spot_img
Friday, May 20, 2022
spot_img

ဖရူဆိုမြို့နယ် အနောက်ဘက်ခြမ်း က စစ်ရှောင်တွေ လပိုင်းအတွင်း ရိက္ခာလုံးဝ ပြတ်တောက်သွားနိုင်ကြောင်းဆို

ကန္တာရဝတီတိုင်း(မ်)

ကရင်နီပြည် ဖရူဆိုမြို့အနောက်ဖက်ခြမ်းရှိ စစ်ရှောင်စခန်းတွေမှာ လိုအပ်နေတဲ့ အခြေခံလူသုံးကုန်ပစ္စည်းတွေအပြင် အရေးပါတဲ့ စားနပ်ရိက္ခာ တွေဟာ နောက်ထပ် ၂လ လောက်အတွင်းမှာ လုံးဝပြတ်တောက်သွားနိုင်တယ်လို့ စစ်ရှောင်ကူညီနေသူတစ်ဦးက ပြောပါတယ်။

“နောက်ထပ်တစ်လ နှစ်လလောက်ဆိုရင်တော့ လုံးလုံး ရိက္ခာက ပြတ်မယ့်အနေအထားရှိတယ်။ အဝင်မရှိတော့ဘူးပေါ့နော အထွက်ပဲရှိတာ တော်တော်ကြာပြီ ၃၊ ၄လရှိပြီ။ ရှိလာတော့ တခြားအလှူရှင်တွေပေါ့နော ရနိုင်သလောက်ကတော့ ဆန်ကြိတ်တယ်။ အခက်အခဲအမျိုးမျိုးရှိကြတယ်ပေါ့။ သူတို့မှာလည်း အခက်အခဲရှိသလို ကျနော်တို့မှာလည်း အခက်အခဲရှိကြတယ်။ အလှူရှင်ရနိုင်ရင်တော့ ဒီဖက်ကို ဦးစားပေးလာခိုင်းစေချင်တယ်ပေါ့နော။”လို့ စစ်ရှောင်ကူညီသူတစ်ဦးက ပြောပါတယ်။

ဖရူဆိုမြို့ အနောက်ဘက်ခြမ်းက စစ်ရှောင်စခန်းတခု။

လက်ရှိမှာ လမ်းပန်းဆက်သွယ်ရေးအခက်ခဲအကြောင့် အပြင် စစ်ရေး အနေအထားအကြောင့်ပါ ဖရူဆိုမြို့နယ် အနောက်ဘက်ခြမ်းဆီကို အလှူရှင်တွေ မရောက်လာနိုင်တာ ၅လ ဝန်းကျရှိနေပြီဖြစ်တယ်လို့ ဒေသခံတွေကဆိုပါတယ်။

“ဟင်းမရှိဘူး ငှက်ပျောအူပဲစားတယ် ငှက်ပျောအူတို့ ကန်မွန်းချဉ်ရွက်တို့ ။ တစ်ခါတစ်ခါ အလှူရှင်လာလို့ရှိရင်တော့ နည်းနည်းဟင်းကောင်းတာပေါ့။ သူတို့ကျွေးတဲ့ဟာတော့ ကုလားပဲတို့၊ ဆီတို့၊ ငါးဘူးတို့၊ ခေါက်ဆွဲတို့ စားရတယ်။” လို့ စစ်ရှောင်အမျိုးသားတစ်ဦးက ဆက်ပြောပါတယ်။

ဖရူဆိုမြို့နယ်အနောက်ဖက်ခြမ်းရှိ ကျေးရွာပေါင်း (၁၃)ရွာမှ စစ်ရှောင်လူဦးရေ တစ်ထောင့်ငါးရာဝန်းကျင်ဟာ ရွာတွေမှာ Camp ပုံံစံနဲ့ တဲထိုးပြီးနေထိုင်တာရှိသလို ဆွေမျိုးနီးစပ်တဲ့သူတွေဆီမှာ ခိုလှုံသူတွေလည်းရှိနေပါတယ်။

ပြီးခဲ့တဲ့နှစ်က စားနပ်ရိက္ခာထောက်ပံ့မှုအနေနဲ့ တစ်ဦးလျှင် ဆန်နှစ်ပြည်နှုန်းဖြင့် နှစ်ပတ်တစ်ကြိမ် ပေးနိုင်ပေမယ့်လည်း အလှူရှင်မရောက်ရှိတဲ့နောက်ပိုင်းမှာ တစ်လကို ဆန်သုံးပြည် ထောက်ပံ့ပေးထားတယ်လို့ သိရပါတယ်။ လူဦးရေများတဲ့ မိသားစုဆိုရင်တော့ မလုံလောက်ဘဲ ကော်မတီထံ အရေးပေါ် ပြန်လာတောင်းတာရှိတယ်လို့ ဆိုပါတယ်။

အသက် ၄၈နှစ်အရွယ် ဖရူဆိုမြို့ စစ်ဘေးရှောင်အမျိုးသားတစ်ဦးက “တစ်လကိုသုံးပြည် မလောက်ဘူး ကိုယ့်ကိုယ်ကို အပြင်မှာနည်းနည်းပါးပါးတော့ ရှာစားမှပဲရမှာပေါ့ ၃ပြည်ဆို မလောက်ဘူးဖြစ်နေတယ်။ ဒီမှာက ဘားမှရှာမစားတတ်ဘူး ကိုယ့်ရွာမဟုတ်တော့ မရှာတတ်ဘူး တစ်ရက်ကို တစ်ထောင်၊ ငါးရာတောင်မရကြဘူး။”လို့ လက်ရှိအခက်အခဲကိုပြောပါတယ်။

ဖရူဆိုမြို့ အနောက်ဘက်ခြမ်းက စစ်ရှောင်စခန်းတခု။
ထမင်းဟင်းချက်ဖို့ အတွက် ထင်းခွဲနေကြတဲ့ စစ်ရှောင်ကလေးငယ်များ
ထမင်းစားနေကြတဲ့ စစ်ရှောင်ကလေးငယ်များ။

တိုက်ပွဲဖြစ်ပွားချိန် ခြေလျင်နဲ့ပြေးခဲ့ရပြီး ဆန်၊ မိုးကာ၊ စောင်၊ အဝတ်အစားလည်းမပါတာကြောင့် အခြားသူတွေထက်ပိုခက်ခဲနေတယ်လို့ သူကဆိုပါတယ်။

စစ်ရှောင်အိမ်ထောင်စုတွေကို ရိက္ခာထောက်ပံ့ပေးမှုဟာ လာမယ့်လအတွင်း ရိက္ခာပြတ်မယ့်အနေအထားရှိပြီး လက်ရှိမှာ ရနိုင်သလောက် ဆန်ကြိတ်ထားပေမယ့် အခက်အခဲတွေရှိနေတယ်လို့ ဆိုပါတယ်။

ကရင်နီပြည်မှာ သယ်ယူပို့ဆောင်ရေးအတွက် အဓိက အားထားရာဖြစ်တဲ့ လွိုင်ကော်-ဒီးမော့ဆို၊ မိုးဗြဲ-နန်းမယ်ခုံ- ဒီးမော့ဆို၊ ဒီးမော့ဆို-ဖရူဆို တစ်လျှောက်မှာ ဒေသခံကရင်နီပူးပေါင်းတပ်ဖွဲ့နဲ့ စစ်ကောင်စီတို့ တိုက်ပွဲမကြာခဏဖြစ်ပွားနေတာကြောင့် သွားလာရအဆင်မပြေဘူးလို့ သိရပါတယ်။

spot_imgspot_imgspot_imgspot_img

More from the blog

တပ်မ-၃၃ တပ်ကြပ်ကြီးတစ်ဦးကို ဖမ်းဆီးရမိ

ထွေးရယ် ကန္နရဝတီတိုင်း(မ်) ကရင်နီပြည် ဒီးမော့ဆိုအရှေ့ဘက်ခြမ်းရှိ အမှတ် ( ၁) ခရိုင် တစ်နေရာမှာ စစ်ကောင်စီတပ်ရဲ့ တပ်မ-၃၃ တပ်ကြပ်ကြီးတစ်ဦးကို ဖမ်းဆီးရမိခဲ့ပါတယ်။ ကရင်နီအမျိုးသား ကာကွယ်ရေးတပ် KNDF B-09 နဲ့ ကရင်နီတပ်မတော် KAတို့ပူးပေါင်းပြီး မေလ ၁၆ ရက်ည (၉)နာရီ ဝန်းကျင်မှာ ကင်းလှည့်ရင်း...

ဖယ်ခုံ၊ ဆီးမီးလော့ကျေးရွာမှာ ဒီကနေ့အထိ တိုက်ပွဲဖြစ်ပွားနေ

လဲသျှို့ / ကန္တာရဝတီတိုင်း ( မ် ) ဖယ်ခုံမြို့နယ်၊ ဆီးမီးလော့ကျေးရွာကို မေလ ၁၅ ရက်နေ့ကတည်းက ထိုးစစ်ဆင်လာတဲ့ စစ်ကောင်စီတပ်သားတွေ နဲ့ ကရင်နီဒေသခံကာကွယ်ရေး ပူးပေါင်းတပ်ဖွဲ့တို့ ဒီကနေ့ မေလ ၁၉ ရက်နေ့အထိ တိုက်ပွဲဖြစ်ပွားနေပြီး ဖယ်ခုံအရှေ့ဖက်ကမ်းဒေသမှာ တိုက်ပွဲဖြစ်ပွားတာ ငါးရက်မြောက်ရှိသွားပြီဖြစ်ပါတယ်။ ဖယ်ခုံPDF ၊...

ကရင်နီပြည်က စစ်ဘေးရှောင်ကလေးငယ် ၂၀၀ ဝန်းကျင် အာဟာရချို့တဲ့မှုရှိနေ

လဲသျို့ /ကန္တာရဝတီတိုင်း( မ် ) ကရင်နီပြည်က စစ်ရှောင်ကလေးငယ် ၂၀၀ ဝန်းကျင်ဟာ လုံလောက်တဲ့ အာဟာရမရရှိပဲ အာဟာရချို့တဲ့နေတယ်လို့ လူထုကျန်းမာရေးနှင့်ဖွံ့ဖြိုးရေးကွန်ယက် CHDN ဒါရိုက်တာ ဆရာဖိလစ်က ပြောပါတယ်။ ဒါဟာ CHDN နယ်မြေအတွင်း လက်လှမ်းမီ သလောက် ကောက်ယူထားတဲ့ စာရင်းဖြစ်ပြီး ဒီထက်ပိုများနိုင်တယ်လို့ ဆရာဖိလစ်က ဆက်ပြောပါတယ်။ “တစ်ရက်မှာ...

ဒီကနေ့ မနက် ဆီးမီးလော့ကျေးရွာအနီး တိုက်ပွဲမှာ KNDF-B03 ရဲဘော် တစ်ဦး ကျဆုံး

မော်မီမြာ / ကန္တာရဝတီတိုင်း(မ်) ဖယ်ခုံမြို့အရှေ့ဘက်ကမ်း၊ ဆီးမီးလော့ကျေးရွာအနီးမှာ ဒီကနေ့ (မေလ ၁၈ရက်) မနက် ၇နာရီ ၁၅မိနစ်မှာ စစ်ကြောင်းထိုးလာတဲ့ ၄၂၂တပ်ရင်းနဲ့ KNDF-B03 တို့ ထိတွေ့တိုက်ပွဲဖြစ်ပွားနေတယ်လို့ KNDF-B03က ဒီကနေ့ သတင်းထုတ်ပြန်ပါတယ်။ တိုက်ပွဲအတွင်းမှာ KNDF-B03 တပ်ခွဲ(၄)က ရဲဘော်တစ်ဦးဖြစ်တဲ့ အောင်ရွှေ...