spot_img
Wednesday, August 10, 2022
spot_img

လွိုင်ကော်မြို့မှာ ကိုဗစ်ကာကွယ်ဆေးထိုးသူ များပြား

spot_imgspot_imgspot_imgspot_img

CJ (ကန္တာရဝတီတိုင်း(မ်))

ကရင်နီပြည် လွိုင်ကော်မြို့တွင်း ခရီးသွားလာတဲ့အချိန် ကိုဗစ်ကာကွယ်ဆေးထိုးပြီးကြောင်း မှတ်တမ်းစာရွက်ကို ရံဖန်ရံခါ တောင်းစစ်နေတဲ့အတွက် လွိုင်ကော်မြို့မှာ ကိုဗစ်ကာကွယ်ဆေးထိုးသူ များပြားနေတယ်လို့ သိရပါတယ်။

“တစ်ရက်ကို တိုကင် ၃၀၀ ထုတ်ပေးတယ်။ အဲ့ဒါတောင် မလောက်ဘူး။ မရတဲ့သူတွေ နောက်နေ့မှတစ်ခါ ထပ်လာပြီး တိုကင်ထပ်တိုးရမယ့်အနေထားပဲဗျာဟု ‘’ ကာကွယ်ဆေး သွားရောက်ထိုးသူတစ်ဦးမှ ၄င်း၏ အတွေ့ကြုံကို ရှင်းပြပါတယ်။

စီမံချက်အရ ကိုဗစ်ကာကွယ်ဆေးထိုးပေးနေမှုကြောင့် ထိုးသူ များပြားနေသလို မြို့ဝင်မြို့ထွက် အစစ်အဆေးတွေမှာ ကာကွယ်ဆေးထိုးပြီးကြောင်း မှတ်တမ်းစာရွက်မပါတဲ့အခါ ရံဖန်ရံခါ ဒဏ်ကြေးငွေကောက်ခံမှုရှိတာကြောင့် ထိုးနှံကြတယ်လို့ ဆိုပါတယ်။

“ကိုဗစ်ကာကွယ်ဆေး လက်မှတ်မပါရင် ရစ်တယ်ဗျ။ ခရီးသွားရတာမလွယ်ဘူး။ဒါကြောင့် ထိုးထားမှရမယ် ‘’လို့ ဒေသခံအမျိုးသားတစ်ဦးက ပြောပါတယ်။

ကိုဗစ်ကာကွယ်ဆေး လာရောက်ထိုးသူအများစုမှာ လွိုင်ကော်မြို့အနီးကျေးရွာမှာနေထိုင်သူတွေဖြစ်တယ်လို့ သိရပါတယ်။ အထူးသဖြင့် ဈေးရောင်းဈေးဝယ်လုပ်သူတွေ ခရီးသွားလာရသူတွေ လာရောက်ထိုးနှံကြတယ်လို့ ဆိုပါတယ်။

ပထမအကြိမ်ကို မြို့နမ်ဓမ္မာရုံ၊ ဒုတိယအကြိမ်နဲ့ တတိယအကြိမ်ကို သာသနာ့ဗိမာန်မှာ သွားရောက်ထိုးနှံရတယ်လို့ သိရပါတယ်။ ပထမအကြိမ်နဲ့ ဒုတိယအကြမ်ထိုးရတဲ့ ကိုဗစ်ကာကွယ်ဆေးက နှစ်ပတ်ခြားထိုးရပြီး တတိယအကြိမ်မှာတော့ ၆လခြားမှ ထိုးထားတဲ့ကာကွယ်ဆေး ဆေးရှိန်မပြယ်အောင် ၊ ပိုပြီးအကာအကွယ်ပေးနိုင်အောင် Booster ကိုထိုးရတယ်လို့ ဆိုပါတယ်။

မျိုးရိုးဗီဇပြောင်း ကိုဗစ်-၁၉ရောဂါ အိုမီခရွန် နဲ့ ၎င်းမျိုးစိတ်အသစ်ကို ကိုဗစ်-၁၉ ရောဂါကာကွယ်ဆေးအကြိမ်ပြည့်ထိုးခြင်းနဲ့ ထပ်ဆောင်းကာကွယ်ဆေးထိုးနှံခြင်းဖြင့်သာ ထိရောက်စွာကာကွယ်နိုင်တာကြောင့် သက်ဆိုင်ရာကျန်းမာရေးဌာနတွေမှာ ထပ်ဆောင်းကာကွယ်ဆေးကိုမပျက်မကွက်ထိုးနှံကြဖို့ စစ်ကောင်စီလက်အောက်ခံ ကျန်းမာရေးဝန်ကြီးဌာနက တိုက်တွန်းထားတာရှိပါတယ်။

spot_imgspot_imgspot_imgspot_img

More from the blog

ကျေးရွာဆေးပေးခန်းတစ်ခုကို စစ်ကောင်စီတပ်က လေကြောင်းတိုက်ခိုက် ဒေသခံတစ်ဦးသေဆုံး ၂ဦးထိခိုက်ဒဏ်ရာရ

ကန္တာရဝတီတိုင်း(မ်) ကရင်နီပြည် လွိုင်ကော်မြို့ အရှေ့ ခြမ်းက ကျေးရွာတစ်ရွာရှိ ဆေးပေးခန်းကို ဒီနေ့ ဩဂုတ်လ ၉ ရက်နေ့ မွန်းလွဲ ၁၀ နာရီကျော်အချိန်မှာ စစ်ကောင်စီတပ်က တိုက်လေယာဉ်တစ်စင်းနဲ့ အကြောင်းမဲ့ လာရောက် ပစ်ခတ်တိုက်ခိုက်ခဲ့ပါတယ်။ လေကြောင်းပစ်ခတ်မှုကြောင့် လူ ၁ ဦးသေဆုံးပြီး ၂ ဦး ထိခိုက်ဒဏ်ရာရရှိခဲ့ပြီး...

လွိုင်ကော်မြို့ ပွန်ချောင်းက စစ်ကောင်စီတပ်စခန်းကို KA ၊ KNDF တို့က ဒရုန်းဖြင့် သွားရောက်ပစ်ခတ်

ကန္တာရဝတီတိုင်း( မ် ) လွိုင်ကော်မြို့ ပွန်ချောင်းက စစ်ကောင်စီတပ်စခန်းကို ကရင်နီတပ်မတော် ( KA )၊ ကရင်နီအမျိုးသားများကာကွယ်ရေးတပ် ( KNDF ) တို့က ယမန်နေ့ ဩဂုတ်လ ၇ရက်နေ့မှာ ဒရုန်းနဲ့ သွားရောက်ပစ်ခတ်ခဲ့တယ်လို့ ကရင်နီပြည်အစိုးရ ကာကွယ်ရေး ဒု-ဝန်ကြီး ခူဒယ်နီယာယ်က ပြောပါတယ်။ “နှစ်နေရာတော့...

ဒေသခံတွေ တစ်နှစ်ကြာသိုလှောင်သိမ်းဆည်းထားတဲ့ စပါးမှိုတက်တာကြောင့် ပျက်စီးမှုတချို့ရှိ

ကန္တာရဝတီတိုင်း( မ် ) ကရင်နီပြည် ဒီးမော့ဆိုအရှေ့ဘက်ခြမ်းမှာ ဒေသခံတွေ ပြီးခဲ့တဲ့နှစ်ကတည်းက တောတောင်ထဲ သိုလှောင်သိမ်းဆည်းထားတဲ့ စပါးတွေကို ကြွက်စားတာ၊ မိုးရေစိုတာ၊ မှိုတက်တာတွေကြောင့် ပျက်စီးဆုံးရှုံးမှုတချို့ရှိခဲ့တယ်လို့ ဒေသခံတောင်သူတွေဆီကနေ သိရပါတယ်။ ပြီးခဲ့တဲ့ ၂၀၂၁ခုနှစ်မှာ စစ်ကောင်စီက အာဏာသိမ်းပြီးနောက် ဒေသတွင်းတိုက်ပွဲဖြစ်ပွားခဲ့ပြီး ကျေးရွာထဲလက်နက်ကြီးကျရောက်မှုတွေ စစ်ကြောင်းထိုးမှုတွေရှိတာကြောင့် ဒေသခံတွေဟာ ၎င်းတို့သိုလှောင်ထားတဲ့ စပါးတွေ...

ဩဂုတ်လပထမပတ်တိုက်ပွဲအတွင်း စစ်ကောင်စီတပ်မှ အနည်းဆုံး ၅ဦးသေဆုံး

ကန္တာရဝတီတိုင်း(မ်) ဩဂုတ်လ ပထမပတ်အတွင်း ကရင်နီဒေသခံကာကွယ်ရေးပူးပေါင်းတပ်ဖွဲ့နဲ့ စစ်ကောင်စီတပ်တို့ ဖြစ်ပွားခဲ့တဲ့တိုက်ပွဲတွေမှာ စစ်ကောင်စီတပ်မှ အနည်းဆုံး ၅ဦးသေဆုံးပြီး ထိခိုက်ဒဏ်ရာရရှိခဲ့တယ်လို့ KNDF သတင်းနှင့်ပြန်ကြားရေးဌာနက ဒီကနေ့ (ဩဂုတ်လ ၈ရက်) မှာ သတင်းထုတ်ပြန်ပါတယ်။ ပထမပတ်အတွင်း ဒီးမော့ဆိုမြို့နယ် သေးဆူလဲကျေးရွာအနီး၊ ဒီးမော့ဆိုမြို့မရဲစခန်း၊ စံပြ ၆ မိုင်၊ ဘက်တလိန်ကျေးရွာ တိုက်ပွဲတွေမှာ...