spot_img
Monday, May 29, 2023
spot_imgspot_imgspot_imgspot_img

ကယားပြည်နယ်အတွင်း ညမထွက်ရအမိန့် သတ်မှတ်ချက် လျော့ချ

Author

Date

Category

ကန္တာရဝတီတိုင်း(မ်)

ကယားပြည်နယ်အတွင်းရှိ မြို့နယ်များအတွင်း ညမထွက်ရအမိန့်ကို ယခင်က ည(၁၀)နာရီမှ နံနက် (၄)နာရီအထိ သတ်မှတ်ထားပြီး မေလ ၁၅ ရက်နေ့မှစတင်ကာ ည(၁၂)နာရီမှ နံနက် (၄)နာရီအထိ ပြင်ဆင် လျော့ချလိုက်တာကို ကယားပြည်နယ်အစိုးရအဖွဲ့ရုံးရဲ့ ဖေ့ဘွတ်ခ်ပေ့ချ်မှာ မေလ ၁၄ ရက်နေ့ ညပိုင်းက ပြင်ဆင်ထုတ်ပြန်လိုက်ပါတယ်။

အရေးပေါ်ကိစ္စရှိတယ်ဆိုရင်လည်း သက်ဆိုင်တဲ့ ခွင့်ပြုချက်အရမှအပ နေ့စဉ် ည (၁၂)နာရီမှ နံနက် (၄)နာရီအတွင်း ညမထွက်ရန် အချိန်ပြင်ဆင်ပြောင်းလဲသတ်မှတ်လိုက်တာဖြစ်ပါတယ်။

သတ်မှတ်ချိန် ပြင်ဆင်လျော့ချလိုက်တာနဲ့ပတ်သက်ပြီး ကယားပြည်နယ်အတွင်းမှာရှိတဲ့ မြို့နယ် (၇)မြို့ကို တစ်ပြိုင်တည်း ပြည်နယ်အစိုးရက အမိန့်ထုတ်ပြန်လိုက်ပြီး လိုက်နာရန်ပျက်ကွက်မယ်ဆိုရင် တည်ဆဲဥပဒေအရ အရေးယူခံရပါမယ်။ အဲဒီအမိန့်စာဟာ ထုတ်ပြန်တဲ့နေ့ကစပြီး (၂)လအတည်ဖြစ်ပါတယ်။

လတ်တလောဖြစ်ပွားနေတဲ့ COVID-19 ရောဂါကာကွယ်ထိန်းချုပ်တားဆီးနိုင်ဖို့အတွက် ကယားပြည်နယ်အတွင်းရှိ မြို့နယ်များကို ကယားပြည်နယ်အစိုးရအဖွဲ့ရုံးမှ ညမထွက်ရ အမိန့်ကို ပြီးခဲ့တဲ့ ဧပြီလ ၂၁ရက်နေ့က ထုတ်ပြန်ခဲ့ပါတယ်။

ည ၁၀ နာရီမှ နံနက် ၄ နာရီအတွင်း သွားလာခြင်းမပြုလုပ်ကြဖို့ နဲ့ တွေ့ရှိမယ်ဆိုရင် တည်ဆဲဥပဒေအရ အရေးယူသွားမယ်လို့ ကယားပြည်နယ်အတွင်းမှာရှိတဲ့ မြို့နယ် (၇)မြို့အသီးသီးရဲ့ အထွေထွေအုပ်ချုပ်ရေးဦးစီးဌာနက ထုတ်ပြန်ထားပါတယ်။

ကယားပြည်နယ်အတွင်းမှာ ညမထွက်ရအမိန့် ဖောက်ဖျက်ကျူးလွန်သူ ၁၀ဦးကျော်ကိုလည်း သက်ဆိုင်တဲ့ မြိူ့နယ်အသီးသီးက အုပ်ချုပ်ရေးမှူးတွေမှ တရားလိုလုပ်ပြီး တိုင်းတန်းခဲ့ရာ အလုပ်မဲ့ထောင်ဒဏ်တစ်လဖြစ်စေ၊ အလုပ်နှင့်ထောင်ဒဏ် နှစ်လ ဖြစ်စေ အသီးသီးချမှတ်ခဲ့ပါတယ်။

Recent posts