မော်ဦးမြာ ဘောလခဲမြို့နယ် ကယားပိုင်းရပ်ကွက်၊ စလဲလုံရွာ နဲ့ သံလွင်မြစ် စီးဆင်းနေတဲ့ ဖားဆောင်းမြို့နယ်က သံလွင်မြစ်ကမ်းဘေး ဝမ်အောင်းရွာတို့မှာ ယင်းတလဲ(တလိုင်း) လူမျိုးတွေ အများဆုံးနေထိုင်ကြတဲ့ ဒေသတွေဖြစ်ပါတယ်။ ကယားပြည်နယ်အတွင်းရှိ တိုင်းရင်းသားမျိုးနွယ်စုတွေထဲမှ ယင်းတလဲ လူမျိုးတွေကို လူဦးရေအနည်းဆုံးဖြစ်စေတဲ့ အဓိက အကြောင်းရင်းက လွန်ခဲ့တဲ့ နှစ်ပေါင်း နှစ်ရာခန့်က ကြုံခဲ့ရတဲ့ ကပ်ရောဂါအပြင် ယခင် တိုင်းပြည်အခြေအနေ မတည်ငြိမ်တဲ့အချိန်မှာ ကြုံခဲ့ရတဲ့ စစ်ဘေးဒဏ်ကြောင့် တကွဲတပြားဖြစ်ရာကနေ လူမျိုးပျောက်ကွယ်လုနီးပါး ဖြစ်သွားရတယ်လို့ အသက် ၆၀ အရွယ် ယင်းတလဲ လူမျိုးဖြစ်ပြီး ယင်းတလဲ ရိုးရာခေါင်းဆောင်တစ်ဦးလည်းဖြစ်သူ ရန်နိုင်စရိုင်းက ပြောပါတယ်။ “ဖြတ်လေးဖြတ် မရှိခဲ့ရင် အရင်က လက်ကျန်လူတွေက အကုန်လုံး စုနေလို့ ရှိရင်တော့ […]