spot_img
Monday, February 6, 2023
spot_img

ရှားတောမြို့နယ်ရှိ အကြမ်းဖက်စစ်ကောင်စီရဲ့ တပ်စခန်းတစ်ခု မီးရှို့ဖျက်ဆီးခံရ

spot_imgspot_imgspot_imgspot_img

ကန္တာရဝတီတိုင်း(မ်)

ကရင်နီပြည်နယ်၊ ရှားတောမြို့နယ်အတွင်းရှိ အကြမ်းဖက်စစ်ကောင်စီတပ်ရဲ့ တပ်စခန်းတစ်ခု ပြီးခဲ့တဲ့ အောက်တိုဘာလ ၂၄ ရက်နေ့မှာ မီးရှို့ဖျက်ဆီးခံခဲ့ရတယ်လို့ ရှားတောမြို့ခံ မျက်မြင်တွေဆီကနေ သိရပါတယ်။

“ အန္တာရာယ်ကွေ့ ရှားတောအပေါ်နားက စေတီနားမှာ။ ဒီလ ၂၄ ရက်နေ့တုန်းက ဖြစ်သွားတာ။ PDF က ရှို့တာလို့တော့ ပြောတယ်။ သူတို့ ( စစ်ကောင်စီ)ဖက်က မှိုင်းထောင်ထားတယ်ပြောတယ်။ တော်သေးလို့ ဘာမှ မဖြစ်ဘူး။ ဖြုတ်လို့တော့ ရလိုက်တယ်ပြောတယ်။ တပ်ဆုတ်သွားလို့ သူတို့ စခန်းကို ဝင်ရှို့လိုက်တာ။” လို့ မြို့ခံမျက်မြင်တွေက ကန္တာရဝတီတိုင်း(မ်) ကို ပြောပါတယ်။

၎င်းမီးရှို့ခံရတဲ့ တပ်စခန်းဟာ လွိုင်ကော်-ရှားတော လမ်းမကြီးဘေးမှာ ရှိပါတယ်။ ပြီးခဲ့တဲ့ အောက်တိုဘာလ ၁၄ ရက်နေ့ ညနေပိုင်းမှာ တပ်စခန်းရှိ စစ်သားများ တပ်ဆုတ်သွားတာ ဖြစ်တယ်လို့ မြို့ခံမျက်မြင်တွေက ပြောပါတယ်။

တပ်မတော်အာဏာသိမ်းပြီးနောက် ကရင်နီပြည်နယ်မှာ ပြီးခဲ့တဲ့ မေလ ၂၁ ရက်နေ့ကနေစပြီး ပြည်သူ့ကာကွယ်ရေးတပ်ဖွဲ့တွေနဲ့ အကြမ်းဖက်စစ်ကောင်စီတပ်တို့ ကရင်နီပြည်နယ်အတွင်းရှိ မြို့နယ်တွေမှာ ထိပ်တိုက်ရင်ဆိုင် တိုက်ပွဲတွေ ဖြစ်ပွားခဲ့ပါတယ်။ ရှားတောမြို့နယ်အတွင်းမှာတော့ တိုက်ပွဲဖြစ်ပွားခြင်း မရှိသေးဘူးလို့ သိရပါတယ်။

ရှားတောမြို့နယ်အတွင်း သံလွင်အရှေ့ဖက်ခြမ်းအပါအဝင် အကြမ်းဖက်စစ်ကောင်စီတပ်ရဲ့ တပ်စခန်းပေါင်း ၁၇ ခု ရှိတယ်လို့ သိရပါတယ်။

spot_imgspot_imgspot_imgspot_img

More from the blog

ဇရပ်ဖြူရွာလမ်းမှာ ကားမိုင်းနင်းမိပြီး ၄ဦးသေဆုံး၊ ၂ဦး ဒဏ်ရာပြင်းထန်

ကန္တာရဝတီတိုင်း(မ်) ဒီကနေ့ (ဖေဖော်ဝါရီလ ၆ရက်) နေ့လည် ၂နာရီအချိန်မှာ အမျိုးသား ၆ဦး စီးနှင်လာတဲ့ ကားတစ်စီး ဇရပ်ဖြူရွာလမ်း မှာ မိုင်းနင်းမိပြီး ၄ဦးသေဆုံး ၂ဦး ဒဏ်ရာပြင်းထန်ခဲ့တယ်လို့ သွားရောက်ကယ်ဆယ်မှုမှာ ပါဝင်ခဲ့တဲ့ ရွှေလွိုင်ကော်ပရဟိတအသင်း ထံကနေ သိရပါတယ်။ “ အသက်ရှင်လျှက်ရှိသော လူနာ နှင့် ပြန့်ကျဲနေသော...

ထွက်ပြေးတိမ်းရှောင်နေရတဲ့ စစ်ရှောင်ကျောင်းသား ၁၀၀၀ကျော် ကျောင်းမတက်နိုင်သေး

ကေးဒူ (ကန္တာရဝတီတိုင်း(မ်)) ပြီးခဲ့တဲ့ ဇန်နဝါရီလ ၂၂ ရက်နေ့ကစ ကရင်နီပြည် ဒီးမော့ဆို အရှေ့ဘက်ခြမ်းမှာ စစ်ကြောင်းထိုးလာတဲ့ စစ်ကောင်စီတပ်နဲ့ ကရင်နီဒေသခံပြည်သူ့ကာကွယ်ရေးတပ်ဖွဲ့တို့ တိုက်ပွဲဖြစ်ပွားခဲ့ပြီး စစ်ရှောင်စခန်း ၃ ခု အပါဝင် ဒေသခံ ပြည်သူတွေလည်း အိုးအိမ်စွန့်ခွာပြီး ထွက်ပြေးတိမ်းရှောင်နေရတာကြောင့် စစ်ရှောင် ကျောင်းသားလေးတွေ ကျောင်းပြန်မတက်နိုင်သေးဘူးလို့ စစ်ရှောင်တွေကပြောပါတယ်။ ထွက်ပြေးတိမ်းရှောင်နေရတဲ့...

ရှားတောမြို့နယ်မှာ သွားလာခွင့်လက်မှတ်ရယူပြီးမှသာ သွားလာကြရန် စစ်ကောင်စီစာထုတ်

ကန္တာရဝတီတိုင်း( မ် ) ဇန်နဝါရီလ ၃၁ ရက်နေ့ကစပြီး ကရင်နီပြည် ရှားတောမြို့နယ်မှာ စစ်ကောင်စီထံကနေ သွားလာခွင့်လက်မှတ်တွေရယူပြီးမှ သွားလာကြဖို့ စစ်ကောင်စီက စာထုတ်ထားတယ်လို့ ရှားတောမြို့ ဒေသခံတွေဆီကနေ သိရပါတယ်။ “ဒီရှားတောမြို့ပေါ်မှာ ရှိတဲ့လူတွေခါကျတော့ တောင်ယာသွားတာပဲဖြစ်ဖြစ် ဒါမှမဟုတ် လယ်ထဲသွားတာပဲဖြစ်ဖြစ်ပေါ့နော။ လွိုင်ကော်သွားတာပဲဖြစ်ဖြစ် အဲဒီလိုသွားလို့ရှိရင် စစ်ကောင်စီဘက်မှာ လက်မှတ်တွေယူသွားပြီးတော့ ဒီ...

စစ်ကောင်စီရဲ့ ရွေးကောက်ပွဲကို ကရင်နီက တိုင်းရင်းသား နိုင်ငံရေးပါတီ ၂ခု ပါဝင်မည်မဟုတ်

  ကန္တာရဝတီတိုင်း( မ် ) ၂၀၂၃ခုနှစ်အတွင်း စစ်ကောင်စီပြန်လည်ပြုလုပ်မယ့် ရွေးကောက်ပွဲကို ကရင်နီပြည်အခြေစိုက်ပြီး ၂၀၂၀ ရွေးကောက်ပွဲမှာ ဝင်ရောက်ယှဉ်ပြိုင်ခဲ့တဲ့ ကယားပြည်နယ်ဒီမိုကရက်တစ်ပါတီ ( KySDP ) ၊ ကယန်းအမျိုးသားပါတီ ( KNP ) တို့က ဝင်ရောက်ယှဉ်ပြိုင်မှာမဟုတ်ဘူးလို့ ကန္တာရဝတီတိုင်း( မ် ) ကိုပြောပါတယ်။ စစ်ကောင်စီပြုလုပ်မယ့်...