KT-FM မြန်မာဘာသာ အစီအစဉ် ၂၀၂၅ ခုနှစ်၊ ဧပြီလ (၂၂) ရက်၊ (အင်္ဂါနေ့)
ဒီကနေ့ နားဆင်ရမှာကတော့
– ဖရူဆိုမြို့နယ် အရှေ့ခြမ်းက ကျေးရွာတစ်ရွာမှာ ကေးထျိုးဘိုး (ခေါ်) တံခွန်တိုင်ပွဲတော်ကို အကျဥ်းချုံး ပြုလုပ်
– ဒီးမော့ဆိုမြို့မ ဈေးထဲက ဈေးဆိုင်ခေါင်မိုးများ ဖြုတ်ယူခံရ
– ဖယ်ခုံမြို့နယ်မှာ စစ်ကောင်စီပစ်ခတ်တဲ့ လက်နက်ကြီးထိမှန်မှုကြောင့် ကလေး ၃ ဦးအပါအဝင် ၇ဦးထိခိုက်ဒဏ်ရာရ
– စစ်ရှောင်လူထု ငါးသောင်းအပါအဝင် ကျေးရွာပေါင်း သုံးဆယ်ဝန်းကျင်က အားထားရတဲ့ နန်းစံဖူးရေထွက်ပေါက်ကို ဝိုင်းဝန်းထိန်းသိမ်းဖို့ လိုအပ်နေ
–မြင်းမထိတောင် သတ္တုတူးဖော်မှုကို လုပ်ဆောင်နေတဲ့ လုပ်ငန်းရှင်နဲ့ ဒေသခံဆွေမျိုးစုအကြား သဘောထား တင်းမာနေ
စတဲ့သတင်းတွေအပါအဝင် မိုးလေဝသ သတင်းနဲ့ ဒေသတွင်းသတင်းတွေကို ကြားကြရမှာပါ။ အဲဒီနောက်မှာတော့ အပတ်စဉ်တင်ဆက်ပေးတဲ့ လူငယ်အစီအစဉ်ကနေပြီး “မြေစာပင် ဘဝကနေ ရုန်းထွက်ဖို့ ကြိုးစားနေတဲ့ ဆယ်ကျော်သက်ကျောင်းသားလေး ခူးဌေးရယ်” အကြောင်းကိုလည်း နားဆင်ကြရပါမယ်ရှင်…။
KT-FM မြန်မာဘာသာအစီအစဉ်ကို နေ့စဉ်ညနေ ၇ နာရီကနေစတင်ပြီး Kantarawaddy Times ရဲ့ လူမှုကွန်ယက် စာမျက်နှာမှာ တိုက်ရိုက်ထုတ်လွှင့်ပေးနေပါတယ်။ တစ်ချိန်ထဲမှာပဲ ထိုင်းကရင်နီ နယ်စပ်မှာ FM ရေဒီယိုလိုင်း 100 mhz နှင့် ကရင်နီပြည်တွင်းဒီးမော့ဆို နဲ့ဖရူဆိုမြို့နယ်မှာ FM ရေဒီယိုလိုင်း 108 mhz ၊ မယ်စဲမြို့နယ်မှာ 95.9 mhz ထုတ်လွှင့်ပေးနေပါတယ်။