spot_img
Thursday, December 8, 2022
spot_img

လုံ/နယ်ဝန်ကြီး(ဟောင်း)အစား အခြားတပ်မတော်သား ကိုယ်စားလှယ် တစ်ဦးပြောင်းလဲခန့်အပ်

spot_imgspot_imgspot_imgspot_img

ထျိုးမြာ

တပ်မတော်သားပြည်နယ် လွှတ်တော်ကိုယ်စားလှယ် ဗိုလ်မှူးကြီးဇော်မျိုးတင်အစား ပြောင်းလဲတာဝန်ပေးလိုက်သည့် ဗိုလ်ကြီးရွှေတိုးက ကတိသစ္စာပြုခြင်းနှင့် ကတိသစ္စာပြုလွှာလက်မှတ်ရေးထိုးလိုက်ကြောင်း သိရသည်။

ဗိုလ်မှူးကြီးဇော်မျိုးတင့်သည် ယခင်အစိုးရသက်တမ်းက လုံခြုံရေးနှင့် နယ်စပ်ရေးရာဝန်ကြီးဌာနအဖြစ် ကိုင်တွယ်ခဲ့သည်။ ယခုမူကာ ၎င်းရာထူးအား အခြားတပ်မတော်သား ကိုယ်စားလှယ်ဖြစ်သော ဗိုလ်မှူးကြီးမြင့်ဝေအား အစားထိုး ခန့်အပ်ထားလိုက်ခြင်း ဖြစ်သည်။

ထို့ကြောင့် ဗိုလ်မှူးကြီးဇော်မျိုးတင့်သည် သာမန်တပ်မတော်သားလွှတ်တော်ကိုယ်စားအဖြစ်သာ တာဝန်ယူထားရာက ပြောင်းလဲ ခန့်အပ်လိုက်ခြင်းလည်း ဖြစ်သည်။

ပြည်ထောင်စုရွေးကောက်ပွဲကော်မရှင်၏ မေလ(၁၆)ရက်နေ့ ထုတ်ပြန်ချက်အရ တပ်မတော်သား ပြည်နယ်လွှတ်တော် ကိုယ်စားလှယ် အစားထိုးပြောင်းလဲခြင်းအား ဇူလိုင်လ(၂၀)ရက်နေ့ ကယားပြည်နယ်လွှတ်တော်အစည်းအဝေးတွင် အတည်ပြုကြေညာခဲ့ခြင်း ဖြစ်သည်။

အဆိုပါ ထုတ်ပြန်ကြေညာချက်အရ ကချင်ပြည်နယ်၊ ကယားပြည်နယ်၊ ကရင်ပြည်နယ်၊ ပဲခူးတိုင်းဒေသကြီး၊ မကွေးတိုင်းဒေသကြီး၊ မန္တလေးတိုင်းဒေသကြီး၊ ရခိုင်ပြည်နယ်၊ ရန်ကုန်တိုင်းဒေသကြီးနှင့် ရှမ်းပြည်နယ် လွှတ်တော်များမှ တပ်မတော်သားလွှတ်တော်ကိုယ်စားလှယ် (၁၂)ဦးအား တပ်မတော်ကာကွယ်ရေး ဦးစီးချုပ်၏ အမည်စာရင်းတင်သွင်းမှုအရ အစားထိုးပြောင်းလဲခဲ့ခြင်းဖြစ်ကြောင်း သိရသည်။

Related Stories