ကယားပြည်နယ်တွင် ပထမဆုံး စောင့်ကြည့်လူနာ ၁ ဦး သေဆုံး

Kantarawaddy Times April 14, 2020

ကန္တာရဝတီတိုင်း(မ်)
ကယားပြည်နယ် လွိုင်ကော်ပြည်သူ့ဆေးရုံကြီးတွင် စောင့်ကြည့်လူနာအဖြစ် သီးခြားကုသဆောင်( Quarentine Room )တွင် ဆေးကုသမှု ခံယူလျက်ရှိသည့် အသက် (၄၃) နှစ်အရွယ် အမျိုးသားတစ်ဦးသည် ယနေ့ နံနက် ၂း၅၀ အချိန်တွင် သေဆုံးသွားကြောင်း ကယားပြည်နယ်အစိုးရအဖွဲ့ရုံးမှ အတည်ပြု ထုတ်ပြန်ကြေညာလိုက်သည်။

ယင်း စောင့်ကြည့်လူနာသည် လွိုင်ကော်မြို့၊ ဓမ္မာရုံရပ်ကွက်တွင် နေထိုင်သည့် ဦးကျော်သာထွန်းဖြစ်ကြောင်း သိရသည်။

၎င်းသည် လွိုင်ကော်ပြည်သူ့ဆေးရုံကြီးတွင် စောင့်ကြည့်လူနာအဖြစ် သီးခြားကုသဆောင်( Quarentine Room )တွင် ဆေးကုသမှု ခံယူလျက်ရှိသည့် လူနာ(၆)ဦးထဲမှ တစ်ဦး ဖြစ်သည်။

ဦးကျော်သာထွန်းသည် COVID-19 Suspect or Confirmed case patient ဖြင့် ထိတွေ့ဖူးသော ရာဇဝင်မရှိဘဲ သွေးဆိပ်တက်ခြင်း၊ လေပြွန်ရောင်ရမ်းခြင်းများကြောင့် ရုတ်တရက်လေပြွန်ပိတ်ပြီး သေဆုံးခြင်းဖြစ်ကြောင်းနှင့် COVID-19 Swab-PCR စစ်ဆေးချက် ပေးပို့ရန် စီစဉ်ဆောင်ရွက်လျက်ရှိပါကြောင်း ကယားပြည်နယ်အစိုးရအဖွဲ့ရုံးမှ အတည်ပြု ထုတ်ပြထားပါသည်။

Comments

comments

Next Post

စစ်ဆေးရေးဂိတ်တွေမှာ တိုင်းရင်းသားလက်နက်ကိုင် ကျန်းမာရေးအဖွဲ့တွေ ကျန်းမာရေးစစ်ဆေးမှုတွေပြုလုပ်

Tue Apr 14 , 2020
စိုးထိုက်အောင် ကယားပြည်နယ်အတွင်းမှာ ကိုရိုနာဗိုင်းရပ်စ်ကို ကြိုတင်ကာကွယ်တဲ့အနေနဲ့ တိုင်းရင်းသားလက်နက်ကိုင်အဖွဲ့အစည်းတွေ စုပေါင်းပြီးဖွဲ့ထားတဲ့ ကျန်းမာရေးဌာနကနေပြီး ကိုရိုနာဗိုင်းရပ်စ် စစ်ဆေးရေးဂိတ်တွေထားရှိပြီး အစိုးရနဲ့လဲကျန်းမာရေးကိစ္စတွေမှာပူးပေါင်းလုပ်ဆောင်ဖို့ဆွေးနွေးနေထားတာရှိတယ်လို့ CHDN အဖွဲ့ရဲ့ Deputy Director (ပရိုဂရမ်) ဦးစိုးမိုးအောင်က ပြောပါတယ်။ “ ကျတော်တို့ဒီ ကိုရိုနာဗိုင်းရပ်စ်နဲ့ပတ်သတ်ပြီးတော့ ကျတော်တို့ဒီအစိုးရနဲ့ပူးပေါင်းလုပ်ဆောင်ဖို့ကျတော်တို့ဆွေးနွေးထားတာတွေရှိတယ်ပေါ့နော် အဓိကကတော့ ကျတော်တို့ဒီဒေသတွေထဲမှာကျတော်တို့အဖျားတိုင်းတဲ့ဟာတွေဒါတွေကတော့ကျတော်တို့ဂိတ်တွေဒီ ကျတော်တို့အဖွဲ့အစည်းရဲ့ဂိတ်တွေမှာကျတော်တို့ဆောင်ရွက်နေတာရှိတယ်ပေါ့။”လို့ ဦးစိုးမိုးအောင်က ပြောပါတယ်။ ကရင်နီတိုင်းရင်းသားလက်နက်ကိုင်အဖွဲ့ ၆ ဖွဲ့ကနေပြီး ဖွဲ့စည်းထားတဲ့ လူထုကျန်းမာရေး နှင့်ဖွံ့ဖြိုးရေးကွန်ယက် ( Civil Health and Development Network – CHDN) အဖွဲ့ အနေနဲ့COVID-19 နဲ့ပတ်သတ်ပြီးတော့ ကြိုတင်ကာကွယ်ရေး၊ စောင့်ကြည့်ရေး၊ သံသရတွေကိုတွေ့ရှိခဲ့ရင်ဘယ်လိုလွှဲ ပြောင်းမှုလုပ်မှာလဲ ဆိုတဲ့ အချက်(၃)ချက်ကို အဓိကလုပ်ဆောင်နေတာဖြစ်တယ်လို့ဆိုပါတယ်။ […]

ဆက်စပ်သတင်းများ