spot_img
Wednesday, August 10, 2022
spot_img

ဖယ်ခုံအင်းအရှေ့ဖက်ခြမ်းမှာ ဖြိုလဲထားတဲ့ မိုင်တဲတာဝိုင်တိုင်ကို ဖယ်ခုံ PDF မှ လက်နက်ထုတ်

spot_imgspot_imgspot_imgspot_img

ကန္တာရဝတီတိုင်း(မ်)

ဖယ်ခုံပြည်သူ့ကာကွယ်ရေးတပ်ကနေပြီး ဖယ်ခုံအင်းအရှေ့ဖက်ခြမ်းမှာရှိတဲ့ စစ်ကောင်စီတပ်ပိုင်ဖြစ်တဲ့ မိုင်တဲတာဝါတိုင်တွေကို ဖြိုလဲပြီး အဲ့ဒီတာဝါတိုင်ကနေ လက်နက်ပြန်လည်ထုတ်လုပ်ဖို့အတွက် အသုံးပြုတယ်လို့ ဖယ်ခုံ PDFတပ်ရင်း (၂) တာဝန်ရှိသူတစ်ဦးက ပြောပါတယ်။

“ ဖယ်ခုံအင်းအရှေ့ခြမ်းမှာတော့ မိုင်တဲတိုင်တွေကတော့ တစ်တိုင်မှ မကျန်တော့ဘူး။ ကုန်ပြီဗျ။ လက်နက်ထုတ်တာတော့ ကျနော်တို့လည်း သိပ်ပြီးတော့ ဟိုဟာ မဖြစ်တော့လေ ကျနော်တို့လည်း ကြေညာတာတွေ ထုတ်ပြန်တာတွေ သိပ်မလုပ်လို့လာ ဒီအတိုင်းပဲထားတာပေါ့။ အရင်တုန်းကတည်းက။ အခုတော့ လုပ်ထားတာတွေရှိတယ်ပေါ့ မိုင်တဲတိုင်နဲ့တော့။ အခုတော့ အဲ့ဒါနဲ့ အရင်နှစ်ကတည်းက ပစ်တာသုံးတာတွေတော့ ရှိပြီဗျ။ မိုင်တဲတိုင်က အခုက ဒီဖက်မှာတော့ လေးတိုင်၊ ငါးတိုင်တော့ အနည်းဆုံး ရှိလိမ့်မယ်ထင်တယ်။ ဒီဖက်မှာ ရှိသမျှတိုင်တွေ ဘာမှမကျန်တော့ဘူး မိုင်တဲတိုင်တော့။ “ လို့ ဖယ်ခုံ PDFတပ်ရင်း (၂) တာဝန်ရှိသူတစ်ဦးက ပြောပါတယ်။

အခုလို ကိုယ်တိုင် လက်နက်စမ်းသပ် ထုတ်လုပ်တာတွေကို ဖယ်ခုံ PDF စတည်ထောင်ကတည်းက ပြုလုပ်တာတွေ ရှိတယ်လို့ ဆိုပါတယ်။ မိုင်တဲတိုင်ရဲ့ အောက်ခြေတိုင်တွေကို ပြန်လည်အသုံးပြုပြီး ယမ်းတွေနဲ့ လက်နက်ထုတ်လုပ်နေကြတာဖြစ်ပါတယ်။

“ ၇၇ မမ လောက်တော့ ရှိတယ်လို့ပြောတယ်။ မိုင်တဲအောက်ခြေတိုင်ရဲ့ ပတ်လည်ဆိုတော့ အဲ့လောက်ပဲ ရှိတယ်ဗျ။ ၇၇နဲ့ ၁၂၀ တချို့လည်း ပါတယ်။ “ လို့ သူက ဆက်ပြောပါတယ်။

ထုတ်လုပ်ထားတဲ့ လက်နက်တွေကို ရှေ့တန်းတိုက်ပွဲတွေမှာ လက်နက် အလုံး ၂၀၊ ၃၀ အထိ အသုံးပြုတာတွေလည်း ရှိနေပြီလို့ ဆိုပါတယ်။ လက်နက်ထုတ်လုပ်ရေးမှာလည်း တတ်သိပညာရှင်တွေဆီကနေ လက်လှမ်းမှီသလောက် လေ့လာပြီး ထုတ်လုပ်နေတယ်လို့ ပြောပါတယ်။

“တကယ်လို့သာ အဲ့လိုမျိုးတွေ ထောက်ပံ့တာတွေသာ ရလာမယ်ဆိုလို့ရှိရင်တော့ ဒီထက်ပိုကောင်းတာ တဖြည်းဖြည်းတော့ မြင့်လာမယ်လို့တော့ ထင်တာပဲ။ အရင်တုန်းကတော့ ကျနော်တို့တွေ ထုတ်လိုက် တခါတလေကျတော့လည်း ပြောင်းတွေ ကွဲလိုက် ကုန်ကျစရိတ်ကလည်း တခါတလေ ကုန်တာတွေ ရှိတယ်လေ။ တကယ်လို့သာ ထောက်ပံ့ကူညီမှုတွေ များလာမယ်ဆိုလို့ရှိရင်တော့ ကျနော်တို့လည်း ပိုပြီးတော့ လုပ်ရတာ အားရှိတာပေါ့။ “ လို့ ဖယ်ခုံ PDFတပ်ရင်း ၂ တာဝန်ရှိသူတစ်ဦး ကပြောပါတယ်။

လက်နက် ထုတ်လုပ်ရေးအတွက်လည်း လုံလောက်တဲ့ ထောက်ပံ့မှုတွေ လိုအပ်နေတယ်လို့ ဆိုပါတယ်။ ဖယ်ခုံ PDFဟာဆိုရင် ၂၀၂၂ ခုနှစ် ဇွန်လ ၁၇ ရက်နေ့မှာ တည်ထောင်တာတစ်နှစ် ပြည့်မြောက်ခဲ့ပြီး တိုက်ပွဲတွေမှာ တော်လှန်ရေးအင်အားစုတွေနဲ့ ပူးပေါင်းဆောင်ရွက်နေတာဖြစ်ပါတယ်။

ဓာတ်ပုံ – ဖယ်ခုံမြို့နယ် ပြည်သူ့ကာကွယ်ရေးတပ် တပ်ရင်း(၂)။
ဓာတ်ပုံ – ဖယ်ခုံမြို့နယ် ပြည်သူ့ကာကွယ်ရေးတပ် တပ်ရင်း(၂)။
ဓာတ်ပုံ – ဖယ်ခုံမြို့နယ် ပြည်သူ့ကာကွယ်ရေးတပ် တပ်ရင်း(၂)။
ဓာတ်ပုံ – ဖယ်ခုံမြို့နယ် ပြည်သူ့ကာကွယ်ရေးတပ် တပ်ရင်း(၂)။
ဓာတ်ပုံ – ဖယ်ခုံမြို့နယ် ပြည်သူ့ကာကွယ်ရေးတပ် တပ်ရင်း(၂)။
spot_imgspot_imgspot_imgspot_img

More from the blog

ကရင်နီအမျိုးသားခုခံတော်လှန်ရေး​နေ့မှာ (KNPP) အမြဲတမ်း ပါတီ ဗဟိုကော်မတီဝင် ရီမာန်ထူးနဲ့ တွေဆုံမေးမြန်းခြင်း

https://youtu.be/RCXetUa48n4 ဒီကနေ့ ဩဂုတ်လ (၉)ရက်နေ့မှာ ကျရောက်တဲ့ ကရင်နီအမျိုးသား ခုခံတော်လှန်ရေး (၇၄)နှစ်ပြည့်မှာ ကရင်နီအမျိုးသား တိုးတက်ရေးပါတီ (KNPP) အမြဲတမ်း ပါတီ ဗဟိုကော်မတီဝင် တစ်ဦး ဖြစ်တဲ့ ဆရာကြီး ရီမာန်ထူး နဲ့ ကန္တာရဝတီတိုင်း(မ်) ကတွေ့ ဆုံမေးမြန်းထား ဖြစ်ပါတယ်။ ကရင်နီအမျိုးသားခုခံတော်လှန်ရေးဆိုတာ ဘာလဲ၊ ဘယ်လိုကြောင့်...

ကျေးရွာဆေးပေးခန်းတစ်ခုကို စစ်ကောင်စီတပ်က လေကြောင်းတိုက်ခိုက် ဒေသခံတစ်ဦးသေဆုံး ၂ဦးထိခိုက်ဒဏ်ရာရ

ကန္တာရဝတီတိုင်း(မ်) ကရင်နီပြည် လွိုင်ကော်မြို့ အရှေ့ ခြမ်းက ကျေးရွာတစ်ရွာရှိ ဆေးပေးခန်းကို ဒီနေ့ ဩဂုတ်လ ၉ ရက်နေ့ မွန်းလွဲ ၁၀ နာရီကျော်အချိန်မှာ စစ်ကောင်စီတပ်က တိုက်လေယာဉ်တစ်စင်းနဲ့ အကြောင်းမဲ့ လာရောက် ပစ်ခတ်တိုက်ခိုက်ခဲ့ပါတယ်။ လေကြောင်းပစ်ခတ်မှုကြောင့် လူ ၁ ဦးသေဆုံးပြီး ၂ ဦး ထိခိုက်ဒဏ်ရာရရှိခဲ့ပြီး...

ကရင်နီအမျိုးသား ခုခံတော်လှန်ရေးနေ့ အပေါ် မှာ KNDF ရဲ့ အတွင်းရေးမှူး ၃ ခူးရီးဒူနဲ့ တွေ့ဆုံမေးမြန်းခြင်း

https://youtu.be/v7JwtpK3p80 ဩဂုတ်လ (၉)ရက်နေ့မှာ ကျရောက်မယ့် (၇၄) နှစ်ပြည့် ကရင်နီအမျိုးသားခုခံတော်လှန်ရေးနေ့ နဲ့ ပတ်သက်ပြီး လက်ရှိတော်လှန်ရေးမှာပါဝင်နေတဲ့ ကရင်နီအမျိုးသားများကာကွယ်ရေးတပ် (KNDF) ရဲ့ အတွင်းရေးမှူး (၃) ဖြစ်တဲ့ ခူးရီးဒူ နဲ့ ကန္တာရဝတီတိုင်း(မ်) က တွေ့ဆုံ မေးမြန်းထားတာ ဖြစ်ပါတယ်။ တွေ့ဆုံမေးမြန်းမှုမှာ - နှစ်ပေါင်း...

လွိုင်ကော်မြို့ ပွန်ချောင်းက စစ်ကောင်စီတပ်စခန်းကို KA ၊ KNDF တို့က ဒရုန်းဖြင့် သွားရောက်ပစ်ခတ်

ကန္တာရဝတီတိုင်း( မ် ) လွိုင်ကော်မြို့ ပွန်ချောင်းက စစ်ကောင်စီတပ်စခန်းကို ကရင်နီတပ်မတော် ( KA )၊ ကရင်နီအမျိုးသားများကာကွယ်ရေးတပ် ( KNDF ) တို့က ယမန်နေ့ ဩဂုတ်လ ၇ရက်နေ့မှာ ဒရုန်းနဲ့ သွားရောက်ပစ်ခတ်ခဲ့တယ်လို့ ကရင်နီပြည်အစိုးရ ကာကွယ်ရေး ဒု-ဝန်ကြီး ခူဒယ်နီယာယ်က ပြောပါတယ်။ “နှစ်နေရာတော့...