စိုးထိုက်အောင် ကယားပြည်နယ်ဝန်ကြီးချုပ်ဟောင်း ဦးအယ်လ်ဖောင်းရှိုကို ပြည်ထောင်စု အဂတိလိုက်စားမှုတိုက်ဖျက်ရေးကော်မရှင်ဆီ တိုင်းကြားထားတဲ့အမှုကို ကော်မရှင်ဖက်က တုန့်ပြန်မှု တစုံတရာ မလုပ်သေးဘူးလို့ ဖရူဆိုမြို့နယ် မဲဆန္ဒနယ်အမှတ်(၁) ပြန်နယ်လွှတ်တော်ကိုယ်စားလှယ် ဦးသဲရယ်က ပြောပါတယ်။ “ ဝန်ကြီးချုပ်ကိုရပ်စဲဖို့အတွက် သမ္မတကနေ ညွှန်ကြားချက်ထွက်လာတဲ့အခါမှာလည်း မိတ္တူကို အဂတိကိုလည်းပေးထားတာ ကျနော်တို့တွေ့ရတာပေါ့နော်။ ဆိုတော့ အဂတိက အခုချိန်ထိ ဒီကိစ္စနဲ့ပတ်သတ်တာကို အကောင်အထည်ဖော်ဆောင်ရွက်တာ မရှိတာကတော့ ကျနော်က သံသယ နည်းနည်းဝင်တာပေါ့။ ဘာလို့လည်းဆိုရင် ဒီကိစ္စက ဒီလောက်ဖြစ်နေတာကို သူတို့က အခုချိန်ထိဘာမှအရေးယူဆောင်ရွက်တာ မရှိဘူး။ နောက်ပြီးတော့မှ ကျနော်တို့ပို့ထားတဲ့စာလည်း အကြောင်းမပြန်ဘူးပေါ့။”လို့ ဦးသဲရယ်က ပြောပါတယ်။ ပြည်ထောင်စုအဂတိလိုက်စားမှု တိုက်ဖျက်ရေး ကော်မရှင်ကို ဆက်သွယ်မေးမြန်းရာမှာတော့“ အဲ့ဒါ သူကိုယ်တိုင် ဦးသဲရယ်ကိုလေ ကိုယ်တိုင် […]

နော်ဒွေးအယ်ခူ ဝန်ကြီးချုပ်ဟောင်း ဦးအယ်လ်ဖောင်းရှိုကို အဂတိလိုက်စားမှုတိုက်ဖျက်ရေးကော်မရှင်ထံ ပြည်နယ်လွှတ်တော်ကိုယ်စားလှယ်အနေနဲ့ တိုင်ကြားထားပြီးဖြစ်တယ်လို့ ဖရူဆိုမြို့နယ် မဲဆန္ဒနယ်အမှတ်(၁)မှ ဦးသဲရယ်က ပြောပါတယ်။ စက်တင်ဘာလ (၈)ရက်နေ့ ရက်စွဲနဲ့ အဂတိလိုက်စားမှုတိုက်ဖျက်ရေးကော်မရှင်ဥက္ကဌထံ ပေးပို့ထားပြီးဖြစ်ပါတယ်။ သို့ပေမယ့်လို့ စက်တင်ဘာလ ၁၄ရက်နေ့အထိ အကြောင်းပြန်ခြင်းမရှိသေးဘူးလို့ဆိုပါတယ်။ “လက်ရှိဖြစ်နေတဲ့အပေါ်မှာတော့ အဂတိအနေနဲ့ အရေးယူလို့ရမရဆိုတာကလည်း ကျနော်တို့ကိုရှင်းရှင်းလင်းလင်းအကြောင်းပြန်သင့်တယ်လို့ ကျနော်ပြောချင်တယ်။ အခုဟာလည်းပြောရမယ်ဆိုရင် ပြီးခဲ့တဲ့တစ်ပတ်မှာပဲ အဂတိကိုတင်ခဲ့တယ် အဲဒါအဂတိကလည်း ကျနော်ဆီ ဘာမှအကြောင်းမပြန်ဘူးပေါ့။အကြောင်းမပြန်ဘူး ဘားမှဖြေရှင်းချက်မပေးတဲ့အပေါ်မှာကတော့ အဂတိကလည်း ဒီဖက်ပါနေသလားပေါ့ ဒီလိုအလွဲသုံးတဲ့အပေါ် ထောက်ခံနေသလားပေါ့နော ကျတော်အဲလိုပဲပြောချင်ပါတယ်” လို့ ဦးသဲရယ်က ပြောပါတယ်။ ဝန်ကြီးချုပ်ဟောင်းဦးအယ်လ်ဖောင်းရှိုကို စွပ်စွဲပြစ်တင်တဲ့အကြောင်းအရာအပေါ် စုံစမ်းစစ်ဆေးရေးအဖွဲ့ရဲ့ စစ်ဆေးတွေ့ရှိချက်အရ ပြည်သူ့ဘဏ္ဍာငွေနဲ့ ဝယ်ယူထားတဲ့ စက်ယန္တရားဌားရမ်းငွေကို နိုင်ငံတော်ဘတ်ဂျက်သို့ ပေးသွင်းခြင်းမရှိဘဲ ကိုယ်ရေးကိုယ်တာကိစ္စအတွက် သုံးစွဲခြင်း၊ […]

ပြီးခဲ့တဲ့ စက်တင်ဘာလ ၃ ရက်နေ့မှာ ဦးအယ်လ်ဖောင်းရှိူက ပြည်နယ်ဝန်ကြီးချုပ် တာဝန်ကနေ ရပ်စဲခံလိုက်ရပါတယ်။ ကယားပြည်နယ် ဝန်ကြီးချုပ်ကို ဖြုတ်ချဖို့ ဆုံးဖြတ်ခဲ့တာဟာ ပုဂ္ဂိုလ်ရေးတိုက်ခိုက်မှုတခုသာ ဖြစ်တယ်လို့ အမျိုးသားဒီမိုကရေစီအဖွဲ့ချုပ် NLD ပါတီက က ထုတ်ပြန်ချက်တစ်စောင် ထုတ်ပြန်ခဲ့ပါတယ်။ အထက်ပါ ဖြစ်စဉ်တွေနဲ့ ပတ်သက်ပြီး လွှတ်တော်ကိုယ်စားလှယ် ၊ နိုင်ငံရေးပါတီ၊ အရပ်ဖက်အဖွဲ့အစည်းနဲ့ ဒေသခံလူထုတွေရဲ့ သုံးသပ်ချက်တွေကို ဖော်ပြပေးလိုက်ပါတယ်။ ဒေါက်တာခင်စည်သူ ( ပြည်သူ့လွှတ်တော်ကိုယ်စားလှယ်)“ ကျမကတော့ ဒါ သမ္မတကြီး မှန်တယ်ပေါ့။ ဘာဖြစ်လို့တုန်းဆိုတော့ ၂၀၀၈ ဖွဲ့စည်းပုံအခြေခံဥပဒေဆိုတာ နိုင်ငံရဲ့ အသက်နော်။ အဲဒါကို သူက မှန်မှန်ကန်ကန်လုပ်တယ်။ သူမလုပ်ခင်လည်း ဒါသမ္မတရုံးသတင်းစာ ရှင်းလင်းပွဲမှာ ဦးဇော်ဌေး ရှင်းပြပြီးသား။ […]

ကန္တာရဝတီတိုင်း (မ်) ကယားပြည်နယ် ဝန်ကြီးချုပ်ကို ဖြုတ်ချဖို့ ဆုံးဖြတ်ခဲ့တာဟာ ပုဂ္ဂိုလ်ရေးတိုက်ခိုက်မှုတခုသာ ဖြစ်တယ်လို့ အမျိုးသားဒီမိုကရေစီအဖွဲ့ချုပ် NLD ပါတီက စက်တင်ဘာလ ၃ရက်နေ့က ထုတ်ပြန်ခဲ့ပါတယ်။ ဒီအပေါ်မှာ ပုဂ္ဂိုလ်ရေးအရေမဟုတ်ပဲ ဖွဲ့စည်းပုံအခြေခံဥပဒေအတိုင်း လွှတ်တော်ကိုယ်စားလှယ်တွေနဲ့ ပူးပေါင်းဆောင်ရွက်ခြင်းဖြစ်တယ်လို့ ကယားပြည်နယ်လွှတ်တော်ဥက္ကဌ ဦးလှထွေးက ပြန်လည်တုန့်ပြန်ပြောဆိုထားပါတယ်။ ဦးလှထွေးက ” လွှတ်တော်ဥက္ကဌရဲ့လုပ်ပိုင်ခွင့်က ကိုယ်စားလှယ်(၅)ဦးကနေ ပေးအပ်လာမှ တင်ပြလာမှ လုပ်ပိုင်ခွင့်ရှိတာပါ။ ဒါကိုလည်း အားလုံးသဘောပေါက်ဖို့လိုပါတယ်။ အခုသဘောမပေါက်ဘဲနဲ့ ကျတော်က ဝန်ကြီးချုပ်ကိုဖြုတ်ချလိုက်တယ်ဆိုတဲ့ အသံတွေထွက်တယ်။ နောက်တစ်ချက်က NLD ရဲ့ကိုယ်စားလှယ်လောင်းမပါဘူးဆိုပြီးမှ ကျတော့်ကိုအမျိုးမျိုး တိုက်ခိုက်တယ်ပေါ့။ ကိုယ်စားလှယ်လောင်းပါတယ်၊ မပါဘူးဆိုတာ ကျတော်မပြောလိုဘူး။ ၂၆၃ အရပေးအပ်ထားတဲ့ ဖွဲ့စည်းပုံအရ ကျတော်လုပ်သွားတယ်ဆိုတဲ့အကြောင်း ကျတော်ပြောကြားလိုပါတယ်။” လို့ ပြောပါတယ်။ […]

ခွန်းကလိုင်းဖရီး ဘတ်ဂျက်တွေကို တောင်းခံရာမှာ ခိုင်လုံတဲ့အကြောင်းပြချက်မရှိပဲ မတောင်းသင့်ကြောင်း ပြည်သူ့ငွေစာရင်း စောင့်ကြည့်စစ်ဆေးရေးကော်မတီဝင်၊ ပြည်နယ်လွှတ်တော်ကိုယ်စားလှယ် ဦးခင်မောင်ထွန်း (ခ) နော်အီးက ဒုတိယအကြိမ်ကယားပြည်နယ်လွှတ်တော်ရဲ့ (၁၈) ကြိမ်မြောက်ပုံမှန်အစည်းအဝေးအပြီးမှာ အကြံပြုပြောဆိုလိုက်ပါတယ်။ ၂၀၂၀-၂၀၂၁ ခု၊ ဘဏ္ဍာရေးနှစ် ကယားပြည်နယ်ရဲ့ ဘဏ္ဍာငွေ အရအသုံးဆိုင်ရာ ဥပဒေ (မူကြမ်း)နဲ့ စပ်လျဉ်းပြီး ပြည်သူ့ငွေစာရင်းစောင့်ကြည့်ရေးကော်မတီရဲ့ တွေ့ရှိချက် အစီရင်ခံစာအရ အခုလို ပြောဆိုလိုက်တာပါ။ ၎င်းက “သူတို့ ဒီလိုမျိုး ဘတ်ဂျက်တင်တောင်းတဲ့နေရာမှာ တချို့က နေရာလည်းမသိဘူး၊ ရည်ရွယ်ချက်လည်း မသိတော့ သူကအများအားဖြင့် တည်နေရာပြရမယ်။ ဒီနားမှာလုပ်ပါ့မယ်၊ ဒီအတွက် လုပ်ပါ့မယ်ဆိုတာ ခိုင်လုံတဲ့ အကြောင်းပြချက်ရှိရင်တော့ ကျနော်တို့ ပေးသင့်တယ်။ ခိုင်လုံတဲ့ အကြောင်းပြချက်မရှိရင်တော့ မတင်တောင်း သင့်ဘူးပေါ့နော်။ […]

ကန္တာရဝတီတိုင်း(မ်) ကယားပြည်နယ်ဝန်ကြီးချုပ်ကို စွပ်စွဲထားတဲ့အချက်တွေနဲ့ပတ်သက်ပြီး စုံစမ်းစစ်ဆေးရေး ဒီကနေ ကယားပြည်နယ်လွှတ်တော်မှာ မဲခွဲဆုံးဖြတ်ရာမှာ ထောက်ခံမဲ ၁၆ မဲ ကန့်ကွက်မ ၄ မဲဖြင့် စုံစမ်းစစ်ဆေးရေး အစီရင်ခံစာ အောင်မြင်သွားပါတယ်။ “စုံစမ်းစစ်ရေးကနေပြီးတင်လာတဲ့အစီရင်ခံစာကို ဥက္ကဌကနေ လွှတ်တေ်ာထဲတင်သွားလာတော့ ထောက်ခံသူကိုယ်စားလှယ်က ၁၆ မဲ ၊ ကန့်ကွက်မဲက ၄ မဲပေ့ါ ။ သုံးပုံ ၂ ပုံကျော်တယ်။”လို့ စုံစမ်းစစ်ဆေးရေးကော်မတီ ဥက္ကဌ ဦးသဲရယ်က ပြောပါတယ်။ ကယားပြည်နယ်ဝန်ကြီးချုပ်အပေါ် စွပ်စွဲပစ်တင်ထားတဲ့အချက်နဲ့ပတ်သက်လို့ စုံစမ်းစစ်ဆေးရေးအဖွဲ့ကပြီး စုံစမ်းစစ်ဆေးတွေ့ရှိချက်တွေကို ဒီကနေ စက်တင်ဘာလ ၁ ရက်နေ့ လွှတ်တော်ဥက္ကဌထံ အဆိုတင်သွင်းခဲ့ကြတာဖြစ်ပါတယ်။ ဥပဒေအရ အစီရင်ခံစာ အောင်မြင်သွားတဲ့အတွက် လွှတ်တော်ဥက္ကဌကနေပြီး ဒီအစီရင်ခံစာကို သမ္မတ […]

စိုးထိုက်အောင် ပြည်နယ်အစိုးရကနေရဲ့ စက်ယန္တရား ပြင်ဆင်ခတွေကို ပြည်သူ့ဘဏ္ဍာငွေကနေယူပြီး ငှားရန်းရရှိလို့ ရတဲ့ငွေတွေကိုတော့ ပြည်သူ့ဘဏ္ဍာငွေထဲမရောက်ဘူးလို့ မယ်စဲမြို့နယ် မဲဆန္ဒနယ်အမှတ်(၁)က ပြည်နယ်လွှတ်တော်ကိုယ်စားလှယ် ဦးအောင်နိုင်ဦးက ပြောပါတယ်။ “ကျတော်ပြောတယ် သူတို့ဒီပြင်တဲ့ငွေဘယ်လောက်ရတယ်၊ ရတဲ့ငွေကဘယ်လောက်လဲဆိုတာ ဒါကိုရှင်းတမ်းရှိနေရမယ်။ ဘယ်လက်ထက်ဖြစ်ဖြစ်ရှင်းတမ်းရှိတယ်။ နောက်တွေ့ရှိချက်ခါကျတော့ဘာမှမစေ့စပ်ဘူး။ ဘာမှမရှိဘူး ဒါပေမဲ့လို့သူတို့အလွဲသုံးစားလုပ်ထားတဲ့ငွေကို ကျတော်တို့အခုတင်ထားတယ်။” စက်ယန္တယားတွေကို ဌားရမ်းအသုံးပြုပြီး ပျက်စီးသွားပါက အသေးစားပြင်ဆင်စရိတ်ကို ငှားရန်းတဲ့ ကုမ္ပဏီက ပြင်ဆင်ရမှာဖြစ်တဲ့ နှစ်ဦးသဘောတူညီချက် စာချုပ်တွေလည်း ချုပ်ဆိုထားတာတွေရှိတယ်လို့ ဆိုပါတယ်။ ဒါကြောင့်အခုလို ငှားရန်းပြီးပျက်စီးသွားရင် ပြင်ဆင်စရိတ်ကို ပြည်သူ့ဘဏ္ဍာငွေကနေယူပြီး ငှားရန်းခရရှိငွေ ကိုမူ ပွင့်လင်းမြင်သာစွာမချပြတဲ့အတွက် ၎င်းကိစ္စရပ်တွေနဲ့ပတ်သက်လို့ ပြည်နယ်လွှတ်တော်အစည်းအဝေးမှာ ဇွန်လ ၁၁ ရက်နေ့က တင်ပြခဲ့ပါတယ်။ “ ကျတော်တို့စပြီးတော့မှတွေ့ရှိချက်ကို အားလုံးစုပေါင်းပြီးတော့ပေါ့နော်ဒီဟာကိုလဲ လုပ်သင့်လုပ်ထိုက်တာလုပ်မယ်ဆိုပြီးတော့ […]

စိုးထိုက်အောင် ကယားပြည်နယ် အတွင်းမှာCOVID-19 ကူးစက်ရောဂါထိန်းချုပ်ကာကွယ်ရေးလုပ်ငန်းတွေမှာ ပြည်နယ် အစိုးရအဖွဲ့တွေအနေနဲ့ပြည်နယ်ရဲ့အရေးပေါ်ရန်ပုံငွေကိုအခုအချိန်မှာ အသုံးပြုသင့်တယ်လို့ ဖရူဆိုမြို့နယ် မဲဆန္ဒနယ် အမှတ်(၁) ပြည်နယ်လွှတ်တော်ကိုယ်စားလှယ် ဦးသဲရယ်ကပြောပါတယ်။ “ ဒီ COVID-19 ရောဂါ ကပ်ရောဂါ ဖြစ်နေတဲ့ကာလမှာကျတော်တို့ပြည်နယ် အနေနဲ့ဒီအရေးပေါ်ရန်ပုံငွေနဲ့ ပတ်သတ်ပြီးတော့ ဘယ်နေရာဘယ်လောက်သုံးတယ် ဆိုတဲ့ဟာမျိုးတွေတော့ ကျတော်မတွေ့ရဘူးပေါ့နော်။ အခုထိဖော်ပြပေးတာလဲမရှိဘူးနောက်ပြီးတော့မှကျတော် လွှတ်တော်ကိုယ်စားလှယ်တစ်ယောက်အနေနဲ့ လည်းကျတော်စာတင်တယ်၊ ကြယ်ပွင့် မပြမေးခွန်းမေးတယ် ဒါပေမဲ့ ဒီမေးခွန်းကလဲ ဆိုင်းငံ့ခံရတာပေါ့နော်။” လို့ ပြောပါတယ်။ တိုင်းနှင့်ပြည်နယ်တိုင်းမှာ ပြည်ထောင်စုအစိုးရကနေအရေးပေါ် ရန်ပုံငွေတွေကို နှစ်စဉ် ပြည်နယ်အစိုးရကနေ အသုံးပြုဖို့ ချပေးတဲ့ ဘတ်ဂျက်တွေရှိပါတယ်။ ဒါတွေကိုအခုလို ကပ်ဆိုက်ချိန်မှာအရေးပေါ် သုံးသင့်တာ ဖြစ်တယ်လို့ ပြည်နယ်လွှတ်တော်ကိုယ်စားလှယ်က ထောက်ပြနေခြင်းဖြစ်ပါတယ်။ ဦးသဲရယ်က ပြည်နယ်ရဲ့အရေးပေါ်ရန်ပုံငွေနဲ့ပတ်သတ်ပြီးတော့ ပြည်နယ်လွှတ်တော်မှာ […]

စိုးထိုက်အောင် ၂၀၁၉ ခုနှစ်အတွင်းမှာ မြို့နယ်အဆင့် ၄ နေရာနှင့် ပြည်နယ်အဆင့် ၁ နေရာ ငြိမ်းချမ်းရေးနဲ့ပတ်သက်ပြီး ဆွေးနွေးပွဲတွေကျင်းပပြုလုပ်ခဲ့ကြပါတယ်။ အဲ့ဒီပွဲတွေက ရလာတဲ့ လူထုအသံတွေကို သက်ဆိုင်ရာ ပြည်နယ်လွှတ်တော်ကို သွားရောက်တင်ပြခဲ့ကြပေမဲ့ ရလဒ်မကောင်းဘူးလို့ ကယန်းမျိုးဆက်သစ်လူငယ် အတွင်းရေးမှူး မူကက်သရင်းကပြောပါတယ်။ “လွှတ်တော်က တစ်ချို့အရာတွေကို အကောင်ထည်ဖော်ရင်ရနိုင်တယ် လို့တော့ပြောတယ် ဒါပေမဲ့အာမခံချက်ရှိတဲ့အချက်တွေတော့ တစ်ချက်မှမပါခဲ့ဘူး။ ဒီအရာတွေက ကျတော်တို့လုပ်နိုင်တယ် ဆိုတာမျိုးတော့မရှိဘူး။” လို့ မူကက်သရင်းက ပြောပါတယ်။ ငြိမ်းချမ်းရေး အတွက် လူထုတွေရဲ့ လိုလားတောင်းဆိုချက် တွေကို လွှတ်တော်ကတဆင့် အစိုးရဆီကိုရောက်ရှိသွားပြီးအကောင်ထည်ဖော်ဆောင်ရွက်စေလိုတာဖြစ်ပါတယ်။ ငြိမ်းချမ်းရေးဖြစ်စဉ်မှာလူထုအသံတွေသိဖို့ ၂၀၁၉ ဒီဇင်ဘာလ၂၀ ရက်နေ့က ကယန်းမျိုးဆက်သစ်လူငယ်(KNGY)နှင့် ကရင်နီပြည်တောင်သူလယ်သားသမဂ္ဂ(KSFU)တို့က လွှတ်တော်ရုံးမှာ တွေ့ဆုံဆွေးနွေးမှုတွေပြုလုပ်ခဲ့ကြပါတယ်။ “ဆွေးနွေးပွဲ ရလဒ်က […]