နိုင်ငံတော်တည်ဆောက်မည့်အခန်းကဏ္ဍတွင် မျိုးနွယ်စုငယ်များပါဝင်မှုအားနည်း

ငြိမ်းချမ်းရေးဖြစ်စဉ်နှင့် နိုင်ငံတည်ဆောက်မည့်အခန်းကဏ္ဍအပိုင်းတွင် တိုင်းရင်းသားမျိုးနွယ်စုငယ်များပါဝင်မှု အားနည်းနေ သည်ဟု ကော်ယော်မျိုးနွယ်စုကိုယ်စားလှယ် မာတီးယာက ပြောသည်။

နိုင်ငံရေးပါတီမရှိသည့် မျိုးနွယ်စုများ၊ လက်နက်ကိုင်အဖွဲ့အစည်းမရှိသည့် မျိုးနွယ်စုများက နိုင်ငံတော်၏ အခန်းကဏ္ဍများတွင်ပါဝင်မှု အားနည်းနေသည့်အတွက် ရှေ့ဆက် ဆောင်ရွက်ရမည့်လုပ်ငန်းစဉ်များ မျိုးနွယ်စုငယ်များအတွက် အခန်းကဏ္ဍများကို  ထည့်သွင်းစဉ်းစားပေးနိုင်ရန် လိုအပ်သည်ဟု ဆိုသည်။

” ငြိမ်းချမ်းရေးဆွေးနွေးပွဲပဲပြောပြော ၊ အမျိုးသားချင်းနိုင်ငံရေးဆွေးနွေးပွဲလုပ်ငန်း လမ်းညွန်ရေးဆွဲတဲ့အချိန်မှာသို့မဟုတ်      မူဘောင်တွေရေးဆွဲတဲ့အချိန်မှာ ဒီဟာကို မပါ နိုင်တဲ့မျိုးနွယ်စုတွေကို အခန်းဏ္ဍတစ်ခုအနေနဲ့ ဖော်ပြပေးဖို့ပါ။” ဟု မာတီးယာက ပြောသည်။

တိုင်းရင်းသားလူမျိုးစုများ ရသင့်ရထိုက်သော အခွင့်အရေးရရှိရန်၊ တိုင်းရင်းသားလူမျိုးစုငယ်များက ငြိမ်းချမ်းရေးဖက်ဒရယ်လုပ်ငန်းစဉ်တွင် ပါဝင်ရန် ၊ အခွင့်အလမ်းပေးရှိရန် ၊ တန်းတူအခွင့်အရေးရရှိရန် ၊ မိမိတို့ဒေသတွင် သံယံဇာတထုတ်ယူခြင်း၌   အခွင့်အရေးမထိခိုက်စေရန်၊ ရိုးရာဓလေ့များကိုဖော်ထုတ်နိုင်ရန် ၊ စာပေ မြင့်တင်ပေးရန် ၊ ပညာရေး ၊ ကျန်းမာရေး အခန်းကဏ္ဍတွင် ဖွံ့ဖြိုးတိုးတက်ရန် စသည်တို့ကို မာတီးယာက ပင်လုံညီလာခံ၌ တင်ပြခဲ့သည်။

၂၁ပင်လုံညီလာခံသည် ငြိမ်ချမ်းရေးအတွက် တိုင်းရင်းသားများအားလုံးဖြစ်ချင်သည့် ဆန္ဒများကို ဖော်ထုတ်ပြီး စုပေါင်းအဖြေရှာရမည့်နေရာဖြစ်သည့်အတွက် အချိန်ကို ယူပြီးလုပ်ရမည်ဖြစ်ကြောင်း ကယောလူမျိုးစု ကိုယ်စားလှယ် ပေါလ်သယ်မောအီကပြောသည်။

“ဒီမိုကရေစီဆိုတာလက်ဆောင်မဟုတ်ဘူး။ ရယူရတယ်၊ ဆွေးနွေးရတယ်၊တိုက်ယူရတယ်။ခိုက်ယူရတယ်။ ဒါမှသာလျှင်  ကျနော်တို့လိုလားတမ်းတတဲ့ ဒီဖက်ဒရယ်ပြည်ထောင်စုကြီးလာမည့်နှစ်တွေမှာ ရရှိမှာဖြစ်ပါတယ်။” ဟု ပေါလ်သယ်မောအီ က    ပြော သည်။

ကယား(ကရင်နီ)မျိုးနွယ်စု ၉ မျိုးရှိသည့်အနက် မိုနူးမိုနော(ကော်ယော်) မျိုးနွယ်စုနှင့် ယင်းတလဲမျိုးနွယ်စုများသည် လူဦးရေ     နည်းသည့် တိုင်းရင်းသားမျိုးနွယ်စုငယ်များဖြစ်ကြသည်။

Comments

comments

Next Post

တောင်သူများ၏သီးနှံစပါးများ ကြွက်ဖျက်ဆီးခြင်းနှင့် ပိုးကျခြင်းတို့ တွေ့ကြုံနေရ

Mon Sep 19 , 2016
ရှမ်းပြည်တောင်ပိုင်း ဖယ်ခုံမြို့နယ် အတွင်းတွင် တောင်သူများ၏စပါးခင်းများကို ကြွက်များဖျက်ဆီးခြင်းနှင့်ကြုံတွေ့နေကြရသည်ဟု သိကျိတ်ကျေးရွာမှ တောင်သူ မအားမူက ပြောသည်။ “အခုတလော ကြွက်ထပြီးတောင်းကျန်းလို့ တောင်ယာခင်းတွေ ပျက်စီးသွားခဲ့ပါတယ်။ စပါးပင်အရင်းကို ကိုက်ဖြတ်လို့ စပါးတွေမပေါက်နိုင်တော့ဘူး။” ဟု မအားမူကပြောသည်။ ရှမ်းပြည်တောင်ပိုင်းဒေသအတော်များများတွင် ကြွက်များ၏ ဖျက်ဆီးခြင်းကို ကြုံတွေ့နေရပြီးကြွက်ဖျက်စီးခြင်းကြောင့် ပျက်စီးသွားသည့်ဒေသများကို အချက်အလက်လိုက်ကောက်ယူကာ သက်ဆိုင်ရာဌာနများထံ ကူညီတောင်းတိုက်တွန်းနှိုးဆော်ပေးသွားမည်ဟု ကယန်းအမျိုးသမီးအစည်းအရုံး အထွေထွေအတွင်းရေးမှူး မူဂလိုရီးယာ ကပြောသည်။ ကယားပြည်နယ်အတွင်းတွင်လည်း တောင်ယာစပါးပိုးများက စိုက်ခင်းများကို ဖျက်ဆီးနေကြပြီး ဖရူဆိုမြို့နယ် တောခူအုပ်စု ခိုဘွာရွာနှင့် စို့ခွတ်ရွာတို့တွင်လည်း တောင်ယာစပါးများပိုးများက ဖျက်ဆီးနေသည်ဟု စို့ခို့ရွာမှ ဆရာဝင်းနိုင်က ပြောသည်။ “စပါးပင်တွေက အရွက်တွေခြောက်ကုန်ပြီးသေကုန်တယ်။ ပိုးလည်းကျတယ်။ ကြွက်လည်းကိုက်တယ်။ တချို့လည်း သူ့ဘာသာ သူသေသွားတာရှိတယ်။” […]