စိုးထိုက်အောင် ၂၀၁၅ အထွေထွေရွေးကောက်ပွဲမှာ မဲနိုင်ပြီးတော့ ကိုယ်စားလှယ်တွေဖြစ်ခဲ့ကြတဲ့ အမျိုးသားဒီမိုကရေစီအဖွဲ့ချုပ် (NLD) ကိုယ်စားလှယ်တွေအားလုံး ၊ ကယားပြည်နယ် ဝန်ကြီးချုပ်အပါအဝင် ၂၀၂၀ အထွေထွေရွေးကောက်ပွဲမှာ ဝင်ပြိုင်ဖို့အတွက် အဆိုပြုလွှာတွေ ပြန်တင်ထားကြတယ် လို့ NLD ပါတီ ကယားပြည်နယ် ဥက္ကဌ ဦးသောင်းဌေးက ပြောပါတယ်။ “သူတို့အကုန်တင်ကြတာပဲလေး၊ အကုန်တင်ကြတော့ ငါတို့က ဗဟိုကို အဲ့ဒီဟာ လက်ဆင့်ကမ်းပေးလိုက်တာလေး။” လို့ ဦးသောင်းဌေးက ပြောပါတယ်။ ၂၀၂၀မှာ ရွေးကောက်ပွဲဝင်ပြိုင်ဖို့အတွက် အဆိုပြုလွှာ တင်ထားပြီဖြစ်တဲ့ ရှားတောမြို့နယ် မဲဆန္ဒနယ် အမှတ်(၁) ပြည်သူ့လွှတ်တော်ကိုယ်စားလှယ် NLD ပါတီဝင် ဒေါ်ဝင့်ဝါထွန်းက ပါတီရဲ့တာဝန်ပေးချက်နဲ့ ရှားတောဒေသရဲ့လိုအပ်ချက်တွေ အရ နိုင်ငံရေးတာဝန်ကို ဆက်လက်ထမ်းဆောင်ချင်ပါတယ်လို့ပြောပါတယ်။ ၎င်းက“ ကျမတို့ပါတီ […]