တယ်ရဘယ်စီး ………. မင်္ဂလာပါရှင့်……….
ကန္တာရဝတီတိုင်း(မ်) သတင်းဌာနရဲ့ နေ့သတင်းထုတ်လွှင့်မှုအစီအစဉ်ရဲ့ နိုဝင်ဘာလ ၂၈ ရက်နေ့ သတင်းတင်ဆက်ခြင်းကနေ ပြန်လည်ကြိုဆိုပါတယ်။
- လွိုင်ကော်မြို့၊ ခရစ္စတူးဘုရင်ကက်သလစ်ဘုရားကျောင်းဝန်းက ကျောင်းထိုင် ဆရာတော်အပါအဝင် ခိုလှုံနေတဲ့ သက်ကြီးရွယ်အိုတွေကို မောင်းထုတ်ပြီး စစ်ကောင်စီက တပ်စွဲနေရာယူထားတယ်လို့ သိရပါတယ်။
- ကရင်နီပြည်ကနေ တိမ်းရှောင်နေတဲ့ စစ်ဘေးရှောင်လူထုတွေအတွက် စောင်နဲ့ အနွေးထည်တွေ အရေးပေါ် လိုအပ်နေပါတယ်။
- လွိုင်ကော်မြို့ မှာ စစ်ကောင်စီရဲ့ပစ်ခတ်မှုကြောင့် ထိခိုက်ဒါဏ်ရာရသူတွေ ဆေးကုသဖို့ ခက်ခဲနေတယ်လို့ သိရပါတယ်။
- ဒီးမော့ဆိုအနောက်ဘက်ခြမ်းမှာ ဓါတ်ဆီ တစ်လီတာကို ၇၀၀၀ ကျပ်အထိစျေးတက်နေပြီး အလုအယက် ဝယ်ယူနေကြရတယ်လို့ သိရပါတယ်။
