spot_img
Monday, March 27, 2023
spot_img

KA ရဲ့ တပ်စခန်းတစ်ခုကို ဝင်ရောက်သိမ်းပိုက်ဖို့ ကြိုးပမ်းနေတဲ့ စစ်ကောင်စီတပ် ပြန်ဆုတ်ခွာရ

spot_imgspot_imgspot_imgspot_img

ကန္တာရဝတီတိုင်း( မ် )

ယမန်နေ့ (မတ်လ ၁၁ရက်)မှာ ကရင်နီတပ်မတော် ( KA ) ရဲ့ ရင်း ( ၃ ) တပ်စခန်းတစ်ခုကို သိမ်းပိုက်ဖို့ကြိုးပမ်း လာတဲ့ စစ်ကောင်စီနဲ့ KA တို့ တိုက်ပွဲဖြစ်ပွားပြီး စစ်ကောင်စီဘက် ပြန်ဆုတ်ခွာခဲ့ရတယ်လို့ ကရင်နီပြည်အစိုးရ ပြည်ထဲရေးဝန်ကြီးဌာန ဝန်ကြီး ခူညေးရယ်က ပြောပါတယ်။

“ မနေ့က ဖြစ်တယ်လေ သူတို့လက်နက်ကြီးတွေနဲ့ လှမ်းထုတယ်။ သူတို့ ည လေးနာရီမှာ သူတို့တက်လာတယ်။ တက်လာတော့ သူတို့က ပြန်ခါချတယ်ပေါ့။ ကျနော်တို့ စခန်းထဲက ပြန်ချတော့ ည၆နာရီအထိ တိုက်ပွဲဖြစ်တယ်။ အဲ့ဒါ သူတို့က ပြန်ဆုတ်သွားတယ်။ ” လို့ ခူညေးရယ်က ပြောပါတယ်။

စစ်ကောင်စီ ဝင်တိုက်ဖို့ကြိုးစားခဲ့တဲ့ အဲဒီတပ်စခန်းဟာ ထိုင်း-ကရင်နီနယ်စပ် အမှတ် ( ၈ ) နဲ့ ( ၉ ) ကြားမှာ ရှိပြီး ၂၀၂၃ ခုနှစ်အတွင်းမှာ ပထမဆုံး တိုက်ခိုက်ခံရတာဖြစ်တယ်လို့ ဆိုပါတယ်။

အဲဒီတိုက်ပွဲအတွင်း KA ဘက်က အထိအခိုက်အကျအဆုံးမရှိပေမယ့် စစ်ကောင်စီဘက်က အကျအဆုံးများနိုင်ပြီး ပြန်လည်ဆုတ်ခွာတာဖြစ်တယ်လို့ ဝန်ကြီးခူညေးရယ်က ပြောပါတယ်။ သူတို့ရဲ့ ခဲယမ်းတချို့နဲ့ တပ်သားအဆင့်ရုပ်အလောင်းနှစ်လောင်းကိုလည်း တွေ့ရှိခဲ့ရတယ်လို့ ဆိုပါတယ်။

“၂လောင်းတွေ့တယ်။ ကျောပိုးအိတ်တွေတော့ တွေ့သေးတယ်။ ဒါပေမယ့် ပြန်ဆွဲချတဲ့ အရာတွေတော့ တွေ့တယ်လေ။ အဲ့ဒါ အရာရှိတွေ အကျတွေပါနိုင်တာပေါ့ အများအပြား ဒဏ်ရာရနိုင်တာပေါ့။”လို့ ခူညေးရယ်က ပြောပါတယ်။

ယမန်နေ့မတ်လ ၁၁ ရက်နေ့ နေ့လည်က စစ်ကောင်စီတပ်က လက်နက်ကြီးတွေနဲ့ ထုလာပြီး ညနေ ၄ နာရီဝန်းကျင်မှာတော့ တိုက်ပွဲဖြစ်ပွားခဲ့တယ်လို့ ဆိုပါတယ်။ တစ်နာရီကြာ တိုက်ပွဲဖြစ်ပွားပြီး ည၆ နာရီမှာတော့ စစ်ကောင်စီတပ် ပြန်လည်ဆုတ်ခွာသွားခဲ့တယ်လို့ ခူညေးရယ်က ဆက်ပြောပါတယ်။

လက်ရှိကရင်နီပြည်မှာ စစ်ကောင်စီနဲ့ တော်လှန်ရေးပူးပေါင်းတပ်ဖွဲ့တို့ စစ်ကြောင်းအများအပြားနဲ့ ထိုးစစ်ဆင်နေတဲ့အတွက် တိုက်ပွဲအပြင်းအထန်ဖြစ်ပွားနေပါတယ်။

အဲဒီKA ရဲ့စခန်းကို စစ်ကောင်စီရဲ့ ခမရ ၃၃၇ တပ်၊ ခမရ ၃၃၄ တပ်နဲ့ ခမရ ၅၁၉ တပ်တို့ကနေ ပူးပေါင်းပြီး တိုက်ခိုက်ဖို့ကြိုးစားခဲ့တာလို့ သိရပါတယ်။

spot_imgspot_imgspot_imgspot_img

More from the blog

ဒီးမော့ဆိုမြို့နယ် အရှေ့ဘက်ခြမ်းကို စစ်ကောင်စီတပ်မှ လက်နက်ကြီးတွေ အမြောက်အများ ပစ်ခတ်နေ

ကန္တာရဝတီ တိုင်း(မ်) ကရင်နီပြည် ဒီးမော့ဆိုမြို့နယ် အရှေ့ဘက်ခြမ်းကို ဒီးမော့ဆို အခြေစိုက် ခလရ ၁၀၂ တပ်မှ (၁)မိနစ် (၁) လုံးနုန်းနဲ့ လက်နက်ကြီးတွေ အမြောက်အများ ပစ်ခတ်နေတယ်လို့ သိရပါတယ်။ ယနေ့ ( မတ်လ ၂၆ ) ရက်နေ့ မနက် ၉ နာရီလောက်ကစပြီး...

စစ်ရှောင်ပြည်သူတွေကို ရိက္ခာဝေမယ်လို့ပြောဆိုပြီး ဓါတ်ပုံရိုက်ပြီးနောက် ဝေထားတဲ့ရိက္ခာတွေကို ပြန်သိမ်းယူသွား

ကန္တာရဝတီတိုင်း(မ်) လွိုင်ကော်မြို့ နမ့်ဘော်ဝမ် ရပ်ကွက်အတွင်းရှိ စစ်ဘေးရှောင်ပြည်သူတွေကို စစ်ကောင်စီ က ရိက္ခာဝေပေးမယ်လို့ပြောဆိုကာ ဒီကနေ့ (မတ်လ ၂၅ ရက်နေ့ ) မှာ စုရုံးခေါ်ဆောင်ပြီး ဓါတ်ပုံမှတ်တမ်းရယူခဲ့ပေမဲ့ ဝေငှထားတဲ့ ရိက္ခာထုပ်တွေကို ပြန်လည်တောင်းယူခဲ့တယ်လို့ စစ်ရှောင်တွေဆီကနေ သိရပါတယ်။ နမ့်ဘော်ဝမ်ရပ်ကွက်အတွင်းမှာ ရှိတဲ့ဘုရားကျောင်းမှာ စစ်ဘေးရှောင်တွေကို ခေါ်ယူစုရုံးပြီး ကုလားပဲထုပ်...

ဒီးမော့ဆိုအနောက်ဘက်ခြမ်းမှာ လက်နက်ကြီးကျပြီး ဒေသခံထိခိုက်မှုရှိခဲ့၊ ဖရဲသီးစိုက်ခင်းလည်းပျက်စီး

ကန္တာရဝတီတိုင်း( မ် ) ယမန်နေ့ မတ်လ ၂၄ရက်နေ့ မနက် ၁၀နာရီကျော်အချိန်မှာ ကရင်နီပြည် ဒီးမော့ဆိုမြို့နယ်အနောက်ဘက်ခြမ်းကို စစ်ကောင်စီက လက်နက်ကြီးတွေနဲ့ ပစ်ခတ်ခဲ့တဲ့အတွက် ဒေသခံတချို့ ထိခိုက်ခဲ့သလို ဖရဲသီးစိုက်ခင်းလည်း ပျက်စီးခဲ့တယ်လို့ ဒီးမော့ဆိုအနောက်ဘက်ခြမ်းမှာ နေထိုင်သူတစ်ဦးက ပြောပါတယ်။ "အိမ်ကတော့ လူနေအိမ်ပဲ မိန်းက‌လေးထိတယ်ပြောတယ်။ မိန်းကလေးနှစ်ယောက်။ ဒီကျတာက ဖရဲသီးခြံစိုက်ခင်းထဲမှာက...

ဒီမော့ဆို အရှေ့ဘက်ခြမ်းမှ ဆွေမျိုးများထံ ယာယီ ပြောင်းရွေ့လာတဲ့ စစ်ရှောင်ကလေးအချို့ ဝမ်းပျက်ဝမ်းလျောဖြစ်နေ

CJ (ကန္တာရဝတီတိုင်း(မ်)) ကရင်နီပြည် ဒီမော့ဆိုမြို့နယ် အရှေ့ဘက်ခြမ်းမှာ မတ်လ ၁၀ ရက်နေ့ ကတည်းက ဖြစ်ပွားတဲ့ တိုက်ပွဲတွေကြောင့် အနောက်ဘက်ခြမ်းက ဆွေမျိုးတွေဆီကို ယာယီ ပြောင်းရွေ့လာတဲ့ စစ်ရှောင်တွေအထဲက ကလေးတွေဟာ ဝမ်းပျက်ဝမ်းလျောဖြစ်နေတယ်လို့ စစ်ရှောင်အမျိုးသမီးတစ်ဦးက ပြောပါတယ်။ "အကြောင်းရင်းက ဘာလဲ မသိဘူး၊ ရေရှားတဲ့ နေရာလဲ မဟုတ်ဘူး၊...