spot_img
Friday, December 2, 2022
spot_img

ဖရူဆိုမြို့ စစ်ရှောင်စခန်းတစ်နေရာမှာ လူမှုကယ်ဆယ်ရေးသင်တန်း ၁၀ရက် ဖွင့်လှစ်ခဲ့

spot_imgspot_imgspot_imgspot_img

ကန္တာရဝတီတိုင်း( မ် )

ဖရူဆိုမြို့နယ်ရှိ စစ်ဘေးရှောင်စခန်းတစ်ခုမှာ ( Kayah Rescue ) ကယ်ဆယ်ရေးအဖွဲ့အောက်က ဖရူဆိုကယ်ဆယ်ရေးအဖွဲ့ဖြစ်တဲ့ ထီးဆိုဒူးကယ်ဆယ်ရေးအဖွဲ့ကနေပြီး နိုင်ငံတကာအဆင့်မှီအရေးပေါ်အသက်ကယ်နည်း ဆင့်ပွားသင်တန်း Level -1 ကို ဩဂုတ်လ ၂၂ရက်နေ့ကနေ ၃၁ရက်နေ့အထိ ၁၀ရက်သာ ဖွင့်လှစ်ခဲ့ပါတယ်။

“ သင်တန်းဖွင့်လှစ်ရတဲ့ ရည်ရွယ်ချက်က ကျမတို့ကစစ်ရေး၊ စစ်ရေးစစ်ရာဖြစ်လာပြီလေးနော။ ကျမတို့ ကလေးတွေ mission တွေ ဘာတွေလုပ်တဲ့အခါကျရင် ကယ်ဆယ်ရေးပညာမရှိတဲ့အတွက် ကျမတို့ဘက်ကနေ တအားနဲ့ ဒုက္ခရောက်တာတွေ ရှိခဲ့တယ်။ ကျမတို့က ဒါအရေးပေါ်ပေးရမယ့် အခြေအနေပဲလို့ သုံးသပ်တယ်။ သုံးသပ်ပြီးတော့မှ ကျမတို့ နည်းပြတွေကိုခေါ်တယ်။ ကြက်ခြေနီအဖွဲ့တွေပါတယ်။ သူနာပြုတွေပါတယ်။ ကျမတို့ ကယ်ဆယ်ရေးအဖွဲ့တွေပါမယ်။ ပေါင်းပြီးတော့မှ နည်းပညာသုံးခုပေါင်းပြီးတော့မှ ကျမတို့ ပေးထားတာဖြစ်ပါတယ်။” လို့ သင်တန်းမှူးဖြစ်တဲ့ ဒေါ်အက်ဂနက်စုစုအေးက ပြောပါတယ်။

သင်တန်းမှာ နည်းပြ ၇ယောက်နဲ့ သင်တန်းသူ/သား ၄၁ယောက် တက်ရောက်ကြပြီး စစ်ရှောင်တွေအပြင်အနီးအနားကျေးရွာက သူတွေလည်း ပါဝင်တက်ရောက်ကြတာဖြစ်ပါတယ်။ လက်ရှိကာလမှာ လက်တွေအသုံးဝင်တဲ့အတွက် အများကြီး ဆက်လက်ဖွင့်လှစ်စေချင်တယ်လို့ သင်တန်းတက်ရောက်သူတွေက ဆိုပါတယ်။

“ ကျမရလိုက်တာတွေကတော့ လူတစ်ယောက်ရဲ့အသက်ကို မဆုံးရှုံးသင့်ဘဲနဲ့ ဆုံးရှုံးလိုက်ရတဲ့ အဖြစ်မျိုးတွေ မဖြစ်အောင် ကာကွယ်နည်းတွေ ရလိုက်နိုင်တယ်ပေါ့။ အနည်းဆုံးတော့ ကိုယ့်မိသားစုကိုတော့ ကာကွယ်နိုင်မယ်လို့တော့ မျှော်လင့်ထားတယ်ပေါ့နော။” လို့ သင်တန်းမှာ ပါဝင်တက်ရောက်ခဲ့ပြီး စစ်ရှောင်တစ်ဦးလည်းဖြစ်တဲ့ ဒေါ်ခင်ချောစုလှိုင်ထွေးက ဆိုပါတယ်။

လူမှုကယ်ဆယ်ရေးသင်တန်းဖွင့်လှစ်တာ ယခုအကြိမ်အပါအဝင် တတိယအကြိမ် ရှိပြီဖြစ်ပြီး ဖရူဆိုမြို့နယ်အတွင်းမှာ ဖွင့်လှစ်ခဲ့တာဖြစ်တယ်လို့ သိရပါတယ်။ ၂၀၂၁ခုနှစ် ဇန်နဝါရီလအတွင်းမှာ ပထမအကြိမ်နဲ့ ဒုတိယအကြိမ် ဖွင့်လှစ်ခဲ့တာဖြစ်ပါတယ်။

ဒုတိယအကြိမ် ဖွင့်လှစ်တာမပြီးခင် အာဏာသိမ်းသွားတာဖြစ်ပြီး ယခုတတိယအကြိမ် ပြန်လည်ဖွင့်လှစ်နေတာဖြစ်ပါတယ်။ ဆက်လက်ပြီးတော့မှလည်း စစ်ရှောင်နေရာတွေမှာ ထပ်မံဖွင့်လှစ်သွားဖို့ ကြိုးစားနေတယ်လို့ သင်တန်းမှူး ဒေါ်အက်ဂနက်စုစုအေးက ဆိုပါတယ်။

“ သင်တန်းပေးနိုင်ဖို့အတွက် ကျမတို့အတွက် အများကြီး ခွန်အားလိုပါတယ်ပေါ့နော။ အထောက်အပံ့တွေလည်း အများကြီးလိုပါတယ်။ အခုဒီသင်တန်းကိုလည်း ကျမဘယ်အထောက်အပံ့မှ မရှိပဲ ဖွင့်လှစ်လိုက်တာ ကျမတို့အတွက် အရမ်ကြီးခက်ခဲတယ်။ ပင်ပန်းရတာပေါ့နော။ စိတ်လည်းပင်ပန်းတယ်။ အပူအပင်တွေတအားများတယ်ပေါ့နော။ နောက်သင်တန်းတွေအတွက် ကျမ ထပ်ဖွင့်ဖို့ ကြိုးစားမယ်ဆိုလို့ရှိရင် ကျမကို ထောက်ပံ့ကြပါ။ ကူညီကြပါလို့ အကူအညီတောင်းချင်ပါတယ်ပေါ့နော။” လို့ ဒေါ်အက်ဂနက်စုစုအေးက ပြောပါတယ်။

သင်တန်းပို့ချဖို့အတွက် လိုအပ်တဲ့ ကယ်ဆယ်ရေးပစ္စည်းတွေကို ပြန်လည်ဝယ်ယူရပြီး တချို့ သင်ခန်းစာတွေကိုလည်း အလွတ်သင်ကြားနေရတာတွေလည်းရှိတယ်လို့ သူက ဆက်ပြောပါတယ်။ သင်တန်းမှာ ကယ်ဆယ်ရေးနည်း ၄၀ကျော် ပို့ချပေးခဲ့တာဖြစ်ပြီး နောက်ဆုံးအဖွဲ့လိုက် ပြန်လည်ယှဉ်ပြိုင်တဲ့နေရာမှာတော့ ကယ်ဆယ်ရေးနည်း ၂၆နည်းကို အဓိက ယှဉ်ပြိုင်ပြီး ဆန်းစစ်ခဲ့တယ်လို့ သိရပါတယ်။

လူမှုကယ်ဆယ်ရေးသင်တန်းဖွင့်လှစ်မှု သုံးကြိမ်အတွင်း စုစုပေါင်း သင်တန်းသား ၁၄၉ဦးကို ပို့ချပေးခဲ့တာ ဖြစ်ပါတယ်။

spot_imgspot_imgspot_imgspot_img

More from the blog

စစ်တပ်အား ရိက္ခာပို့ပေးသော BGF ကားတစ်စီး ဖမ်းဆီးခံရ၊ မူးယစ်ဆေးဝါး အချို့တွေ့ရှိ

ကန္တာရဝတီတိုင်း(မ်) ကရင်နီပြည် လွိုင်ကော်မြို့နယ် ပါလောင်း ကျေးရွာမှာ စစ်ကောင်စီကို ရိက္ခာပို့ဆောင်ပေးနေတဲ့ နယ်ခြားစောင့်တပ် BGF ရဲ့ကားတစ်စီးကို ကရင်နီတော်လှန်ရေးတပ်ပေါင်းစုတို့မှ ဖမ်းဆီးခဲ့ပြီး ကားပေါ်မှာ မူးယစ်ဆေး-ရာဘ(စိတ်ကြွရူးသွပ်ဆေးပြား) နှစ်ထောင်ဝန်းကျင်ကိုလည်း စစ်ဆေးတွေ့ရှိခဲ့တယ်လို့ ယမန်နေ့ (ဒီဇင်ဘာလ၁ရက်နေ့) က မြေပြင်သတင်းအရင်းအမြစ်ရဲ့ သတင်းပေးပို့ချက်အရသိရှိရပါတယ်။ BGF ၆ဦး နဲ့အတူ လက်နက်ခဲယမ်းတချို့ကိုဖမ်းဆီးမိခဲ့ပြီး မူးယစ်ဆေး...

သေးဆူလဲ – နန်းမယ်ခုံ ကျေးရွာ တစ်ကြောမှာ စစ်ကောင်စီတပ်ပြန်ဆုတ်ခွာ၊ စစ်ရေးတင်းမာနေသေး

ကန္တာရဝတီတိုင်း( မ် ) ဒီးမော့ဆိုမြို့ နယ် သေးဆူလဲ - နန်းမယ်ခုံ ကျေးရွာ တစ်ကြောမှာ စစ်ကောင်စီတပ် မနေ့က ( နိုဝင်ဘာလ ၃၀ ရက်နေ့ ) စပြီး ပြန်လည်ဆုတ်ခွာသွားတယ်လို့ ကရင်နီပြည် ကာကွယ်ရေး ဒု-ဝန်ကြီး ခူဒယ်နီယာယ်က ပြောပါတယ်။ “နှစ်ရက်သုံးရက်လောက်ရှိပြီ။ သေးဆူလဲ-...

စစ်ရှောင်နေအိမ်အမိုးပိုကြာရှည်ခံဖို့ မိုးကာအစား သက်ကယ်ကို အစားထိုးအသုံးပြု

ကေးဒူ (ကန္တာရဝတီ တိုင်း(မ်)) ကရင်နီပြည်တွင်းက စစ်ဘေးရှောင်အိမ်တွေမှာ ယခင်က မိုးကာနဲ့ အသုံးပြုပေမယ့် တစ်နှစ်မှာ မိုးကာ နှစ်ခါ သို့မဟုတ် သုံးခါ လဲလှယ်ရတဲ့အတွက် အဲဒီအစား တစ်နှစ်စာပိုခံနိုင်ဖို့ စစ်ရှောင်တွေဟာ သက်ကယ်ကို ရှာပြီးတော့ ရိတ်ယူနေကြပါတယ်။ ဒီးမော့ဆို အရှေ့ဘက်ခြမ်း စစ်ရှောင်စခန်းမှာ နေထိုင်တာ တစ်နှစ်ကျော်ပြီဖြစ်တဲ့ အာဒြေးကိုကတော့...

စစ်ရှောင်စာသင်ကျောင်းတစ်ခုမှာ သင်ပုန်းမလုံလောက်၊ မိုးကာပေါ် စာရေးသင်ကြားနေရ

ကန္တာရဝတီတိုင်း( မ် ) ဒီးမော့ဆိုအနောက်ဖက်ခြမ်း စစ်ရှောင်စာသင်ကျောင်းတစ်ခုမှာ KG တန်းအတွက် စာသင်ပုန်းမလုံလောက်တဲ့အတွက် ကျောင်းက အမိုးအကာ ပေါ်မှာ စာရေးသင်ကြားပေးနေရတယ်လို့ ဆရာမ တစ်ဦးက ပြောပါတယ်။ "ကျမတို့ KG တန်းမှာ White Board မရှိတော့ ဆရာမတစ်ယောက်ကနေပြီးတော့ မိုးကာပေါ်မှာဘဲ စာရေးပေးရတယ် အဲလိုမျိုးပေါ့။" လို့...