နေ့စားခမရလျှင် အစည်းအဝေးမလာချင်ကြ

ဖဲဘူး –

နေ့စားခနှင့်စားစရိတ် ၊ လမ်းစရိတ်မထောက်ပံ့နိုင်သည့် အစိုးရဌာနဆိုင်ရာ လူထုဖွံ့ဖြိုးရေးစီမံကိန်း အစည်းအဝေးတွင် လူထုများက တက်ရောက်လာမှုအား နည်းနေသည့်အခက်အခဲ တွေ့နေရသည်ဟု ဒီးမော့ဆိုကျေးလက် ဒေသဖွံ့ဖြိုးတိုးတက်ရေးဦးစီးဌာနမှ ဦးစီးမှူး ဦးမျိုးနိုင်ကပြောသည်။

ဒေသတွင်း ကွင်းဆင်းဆောင်ရွက်သည့်အခါတွင် အသေးစားထောက်ပံ့မှုများပေးနိုင်သည့် NGO , INGO အဖွဲ့အစည်းများ ကဲ့သို့မဟုတ်သည့်အတွက် လူထုများကို တွေ့ဆုံရန် အခက်အခဲနှောက်နှေးမှုများ ရှိစေသည်ဟု ဆိုပါသည်။

” ဘာဖြစ်လို့လဲဆိုရင် သူတို့က ထမင်းစားစရိတ်တွေ လည်းကျွေးနိုင်တယ်။ ခရီးစရိတ်လည်းပေးနိုင်တယ်။ နေ့စားခလည်းပေးနိုင်တယ်။ အဲလိုဖြစ်နေတဲ့ အနေအထားမှာ ကျနော်တို့ ဦးစီးဌာနဆိုတဲ့ ဒီအစိုးရအနေနဲ့ပေါ့နော။
ဌာဆိုင်ရာတွေအားလုံးပဲ။ ဘာပဲလုပ်လုပ် .. ရွာသားအနေနဲ့ ခုချက်ချင်း လက်ငင်းရမှာ လာမယ်ဆိုတဲ့ပုံစံမျိုးတွေ ရှိတယ်ပေါ့နော။” ဟု ဦးမျိုးနိုင်က ပြောသည်။

ကျေးရွာကွင်းဆင်းပြီး အစည်းအဝေးကျင်းပရာတွင် တခြားသော နိုင်ငံတကာ ကူညီမှု အသင်းအဖွဲ့အစည်းများကဲ့သို့ မည်သည့်စားစရိတ် လမ်းစရိတ်များကို မထောက်ပံ့နိုင်သည့် အဖွဲ့အစည်းများသည် လူထုများကိုစည်းရုံးရာ၌ အခက်အခဲ အများကြီး ဖြစ်ပေါ်စေသည်ဟုလည်း သိရသည်။

“ငါတို့က ရွာတွေဆင်း အစည်းဝေးခေါ်ရင် ခရီးစရိတ် စားစရိတ်ကို ရွားသားတွေကို မပေးဘူး ကော်မတီတွေကိုလည်း မပေးဘူးလေ။” ဟု ဒီးမော့ဆိုမြို့နယ်အတွင်းရှိ ဒေါဖုအုပ်စုတွင် လူထုဗဟိုပြု စီမံကိန်းဆောင်ရွက်နေသည့် လက်ထောက်နည်းပညာမှူး ကိုဂျိုးဇက်ကပြောသည်။

ဒီးမော့ဆိုမြို့နယ်အတွင်း အထွေထွေအုပ်ချုပ်ရေး ဦးစီးဌာန အမည်ပေါက် ကျေးရွာ ၁၈၂ ရွာရှိပြီး အမည်မပေါက်သေးသည့် ၅ ရွာခန့်ရှိသည့်အတွက် ကျေးရွာအားလုံးလုပ်ငန်းများကို ချက်ခြင်းအကောင်ထည်ဖော်ဆောင်ရွက်ပေးရာတွင်လည်း အခက်ခဲရှိနေသည်ဟု သိရသည်။

တချို့သော နိုင်ငံတကာကူညီရေးအသင်းအဖွဲ့အစည်းများ၊ လူမှုအသင်းအဖွဲ့အစည်းမှ ပြုလုပ်သော အစည်းအဝေး၊ ဆွေးနွေးပွဲများတွင်လည်း ဒေသခံများအတွက် နေ့တွက်ခ အနည်းဆုံးတရက်လျှင် ငါးထောင်ကျပ် နှင့်လမ်းစရိတ်များ စီစဉ်ပေး ရသည်။

Comments

comments

Next Post

ပြည်သူ့ဘဏ္ဍာငွေဖြင့် ဆောက်လုပ်နေသည့် ဖွံ့ဖြိုးရေးစီမံကိန်းတွင် လုပ်ငန်းကြီးကြပ်မှု အားနည်းဟုဆို

Thu Dec 1 , 2016
ကယားပြည်နယ်အတွင်း ပြည်သူ့ဘဏ္ဍာငွေဖြင့် ဒေသဖွံ့ဖြိုးရေးအတွက် ဆောက်လုပ်ရေးစီမံကိန်းများတွင် စစ်ဆေးတွေ့ရှိချက်အရ လုပ်ငန်းကြီးကြပ်မှု အားနည်း သည့်အပိုင်းများတွေ့ရှိရသည်ဟု ပြည်သူ့ငွေစာရင်း စောင့်ကြည့်စစ်ဆေးရေးကော်မတီမှ အဖွဲ့ဝင် ဦးစောကလိုမူး ကပြောသည်။ ဦးစောကလိုမူးက “ အဓိကတွေ့ရတဲ့အချက်က ကန်ထရိုက်တွေ လုပ်တဲ့လုပ်ငန်းတွေမှာ လက်ရာလေးတွေ နည်းနည်းညံ့တယ် အရည်အသွေးကျတော့ ကျနော်တို့က တိတိကျကျစစ်ဆေးဖို့ကျတော့ အရည်အသွေးမှာ နည်းနည်းညံ့တာလေးတွေ ရှိတယ် ဒါက မျက်မြင်အရသော်လည်းကောင်း လုပ်ငန်း အတွေ့အကြုံအရ အဲ့ဒါလေးတွေတော့ ရှိတယ်။” ဟု ပြောသည်။ ၎င်းကော်မတီသည် နိုင်ငံတော်၏ ၂၀၁၆-၁ရ ခုနှစ် ဘတ်ဂျက်တွင်ပါရှိသည့် စီမံကိန်းများကို စစ်ဆေးပြီးနောက် တွေ့ရှိချက်များကို ပြည်နယ်လွတ်တော်ဥက္ကဌထံ တင်ပြ ရခြင်းဖြစ်သည်။ ထို့နောက် ကော်မတီ၏ တင်ပြချက်များအပေါ်အခြေခံပြီး လွတ်တော်က အရေးယူသင့်သည်များကို […]