spot_img
Monday, May 16, 2022
spot_img

ကရင်နီပြည်ကို မူရင်းအဖွဲ့အစည်းတွေက အုပ်ချုပ်ပြီး NUG က လာညှိ့နှိုင်းရမယ်လို့ KNPP ဆို

Must read

spot_img

ကန္တာရဝတီတိုင်း(မ်)

ကရင်နီပြည်ကို ပြည်နယ်ထဲမှာရှိတဲ့ မူရင်းအဖွဲ့အစည်းတွေက အုပ်ချုပ်ပြီး NUG အနေနဲ့ လာရောက်ညှိ့နှိုင်းမှု ပြုလုပ်ရမယ်လို့ ကရင်နီအမျိုးသားတိုးတက်ရေးပါတီ ( KNPP ) အတွင်းရေးမှူး ( ၁ ) ခူဒယ်နီယာယ်က ပြောဆိုထားပါတယ်။

“ ပြည်နယ်/ ဖယ်ဒရယ်ယူနစ်ဆိုတာက ပြည်နယ်ကနေ ဖွဲ့စည်းထားပြီးသား ဖြစ်ရမယ်ပေါ့။ ဒီပြည်နယ်ကတော့ ကျနော်တို့ ပြည်နယ်ထဲမှာရှိတဲ့ အဖွဲ့အစည်းတွေရဲ့ ဖွဲ့စည်းမှု အရင်ဆုံးလုပ်ရမယ်။ ပြီးတော့ သူတို့က လာညှိ့မယ်ပေါ့။ သူတို့အနေနဲ့ ဦးစီးဦးဆောင်ပြီးတော့မှ လုပ်မယ်ဆိုတော့ ကျနော်တို့ ဒီမှာရှိတဲ့ ပြည်နယ်မှာရှိတဲ့ အဖွဲ့အစည်းတွေ လူထုကိုယ်စားပြုပါတီတွေက လုပ်ရမယ့် အလုပ်ဖြစ်တယ်။ ပြီးတော့မှ သူတို့က လာညှိ့မယ်ပေါ့။ အဲ့လိုမျိုးရှိမယ်။ “ လို့ ခူဒယ်နီယာယ်က ပြောပါတယ်။

ဒါ့အပြင် ကရင်နီအမျိုးသားတိုးတက်ရေးပါတီ ( KNPP )အနေနဲ့ မြို့နယ်တိုင်းမှာ အုပ်ချုပ်ရေးအဖွဲ့ရှိပြီးသားဖြစ်ပြီး ထပ်မံတိုးချဲ့နေတာတွေလည်း ရှိတယ်လို့ ခူဒယ်နီယာယ်က ဆက်ပြောပါတယ်။

ပြည်နယ်/ ဖယ်ဒရယ် ယူနစ်တွေရဲ့ အုပ်ချုပ်ရေးလုပ်ငန်းတွေကို တာဝန်ယူပြီး သက်ဆိုင်ရာတွေနဲ့ ညှိ့နှိုင်းဆောင်ရွက်သွားမယ်လို့ အမျိုးသားညီညွှတ်ရေး အစိုးရ ( NUG ) က မေလ ၆ ရက်နေ့မှာ ထုတ်ပြန်ထားပါတယ်။

ကရင်နီပြည်ရဲ့ အုပ်ချုပ်ရေးကို chapter သဘောတူညီချက်အရ တိုင်းရင်းသားဒေသတွေကို မိရိုးဖလာအုပ်ချုပ်မှုနဲ့ အုပ်ချုပ်ခိုင်းစေပြီး NUG က ပူးပေါင်းဆောင်ရွက်သွားမှာ ဖြစ်တယ်လို့ အမျိုးသားညီညွှတ်ရေးအစိုးရရဲ့ ပြည်ထဲရေးနဲ့ လူဝင်မှုကြီးကြပ်ရေး ဝန်ကြီးဌာန ဒု-ဝန်ကြီး ခူးထဲဘူး က ပြောပါတယ်။

“ NUG ကတော့ ဘာမှ ဝင်ရောက်စွက်ဖက်ပြီးတော့မှ စီမံကွပ်ကဲမှာ မဟုတ်ဘူး။ သို့သော်လိုအပ်ချက်တွေ ရှိရင်တော့ ပူးပေါင်းဆောင်ရွက်ပေးမယ်။ ဖြည့်ဆည်းဆောင်ရွက်ပေးမယ်။ ဆက်စပ်ဆောင်ရွက်ပေးမယ် ဒီလိုသဘောပဲ။” လို့ ခူးထဲဘူးက ပြောပါတယ်။

ပြီးခဲ့တဲ့ ဧပြီလ ၂၆ ရက်နေ့မှာလည်း ဒီးမော့ဆိုမြို့နယ်မှာ CRPH ရဲ့ လမ်းညွှန်မှုနဲ့ ကြားကာလ ပြည်သူ့အုပ်ချုပ်ရေးအဖွဲ့ ဖွဲ့စည်းခြင်းကို ကန့်ကွက်ကြောင်း KNPP က ထုတ်ပြန်ထားပါတယ်။

ဒါဟာ NUG မပေါ်ပေါက်ခင်က CRPH လမ်းညွှန်ခဲ့တာဖြစ်ပြီး လက်ရှိမှာတော့ အဖွဲ့ဝင် ( ၁၁ ) ယောက်နဲ့ ဖွဲ့စည်းထားတာဟာ NUG နဲ့ သက်ဆိုင်မှု မရှိဘူးလို့ ခူးထဲဘူးက ပြောပါတယ်။

“ မရှိဘူး။ ရှိလို့လည်း မဖြစ်ဘူး။ သဘောတူညီမှုတွေကလည်း ရှိထားပြီးသားဆိုတော့ အဲ့တာတွေက တရားမဝင်ဘူး။ NUG နဲ့ CRPH က အဲ့ဒီ ဦးဆောင်ဖွဲ့စည်းတဲ့ အဖွဲ့တွေကို ပြန်ပြီးတော့ ထုတ်ပြန်ပေးရမှာလေနော။ အကြောင်းပြန်ကြားပေးရမယ်။ ဆိုတော့ အဲ့ဟာကလည်း အဲ့တာကို အကြောင်းကြားစာ သဘောမျိုး အဲ့ဒီမှာက NUG ကနေပြီးတော့ ဒေသခံ ဆိုလိုတာက KSCC နဲ့ပေါ့လေ။ သူ့လုပ်ပိုင်ခွင့်နဲ့ သူရှိမယ်။ အဲ့တာ ညှိ့နှိုင်းဆောင်ရွက်မယ်ပေါ့။ အဲ့တာ ပြောချင်တာ။ “ လို့ ခူးထဲဘူးက ပြောပါတယ်။

ကရင်နီပြည်မှာ အာဏာသိမ်းပြီးနောက်ပိုင်း စစ်ကောင်စီနဲ့ ကရင်နီဒေသခံကာကွယ်ရေးတပ်ဖွဲ့တို့ တိုက်ပွဲဖြစ်ပွားနေပြီး စစ်ကောင်စီရဲ့ အုပ်ချုပ်ရေး ယန္တာယားကောင်းမွန်စွာ မလည်ပတ်နိုင်တဲ့ အခြေအနေနဲ့ ကြုံတွေ့နေရပါတယ်။

- Advertisement -spot_img
- Advertisement -spot_img

Latest article