ကယားတွင် တက္ကသိုလ်ဝင်တန်းစာမေးပွဲဖြေဆိုမည့်ဦးရေ ၈ထောင်ကျော်ရှိ

နော်ဒွေးအယ်ခူ

လာမည့် မတ်လ ( ၁၁)ရက်နေ့တွင် မြန်မာတစ်နိုင်ငံလုံးအတိုင်းအတာဖြင့် တက္ကသိုလ်ဝင်တန်းစာမေးပွဲ ဖြေဆိုကြမည်ဖြစ်ပြီး ကယားပြည်နယ်မှ ဖြေဆိုသူ ဦးရေ (၈)ထောင်ကျော်ရှိကြောင်း ကယားပြည်နယ်ပညာရေးမှူး ဦးအယ်ဒိုဝါးထံမှသိရပါတယ်။

ကယားပြည်နယ်တွင်း တက္ကသိုလ်ဝင်စာမေးပွဲ စာစစ်ဌာန ၂၁ ခုရှိပြီး ဖြေဆိုမယ့် ကျောင်းသူ၊ကျောင်းသား ၈၄၆၂ဦး ရှိပါတယ်။ ၈၄၆၂ ဦထဲမှာ ကျောင်းပြင်ပဖြေဆိုသူလူဦးရေကတော့ (၂၃၉၇)ဦးပါရှိပါတယ်။

လွိုင်ကော်မြို့ရှိ စာစစ်ဌာနတွေမှာ အထက(၁)၊ အထက(၂)၊ အထက(၃)၊ အထက(၄)၊ အထက(၆)၊ အထက(၇)၊ အကျဉ်းဦးစီး၊ အထက-လောပိတ၊ အထက-နွားလဝိုး၊ အထက-လွိုင်လင်လေး၊ အထက-ကုန်းသာ ဖြစ်ပြီး စာစစ်ဌာန (၁၁) ခုရှိပြီး ဖြေဆိုသူ (၄၈၆၁)ဦး ရှိပါတယ်။

ရှားတောမြို့မှာတော အထက-ရှားတော ဖြစ်ပြီး ဖြေဆိုသူ ၅၉ဦး၊ ဒီမော့ဆိုမြို့မှာ အထက-ဒီမော့ဆို၊ အထက-ဒေါငံခါး၊ အထက-ငွေတောင်၊ ထ(ခွဲ)-ဒေါတမငယ်၊ အထက-နန်းမယ်ခုံ စသည်ဖြင့် စာစစ်ဌာန (၅)ခုရှိပြီး ဖြေဆိုသူ (၂၄၃၇)ဦးရှိပါတယ်။

ဖရူဆိုမြို့မှာ အထက-ဖရူဆိုဖြစ်ပြီး ဖြေဆိုသူ (၄၁၈)ဦး၊ ဘောလခဲမြို့မှာ အထက-ဘောလခဲဖြစ်ပြီး ဖြေဆိုသူ (၃၃၈)ဦး၊ ဖားဆောင်းမြို့တွင် အထက-ဖားဆောင်းဖြစ်ပြီး ဖြေဆိုသူ (၂၅၆)ဦး နှင့် မယ်စဲ့မြို့တွင် အထက-မယ်စဲ့ဖြစ်ပြီး ဖြေဆိုသူ (၉၃)ဦး ရှိကြောင်း သိရပါတယ်။

တက္ကသိုလ်ဝင်တန်းစာမေးပွဲတွင် ဝင်ရောက်ဖြေဆိုမည့် ကျောင်းသားများအနက် ကိုယ်လက်အင်္ဂါမသန်စွမ်း ကျောင်းသူနှစ်ဦးရှိကြောင်းသိရပါတယ်။

၂၀၁၉ခုနှစ်မှာတော့ ကယားတစ်ပြည်နယ်လုံးရှိ တက္ကသိုလ်ဝင်တန်းစာမေးပွဲ ဖြေဆိုသူ စုစုပေါင်း ၇၃၈၈ ဦးရှိခဲ့ပြီး၂၀၆၆ ဦး အောင်မြင်ခဲ့ပါတယ်။

Comments

comments

Next Post

သက်ငယ်မုဒိမ်းမှုတွေမှာ တရားစီရင်ရေးကြန့်ကြာနေတာ မဖြစ်သင့်

Fri Feb 28 , 2020
စိုးထိုက်အောင် ဖရူဆိုမြို့နယ်မှာ သက်ငယ်မုဒိမ်းမှုကနေ သက်ပြည့် မုဒိမ်းမှုပြန်ဖြစ်သွားတဲ့ကိစ္စရပ်တွေရှိနေတာကြောင့် သက်ငယ်မုဒိမ်းမှုတွေ တရားစီရင်ရေးမှာ ကြန့်ကြာနေတာမဖြစ်သင့်ဘူးလို့ ဖရူဆိုမြို့နယ်မှ ပြည်နယ်လွှတ်တော်ကိုယ်စားလှယ် ဦးသဲရယ်က ပြောပါတယ်။ “တရားခံကတော့ ဒါဘယ်ကလူမှန်းမသိဘူးပေါ့နော် ဆိုတော့ တစ်ဘက်က ငွေရေးကြေးရေးနဲ့အာဏာပိုင်တွေကို လာဘ်ထိုးပြီးတော့မှ ဒီအမှုသည် ငယ်သွားအောင်ဆိုတဲ့ပုံစံမျိုးပေါ့နော် အဲ့လိုလုပ်သွားရင် ဒါကျတော်တို့ဒေသခံအမျိုးသမီးတွေအတွက် အရမ်းနစ်နာတယ်ပေါ့နော်။”လို့ ဦးသဲရယ်က ပြောပါတယ်။ ဒီကိစ္စနဲ့ပတ်သက်လို့ လွှတ်တော်ကိုယ်စားလှယ်အနေနဲ့ ပြီးခဲ့တဲ့ ဖေဖော်ဝါရီလ၁၄ရက်ကကျင်းပခဲ့တဲ့ ပြည်နယ်လွှတ်တော်အစည်းအဝေးမှာ မေးမြန်းခဲ့ပေမယ့်လည်း တိကျတဲ့ အဖြေမရခဲ့ဘူးလို့ဆိုပါတယ်။ လက်ရှိ ဖရူဆိုမြို့နယ်အတွင်းမှာ သက်ငယ်မုဒိမ်းမှုနဲ့ပတ်သက်လို့ လွိုင်ကော်ခရိုင်တရားရုံးမှာ စစ်ဆေးနေဆဲအမှုရှိနေပြီး တရားခံအမှုမှန်ပေါ်ပေါက်နိုင်ရေး အစိုးရမှမည်ကဲ့သို့ ဆောင်ရွက်ထားလဲဆိုတာ သိရှိလိုကြောင်း မေးမြန်းခဲ့တာဖြစ်ပါတယ်လို့ဆိုပါတယ်။ ဦးသဲရယ်က “ ဒီမုဒိမ်မှုနဲ့ပတ်သတ်တာကတော့ ကျတော်တို့ဖရူဆိုမှာ ပြောရမယ်ဆိုလိုရှိရင် ၃ခုပေါ့ သက်ငယ်က […]