spot_img
Sunday, May 22, 2022
spot_img

ကရင်နီပြည်နယ်မှာ အစေ့ထုတ်ပြောင်းတင်ပို့မှု ထက်ဝက်ကျဆင်း

ကန္တာရဝတီတိုင်း(မ်)

ပြောင်းဖူးဟာ ကရင်နီပြည်နယ်ရဲ့ အဓိက ဝင်ငွေရ စိုက်ပျိုးသီးနှံထဲက တစ်မျိုးဖြစ်ပြီး နှစ်စဉ် ဧက တစ်သိန်းနှစ်သောင်းလောက်က ပြောင်းဖူးစိုက်ပျိုးနေကြပါတယ်။

နှစ်စဉ်တန်ချိန်တစ်သိန်းခွဲခန့် တင်ပို့နိုင်ခဲ့ပေမယ့် ယခုနှစ်မှာတော့ ၈သောင်းကျော်သာ တင်ပို့နိုင်ခဲ့တယ်လို့ ပြောင်းဖူးကုန်သည်တစ်ဦးက ပြောပြပါတယ်။

“ လျော့သွားတာက ပြောင်းဖူးစိုက်တဲ့ ကာလမှာက ဒီစစ်ဖြစ်တာလည်းပါတယ်။ နောက်တစ်ချက်က မျိုးစျေးတွေ တအားတက်တယ်။ ခါတိုင်းက သုံးသောင်းတန်မျိုးစျေးတွေက ၅သောင်းကျော်အထိဖြစ်တယ်ပေါ့နော။ မြေဩဇာလည်း သုံးသောင်းတန် မြေဩဇာက ၅သောင်း ၆သောင်းအထိဖြစ်တယ်ပေါ့နော။ အဲ့အချိန်တုန်းက ပေါ့နော။“လို့ ပြောင်းဖူးကုန်သည်တစ်ဦးက ပြောပြပါတယ်။

ဒေါ်လာစျေးနှုန်းတွေနဲ့ တိုက်ရိုက်ဆက်နွယ်နေတဲ့ ပြောင်းဖူးစျေးနှုန်းဟာ ဒေါ်လာစျေးအမြင့်ဆုံး ရောက်တဲ့အချိန်မှာ ပြောင်းဖူးစျေးလည်း တစ်ပိဿာ၆၄၀အထိ မြင့်ခဲ့ပါတယ်။

ပြောင်းဖူးစျေးနှုန်းတွေမြင့်တက်နေသလို့ ပြောင်ဖူးမျိုးစေ့စျေးနှုန်းတွေလည်း မြင့်တက်နေတာကြောင့် နောက်နှစ်စိုက်ပျိုးရာသီမှာ တောင်သူတွေ အခက်အခဲကြုံရနိုင်တယ်လို့ ကရင်နီပြည်နယ်ရဲ့ ပြောင်းဖူးကုန်သည်တစ်ဦးက အခုလို ပြောပါတယ်။

“ တောင်သူတွေအတွက် လာမယ့် နှစ်မှာ ဒီပြောင်းစိုက်ဖို့အတွက် အမျိုးတွေ ဝယ်နိုင်ဖို့ မြေဩဇာတွေ ဝယ်နိုင်ဖို့က တော်တော်အခက်အခဲရှိမှာပေါ့နော။ အဲ့ဒီတော့ ပြောင်းတာသူတို့ မစိုက်နိုင်ဘူးဆိုရင် သူတို့အတွက် လိုအပ်တဲ့ စပါးရှိတဲ့အတွက် ထမင်းအတွက်တော့ မပူရပေမယ့် လူမှုရေးအသုံးစရိတ်တွေ ကျန်တဲ့ ကျန်းမာရေး အသုံးစရိတ်တွေ နောက် စိုက်ပျိုးရေးမှာ လိုအပ်တဲ့ သွင်းအားစုစရိတ်တွေအတွက် လည်ပတ်ဖို့ ပြောရရင်တော့ အကြွေးတွေဆပ်ဖို့ ပိုပြီးတော့ ခက်ခဲလိမ့်မယ်။ “ လို့ ပြောင်းဖူးကုန်သည်တစ်ဦးက ပြောပြပါတယ်။

ကရင်နီပြည်နယ်မှာ တောင်ယာလုပ်ငန်းအဓိက လုပ်ကိုင်ကြပေမယ့် တိုက်ပွဲတွေကြောင့် သီးနှံတွေ မစိုက်ပျိုးနိုင်တဲ့ သူတွေရှိသလို၊ ပြောင်းဖူးအစား စပါးကိုပဲ စိုက်ပျိုးတဲ့ တောင်သူတွေလည်း များနေပါတယ်။

ကရင်နီပြည်နယ်ရဲ့ ယခုနှစ် စိုက်ပျိုးရာသီမှာ ပြောင်းဖူးစိုက်ပျိုးထုတ်လုပ်မှုနှုန်း ထက်ဝက်ခန့် ကျဆင်းသွားတယ်လို့ ကရင်နီပြည်နယ်မှာရှိတဲ့ ပြောင်ဖူးကုန်သည်တစ်ဦးက ပြောပါတယ်။

spot_imgspot_imgspot_imgspot_img

More from the blog

ယမန့်နေ့ ဖယ်ခုံမြို့ နယ်အတွင်း တိုက်ပွဲ တနေ့ကုန်ဖြစ်ပွား၊ နန့်ပေါ်လုံကျေးရွာက နေအိမ်တချို့ မီးရှို့ခံရ

လဲသျှို့ / ကန္တာရဝတီတိုင်း( မ် ) ယမန်နေ့ (မေလ ၂၀) ရက်နေ့) ဖယ်ခုံမြို့နယ်မှာ တနေကုန် တိုက်ပွဲဖြစ်ပွားခဲ့ပြီး နန့်ပေါ်လုံကျေးရွာက နေအိမ်တွေကို စစ်ကောင်စီက မီးရှို့ခဲ့တယ်လို့ ကရင်နီ ဒေသခံ ကာကွယ်ရေးတပ်ဖွဲ့တွေကပြောပါတယ်။ “သူတို့ အဲ့မှာ တိုက်ပွဲဖြစ်တယ်လေ။ မနေ့ညက တစ်နေကုန်ပဲ သူတို့ပြောတာပဲ။ တစ်နေကုန်ဖြစ်တယ်လေ။...

ဖယ်ခုံအင်း အရှေ့ဖက်ကမ်းရှိ ကျေးရွာ ၁၅ ရွာမှ ဒေသခံ ၅ ထောင်နီးပါး စစ်ဘေးရှောင်နေရ၊ နေရာထိုင်ခင်းနှင့် စားနပ်ရိက္ခာ အရေးပေါ် လိုအပ်

ကန္တာရဝတီတိုင်း(မ်) ရှမ်း-ကရင်နီနယ်စပ် ဖယ်ခုံအင်း အရှေ့ဖက်ကမ်းရှိ ကျေးရွာ ၁၅ ရွာမှ ဒေသခံ ၅ ထောင်နီးပါး စစ်ဘေးရှောင်နေရပြီး နေရာထိုင်ခင်းနဲ့ စားနပ်ရိက္ခာ အရေးပေါ် လိုအပ်နေတယ်လို့ ကရင်နီပြည် စစ်ဘေးရှောင်ကူညီစောင့်ရှောက်ရေး ကွန်ရက်မှ တာဝန်ရှိသူထံကနေ သိရပါတယ်။ “ခန့်မှန်းခြေကတော့ ကျနော်တို့ စာရင်းရသလောက်တော့ ၅ ထောင် ဝန်းကျင်လောက်ရှိတယ်။...

ဒီးမော့ဆိုအနောက်ခြမ်းရှိ စစ်ရှောင်စခန်း တစ်နေရာမှာ ရိက္ခာပြတ်လုနီးပါးဖြစ်နေ

ကန္တာရဝတီတိုင်း(မ်) ကရင်နီပြည်၊ ဒီးမော့ဆိုအနောက်ခြမ်း၊ ဆောင်ဒူလာအုပ်စုအတွင်းရှိ စစ်ရှောင်စခန်းတစ်နေရာမှာ ဆန်၊ ရိက္ခာခြောက်တွေ မရောက်လာတော့တာကြောင့် ပြတ်လုနီးပါးအခြေအနေနဲ့ ကြုံနေရတယ်လို့ စစ်ရှောင်စခန်းကော်မတီတစ်ဦးက ပြောပါတယ်။ လက်ရှိမှာတော့ လူတစ်ဦးကို ဆန်တစ်ပြည်ဝေပေးပြီး နှစ်ပတ်စာအဖြစ် ချွေတာစားဖို့ စီမံထားရတယ်လို့ ဆိုပါတယ်။ “ ကျနော်တို့ ထုတ်ပေးတာက လူဦးရေနဲ့ ထုတ်ပေးပေမယ့်လည်း အကန့်အသတ်တော့ ရှိတာပေါ့နော။ ဘာလို့လဲဆို...

တပ်မ၆၆က တပ်သားတစ်ဦး KNDF ထံ လက်နက်နဲ့အတူ CDM ပြုလုပ်

ကန္တာရဝတီတိုင်း( မ် )စစ်ကောင်စီတပ်မ ၆၆ က တပ်သားတစ်ဦးဟာ KNDF B-16 ထံကို MA-1 သေနတ် ၁လက်၊ ကျည်ဘောက်တစ်ဘောက်၊ ကျည်ဆံ ၇၁တောင့် နဲ့အတူ CDM ပြုလုပ်ခိုလှုံခဲ့တယ်လို့ KNDF B-16 တာဝန်ရှိသူ တစ်ဦးက ပြောပါတယ်။မေလ ၁၆ရက်နေ့မှာ...