spot_img
Friday, March 24, 2023
spot_img

ကယန်းပြည်သစ်ထိန်းချုပ်နယ်မြေအတွင်း ကိုဗစ် စစ်ဆေးရေးဂိတ် လေးခု ဖွင့်လှစ်ထားရှိ

spot_imgspot_imgspot_imgspot_img
Photo – CJ

ကန္တာရဝတီတိုင်း(မ်)

တကျော့ပြန်ဖြစ်ပွားနေတဲ့ ကိုဗစ် တတိယလှိုင်းကို ကာကွယ်ဖို့အတွက် ကယန်းပြည်သစ်ပါတီရဲ့ ထိန်းချုပ်နယ်မြေအတွင်းမှာ ကိုဗစ်ရောဂါ ထိန်းချုပ်ကာကွယ်ရေးအတွက် ကယန်းဒေသတွင်း စစ်ဆေးရေးဂိတ် လေးခု ဖွင့်လှစ်ထားတယ်လို့ ကယန်းအမျိုးသားကျန်းမာရေးကော်မတီရဲ့ ဒု-ဒါရိုက်တာ ခွန်းစီမွန်က ပြောပါတယ်။

“အဓိကခါကျတော့ ကျနော်တို့ အဝင်အထွက် ကန့်သတ်ထားတယ်။ နောက်ပြီးတော့ အဝင်အထွက် လူတွေကို ကျနော်တို့ စစ်ဆေးတယ်၊ မှတ်တမ်းယူတယ်၊ အပူချိန်တိုင်းတယ်ပေါ့နော်။ သွားလာရာဇဝင်တွေ မေးမြန်းတာပေါ့။ အဓိက ခရီးဝေးကနေ ပြန်လာတဲ့ လူဆို ကျနော်တို့အနေနဲ့က တခြားပရဟိတအသင်းတွေနဲ့ အချိတ်အဆက်လုပ်ပြီးတော့ ဘယ်နေရာမှာ ကွာရန်တင်းအနေနဲ့ ချမှတ်ထားရမလဲ စသဖြင့် အဲ့လိုမျိုး ကျနော်တို့ ကြီးကြပ်လုပ်တယ်။ ”လို့ ဒု-ဒါရိုက်တာ ခွန်းစီမွန်က ပြောပါတယ်။

ဒါ့အပြင် ကယန်းအမျိုးသားကျန်းမာရေးဌာနက ကယန်းဒေသတွင်း ခရီးသွားလာတဲ့ ပြည်သူလူထုတွေကို Mask ( နှာခေါင်းစည်း) ဝေပေးတာတွေ၊ ကိုဗစ်ကူးစက်မှုရောဂါ အသိပညာပေးတဲ့ လက်ကမ်းစာစောင် ဖြန့်ဝေတာတွေနဲ့ ဗီနိုင်းကပ်တာတွေ လုပ်ဆောင်နေတယ်လို့ ဆိုပါတယ်။

အဆိုပါ ကိုဗစ်စစ်ဆေးရေးဂိတ်တွေကို ကရင်ပြည်နယ်၊ သံတောင်ကြီးမြို့နယ်၊ သောက်ရေခပ်ကျေးရွာမှာ ၁ ဂိတ်၊ ရှမ်းပြည်နယ်တောင်ပိုင်း ဖယ်ခုံမြို့နယ်၊ ကဖုကျေးရွာမှာ ၁ ဂိတ်၊ မိုးဗြဲမြို့အနီးမှာ ၁ ဂိတ်နဲ့ ဖယ်ခုံ-ပင်လောင်းနယ်စပ် တောင်စလုံးကျေးရွာမှာ ၁ ဂိတ် စုစုပေါင်း လေးဂိတ် ဖွင့်လှစ်ထားတယ်လို့ သိရပါတယ်။

ယခင် ပထမလှိုင်းနဲ့ ဒုတိယလှိုင်းတွေမှာတော့ ကယန်းအမျိုးသားကျန်းမာရေးဌာနနဲ့အတူ အစိုးရ ဌာနဆိုင်ရာတွေ ပူးပေါင်းပါဝင်မှု ရှိခဲ့တာကြောင့် လိုအပ်တဲ့ ဆေးဝါးပစ္စည်းအကူအညီနဲ့ ကွာရန်တင်းစင်တာတွေ ထားရှိနိုင်ခဲ့ပေမယ့် အခု ကိုဗစ်တတိယလှိုင်းမှာတော့ တခြားအကူအညီမပါပဲ လုပ်နေရတဲ့အတွက် အခက်အခဲတွေ ရှိနေပါတယ်။

“အဓိက သံသယလူနာတွေပဲဖြစ်ဖြစ်၊ နောက်ပြီး အဝေးကလာတဲ့ ခရီးသွားဧည့်သည်တွေပဲ ဖြစ်ဖြစ် ကျနော်တို့ သတ်မှတ်ထားတဲ့ ကွာရန်တင်းစင်တာပေါ့။ လမ်းညွှန်ဖို့ ကျနော်တို့မှာ အခက်အခဲရှိတယ်။ အဲ့ဒါမရှိဘူးပေါ့နော်။ အရင်တုန်းကဆို ကျနော်တို့ ဆီးဘူးမှာလည်းပဲ ကျနော်တို့ ကွာရန်တင်းစင်တာ တခုထားတာရှိတယ်။ နောက် PPE တို့ ဘာတို့ အပြည့်အစုံရှိတယ်။ နောက်အခုခါကျတော့ ဒါတွေ အခက်အခဲရှိတယ်။” လို့ ကယန်းအမျိုးသားကျန်းမာရေးကော်မတီရဲ့ ဒု-ဒါရိုက်တာ ခွန်းစီမွန်က ဆိုပါတယ်။

ကိုဗစ်နဲ့ ဆင်တူတဲ့ ရောဂါတွေနဲ့ တခြားဖျားနာတဲ့ လူနာတွေကိုတော့ ကယန်းအမျိုးသားကျန်းမာရေးကော်မတီရဲ့ ကွပ်ကဲမှုအောက်မှာရှိတဲ့ ဆေးခန်း ၆ ခုထဲက နီးစပ်ရာ ဆေးခန်းတွေကို လွှဲပြောင်းကုသတာတွေ လုပ်ဆောင်ပေး တယ်လို့ သိရပါတယ်။

လတ်တလော ကယန်းပြည်သစ်ပါတီ ထိန်းချုပ်နယ်မြေအတွင်း ကိုဗစ်ရောဂါကူးစက်ခံရတဲ့ လူနာတွေ မတွေ့ရှိသေးပေမယ့် ဒေသတွင်း ဖွင့်လှစ်ထားတဲ့ စစ်ရှောင်စခန်းတွေမှာ ကျန်ရှိနေထိုင်နေတဲ့ ပြည်သူတွေကိုတော့ ကိုဗစ်ရောဂါမကူးစက်အောင် Mask(နှာခေါင်းစည်း) ပေးဝေတာတွေ၊ ရောဂါကာကွယ်ရေး အသိပညာ ပေးတာတွေနဲ့ ဖျားနာသူတွေကို ဆေးကုသပေးတာတွေ အတတ်နိုင်ဆုံး လုပ်ဆောင်နေတယ်လို့ သိရပါတယ်။

ကယန်းအမျိုးသားကျန်းမာရေးကော်မတီဟာ ကယန်းပြည်သစ်ပါတီ(KNLP)ရဲ့ လက်အောက်ခံ ကျန်းမာရေး ဌာန တစ်ခုဖြစ်ပြီးတော့ လူထုကျန်းမားရေးနှင့် ဖွံ့ဖြိုးရေးကွန်ယက် (CHDN) ရဲ့ မိတ်ဖက်အဖွဲ့တစ်ခုလည်း ဖြစ်ပါတယ်။

ကရင်နီပြည်နယ်အတွင်းမှာ ကိုဗစ်ဖြစ်ပွားမှု ကြိုတင်ကာကွယ်ရန်အတွက် လွိုင်ကော်မြို့၊ ဒီမော့ဆိုမြို့၊ ဖရူဆိုမြို့နယ်အတွင်းက ကျေးရွာ၊ ရပ်ကွက်အချို့တွေမှာ ဒေသခံများမှ ကိုယ်ထူကိုယ်ထ ကိုဗစ်စစ်ဆေးရေးဂိတ်ပြုလုပ်ထားပြီး လမ်းသွားပြည်သူကို ကိုယ်အပူချိန်တိုင်းတာခြင်းတွေ ပြုလုပ်ပေးလျက်ရှိတယ်လို့ သိရပါတယ်။

spot_imgspot_imgspot_imgspot_img

More from the blog

စစ်ရှောင်လူထုတွေ ပါဝင်ကျင်းပကြတဲ့ ကေးထျိုးဘိုး (ခေါ်) တံခွန်တိုင်ပွဲတော်

ကန္တာရဝတီတိုင်း(မ်) ကရင်နီလူမျိုးတို့ရဲ့ ရိုးရာဓလေ့ဖြစ်တဲ့ ကေးထျိုးဘိုး (ခေါ်) တံခွန်တိုင်ပွဲတော်ကို မတ်လ ၂၂ရက်နေ့မှာ ဒီးမော့ဆိုမြို့နယ် အနောက်ဘက်ခြမ်းတစ်နေရာမှာ ကျေးရွာဒေသခံတွေနဲ့ စစ်ရှောင်တွေစုပေါင်းပြီး ပြုလုပ်ခဲ့ကြပါတယ်။ ကျေးရွာကော်မတီတစ်ဦးဖြစ်တဲ့ ဒေါ်ပုက ပွဲတော်ပြုလုပ်ရတဲ့ ရည်ရွယ်ချက်ကို အခုလိုပြောပါတယ်။ “ ရည်ရွယ်ချက်က သူ့ရဲ့ရိုးရာဓလေ့က ဟိုးဘိုးဘွားဘီဘေခေတ်ကတည်းက လုပ်လာခဲ့တဲ့ ရိုးရာဓလေ့တစ်ခုပေါ့။ အဲ့ဒါသူက သူ့ရဲ့ရိုးရာက ဘာကြောင့်လုပ်ရလည်းဆိုရင်တော့...

ရေနီပေါက်နဲ့ မိုင်းထမ်းကျေးရွာမှာ လက်နက်ကြီးကျရောက်ပြီး နေအိမ်တွေ ပျက်စီးမှုရှိခဲ့

ကန္တာရဝတီတိုင်း( မ် ) ကရင်နီပြည် ဘောလခဲမြို့ နယ်၊ ရေနီပေါက်ကျေးရွာနဲ့ မိုင်းထမ်းကျေးရွာတွေမှာ လက်နက်ကြီးကျရောက်ပြီး နေအိမ်တစ်ချို့ ပျက်စီးတာတွေရှိခဲ့တယ်လို့ ဘောလခဲဒေသခံတွေက ပြောပါတယ်။ “ကျနော်တို့ ဘောလခဲ အခုလက်ရှိကတော့ ဘောလခဲကျေးရွာအုပ်စု သုံးရွာလုံး တစ်ယောက်မှ အိမ်မှာနေခဲ့လို့ မရတော့ဘူးလေနော။ ရက်တိုင်းရက်တိုင်းပဲ လက်နက်ကြီးတွေနဲ့ သူတို့ပစ်ခတ်တာကြောင့်နေအိမ်လည်းပျက်စီးတယ်။ တချို့က မီးလောင်သွားတဲ့ဟာတွေလည်းရှိတယ်။...

ထိုင်း-ကရင်နီနယ်စပ်ရှိ စစ်ရှောင်စခန်းတစ်ခုမှာ နွေရာသီအတွက် ရေသိုလှောင်ထားပေမယ့် လုံလောက်မှု မရှိ

ကန္တာရဝတီတိုင်း(မ်) ထိုင်း-ကရင်နီနယ်စပ်ရှိ စစ်ရှောင်စခန်းတစ်ခုမှာ စစ်ရှောင်ကာလ ၂နှစ်ဝန်းကျင်ရှိလာပြီ ဖြစ်ပေမယ့် နွေရာသီ ရေရှားပါးမှုပြဿနာကို ပိုမိုခက်ခဲစွာ ရင်ဆိုင်ဖြေရှင်းနေရတယ်လို့ စစ်ရှောင်စခန်းအုပ်ချုပ်ရေး အဖွဲ့နဲ့ စစ်ရှောင်တွေဆီကနေ သိရှိရပါတယ်။ မိုးရာသီမှာ သိုလှောင်ထားတဲ့ ရေတွေ မလုံလောက်တဲ့အတွက် စစ်ရှောင်တွေအနေနဲ့ ဝေးလံတဲ့နေရာတွေအထိ သွားရောက် ခပ်ယူနေရတယ်လို့ စစ်ရှောင်စခန်းအုပ်ချုပ်ရေးအဖွဲ့ဝင်တစ်ဦးဖြစ်တဲ့ စီမံရေးမှူး ခွန်းရောဘတ်က ပြောြပပါတယ်။ “...

ကရင်နီဒေသ စစ်ဘေးရှောင် လူငယ်များအတွက် လူငယ်စွမ်းရည်မြှင့်တင်ရေး သုံးရက် သင်တန်းပို့ချ

CJ (သတင်းပေးပို့ချက်) ကရင်နီပြည်နယ်ရှိ စစ်ဘေးရှောင် စခန်းတခုမှာ မတ်လ ၁၇ ရက်နေ့မှစပြီး ၁၉ ရက်နေ့အထိ နွေရာသီ လူငယ်သင်တန်းကို သုံးရက်တာ ပို့ချခဲ့ပြီး လူငယ် ၁၂၀ ကျော်က သင်တန်းကို တက်ရောက်ခဲ့တယ်လို့ ကရင်နီ​ပြည်စစ်ဘေးရှောင်ကူညီစောင့်ရှောက်ရေးကွန်ရက်မှ တာဝန်ရှိသူက ‌ပြောပါတယ်။ “လူငယ်‌တွေက အသက် ၁၅နှစ်ကနေ ၂၉နှစ်လောက်ထိပါတယ်။...