spot_img
Wednesday, August 17, 2022
spot_img

ကရင်နီပြည်နယ်ထဲက ရွေ့ပြောင်းအလုပ်သမားတွေ နေရပ်ပြန်ဖို့ အခက်အခဲဖြစ်နေ

spot_imgspot_imgspot_imgspot_img

ကန္တာရဝတီတိုင်း(မ်)

ကယား(ကရင်နီ)ပြည်နယ်အတွင်းမှာ တိုက်ပွဲနေ့စဉ်ရက်ဆက်ဆိုသလို ဖြစ်ပွားလျက်ရှိရာ ဖားဆောင်းမြို့နယ် ၊ ဘောလခဲမြို့နယ်ဘက် ရောက်နေတဲ့ ကျပန်းရွှေ့ပြောင်းအလုပ်သမားတွေ နေရပ်ပြန်ဖို့ လမ်းပန်းဆက်သွယ်ရေး အခက်အခဲရှိနေတယ်လို့ အမည်မဖော်လိုသူ အလုပ်သမားတစ်ဦးက ပြောပါတယ်။

“ဒေသခံတွေမဟုတ်ဘဲ နယ်ဝေးကနေလာပြီးတော့ အလုပ်လာလုပ်တဲ့ အလုပ်သမားတွေပေါ့။ အဲ့တာတွေက ပစ္စည်းတွေလည်း သယ်မရ လူလည်းသွားမရဆိုတော့ အလုပ်တွေလည်း လုပ်စရာမရှိဘူးပေါ့။ လမ်းကြောင်းကလည်း ဖွင့်လိုဖွင့်ငြားနဲ့စောင့်နေတာ တစ်လလည်းပြည့်တော့မှာဆိုတော့ အလုပ်ကလည်း မရှိတော့ဘူးကွာ စားစရာလည်းမရှိတော့ဘူးကွာ။ ကုန်ဈေးနှုန်းတွေလည်း တအားတက်တယ်လေ။ အဲ့လိုတော့ ဒုက္ခရောက်တယ်ပေါ့။”

၎င်းတို့က ဆောက်လုပ်ရေးစီမံကိန်းတွေထဲက စာသင်ကျောင်း၊ ကျန်းမာရေးအဆောက်အအုံ၊ အားကစားရုံ၊ ဝန်ထမ်းအိမ်ယာတွေကို ဆောက်လုပ်ပေးနေတဲ့ ရွေ့ပြောင်းအလုပ်သမားတွေ ဖြစ်ကြတယ်လို့ဆိုပါတယ်။

အဲ့ဒီထုတ်ပြန်ချက်နောက်ပိုင်း သွားလာရခက်ခဲသွားတာကြောင့် ဘောလခဲ၊ မော်ချီးဘက်တွေမှာ ရောက်ရှိနေတဲ့ ရွေ့ပြောင်းအလုပ်သမားတွေ နေရပ်ကို ပြန်နိုင်ဖို့ အခက်အခဲရှိနေတယ်လို့ ဘောလခဲမြို့နယ်မှာ ရွေ့ပြောင်းလုပ်သားအဖြစ် သွားရောက်လုပ်ကိုင်နေတဲ့ သူတစ်ဦးက ပြောပါတယ်။

ရွေ့ပြောင်းအလုပ်သမားတွေဟာ တခြားမြို့တွေကနေ လာရောက်အလုပ်လုပ်ကိုင်ကြတာဖြစ်ပြီး အခုလက်ရှိမှာ အလုပ်အကိုင်မရှိတော့တာကြောင့် နေရပ်ကို ပြန်ချင်ကြတာဖြစ်တယ်လို့ဆိုပါတယ်။

ဘောလခဲမြို့နယ်မှာ နေရပ်မပြန်နိုင်ဘဲ ရှိနေတဲ့ ရွေ့ပြောင်းအလုပ်သမား ၅၀ဝန်းကျင်ရှိနေပါတယ်။
ဖားဆောင်းမြို့နယ် ဒေသခံတစ်ဦးကလည်း လွိုင်ကော်ကို သွားချင်ပေမယ့် သွားလို့မရဘူးလို့ ပြောပါတယ်။

“ အကုန်လုံးသွားချင်ကြတဲ့လူတွေချည်းဘဲ။ ပစ္စည်းတွေ သယ်ချင်ကြတဲ့သူတွေချည်းဘဲ။ သွားချင်ပေမယ့် လမ်းက မဖွင့်တော့ သွားလို့ အဆင်မပြေဘူး။ လမ်းခရီးလည်း သွားလို့ အဆင်မပြေဘူးလေ။ အဲ့တာကြောင့် အဲ့တာကြောင့် မဆင်းကြတာပေါ့။(လွိုင်ကော်ကို သွားခြင်း) ဆင်းလို့ရရင်တော့ အကုန်ဆင်းချင်ကြတဲ့သူတွေချည်းဘဲ။ “ ဖားဆောင်း ဒေသခံတစ်ဦးက ပြောပါတယ်။

ဘောလခဲမြို့နယ်ကို ရောက်ရှိနေတဲ့ ရွေ့ပြောင်းအလုပ်သမားတစ်ဦးက “ လမ်းကြောင်းလေးကိုလေး နေ့စဉ်ကြီး မဟုတ်ရင် တောင် အကိုတို့လို ခက်ခဲနေတဲ့လူတွေအတွက်ပေါ့။ တစ်ပတ်မှာ တစ်ကြိမ်သို့မဟုတ် နှစ်ကြိမ် တစ်ရက်နှစ်ရက် လောက်ပေါ့။ ဖွင့်ပေးဖို့ တောင်းဆိုပေးလို့ ရရင် တောင်းဆိုချင်ပါတယ်။ “ လို့ပြောပါတယ်။

ဘောလခဲမြို့နယ်နဲ့ ဖားဆောင်းမြို့နယ်တို့ဟာ တိုက်ပွဲဖြစ်ပွားမှု မရှိပေမယ့် ဒီးမော့ဆိုမြို့နယ်နဲ့ ဖရူဆိုမြို့နယ်တွေမှာ တိုက်ပွဲတွေ ဖြစ်ပွားနေတာကြောင့် ကုန်တင်ကားတွေ ၊ ခရီးသည်တင်ကားတွေ သွားလာဖို့ အသက်အန္တရာယ်ရှိနိုင်တာကြောင့် ပြီးခဲ့တဲ့
ဒီဇင်ဘာလ ၃ရက်နေ့ကစပြီး လွိုင်ကော်-ဒီးမော့ဆို-ဘောလခဲ လမ်းမကြီးကို သွားလာခြင်းမပြုကြဖို့ KNDF ကထုတ်ပြန်ထားတာရှိပါတယ်။

ကရင်နီပြည်နယ်မှာ တိုက်ပွဲဖြစ်ပွားပြီးနောက်ပိုင်း စစ်ကောင်စီက စစ်ကြောင်းထိုးပြီး လမ်းမှာတွေ့တဲ့ သူတွေကို အကြောင်းအမျိုးမျိုးနဲ့ ဖမ်းဆီးတာတွေရှိသလို သတ်ဖြတ်တာတွေအထိ ပြုလုပ်နေတာ ရှိပါတယ်။

ပြီးခဲ့တဲ့ ခရစ်စမတ်အကြိုနေ့ ဒီဇင်ဘာလ ၂၄ ရက်နေ့မှာဆိုရင်တော့ လမ်းသွားလမ်းလာသူတွေနဲ့ စစ်ဘေးရှောင် ပြည်သူ ၃၅ ဦးထက်မနည်းကို စစ်ကောင်စီက လမ်းမှာ တားဆီးပြီး မီးရှို့သတ်ဖြတ်ခဲ့တဲ့ လုပ်ရပ်တွေရှိခဲ့ပါတယ်။

spot_imgspot_imgspot_imgspot_img

More from the blog

ဒီးမော့ဆို အရှေ့ဘက်ခြမ်းက ကျေးရွာတစ်ရွာမှာ ရိုးရာ အဲ့ဒိုပေါ်မှီ ( ခေါ် ) ဒီးကူပွဲ အကျဉ်းချုပ်ပြုလုပ်

ကန္တာရဝတီတိုင်း( မ် )ကရင်နီပြည် ဒီးမော့ဆိုမြို့ နယ် အရှေ့ဘက်ခြမ်းက ကျေးရွာတစ်ရွာမှာ ကယားရိုးရာအဲ့ဒိုပေါ်မှီ ( ခေါ် ) ဒီးကူပွဲ ကို ၁၄ရက်၊ ၁၅ရက်နဲ့ ၁၆ရက်နေ့တွေမှာ အကျဉ်းချုပ်ပြုလုပ်ကျင်းပခဲ့တယ်လို့ သိရပါတယ်။နိုင်ငံရေးအခြေအနေကြောင့် အခုလို အကျဉ်းချုပ်ပြုလုပ်ခဲ့ရတာဖြစ်ပြီး ရိုးရာဓလေ့ကို ဆက်လက်ထိန်းသိမ်းချင်တဲ့အတွက် မဖြစ်မနေကျင်းပရတာဖြစ်တယ်လို့ ဒေသခံ...

ရှားတောမြို့နယ်ရှိစစ်ကောင်စီရဲ့ အန္တာရာယ်ကွေ့တပ်စခန်းကို KA ၊ KNDF တို့ ပြောက်ကျားတိုက်ခိုက်

ကန္တာရဝတီတိုင်း( မ် )ကရင်နီပြည် ရှားတောမြို့နယ်ရှိ စစ်ကောင်စီရဲ့ အန္တာရာယ်ကွေ့တပ်စခန်းကို KA၊ KNDF B-17 တို့က ပြောက်ကျားသွားရောက်တိုက်ခိုက်ခဲ့ပြီး စစ်ကောင်စီဘက်က ၂ဦးပြင်းထန် ဒဏ်ရာ ရရှိခဲ့တယ်လို့ KNDF B-17 က ဩဂုတ်လ ၁၅ ရက်နေ့မှာ ထုတ်ပြန်ထားပါတယ်။“သူတို့က တပ်စခန်းဆုတ်လာတဲ့အချိန်မှာပဲ လမ်းမှာတိုက်ပွဲဖြစ်တယ်။...

စက်သုံးဆီရောင်းချနေတဲ့ ဆီဆိုင်အချို့ ပြတ်လပ်၊ အကန့်အသတ်ဖြင့်သာ ရောင်းချနေရ

ကန္တာရဝတီတိုင်း(မ်) စက်သုံးဆီဈေးမြှင့်တက်မှုကြောင့် လွိုင်ကော်မြို့ရှိ စက်သုံးဆီအရောင်းဆိုင်အချို့မှာ ဩဂုတ်လ ၁၄ရက်နေ့ကစပြီး စက်သုံးဆီကို အကန့်သတ်ဖြင့်သာ ရောင်းချနေရပြီး ပုံးတွေနဲ့ ဝယ်ယူလို့မရတော့ဘူးလို့ လွိုင်ကော်မြို့ခံဆီကနေ သိရပါတယ်။ စက်သုံးဆီဈေးနှုန်းမတည်ငြိမ်တဲ့အပြင် ဆီဘောင်စာကားလည်း မရောက်ရှိသေးတာကြောင့် အကန့်အသတ်ဖြင့်သာ ဝယ်ယူနေရပြီး ဓာတ်ဆီဆိုင်မှာ ကားတစ်စီးကို နှစ်သောင်းကျပ်နှုန်းနဲ့ပဲ တစ်စီးချင်းစီရောင်းချပေးနေတယ်လို့သိရပါတယ်။ “ ဆိုင်ကယ်တို့ ကားတို့ ထည့်လို့ရတယ်၊ ဓာတ်ဆီက...

စစ်ကောင်စီဖမ်းဆီးသွားတဲ့ သက်ကြီးပိုင်း ဒေသခံ၄ဦး ပြန်လည်လွတ်မြောက်

ကန္တာရဝတီတိုင်း(မ်) ကရင်နီပြည် ဖရူဆိုမြို့ ခိုးစားမောကျေးရွာမှ ဒေသခံ လေးဦးကို  ဩဂုတ်လ ၁၃ရက်နေ့ မနက်စောပိုင်းမှာ စစ်ကောင်စီက ဖမ်းဆီးခေါ်ဆောင်ခဲ့ပြီးနောက် ဒီကနေ့ ဩဂုတ်လ ၁၄ရက်နေ့မှာ ပြန်လည်လွတ်မြောက်လာတယ်လို့ ဒေသခံတွေဆီကနေ သိရပါတယ်။ ဩဂုတ်လ ၁၃ရက်နေ့ မနက်အစောပိုင်း ၅နာရီအချိန်မှာ ကျေးရွာထဲ စစ်ကြောင်းထိုးလာတဲ့ စစ်ကောင်စီတပ်သားတွေက အသက် ၅၅နှစ်မှ...