Friday, December 4, 2020

ကယားပြည်နယ်လွှတ်တော်နှင့် အစိုးရကို လေ့လာခြင်း ( ၅ )

Must read

ပြည်သူတွေမှာ နှာခေါင်းစည်း (Mask) တပ်ဆင်မှု အားနည်းနေကြောင်းဆို

ကန္တာရဝတီတိုင်း (မ်) လွိုင်ကော်မြို့နယ်အတွင်း သွားလာနေတဲ့ ပြည်သူလူထုတွေမှာ Mask တပ်ဆင်မှုတွေ အားနည်းနေသေးတယ်လို့ အထွေထွေအုပ်ချုပ်ရေးဦးစီးဌာနမှ မြို့နယ်ဒုတိယဦးစီးမှူး ဦးနန်းဝင်းဦးကပြောပါတယ်။ အထွေထွေအုပ်ချုပ်ရေးဦးစီးဌာန၊ မြို့နယ်ဒုတိယဦးစီးမှူး ဦးနန်းဝင်းဦးက “Mask ကမ်ပိန်းလုပ်တဲ့အပေါ်မှာတော့...

ကျော်ထင်အောင်ရေးသားသည်။

ကယားပြည်နယ် လွှတ်တော်

ဒုတိယအကြိမ် ကယားပြည်နယ် လွှတ်တော် သတ္တမပုံမှန် အစည်းအဝေးကို ၂၀၁ရ ခုနှစ်၊ ဩဂုတ်လ ( ၂၉ – ၃ဝ ) နှစ်ရက်တာ ကျင်းပသွားခဲ့ပါသည်။ သို့သော် ဆွေးနွေးမှုများအား ပြည်သူ အများ သိရှိလေ့လာနိုင်ရန် ထုတ်ပြန်မှု အားနည်းသည်ကို တွေ့ရှိရသည်။ ကယားပြည်နယ် လွှတ်တော်၏ Facebook Page တွင်လည်း ဆွေးနွေးချက်များ တင်သည်ကို မတွေ့ရပေ။
ဒုတိယအကြိမ် ကယားပြည်နယ်လွှတ်တော်၏ သက်တမ်းမှာ ၂၀၁၆ ခုနှစ်၊ ဖေဖော်ဝါရီလမှ စတင်ရေတွက်သော် တစ်နှစ်ခွဲကျော် ရှိလာပြီဖြစ်သည်။ ယခင်အပတ်က ဖော်ပြခဲ့ပြီးဖြစ်သည့် ကယားပြည်နယ်လွှတ်တော်၏ ဖွဲ့စည်းပြီး ကော်မတီ ( ၆ ) ခုလည်း အချို့မှာ တစ်နှစ်ကျော်၍ အချို့မှာ တစ်နှစ်ပြည့်ခါနီး အနေအထားသို့ ရောက်နေပေပြီ။
အလုပ်မဖြစ်သည့် ကယားပြည်နယ်လွှတ်တော်ကော်မတီများကို အမြန်ဆုံး ပြင်ဆင်ဖွဲ့စည်း ရမည့်အချိန် ဖြစ်ပါသည်။
ကယားပြည်နယ် လွှတ်တော်ရုံးအသစ် တည်ဆောက်မည်ဟု သိရသည်။ ကယားပြည်နယ် လွှတ်တော်ရုံး အဆောက်အဦအသစ် တည်ဆောက်မည့် မြေနေရာမှာ လွိုင်ကော်မြို့၊ နောင်ယား (ခ) ရပ်ကွက်၊ အကွက်အမှတ် ( ၁၉ )၊ ဦးပိုင်အမှတ် ( ၁၁/က ) တွင် ဖြစ်သည်။ တည်ဆောက်ရန် ဧရာမြတ်ပြည်၊ Myanmar Land နှင့် ကန္ဒရဝတီအောင် ကုမ္ပဏီတို့ တင်ဒါအောင်သည်ဟု သိရှိရပါသည်။ ကျပ်သန်းပေါင်း ( ၂၀၀ဝ ) ကျော်သည့် စီမံကိန်းဟု သိရသည်။
ထူးခြားချက်မှာ လွှတ်တော်ရုံး အဆောက်အဦအသစ် တည်ဆောက်ရန် လိုအပ်သည့် သစ်နှင့်ပတ်သက်၍ သစ်သယ်ဆောင်ရာ၌ ပြည်နယ်အစိုးရ၊ လွှတ်တော်၊ ကုမ္ပဏီနှင့် လွှတ်တော် ကိုယ်စားလှယ်တို့အကြား လုပ်ထုံးလုပ်နည်းဆိုင်ရာ အလွှဲများဖြင့် ပြဿနာပေါ်သည်ဟု ကြားသိရ သော်လည်း ယခုအချိန်အထိ ပွင့်လင်းမြင်သာစွာ သိရှိရခြင်း မရှိပေ ။

ကယားပြည်နယ် အစိုးရ

( ၁ရ ) လသားကျော် ကယားပြည်နယ် အစိုးရ အနေဖြင့် ယခုလ ၂၀၁ရ ခုနှစ်၊ စက်တင်ဘာလ အတွင်း လူထုတွေ့ဆုံပွဲများ အကျယ်တဝင့် လုပ်ဆောင်လာသည်ကို တွေ့နေရပါသည်။ လ ( ၆ဝ ) သက်တမ်း၏ လေးပုံတစ်ပုံကျော်မှ ပုံစံကျလာသည်ဟု ဆိုသော်ငြား ကြိုဆိုရပေမည်။ သို့သော် …..
၂၀၁ရ ခုနှစ်၊ စက်တင်ဘာလ ( ၁၄ ) ရက်နေ့က ဒီးမော့ဆိုမြို့နယ်၊ (၅) မြောင်း လူထုတွေ့ဆုံပွဲ၌ ပြည်သူလူထုကို မြေပြင်တွင် ထိုင်စေ၍ ကယားပြည်နယ်အစိုးရအဖွဲ့ ဝန်ကြီးချုပ် ဦးဆောင်သော ပြည်နယ်အစိုးရ တာဝန်ရှိသူများ ထိုင်ခုံပေါ်ထိုင်နေခြင်းသည် တွေ့မြင်ရ မသင့်လျော်ဟု ထင်ပါသည်။
ရေးသားသုံးသပ်လိုသည်မှာ ၂၀၁ရ ခုနှစ်၊ စက်တင်ဘာလ ( ၁၆ ) ရက်နေ့က ကျင်းပပြုလုပ်ခဲ့သော လွိုင်ကော်မြို့ပေါ် ( ၁၉ ) ရပ်ကွက် ပြည်သူများနှင့် တွေ့ဆုံပွဲအကြောင်း ဖြစ်သည်။ ကယားပြည်နယ် အစိုးရအဖွဲ့ ဝန်ကြီးချုပ်က လွိုင်ကော်မြို့ပေါ် ( ၁၉ ) ရပ်ကွက် အားလုံးစုစည်းပြီး ယခုအချိန်မှ တွေ့ဆုံပေးနိုင် သည့်အတွက် နားလည်ပေးစေလိုကြောင်း ပြောကြားသွားခဲ့ပါသည်။
( ၁ရ ) လ ကျော်ကြာ ပြည်နယ်အစိုးရသစ် အလုပ်ရှုပ် နေသည်ဟု သတ်မှတ်၍ ပြည်သူများမှ နားလည်ပေးလိုက်ကြပါသည်။ အစိုးရသစ် မတက်မှီ ၂၀၁၆ ခုနှစ်၊ မတ်လ ( ၁ရ ) ရက် နေ့စွဲဖြင့် ပြည်ထဲရေး ဝန်ကြီးဌာနက ထုတ်ပြန်သည့် အမိန့်ကြော်ငြာစာ ( ၈၀၁ / ၂၀၁၆ ) အရ လွိုင်ကော်မြို့ပေါ် မူလ ( ၁၃ ) ရပ်ကွက်မှ ယခု ( ၁၉ ) ရပ်ကွက်အထိ တိုးချဲ့ဖွဲ့စည်းထားပြီး ဖြစ်ပါသည်။ အသစ် တိုးချဲ့ဖွဲ့စည်းထားသည့် ရပ်ကွက်များကို ဇယားတွင် လေ့လာနိုင်ပါသည်။

လတ်တလောတွင် တစ်ရက် တန် ( ၄၀၀ဝ ) ကျ ဘိလပ်မြေစက်ရုံ စီမံကိန်း တည်ဆောက်ရန် နာမည်ကြီးနေသည့် ချိကယ်ကျေးရွာအုပ်စုမှ ထေးသမ နှင့် နမ့်ကွတ် ( ၂ ) ရွာသည် မြို့ပေါ်ရပ်ကွက် ဖြစ်လာသည့်အတွက် အဆိုပါ တွေ့ဆုံပွဲသို့ တက်ရောက်ခွင့်ရခဲ့ပါသည်။ ပြည်သူများမှ ဘိလပ်မြေစက်ရုံ စီမံကိန်းကို ဒေသခံအများစု သဘောမတူကြောင်းနှင့် စိုးရိမ်ကြောင်း တင်ပြခဲ့ကြသည်ဟု ကြားသိရပါသည်။
ဘိလပ်မြေစက်ရုံ တည်ဆောက်ရန် လျာထားသည့် ပကြဲ – တောင်သုံးလုံးဒေသသည် လွိုင်ကော်မြို့နယ်၊ ချိကယ်ကျေးရွာအုပ်စုတွင် ပါဝင်၍ လွိုင်ကော်မြို့နှင့် တဆက်တစပ်တည်းဖြစ်နေသော ရွာများဖြင့် ဖွဲ့စည်းထားခြင်းကြောင့် မူလကျေးရွာအုပ်စုရှိ ရွာ ( ၁ဝ ) ရွာမှ ( ၂ ) ရွာသည် မြို့ပေါ်ရပ်ကွက် ဖြစ်လာခြင်း ဖြစ်သည်။ ချိကယ်ကျေးရွာအုပ်စုတွင် ကျန်ရှိသည့် ရွာများကို ဇယား ( ၂ ) တွင် လေ့လာနိုင်ပါသည်။

သို့ဖြစ်ပါ၍ ကယားပြည်နယ် အစိုးရ အနေဖြင့် ပြည်သူလူထုအများ၏ စိုးရိမ်ကြောင့်ကြရမှုများကို လျော့ချပေးနိုင်ရန်နှင့် ဒေသခံများ၏ သဘောထားများကို ရယူနိုင်ရန် မြို့ပေါ်ရပ်ကွက် ဖြစ်လာသည့် ( ၂ ) ရပ်ကွက်မှ ပြည်သူများ အပြင် မူလ ချိကယ်ကျေးရွာအုပ်စု ရွာ ( ၈ ) ရွာမှ ပြည်သူများကိုလည်း အမြန်ဆုံး တွေ့ဆုံသင့်ကြောင်း အကြံပြု တိုက်တွန်းလိုက်ရပေသည်။

Comments

comments

- Advertisement -
- Advertisement -

Latest article

ပြည်သူတွေမှာ နှာခေါင်းစည်း (Mask) တပ်ဆင်မှု အားနည်းနေကြောင်းဆို

ကန္တာရဝတီတိုင်း (မ်) လွိုင်ကော်မြို့နယ်အတွင်း သွားလာနေတဲ့ ပြည်သူလူထုတွေမှာ Mask တပ်ဆင်မှုတွေ အားနည်းနေသေးတယ်လို့ အထွေထွေအုပ်ချုပ်ရေးဦးစီးဌာနမှ မြို့နယ်ဒုတိယဦးစီးမှူး ဦးနန်းဝင်းဦးကပြောပါတယ်။ အထွေထွေအုပ်ချုပ်ရေးဦးစီးဌာန၊ မြို့နယ်ဒုတိယဦးစီးမှူး ဦးနန်းဝင်းဦးက “Mask ကမ်ပိန်းလုပ်တဲ့အပေါ်မှာတော့...

ရွေးကောက်ပွဲတွင်ရှုံးနိမ့်ခဲ့တဲ့ ကယန်းအမျိုးသားပါတီက ပြင်ဆင်မှုတွေပြုလုပ်ပြီး ထပ်မံကြိုးစားမည်

ကန္တာရဝတီတိုင်း(မ်) နိုဝင်ဘာ ၈ ရက်ကကျင်းပခဲ့တဲ့ ၂၀၂၀ ပါတီစုံ အထွေထွေရွေးကောက်ပွဲမှာ ဝင်ရောက်ယှဉ်ပြိုင်ခဲ့ပြီး မဲဆန္ဒနယ်အားလုံးနီးပါး ရှုံးနိမ့်ခဲ့တဲ့ ကယန်းအမျိုးသားပါတီအနေနဲ့ ပြင်ဆင်မှုတွေ ပြုလုပ်ပြီး ထပ်မံကြိုးစားသွားမယ်လို့ ပါတီဥက္ကဌ ခွန်းဘီထူးက ပြောပါတယ်။

Comments

comments