spot_img
Thursday, February 9, 2023
spot_img

အမေရိကန်ရောက် ကရင်နီလူမျိုးစုတွေကနေပြီး ကေ့ထျိုးဘိုး ပွဲတော်ကို နှစ်ရက်တာ ကျင်းပခဲ့ကြ

spot_imgspot_imgspot_imgspot_img

မော်မီမြာ / ကန္တာရဝတီတိုင်း(မ်)

အမေရိကန်ရောက် ကရင်နီလူမျိုးစုတွေကနေပြီး ရိုးရာ ကေ့ထျိုးဘိုး ပွဲတော်ကို အမေရိကန် Austin Minnesota ပြည်နယ်မှာ ဧပြီ(၃၀)နဲ့ မေ(၁)ရက်နေ့တွေမှာ ကျင်းပ ပြုလုပ်ခဲ့တယ်လို့ သိရပါတယ်။ ကရင်နီလူမျိုးစုတွေအနေနဲ့ ဘယ်နေရာပဲရောက်ရောက် ကိုယ့်ရဲ့ ရိုးရာ မပပျောက်အောင် ထိန်းသိမ်းဖို့အတွက် ရည်ရွယ်ပြီး ကျင်းပ ပြုလုပ်ခဲ့တာဖြစ်တယ်လို့ ပွဲဖြစ်မြောက်ရေးကော်မတီဝင် လူငယ်တစ်ဦးဖြစ်တဲ့ ခူးဆော်ရယ်က ပြောပါတယ်။

“ ကျနော်တို့ ဒီမှာက အဖွဲ့အစည်းရှိတယ်ပေါ့နော။ ကယားရိုးရာ အဖွဲ့အစည်းပေါ့။ ဒီပွဲ ပြုလုပ်ရတဲ့ ရည်ရွယ်ချက်က ကျနော်တို့ ရိုးရာကို ထိန်းသိမ်းတာဖြစ်တယ်။ ကျနော်တို့ ဘယ်နေရာပဲရောက်နေရောက်နေ ရိုးရာ မပပျောက်သွားအောင် ဆက်လက်ရှင်သန်အောင်ပေါ့။ ကျနော်တို့ ညီငယ်၊ ညီမငယ်တွေလည်း ကယားလူမျိုး ရိုးရာက ဒီလိုရှိတာလား ဆိုတာ သူတို့သိအောင်ပေါ့။ အထူးသဖြင့် အမေရိကန်မှာမွေးတဲ့ ကလေးတွေဆိုရင် သူတို့ မိဘတွေက ဘယ်ကနေလာတာလဲ ဆိုတာ မသိတာတွေလည်း ရှိတယ်ပေါ့။ အဲ့ဒီအတွက် သူတို့ကို သိခိုင်းစေချင်လို့ ကျနော်တို့ မိဘတွေက ဘယ်ကနေလာတာလဲ ရိုးရာဘာတွေ ရှိလဲ စတာတွေကို သိစေချင်လို့ပေါ့နော။ “ လို့ ခူးဆော်ရယ်က ပြောပါတယ်။

ကေ့ထျိုးဘိုး ပွဲမှာတော့ ရိုးရာအက ဖျော်ဖြေတင်ဆက်တာတွေ၊ အားကစားဖြစ်တဲ့ ဘောလုံး၊ ဘောလီဘော ပြိုင်ပွဲတွေ ပြုလုပ်ခဲ့ကြပါတယ်။ ဒါ့အပြင် လက်ရှိကရင်နီပြည်တွင်းမှာ အကူအညီလိုအပ်နေတဲ့ ကိုယ့်ရဲ့ လူမျိုးတွေအတွက် ရန်ပုံငွေ ရှာတာတွေလည်း ပြုလုပ်ခဲ့ကြတယ်လို့ သိရပါတယ်။

“ ကျနော်တို့ ရိုးရာကေ့ထျိုးဘိုးပွဲ လုပ်တယ်။ ဘောလုံးကစားတာတွေ လည်းလုပ်တယ်။ ဒါပေမယ့် ဒီနှစ်မှာတော့ အရင်နှစ်ကနဲ့ မတူဘဲ လုပ်တာတစ်ခုရှိတယ်။ ကျနော်တို့ ကရင်နီပြည်မှာဆိုရင် ဒုက္ခရောက်နေကြရတာတွေ အများကြီးတွေ့မြင်နေရတယ်ပေါ့နော။ ကျနော်တို့ လူမျိုးတွေ ဒုက္ခရောက်နေကြတယ်။ အဲ့ဒီအတွက် ရန်ပုံငွေရှာတဲ့အနေနဲ့ အစားအသောက် ရောင်းချတာတွေရှိတယ်။ သီချင်းဆိုတာတွေလည်း ရှိတယ်။ ဂိမ်းကစားတာတွေ ရှိတယ်။ ပြီးတော့ ရလာတဲ့ ရန်ပုံငွေတွေကို ကျနော်တို့ ကရင်နီပြည်က လိုအပ်တဲ့နေရာမှာ ပါဝင် ကူညီသွားမှာ ဖြစ်တယ်ပေါ့နော။ “ လို့ သူက ဆက်ပြောပြပါတယ်။

ကေ့ထျိုးဘိုးပွဲတော်ကို နှစ်စဉ် ကျင်းပလာခဲ့ကြပြီး အခုဆိုရင် (၁၃) ကြိမ်မြောက်ရှိသွားပြီဖြစ်ပါတယ်။ ပွဲတော်မှာ အမေရိကန်ရောက် အနယ်နယ်အရပ်ရပ်က ကရင်နီလူမျိုးစုတွေ ပါဝင်ဆင်နွှဲခဲ့ကြသလို ရိုးရာ ကေ့ထျိုးဘိုး ပွဲတော်ကိုလည်း မပပျောက်အောင် ဆက်လက် ထိန်း သိမ်းသွားကြရမှာ ဖြစ်တယ်လို့ ဆိုပါတယ်။

spot_imgspot_imgspot_imgspot_img

More from the blog

စစ်ရှောင်တွေ မွေးမြူတဲ့ကြက် အနာကျပြီး သေဆုံးမှုရှိ

ကန္တာရဝတီတိုင်း(မ်) ကရင်နီပြည် ဒီးမော့ဆိုမြို့နယ် အရှေ့ဘက်ခြမ်း စစ်ရှောင်စခန်းတစ်နေရာမှာ ပြီးခဲ့တဲ့ ဇန်နဝါရီလကစပြီး အာဟာရဓါတ်ရဖို့ မွေးမြူတဲ့ကြက်တွေ အနာကျ သေဆုံးတာတွေ ရှိတယ်လို့ စစ်ရှောင်တွေက ပြောပါတယ်။ တောင်ယာလုပ်ငန်းမှာလည်း ရိုးရာအရ ကြက်ရိုးထိုးရတာတွေ ရှိသလို ကျောင်းနေ အရွယ်ကလေး အာဟာရဓါတ် တိုက်ကျွေးမှုမှာလည်း အများအားဖြင့် ကြက်ကို အသုံးပြုကြတာကြောင့် အခုလို...

စစ်ကောင်စီရဲ့ အင်အားအလုံးအရင်း ထိုးစစ်ဆင်မှုကြောင့် မိုးဗြဲ-ပီကင်းလမ်း ယာယီပိတ်ထား

ကန္တာရဝတီတိုင်း(မ်) မိုးဗြဲမြို့မှာ ယမန်နေ့ (ဖေဖော်ဝါရီ ၇ရက်နေ့) က အင်အားအလုံးအရင်း ထိုးစစ်ဆင်လာတဲ့ စစ်ကောင်စီနဲ့ ထိတွေ့တိုက်ပွဲဖြစ်ပွားခဲ့ပြီး လက်ရှိမှာစစ်ကောင်စီဖက် လှုပ်ရှားမှု ရှိနေဆဲဖြစ်တဲ့အတွက် မိုးဗြဲ-ပီကင်းလမ်း ကိုလည်း ရက်အကန့်အသတ်မရှိ ယာယီပိတ်ထားတယ်လို့ မိုးဗြဲPDFတာဝန်ရှိသူတစ်ဦး ကပြောပါတယ်။ “ လောလောဆယ် မိုးဗြဲက မနေ့က စစ်ကောင်စီဖက်က အင်အားအလုံးအရင်းနဲ့ ထိုးတက်လာတော့...

စစ်ရှောင်စခန်းတစ်ခုမှာ ကိုယ်ပိုင်ဝင်ငွေတွေ ရနိုင်ဖို့ တစ်ပိုင်တစ်နိုင် မွေးမြူရေးပြုလုပ်

ကန္တာရဝတီတိုင်း(မ်) ဒီးမော့ဆိုအနောက်ခြမ်းမှာရှိတဲ့ သစ်ယားတောစစ်ရှောင်စခန်းမှ စစ်ရှောင်တွေဟာ တစ်ပိုင်တစ်နိုင် မွေးမြူရေးကို လုပ်ကိုင်ကြပါတယ်။ စစ်ရှောင်အိမ်တိုင်းလိုလို မွေးမြူရေးကို လုပ်ကိုင်ကြပြီး အဓိက ကြက် နဲ့ ဝက်ကို မွေးမြူကြတာဖြစ်ပါတယ်။ အခုလို တစ်ပိုင်တစ်နိုင်မွေးမြူရေး လုပ်ရတာဟာ နောင်တစ်ချိန် ရိက္ခာပစ္စည်းတွေလာရောက်ထောက်ပံ့ခြင်း မရှိတော့ရင် ကိုယ်ပိုင် ဝင်ငွေရစေဖို့ဖြစ်တယ် လို့ စစ်ရှောင်အမျိုးသမီးတစ်ဦးက အခုလိုပြောပါတယ်။ " နောင်တစ်ချိန်မှာ...

ဒိုယှက် စစ်ဘေးဒုက္ခသည်စခန်းမှာ ၅ နှစ်အောက် ကလေးငယ်တွေ ကာကွယ်ဆေး မထိုးနှံရသေး

CJ ကန္တာရဝတီတိုင်း(မ်) ကရင်နီပြည် ဖရူဆိုမြို့နယ် အနောက်ဘက်ခြမ်း ဒိုယှက် စစ်ဘေးဒုက္ခသည်စခန်းမှာ ၅ နှစ်အောက် ကလေးငယ်တွေ ကာကွယ်ဆေး မထိုးနှံရသေးတာကြောင့် ထိုးနှံဖို့ လိုအပ်နေတယ်လို့ ဒိုယှက် စစ်ဘေးဒုက္ခသည် ကော်မတီဝင်တစ်ဦးထံကနေ သိရပါတယ်။ ဒိုယှက် စစ်ဘေးဒုက္ခသည်စခန်း အနေနဲ့ ယခင်နှစ်ကတည်းက ၅ နှစ်အောက် ကလေးငယ်တွေ စာရင်းပြုစုထားတာရှိပေမယ့်...