ကယားပြည်နယ်တွင် Covid 19 ရောဂါ စောင့်ကြည့်နှင့် သံသယ လူနာ (၁၃)ဦးအနက် (၆) ဦးမှာ ရောဂါပိုးမရှိ

ကန္တာရဝတီတိုင်း(မ်)

ကယားပြည်နယ်တစ်ဝန်းမှ ပြည်နယ်ပြည်သူ့ ကျန်းမာရေး နှင့် ကုသရေးဦးစီးဌာန လက်အောက်ရှိ ဆေးရုံများတွင် Covid 19 ရောဂါ စောင့်ကြည့်နှင့် သံသယ လူနာ (၁၃)ဦးအနက် (၆) ဦးမှာ ရောဂါပိုးမရှိဘဲ ၆ ဦးကို ဆက်လက် စောင့်ကြည့်စစ်ဆေးမှုများ ပြုလုပ်လျက်ရှိပြီး ကျန် ၁ ဦးမှာ အခြားသော ရောဂါသာ ဖြစ်ကြောင်း ပြည်နယ်အစိုးရ၏ မတ်လ ၂၄ ရက်နေ့က ထုတ်ပြန်ထားသည့် အချက်အလက်များအရ သိရှိရသည်။

ရောဂါပိုး ရှိ မရှိ စစ်ဆေးအတည်ပြုရန် လိုအပ်နေသေးသည့် သံသယရှိ/ စောင့်ကြည့်လူနာ ၆ ဦးထဲမှ ၃ ဦးကို ဓာတ်ခွဲစစ်ဆေးရန် မတ်လ ၂၄ ရက်နေ့ ညနေ ၅ နာရီက ဗဟိုအမျိုးသား ဓါတ်ခွဲခန်းသို့ ပေးပို့ထားရှိပြီး ဖြစ်ကြောင်းလည်း သိရှိရသည်။

COVID 19 ကိုရိုနာဗိုင်းရပ် ရောဂါ ကာကွယ်တားဆီးရေးလုပ်ငန်းများကို ပြည်ထောင်စုအစိုးရနှင့် ပြည်နယ်အစိုးရတို့ အရှိန်အဟုန်မြှင့် အကောင်အထည်ဖော် ဆောင်ရွတ်လျက်ရှိရာ ယခုကဲ့သို့ မတ်လ ၂၄ ရက်နေ့ ၁၀ နာရီ အချိန်အထိ နောက်ဆုံးရ အချက်အလက်များကို ပြည်နယ်အစိုးရက ထုတ်ပြန်ခဲ့ခြင်း ဖြစ်သည်။

ယင်းအပြင် ပြည်နယ်အစိုးရက ကယားပြည်နယ်အတွင်းရှိ မိဘ/ပြည်သူများ အနေဖြင့် ကျန်းမာရေးနှင့် အားကစား ဝန်ကြီးဌာနမှ ထုတ်ပြန်ထားသော ကာကွယ် ရေးဆိုင်ရာ ကျန်းမာရေး အသိပညာပေး အချက်အလက် များအား တိကျစွာ လိုက်နာဆောင်ရွက်ရန်နှင့် ကောလဟာလသတင်းများ ကြောင့် စိုးရိမ်ထိပ်လန့်မှု မရှိကြပါရန် အသိပေး နှိုးဆော်ထားသည်။

ဓါတ်ပုံ – ဆြာချစ်
ဓါတ်ပုံ – ဆြာချစ်
ဓါတ်ပုံ – ဆြာချစ်

Comments

comments

Next Post

လွိုင်ကော်မြို့အတွင်း အချို့စားသောက်ဆိုင်များ ရက်အကန့်အသတ်မရှိ ခေတ္တပိတ်ထား၊ ပါဆယ်ဖြင့်သာရောင်းချ

Thu Mar 26 , 2020
ကန္တာရဝတီတိုင်း(မ်) မြန်မာနိုင်ငံမှာ အသက်ရှူလမ်းကြောင်းဆိုင်ရာ COVID-19 ရောဂါ အတည်ပြုလူနာ ၃ ဦးတွေ့ရှိပြီးနောက် လွိုင်ကော်မြို့အတွင်း အချို့စားသောက်ဆိုင်များ ခေတ္တပိတ်ထားလိုက်တယ်လို့ သိရပါတယ်။ နောင်ယား(ခ)ရပ်ကွက်အတွင်း ဒေသရိုးရာအစားအသောက်နဲ့ အအေးမျိုးစုံ ရောင်းချနေတဲ့ IORA ဆိုင် တာဝန်ရှိသူက စားသောက်ဆိုင်ဖြစ်တဲ့အတွက် လူအဝင်အထွက်များတာကြောင့် ရောဂါထိန်းချုပ်နိုင်ရန်အတွက် ဆိုင်မှာ စားသောက်ခွင့်မပြုတော့ဘဲ ပါဆယ်သာလက်ခံတော့တယ်လို့ ဆိုပါတယ်။ “ခုလောလောဆယ် Delivery ပဲပို့ပေးတယ် ပါဆယ်ပဲပို့ပေးတယ် ဆိုင်ကိုခေတ္တပိတ်ထားတယ်။အခု ကူးစက်ပျံ့ပွားနေတဲ့ရောဂါကို စိုးရိမ်တယ်။ စားသောက်ဆိုင်ဆိုတော့ လူအဝင်အထွက်များတယ် ကျတော်တို့ဆိုင်က တခြားတိုင်းနဲ့ပြည်နယ်က လာတဲ့ဧည့်သည်တွေများလို့” လို့ IORA ဆိုင်မှ စောဝီစတင့်ဂျော့က ပြောပါတယ်။ ခုချိန်မှာတော့ ဆိုင်ဝန်ထမ်းတွေကို အိမ်မပြန်ရအောင် ပါဆယ်၊Home Delivery Service ဖြင့်သာ […]

ဆက်စပ်သတင်းများ