အမှိုက်ကျင်းမီးငြိမ်းသတ်ဖို့ စက်ယန္တရားလိုအပ်ချက်ရှိနေ

နော်ဒွေးအယ်ခူ

လွိုင်ကော်မြို့ရှိ လေးမိုင်သုသာန်မှာ အမှိုက်ကျင်းမှ မီးလောင်မှုကို ငြိမ်းသတ်ရာတွင် ဘက်ဖိုးတစ်စီးသာ အသုံးပြုရသဖြင့် စက်ယန္တရားလိုအပ်နေတယ်လို့ စည်ပင်မော်တော်ယဉ်မှူးဖြစ်တဲ့ ကိုစဒိုင်းနရယ်ထံမှ သိရပါတယ်။

စုပုံနေတဲ့အမှိုက်ကို ဘက်ဖိုးဖြင့်ကော်ထုတ်ပြီး ရေဖြင့်ပက်ဖြန်းရတဲ့အတွက် လက်ရှိမှာ ဘက်ဖိုးတစ်စီးသာရှိတာကြောင်း ဆိုပါတယ်။

နေ့စဉ် လွိုင်ကော်မြို့တွင်းကနေ အမှိုက် ၁၅တန်ချိန်လောက်ထွက်နေပြီး တစ်ပတ်လျှင် ၂ကြိမ် အမှိုက်မှမီးလောင်ကြွမ်းမှုကို ငြိမ်းသတ်နေရတယ်လို့ ၎င်းကဆိုပါတယ်။

နွေရာသီရောက်ပြီဖြစ်တဲ့အတွက် အပူလွန်ကဲပြီး အငွေ့မှတဆင့် မီးလောင်ကြွမ်းတယ်လို့သိရပါတယ်။

မီးငြိမ်းဖို့အတွက် ကားလေးစီးဖြင့်ရေသယ်ပြီး ရေဂါလံ ၁၂၀၀၀ သုံးစွဲရတယ်လို့ဆိုပါတယ်။

စည်ပင်တစ်ခုတည်းသာ မီးလောင်ကြွမ်းမှုကို လာငြိမ်းရတာကြောင့် မြို့တော်သာယာလှပရေးအတွက် ပန်းပင်စိုက် ရေလောင်းရတဲ့အတွက် အခြားသူများလည်း ပူးပေါင်းဆောင်ရွက်ရင် ပိုအဆင်ပြေလိမ့်မယ်လို့ ကိုစဒိုင်းနရယ်ကဆိုပါတယ်။

“အကုန်လုံးပေါင်းစည်းပေးပြီးတော့လုပ်ပေးရင်တော့ ပိုပြီးအဆင်ပြတာပေါ့။ ဘာလို့ဆို ကျတော့တို့စည်ပင်တခုတည်းရှိတော့ ဒီမှာမီးလာငြိမ်းတဲ့အချိန် မြို့ထဲကလမ်းမှာပန်းတွေ သာယာလှပဖို့အတွက်က ပန်းတွေများကြီးစိုက်ဖို့ရှိတယ်။ အဲ့တော့ ကလေးတွေအတွက်က အဆင်မပြေဘူး ညနေပိုင်းဆို ပြန်ပြီးရေလောင်းတာ။ အဲ့တာ အခက်အခဲရှိပါတယ်”လို့ ဆိုပါတယ်။

စည်ပင်မှ သုသာန်တွင် အမှိုက်ကျင်းစောင့်သူထားရှိထားပြီး အမှိုက်လာရောက်ပစ်သူများကို စနစ်တကျပစ်ဖို့ နေရာစီမံခန့်ခွဲဖို့ထားတယ်လို့သိရတယ်။

ယခုနှစ်အတွင်း လက်ရှိအချိန်ထိ စည်ပင်မှ မီးလာရောက်ငြိမ်းပေးမှု ၁၀ကြိမ်ဝန်းကျင်လောက်ရှိပြီး ပြီးခဲ့တဲ့ ၃နှစ်အတွင်း လေးမိုင်သုသာန်မှာ ခုလို မီးလောင်ကြွမ်းမှု စတင်ဖြစ်ပွားခဲ့တယ်လို့သိရပါတယ်။

Comments

comments

Next Post

ပညာရေးရုံးပိုင်းဆိုင်ရာ အရာရှိဝန်ထမ်းတွေ မဖြစ်မနေရုံးတက်ရ

Fri Apr 3 , 2020
စိုးထိုက်အောင်၊ အန်ထောနီ အစိုးရ ဝန်ထမ်းတွေ ဝန်ထမ်းအင်အား ထက်ဝက်သာ ရုံးတက်ရမည်ဟုဆိုသော်လည်း ပညာရေးဌာနရဲ့ရုံးပိုင်းဆိုင်ရာမှာတော အထက်အရာရှိပိုင်းတွေကတော့ မဖြစ်မနေလာနေရတယ်လို့ ဖရူဆိုမြို့နယ်လက်ထောက်ပညာရေးမှူး ဦးမြာရယ်မျိုးဝင်းက ပြောပါတယ်။ ဦးမြာရယ်မျိုးဝင်းက “လူလျော့တာ အောက်ခြေဝန်ထမ်းထိဆိုရင် ၂၇ ယောက်ရှိတယ် အရာရှိပိုင်းတော့ မဖြစ်မနေ လာရမယ်ပေါ့နော အရာရှိပိုင်းတော့ဘာလို့လဲဆိုရင် သူတို့အလုပ်ပိုရှိတယ် ရှိတဲ့အတွက်ကြောင့် ရှိရင်ရှိသလိုသူတို့လာရတယ် အောက်ခြေဝန်ထမ်းနဲ့ ညစောင့်ကတော့ သူ့ duty နဲ့သူပဲပေါ့ ညစောင့်ကတော့ နေ့တစ်ယောက် ညတစ်ယောက် (၂)ယောက်ပေါ့ အဲ့မျိုးခွဲထားတယ်” လို့ဦးမြာရယ်မျိုးဝင်းက ပြောပါတယ်။ ပြည်နယ်အဆင့်ဌာနဆိုင်ရာများအားလုံး၊ ခရိုင်အုပ်ချုပ်ရေးမှူးရုံး၊ မြို့နယ် အုပ်ချုပ်ရေးမှူးရုံး တာဝန်ထမ်းဆောင်နေတဲ့ လက်ရှိဝန်ထမ်းအင်အားရဲ့ (၅၀) ရာခိုင်နှုန်းသာ ရုံးချိန်မှာ တာဝန်ထမ်းဆောင်ရမယ်လို့ ၂၀၂၀၊ မတ္လ ၂၆ရက်နေ့မှာ […]

ဆက်စပ်သတင်းများ