ကန္တာရဝတီတိုင်း(မ်)

နိုင်ငံသားများ၏ ပုဂိ္ဂုလ်ဆိုင်ရာ လွတ်လပ်မှု၊ လုံခြုံမှုကို ကာကွယ်ပေးရေး ဥပဒေ ပုဒ်မ ၁ဝဖြင့် ပြည်နယ်အစိုးရမှ တရားစွဲဆိုထားသော ကရင်နီလူငယ် ၆ ဦးကို ယနေ့နံနက်တွင် ထောင်ဝင်စာတွေ့ခွင့်ပိတ်ပင်ထားတယ်လို့ ဒီကနေ့ မနက် ထောင်ဝင်စာသွားတွေ့ခဲ့သည့် ကရင်နီလူငယ် ခွန်းဘားနဒ်ဘုတ်က ပြောသည်။

“တွေ့ခွင့်ရဖို့ ထောင်ဝင်စာသွားတွေ့တယ်ပေါ့နော။ သွားတဲ့အချိန်မှာ ထောင်ဝင်စာပိတ်ထားတယ်ပေါ့ ဘာကြောင့်ပိတ်ထားလဲပြောတော့ ထောင်ထဲမှာ အော်ဟစ်လို့တဲ့။ ဘာအကြောင်းကြောင့် အော်ဟစ်လဲမေးတော့ ဒုညွှန်မှူးက အဲဒါကို ပြောလို့မရဘူးလို့ပြောတယ်ပေါ့” ဟု ၎င်းက ပြောသည်။

ပြီးခဲ့သည့် ရက်ပိုင်း ၎င်းမှ ထောင်ဝင်စာသွားတွေ့သည့်အချိန်တွင် တရားစွဲခံရသော ကရင်နီလူငယ် ၆ ဦးမှ လက်ရှိ တပ်မတော်မှ တရားစွဲဆိုထားသော တောင်သူအရေးအတွက် တောင်းဆိုသွားမည်ဟု ပြောပြထားကြောင်း သိရသည်။

“တပ်သိမ်းမြေကိစ္စနဲ့ပတ်သက်ပြီး တရားစွဲခံရတဲ့တောင်သူတွေကို နိုင်ငံရေးပုဒ်မနဲ့တရားမစွဲဘဲနဲ့ သာမာန်ရာဇဝတ်သားတွေလိုတရားစွဲတယ် ရာဇဝတ်သားတွေနေတဲ့နေရာမှာနေခိုင်းတယ်ဆိုတဲ့အပေါ်မှာ မဖြစ်သင့်ဘူးဆိုပြီးမှ ထောင်ပိုင်ကို တောင်းဆိုမယ်ဆိုတဲ့ကိစ္စတော့ရှိတယ်ပေါ့” ဟု ခွန်းဘားနဒ်ဘုတ်က ဆက်ပြောသည်။

စက်တင်ဘာလ ၂၄ ရက်နေ့တွင် ၁၃ ကြိမ်မြောက် ရုံးထုတ်မှာ ဖြစ်ပြီး စွပ်စွဲခံရသူများကို စစ်ဆေးသွားမည် ဖြစ်သည်။

Comments

comments