်ဆရာတေ်ာကလည်း တင်ပြခဲ့သည်ဟုသိရသည်။

ပြီးခဲ့သည့် ၂၀၁၆ ခုနှစ်ကစပြီး နိုင်ငံခြား ခရီးသွားများ လာရောက်လေ့လာခဲ့ကြသည်ဟု သိရသည်။

သာသနာရေးနှင့် ယဉ်ကျေးမှုဝန်ကြီးဌာန ရှေးဟောင်းသုတေသနနှင့် အမျိုးသားပြတိုက် ဦးစီးဌာနမှ ၂၀၁၇-၁၈ ခုနှစ် ငွေလုံးငွေရင်း အသုံးစရိတ်စာရင်းတွင် ကျပ်သန်းပေါင်း ၂၃ဝ နှင့် သာမန်အသုံးစရိတ် ကျပ်သန်းပေါင်း ၃ဝ လျာထားကြောင်း သိရသည်။

Comments

comments

Next Post

သစ်ထုတ်ယူနေခြင်းအပေါ် ပွင့်လင်းမြင်သာစွာဆောင်ရွက်ရန် လူထုအခြေပြု အဖွဲ့အစည်းများ တိုက်တွန်း

Tue Feb 14 , 2017
စိုင်းလင်းလင်းဦး ပြည်နယ်အတွင်း ပုံစံအမျိုးမျိုးဖြင့် သစ်ထုတ်ယူနေခြင်းအပေါ် အစိုးရမှ ပွင့်လင်းမြင်သာစွာ အရေးတယူ ကိုင်တွယ်ဖြေရှင်းပေးရန် ကယား(ကရင်နီ)ပြည်နယ် လူထုအခြေပြုအဖွဲ့အစည်း ၁၂ ဖွဲ့မှ ထုတ်ပြန်ပြောဆိုလိုက်သည်။ စီးပွားရေးအရ အမြတ်ထုတ်သူများ၊ အစိုးရ လုပ်ထုံးလုပ်နည်းများဖြင့် အသုံးချနေသူများက သစ်များကို နေ့စဉ် လူထုများ၏ မြင်ကွင်းရှေ့တွင်တစ်မျိုး၊ လျို့ဝှက်စွာဖြင့်တစ်ဖုံ ထုတ်ယူနေမှုများ ရှိနေဆဲဖြစ်ကြောင်း ထုတ်ပြန်ကြေညာချက်တွင် ဖေါ်ပြထားသည်။ ပြဌာန်ထားသော ဥပဒေအတိုင်းတိတိကျကျလိုက်နာကျင့်သုံးမှုအားနည်းခြင်းနှင့် အဂတိလိုက်စားမှုများရှိနေခြင်းကြောင့် တရားမဝင်သစ်ထုတ်သူများကို အရေးယူမှုအားနည်းလျှက်ရှိနေကြောင်း ကရင်နီ အရပ်ဖက်လူမှုအဖွဲ့အစည်းများကွန်ယက်(KCSN)၏ အဖွဲ့ဝင်တစ်ဦးဖြစ်သူနှင့် ကယားဖူနှစ်ခြင်းအဖွဲ့၏ လူမှုဝန်ထမ်းခြင်းနှင့် ဖွံ့ဖြိုးရေးဌာန၏ ဒါရိုက်တာ ဦးစန်းဒေးထူးက ပြောသည်။ “အဓိကကတော့ ပွင့်လင်းမြင်သာမှုအားနည်းနေသေးတာက တစ်ခုပေါ့နော် ရှိရင်းစွဲဥပဒေတစ်ခုကို အဂတိလိုက်စားမှုကင်းကင်းနဲ့ ကိုင်တွယ်ဆောင်ရွက်မယ်ဆိုရင် ကျနော်ထင်ပါတယ် သစ်ထုတ်တဲ့သူတွေကလည်း သိထားလိမ့်မယ်။”ဟု […]