နော်ဒွေးအယ်ခူ လွိုင်ကော်မြို့နယ်ရှိ ဈေးများကို တစ်ပတ်လျှင် သုံးရက်သာဖွင့်တော့မှာဖြစ်ပြီး ကျန်ရက်တွေမှာ ဈေးထဲကို ပိုးသတ်ဆေးဖြန်းတာတွေ ဆောင်ရွက်နေတယ်လို့ လွိုင်ကော်မြို့ စည်ပင်သာယာရေးကော်မတီ အမှုဆောင်အရာရှိဦးသန်းထွန်းက ပြောပါတယ်။ တစ်ကမ္ဘာလုံးမှာပျံနှံ့နေတဲ့ ကိုဗစ် 19ကိစ္စနဲ့ပတ်သက်ပြီး ကျတော်တို့ လူတွေအသွားအလာတွေများတဲ့ဈေးတွေမှာ အဲဒီနဲ့ပတ်သက်လို့ ကြိုတင်ကာကွယ်တဲ့အနေနဲ့ ပိုးသတ်ဆေးဖြန်းတဲ့အစီအစဉ်တွေရှိတဲ့အတွက်ကြောင့် ဈေးတွေကို တနင်္လာ၊ ဗုဒ္ဓဟူး၊ စနေနေ့တွေပဲ ဈေးဖွင့်ရက်နေ့အဖြစ် သတ်မှတ်ပြီးတော့ ကျန်ရက်တွေမှာ နေ့စဉ်ပိုးသတ်ဆေးဖြန်းမှာဖြစ်ပါတယ် လို့ ဦးသန်းထွန်းကပြောပါတယ်။ ပိုးသတ်ဆေးဖြန်းတာကို စည်ပင်သာယာရေးဝန်ထမ်းတွေသာအဓိက ဖြန်းပြီး တစ်ခါတစ်ရံ ပရဟိတအဖွဲ့တွေလည်း လာရောက်ကူဖြန်းပေးတယ်လို့ ဆိုပါတယ်။ လွိုင်ကော်မြို့ပေါ်ရှိ သီရိမင်္ဂလာဈေးကြီး (တောင်ဈေး)၊ ကန္ဒရဝတီနှစ်ထပ်ဈေး ကို တစ်ပတ်လျှင် တနလာၤ၊ ဗုဒ္ဓဟူး၊ စေန စတဲ့သုံးရက်သာဖွင့်တော့မှာဖြစ်ပြီး ငါးရက်တစ်ဈေးဖြစ်တဲ့ နောင်ယာဈေးကိုတော့ […]
လွိုင်ကော်မြို့ အဝေးပြေးယာဉ်ရပ်နားစခန်းတွင် ကိုရိုနာဗိုင်းရပ်စ် ကာကွယ်ရန် ပြင်ဆင်
နော်ဒွေးအယ်ခူ လွိုင်ကော်မြို့ အဝေးပြေးမော်တော်ယာဉ်ရပ်နားစခန်းမှာ ကိုရိုနာဗိုင်းရပ်စ်ရောဂါဖြစ်ပွားမှုမှ ကာကွယ်ရန်အတွက် ခရီးသွားပြည်သူများကို ရောဂါနဲ့ပတ်သက်တဲ့ အသိပညာပေး စာစောင်များ၊ ခရီးမထွက်ခင် ခရီးသည်များကို အပူချိန်တိုင်းပေးခြင်း၊ လက်ဆေးဘေစင်များ ထားရှိပေးခြင်း စတာတွေကို မတ်လ ၂၅ရက်နေ့ကစပြီး ဆောင်ရွက်နေတယ်လို့ သိရပါတယ်။ မော်တော်ယာဉ်လုပ်ငန်းများ စနစ်တကျကြီးကြပ်ရေးကော်မတီ(ယကက) ဥက္ကဌ ဦးစံအေးက “ လုပ်မှသာလျှင် သံသယရှိတဲ့လူနာကို တွေ့ရင်အချိန်မှီ သက်ဆိုင်ရာဌာနတွေကို သတင်းပို့ပြီးတော့ ချိတ်ဆက်ပြီးတော့ သံသယရှိလူနာကို ခရီးဆက်သွားခွင့်မပြုဘူး လုံခြုံစိတ်ချတဲ့နေရာပို့မယ် ကျန်းမာရေးစောင့်ရှောက်မှုပေးမယ် လုံးဝစိတ်ချရတဲ့အခြေအနေရောက်မှ လိုရာခရီးကို ကျတောတို့ ဆက်လွှတ်မှာဖြစ်ပါတယ်” လို့ မတ်လ ၂၅ရက်နေ့ကပြောပါတယ်။ အခြားတိုင်းနဲ့ပြည်နယ်တွေကို ပြေးဆွဲနေတဲ့ ယာဉ်လိုင်းများအားလုံးကို ကယားပြည်နယ်အစိုးရအဖွဲ့ရဲ့ ညွှန်ကြားချက်နဲ့အညီ ကြိုတင်ကာကွယ်မှုများ ဆောင်ရွက်ထားရှိတယ်လို့ ဆိုပါတယ်။ ရောဂါကြိုတင်ကာကွယ်ထိန်းချုပ်နိုင်ရန် […]
လွိုင်ကော်မြို့အတွင်း အချို့စားသောက်ဆိုင်များ ရက်အကန့်အသတ်မရှိ ခေတ္တပိတ်ထား၊ ပါဆယ်ဖြင့်သာရောင်းချ
ကန္တာရဝတီတိုင်း(မ်) မြန်မာနိုင်ငံမှာ အသက်ရှူလမ်းကြောင်းဆိုင်ရာ COVID-19 ရောဂါ အတည်ပြုလူနာ ၃ ဦးတွေ့ရှိပြီးနောက် လွိုင်ကော်မြို့အတွင်း အချို့စားသောက်ဆိုင်များ ခေတ္တပိတ်ထားလိုက်တယ်လို့ သိရပါတယ်။ နောင်ယား(ခ)ရပ်ကွက်အတွင်း ဒေသရိုးရာအစားအသောက်နဲ့ အအေးမျိုးစုံ ရောင်းချနေတဲ့ IORA ဆိုင် တာဝန်ရှိသူက စားသောက်ဆိုင်ဖြစ်တဲ့အတွက် လူအဝင်အထွက်များတာကြောင့် ရောဂါထိန်းချုပ်နိုင်ရန်အတွက် ဆိုင်မှာ စားသောက်ခွင့်မပြုတော့ဘဲ ပါဆယ်သာလက်ခံတော့တယ်လို့ ဆိုပါတယ်။ “ခုလောလောဆယ် Delivery ပဲပို့ပေးတယ် ပါဆယ်ပဲပို့ပေးတယ် ဆိုင်ကိုခေတ္တပိတ်ထားတယ်။အခု ကူးစက်ပျံ့ပွားနေတဲ့ရောဂါကို စိုးရိမ်တယ်။ စားသောက်ဆိုင်ဆိုတော့ လူအဝင်အထွက်များတယ် ကျတော်တို့ဆိုင်က တခြားတိုင်းနဲ့ပြည်နယ်က လာတဲ့ဧည့်သည်တွေများလို့” လို့ IORA ဆိုင်မှ စောဝီစတင့်ဂျော့က ပြောပါတယ်။ ခုချိန်မှာတော့ ဆိုင်ဝန်ထမ်းတွေကို အိမ်မပြန်ရအောင် ပါဆယ်၊Home Delivery Service ဖြင့်သာ […]
လွိုင်ကော်ပြည်သူ့ဆေးရုံကြီးတွင် COVID-19 ရောဂါအတွက် ကုသရေးအခန်းကြိုတင်ပြင်ဆင်
ကန္တာရဝတီတိုင်းမ် လတ်တလောကမ္ဘာ့အနှံမှာဖြစ်ပွားနေတဲ့ အသက်ရှုလမ်းကြောင်းဆိုင်ရာ Covid-19 ရောဂါ ဖြစ်ပွားမှုနဲ့ပတ်သက်ပြီး လွိုင်ကော်ပြည်သူ့ဆေးရုံကြီးမှာ ကုသရေးအခန်း ကြိုတင်ပြင်ဆင်မှုများ ဆောင်ရွက်ထားတယ်လို့ ပြည်နယ်ကုသရေးနှင့်ပြည်သူ့ကျန်းမာရေးဦးစီးမှူး ဒေါက်တာဌေးလွင်ကပြောပါတယ်။ “ပွင့်ပွင့်လင်းလင်းပြောရရင် ဖြစ်နိုင်ချေ ကူးစက်ရောဂါတွေ ကျတော်တို့လူတွေ သွားပြီးအလုပ်လုပ်နေကြတဲ့ ထိုင်း၊ မလေးရှားမှာလည်း ရောဂါတွေဖြစ်တယ်။ သူတို့တွေက နွေရာသီမှာ အကုန်လုံး ကျတော်တို့နိုင်ငံသားတွေပြန်ဝင်လာကြတယ်။ မတော်မဆဝင်လာလု့ိ ရောဂါအများအပြားဖြစ်လာရင် ကျတော်တို့စောင့်ရှောက်နိုင်အောင် ကုသပေးနိုင်အောင် စီစဉ်ထားခြင်းဖြစ်ပါတယ်။ လောလောဆယ် လူနာ၅ယောက်ပဲရှိပေမယ့် လက်ရှိပြင်ဆင်ထားပြီးတဲ့ကုတင်က ၂၅လုံးရယ် အရေးပေါ်ကုသပေးဖို့ ကုတင် ၈ လုံး ၃၃လုံးရှိတဲ့အပြင် နောက်ထပ်ကုတင် အလုံး ၆၀စာ အခန်းတွေပြင်ဆင်ထားပါတယ်။ ဒါက ပြည်နယ်အစိုးရအဖွဲ့ရဲ့ပံ့ပိုးမှု သိန်း ၉၇၃ ကျန်တဲ့ဆေးနဲ့ ဆေးပစ္စည်းတွေဝယ်ဖို့ ပြည်နယ်အစိုးရကပံ့ပိုးပေးတဲ့အတွက် ကျတော်တို့အမြန်ဆုံးဆောင်ရွက်နေတာဖြစ်ပါတယ်” […]
လွိုင်ကော်နဲ့ ဒီးမော့ဆိုမြို့နယ်အတွင်း ခင်းနေတဲ့လမ်းကို သတ်မှတ်ချိန်ထက်စောပြီး ပြီးအောင်ဆောင်ရွက်မည်ဟုဆို
စိုးထိုက်အောင် ပြည်နယ် အစိုးရ ရံပုံငွေနဲ့ လုပ်ဆောင်နေတဲ့ တောင်ငူ- လိပ်ဒို- ယာဒို- လွိုင်ကော်- ဟိုပုန်းလမ်း (၁၂၄-၁၂၅)မိုင်ကို သတ်မှတ်ချိန် ဖြစ်တဲ့ မေလ ထက်စောပြီး ပြီးစီးအောင် ဆောင်ရွက်သွားမယ်လို့ ဒီးမော့ဆိုမြို့နယ် ဆောက်လုပ်ရေးဦးစီးဌာနမှ ဦးစီးအရာရှိ ဒေါ်မော်မြာက ပြောပါတယ်။ လက်ရှိမှာ လမ်းကို့ကတ္တရာ မခင်းရသေးခင် ယာဉ်အသွားအလာတွေကြောင့် ဖုန်ထနေတဲ့ အတွက် လမ်းမကြီးဘေးမှာ နေထိုင်တဲ့ သူတွေနဲ့ ခရီးသွားပြည်သူတွေရဲ့ ဝေဖန်မှုတွေမြင့်တက်နေတာပါ။ “ ရေဖျန်းတာနဲ့မလုံလောက်ရင် ရေဖျန်းပြီးတော့ အမတို့ကတ္တရာဘဲ အမြန်ဆုံးခင်းဖို့တော့ရှိတာပေါ့ လောလောဆယ်တော့ တစ်ဖွဲ့နဲ့ခင်းနေတယ် ဒီရှေ့တစ်ပတ်ကျရင်တော့ ၂ဖွဲ့ပေါ့ ၂ဖွဲ့ခင်းပြီးတော့ ပိုမြန်သွားမှာပေါ့ အဲ့တော့မြန်မြန်သူတို့သတ်မှတ်ထားတဲ့အချိန်ထက်တော့ ပိုပီးတော့မြန်မြန်ပြီးသွားမှာပေါ့ အဲ့လိုတော့ စီစဉ်ထားပါတယ်။” ဒီးမော့ဆိုမြို့နယ် ဆောက်လုပ်ရေးဦးစီးဌာနမှ […]
လွိုင်ကော်မြို့နယ်ထဲက တရားစွဲခံတောင်သူတွေကို ဒဏ်ငွေ နှင့် ထောင်ဒဏ်များချမှတ်
ကန္တာရဝတီတိုင်း(မ်) ကယားပြည်နယ် လွိုင်ကော်မြို့နယ်အတွင်းက လယ်မြေကိစ္စနဲ့ပတ်သက်ပြီး အမြောက်တပ် ၃၅၆ နှင့် ခြေမြန်တပ်ရင်း ၂၅၀ တို့မှ တရားစွဲဆိုထားသည့်အမှုကို လွိုင်ကော်မြို့နယ်တရားရုံးမှ ယနေ့ မှာ ဒဏ်ငွေ၊ ထောင်ဒဏ်များနှင့် အမိန့်ချမှတ်ခဲ့တယ်လို့သိရပါတယ်။ အခုလို အမိန့်ချမှတ်တာကို လက်ခံလိုက်တာဟာ တရားစွဲတဲ့ စစ်တပ်ကို ကျေနပ်အောင်နဲ့ တောင်သူတွေဘက် သက်သာရာစေလိုတာဖြစ်ပြီး တောင်သူတွေအနေနဲ့မှားသည်ဖြစ်စေမှန်သည် ဖြစ်စေ အမှုရှုံးမယ်ဆိုတာကို အစကတည်းက သိပြီးသားဖြစ်တယ်လို့ တရားစွဲဆိုခံရတဲ့တောင်သူတစ်ဦးဖြစ်သူ ဦးဦးရယ်ကပြောပါတယ်။ “ ရှင်းရှင်းပြောရင်နှစ်ဘက်စလုံး ဟို စစ်တပ်ဘက်ကလည်း ကျေနပ်သွားအောင် ၊ ကျနော်တို့တောင်သူဘက်ကလည်းမှားသည်ဖြစ်စေမှန်သည်ဖြစ်စေ သက်သာအောင်၊ ပေါ့အောင်လုပ်လိုက်တဲ့သဘောဘဲ၊ ကျနော်တို့အစကတည်းကလဲသိပြီးသား ကျနော်တို့အစကတည်းက မှားသည်ဖြစ်စေမှန်သည်ဖြစ်စေ ရှုံးမယ်ဆိုတာ သိပြီးသား၊ ဒါပါဘဲ” လို့ပြောပါတယ်။ လွိုင်ကော်မြို့နယ်အတွင်းက ဒေါမူကလား၊ […]
COVID – 19 ဗိုင်းရပ်စ်ကြောင့် လွိုင်ကော်မြို့လုံးကျွတ် ဆွမ်းဆန်စိမ်း လောင်းလှူပွဲ မကျင်းပနိုင်ခဲ့ဟုဆို
ကန္တာရဝတီတိုင်း(မ်) COVID – 19 ဗိုင်းရပ်စ်ရောဂါနှင့်ပတ်သက်ပြီး ကျန်းမာရေးဌာနရဲ့ သတိပေးထုတ်ပြန်ချက်ကြောင့် ကယားပြည်နယ်လွိုင်ကော်မြို့ရဲ့ အထင်ကရဘုရားဖြစ်တဲ့ သီရိမင်္ဂလာတောင်တော် (တောင်ကွဲစေတီ) ခြေရင်းမှာ နှစ်စဉ်ကျင်းပမြဲဖြစ်တဲ့ မြို့လုံးကျွတ်ဆွမ်းဆန်စိမ်းလောင်းလှူပွဲကို ဒီနှစ်မှာ မကျင်းပနိုင်ခဲ့ပါဘူး။ သီရိမင်္ဂလာတောင်တောင် ( တောင်ကွဲစေတီ) ဂေါပက အဖွဲ့ဝင် ဦးအောင်ရှိန်က “အင်္ဂလိပ်ရက်လိုဆိုရင်ပြီးခဲ့တဲ့ ၆ရက်နေ့သောကြာနေ့ပေါ့၊ သာသနာရေးဝန်ကြီးဦးမော်မော်က ဖုန်းနဲ့အကြောင်းကြားလာတယ်၊ ဒီရောဂါနဲ့ပတ်သက်ပြီးကူးမယ်တို့ဘာတို့ပေါ့၊ တကယ်တော့ ဘာမှမဆိုင်ပါဘူး ၊အဲ့တာပွဲကိုမလုပ်ဘဲရပ်ခိုင်းလိုက်တယ်၊ ကျနော်တို့ကပွဲလုပ်ဖို့အထက်ကို တင်ထားပြီးသား၊ ပွဲမိန့်လဲကျပြီးပြီ၊ဌာနဆိုင်ရာအသီးသီးကိုလည်း ဖိတ်ထားပြီးပြီ၊ အဲ့တာမလုပ်နဲ့ဆိုတော့ မလုပ်ဖြစ်တော့တာပေါ့” လို့ပြောပါတယ်။ ဝါတွင်းသုံးလတွင် ရဟန်းသံဃာတော်တွေအနေနဲ့ အရပ်တစ်ပါးကို ဆွမ်းခံကြွလို့မရတဲ့အတွက် အခုလိုဆွမ်းဆန်စိမ်းလောင်းလှူပွဲကနေ သံဃာတွေတွေအတွက် ဆွမ်းလောင်းလှူရတာဖြစ်ပြီး ဒီနှစ်မှာ ပွဲဖြစ်မြောက်အောင်မလုပ်နိုင်တဲ့အတွက် စိတ်မကောင်းဖြစ်မိတယ်လို့ ဦးအောင်ရှိန်ကဆက်ပြောပါတယ်။ ဦးအောင်ရှိန်က “ဒီဆွမ်း၊ […]