နော်ဒွေးအယ်ခူ ဖရူဆိုမြို့နယ် လောပလျားလဲကျေးရွာမှာ အစိုးရအသိအမှတ်ပြုကျောင်း မရှိသေးတဲ့အတွက် ကိုယ်ထူကိုယ်ထကျောင်းမှာ စာသင်ကြားပေးနေတဲ့ ကျောင်းဆရာ/မတွေကို လစာပေးဖို့ အခက်အခဲကြုံနေရတယ်လို့ ဒေသခံရွာသားတွေက ပြောပါတယ်။ ဒေသခံရွာသားဖြစ်တဲ့ ဦးမီရယ်က “ဆရာမလစာအတွက်ဆိုပြီး စုထားရတာပေါ့ တချို့မိသားစုတွေအတွက်ပေါ့လေ။ မရှိမဲ့ရှိမဲ့နဲ့ ကြိုးစားပြီး ပေးရှာကြပါတယ်။ တချို့မိသားစုတွေက အငှားလိုက်ပြီးတော့ပေးရတယ်။” လို့ပြောပါတယ်။ လက်ရှိကိုယ်ထူကိုယ်ထကျောင်းကို ပညာရေးမှူးရဲ့ခွင့်ပြုချက်နဲ့ ဒေသဖွံ့ဖြိုးရေးကွန်ရက် (LDN) ရဲ့ပူးပေါင်းကူညီမှုနဲ့ ရွာသူရွာသားတွေရဲ့ လုပ်အားပေးနဲ့ တည်ဆောက်ထားတာဖြစ်ပါတယ်။ အဲဒီကိုယ်ထူကိုယ်ထကျောင်းမှာ ကျောင်းသားတွေ ပညာသင်တာ နှစ်နှစ်ရှိပြီလို့ သိရပါတယ်။ အဲ့ဒီကျောင်းမှာ ပထမတန်းကျောင်းသားဦးရေ ၄ ဦး နဲ့ ဒုတိယတန်းကျောင်းသားဦးရေ ၃ ဦးရှိပြီး သင်ကြားပေးတဲ့ဆရာမ ၂ ဦး ရှိပါတယ်။ ဆရာမနှစ်ဦးကတော့ ကယန်းမျိုးဆက်သစ်လူငယ် […]