ကယားပြည်နယ်လွှတ်တော်အဆောက်အအုံ တည်ဆောက်ရန် ကုမ္ပဏီ ၃ ခုကို ရွေးချယ်

ကန္တာရဝတီတိုင်း(မ်)

ကယားပြည်နယ်လွှတ်တော်အဆောက်အအုံများကို တည်ဆောက်ရန် ဧရာမြတ်ပြည်၊ မြန်မာလန်း(Myanmar Land)နှင့် ကန္ဒရဝတီအောင်​ကုမ္ပဏီတို့ကို ​ရွေးချယ်လိုက်ကြောင်း သိရသည်။

လွှတ်တော်အဆောက်အအုံများကို တည်ဆောက်ရန် အဆိုပြု ကုမ္ပဏီများကို တင်ဒါစနစ်ဖြင့် စိစစ်ရွေးချယ်ခဲ့ရာ အဆိုပါ ဆောက်လုပ်ရေးကုမ္ပဏီ ၃ ခုက လုပ်ကိုင်ခွင့် ရရှိခဲ့ခြင်း ဖြစ်သည်။

ကယားပြည်နယ်လွှတ်တော် အဆောက်အအုံများကို တည်ဆောက်ရန်အတွက် ဇူလိုင်လကတည်းက တင်ဒါစယူခေါ်ယူခဲ့ကာ Lot 1 အတွက် လွှတ်တော်ရုံးကို ကျပ်သန်း ၁၆၃၅၊ Lot 2 အတွက် ဒုညွှန်ချုပ်နှင့် ညွှန်ချုပ်အိမ်ရာကို ကျပ်သန်း ၁၁၅ နှင့် Lot 3 အတွက် ဝန်ထမ်းအိမ်ရာ ၂ ထပ်ဆောင် ၂ လုံးကို ကျပ်သန်း ၅၇၅ တို့ဖြင့် ကြမ်းခင်းဈေး ဖွင့်လှစ်ခဲ့ခြင်း ဖြစ်သည်။

Lot 1 ဖြစ်သော လွှတ်တော်ရုံးကို ဧရာမြတ်ပြည်ကုမ္ပဏီက ကျပ်သန်းပေါင်း ၁၅၅၃.၂၅ ဖြင့် ဆောက်လုပ်မည်ဖြစ်ကာ Lot 2 အတွက် Myanmar Landနှင့် Lot 3 အတွက် ကန္ဒရဝတီအောင် ကုမ္ပဏီတို့က တာဝန်ယူ ဆောက်လုပ်ကြမည်ဖြစ်ကြောင်း သိရသည်။

ပြည်နယ်ရန်ပုံငွေဖြင့် လွှတ်တော်အဆောက်အအုံများကို ၂၀၁၇-၁၈ ဘဏ္ဍာရေးနှစ်အတွင်း အပြီသတ် တည်ဆောက်ရမည်ဖြစ်ကာ ထပ်တိုးကာလအတွက် အချိန်သုံးလထပ်ဆောင်းပေးရန် စာချုပ်၌ ထည့်သွင်းချုပ်ဆိုထားကြောင်း သိရသည်။

လက်ရှိတွင် ကယားပြည်နယ်လွှတ်တော်ရုံးခန်းများကို ကယားပြည်နယ် ပြည်သူ့ဝန်ဆောင်မှုရုံးတွင် ကယားပြည်နယ်အစိုးရအဖွဲ့နှင့်အတူ ရုံးခန်းဖွင့်လှစ်ထားခြင်းဖြစ်သည်။

Comments

comments

Next Post

ဖရူဆိုမြို့နယ်အတွင်း မိုးသည်းထန်စွာရွာသွန်း၊ မြေပြိုကျကာ လမ်းပိတ်ဆို့

Sat Aug 12 , 2017
ကန္တာရဝတီတိုင်း(မ်) ဩဂုတ် ၉ ရက် ညပိုင်းမှစ၍ မိုးသည်းထန်စွာရွာသွန်းခဲ့ကာ ကယားပြည်နယ်၊ ဖရူဆိုမြို့နယ်၊ ကေကောကျေးရွာအုပ်စု၊ ဘွယ်ဒိုးသာကျေးရွာနှင့် ခါးဘယ်ကျေးရွာချင်းဆက်လမ်းပိုင်း၊ ဘွယ်ဒိုးသာကျေးရွာနှင့် (၁)မိုင်ခန့်အကွာတွင် တောင်ကမ်းပါးယံ မြေပြိုကျခြင်း၊ လမ်းပေါ်သိုု့ သစ်ပင်များ လှဲကျခြင်းများကြောင့် လမ်းများ ပိတ်ဆို့နေကြောင်း သိရသည်။ အဆိုပါ ဖြစ်စဉ်ကြောင့် လူ၊ တိရိစာ္ဆန်နှင့် မော်တော်ယာဉ်များ ထိခိုက်မှုမရှိသော်လည်း မော်တော်ယာဉ်နှင့် လူများ သွားလာမှု အဆင်မပြေမှုများရှိခဲ့ရာ မြေများနှင့် သစ်ပင်သစ်ကိုင်းများအား စက်ယန္တရားများဖြင့် ဖယ်ရှားမှသာ ခရီးသွားရေး အဆင်ပြေနိုင်မည်ဖြစ်၍ ကေကောကျေးရွာအုပ်ချုပ်ရေးမှူးက ဖရူဆိုမြို့နယ်အုပ်ချုပ်ရေးမှူးထံသို့ တင်ပြထားကြောင်းသိရသည်။ ယင်းကျောက်လမ်းအပိုင်းအား ၂၀၁၅ – ၂၀၁၆ ဘဏ္ဍာနှစ်အတွင်း ပြည်နယ်ရန်ပုံငွေဖြင့် ကယောရွှေပြည် ကုမ္ပဏီမှ ဖောက်လုပ်သည့်လမ်းဖြစ်ကြောင်း သိရသည်။ […]