spot_imgspot_imgspot_imgspot_img
Thursday, July 17, 2025
spot_imgspot_imgspot_imgspot_img

မော်ချီးကို မကြာခန လေကြောင်းဗုံးကြဲမှုကြောင့် အလုပ်သမားတချို့ နေရပ်ပြန်၊ ဒေသခံတွေ ထွက်ပြေးတိမ်းရှောင်နေ

Author

Date

Category

ကန္တာရဝတီတိုင်း(မ်)

တိုက်ပွဲ ဖြစ်ပွားတာမရှိတဲ့ မော်ချီးဒေသကို စစ်ကောင်စီက လေကြောင်း တိုက်ခိုက်မှုတွေ ခပ်စိပ်စိပ် ပြုလုပ်လာတာကြောင့် မော်ချီး ဒေသခံ တချို့ ဘေးလွတ်ရာကို ရှောင်တိမ်းနေကြသလို တခြားဒေသကနေ ခဲလုပ်ငန်းကိုလာရောက်လုပ်ကိုင်နေတဲ့ အလုပ်သမားတချို့လည်း နေရပ်ပြန်ကြပါတယ်။

“ဒီနားကျ(မော်ချီး) နယ်ခံ တွေထက် ရပ်ဝေးက ပိုများတယ်။ တချို့ကျ ဒီမှာ အခြေချတာကြာပြီ။ နယ်ခံ နာမည်ခံ ပေါ့။ သူတို့ မွေးရပ်ကို ပြန်သွားကြတာ” လို့ မော်ချီးသေခံတွေက ပြောပါတယ်။

မော်ချီး ဒေသခံတွေကတော့ လုံခြုံမယ်လို့ ယူဆရတဲ့ နေရာတွေကို ထွက်ပြေးတိမ်းရှောင်နေကြပြီး သက်ကြီးရွယ်အိုနဲ့ ကလေးတွေကို အဓိကထားပြီး ရွေ့ပြောင်းနေကြတယ်လို့လဲ မော်ချီးဒေသခံတစ်ဦးက ဆက်ပြောပါတယ်။

ပြီးခဲ့တဲ့ ဇွန်လိုင်လ ၁၄ နဲ့ ၁၅ ရက်တွေမှာ စစ်ကောင်စီရဲ့ လေကြောင်းဗုံးကြဲမှုအပြီးမှာ အခုလို နေရပ်ပြန်သူတွေ များလာတာလို့ မော်ချီးဒေသခံတွေက ပြောပါတယ်။

“တချို့တွေလဲ ပြန်ကုန်ပြီပေါ့။ ပြန်တာက ဒီမှာကလဲ အဆင်မပြေတော့ နည်းနည်းပါးပါးတော့ ကျန်တာပေါ့။ သုံးလေး ယောက်။ တချို့ဆို လေးငါးယောက် အဲ့လောက်ပဲကျန်တာပေါ့။ သူတို့က ရပ်ဝေးကနေ လာအလုပ်လုပ်တဲ့ သူတွေပေါ့။ သူတို့နောက်ပိုင်းမှာ သူတို့မိသားစုတွေရှိတော့ စိတ်ပူကြတာပေါ့။ ဒီမှာ ဒီလိုဖြစ်တယ် (လေယာဉ်ဗုံးကြဲ)ဆိုတော့ သူတို့မနေရဲ ကြဘူးပေါ့။” လို့ ခဲကျင်းဦးစီးမှုးတစ်ဦးက ပြောပါတယ်။

အလုပ်သမားတွေ မရှိတော့တဲ့အတွက် တချို့ခဲကျင်း လုပ်ကွက်တွေကိုလဲ နားထားရတယ်လို့ သူက ဆက်ပြောပါတယ်။

စစ်ကောင်စီဟာ ၂၀၂၅ တစ်နှစ်အတွင်း မော်ချီးဒေသကို ၉ ကြိမ်အထိ လေကြောင်းဗုံးကြဲမှုကို ပြုလုပ်ထားပါတယ်။

မော်ချီးဒေသဟာ ခဲမဖြူ၊ အဖြိုက်နက် ထွက်ရှိရာ ဒေသဖြစ်ပြီး ခဲလုပ်ငန်းကို လုပ်ကိုင်လာတာ နှစ်ပေါင်း တရာကျော်ရှိနေပြီ ဖြစ်ပါတယ်။

spot_img

Recent posts