spot_img
Sunday, January 29, 2023
spot_img

ကရင်နီပြည်နဲ့ ရှမ်း-ကရင်နီနယ်စပ်မှာ ၈ ရက်အတွင်း လက်နက်ကြီးထိမှန်သေဆုံးသူ ၃ ဦးနဲ့ ဒဏ်ရာရရှိသူ ၄ ဦးရှိ

spot_imgspot_imgspot_imgspot_img

ကရင်နီပြည်နဲ့ ရှမ်း-ကရင်နီနယ်စပ်မှာ ၈ ရက်အတွင်း လက်နက်ကြီးထိမှန်သေဆုံးသူ ၃ ဦးနဲ့ ဒဏ်ရာရရှိသူ ၄ ဦးရှိပါတယ်။

ကရင်နီပြည်မှာ ဇန်နဝါရီလ ၁ရက်နေ့ကနေ ၈ရက်နေ့အထိ လက်နက်ကြီးထိမှန်ပြီး သေဆုံးသူ ၃ဦးနဲ့ ထိခိုက်ဒဏ်ရာရသူ ၄ဦးအထိ ရှိနေတယ်လို့ မြေပြင်သတင်းအချက်အလက်တွေအရ သိရှိရပါတယ်။

ပြီးခဲ့တဲ့ ဇန်နဝါရီလ ၈ရက်နေ့ညက မိုးဗြဲမြို့ ပွဲကုန်း ( ၁ ) ရပ်ကွက်မှာ လက်နက်ကြီးကျရောက်ပေါက်ကွဲခဲ့တဲ့အတွက် အသက် ၆၀ကျော် အမျိုးသားတစ်ဦး သေဆုံးခဲ့ရပါတယ်။

တိုက်ပွဲဖြစ်ပွားခြင်းမရှိဘဲ စစ်ကောင်စီက လက်နက်ကြီးနဲ့ ပစ်ခတ်လာတာဖြစ်တယ်လို့ မိုးဗြဲPDF သတင်းနှင့်ပြန်ကြားရေး တာဝန်ရှိသူတစ်ဦးက ပြောပါတယ်။

မိုးဗြဲ PDF သတင်းနှင့်ပြန်ကြားရေး တာဝန်ရှိသူတစ်ဦး

“လက်နက်ကြီးက သူ့ရဲ့ အိမ်ဘေးမှာ လာကျတာ။ ဝမ်းဗိုက် ထိသွားတာပေါ့နော်။ သူကလည်း အသက်ကြီးပြီဆိုတော့ မခံနိုင်တာလည်းပါတယ်။”

ဒါ့အပြင် ဇန်နဝါရီလ ၃ရက်နေ့မှာ လွိုင်ကော်မြို့ ဒေါမူကလားကျေးရွာမှာ လက်နက်ကြီးကျရောက်ပေါက်ကွဲမှုကြောင့် အရပ်သားနှစ်ဦး ထိခိုက်ဒဏ်ရာရရှိခဲ့ပါတယ်။ အဲဒီတစ်ရက်တည်းမှာပဲ လွယ်ထွယ်ကျေးရွာမှာ ဒေသခံတစ်ဦး လက်နက်ကြီးထိခိုက်ဒဏ်ရာရရှိပြီး တစ်ဦးသေဆုံးခဲ့ပါတယ်။

ဇန်နဝါရီလ ၃ရက်နေ့မှာပဲ ဒီးမော့ဆိုအရှေ့ဘက်ခြမ်းနဲ့ အနောက်ဘက်ခြမ်းတွေမှာ လက်နက်ကြီးကျရောက်ပြီး အနောက်ဘက်ခြမ်းက စစ်ရှောင်အမျိုးသမီးတစ်ဦးဖြစ်တဲ့ ဒေါ်စုမြာ သေဆုံးခဲ့သလို အရှေ့ဘက်ခြမ်းက အမျိုးသားတစ်ဦး ထိခိုက်ဒဏ်ရာရရှိခဲ့ပါတယ်။

သေဆုံးခဲ့ရတဲ့ ဒေါ်စုမြာကတော့ စစ်ရှောင်တဲအိမ်ထဲ အိပ်စက်အနားယူနေရင်း လက်နက်ကျထိခဲ့တာဖြစ်တယ်လို့ ဒေါ်စုမြာ ရဲ့ အမျိုးသားဖြစ်သူက ပြောပြပါတယ်။

ဒေါ်စုမြာ ရဲ့ အမျိုးသားဖြစ်သူ

“တဲရဲ့ ခေါင်းမိုးကနေ ဖောက်ပြီး ထိသွားတာ။ ပေါင် ကျိုးသွားပြီ သူပြောတော့ ကျနော့် သူ့ကို ဖက်ပြီး ဘားမဖြစ်ဘူး မကျိုးဘူး ကျနော် သူ့ကို ပြောတယ်။ ဒါပေမယ့် သူ သွေးထွက် တအားများတော့ အသက်ဆုံးသွားတယ်။ “

ကရင်နီပြည်မှာ စစ်အာဏာသိမ်းပြီးနောက်ပိုင်း အရပ်သားထိခိုက်သေဆုံးသူ (၂၉၃) ဦးရှိပြီး လက်နက်ကြီးထိမှန်သေဆုံးသူနဲ့ အသတ်ခံရသူတွေ အများဆုံးဖြစ်တယ်လို့ တိုးတက်သော ကရင်နီပြည်သူ့အင်အားစု ( PKPF ) ဇန်နဝါရီလ ၁ရက်နေ့ ထုတ်ပြန်ချက်အရ သိရပါတယ်။

spot_imgspot_imgspot_imgspot_img

More from the blog

တိုက်ပွဲကြောင့် ထပ်ဆင့်ပြောင်းရွှေ့ရတဲ့ IDPs များ စားနပ်ရိက္ခာ အခက်အခဲ တွေနဲ့ ကြုံတွေ့နေရ

ကန္တာရဝတီ တိုင်း(မ်) ကရင်နီပြည် ဒီးမော့ဆို အရှေ့ဘက်ခြမ်းကို စစ်ကြောင်းထိုးလာတဲ့ စစ်ကောင်စီတပ်နဲ့ ဒေသခံ ပြည်သူ့ကာကွယ်ရေး တပ်ဖွဲ့တို့ ဇန်နဝါရီလ ၂၂ ရက်နေ့စ တိုက်ပွဲ ပြင်းထန်နေပြီး စစ်ရှောင်စခန်းအတွင်း လက်နက်ကြီးများ ကျရောက်ပေါက်ကွဲ ထိခိုက်မှုတွေကြောင့် IDPs စစ်ရှောင်စခန်း (၃)ခု ထပ်မံပြောင်းရွေ့ခဲ့ကြရပါတယ်။ ဇန်နဝါရီလ ၂၃ ရက်နေ့လောက်က...

ကရင်နီပြည်မှာ ပြုလုပ်မယ့် စစ်ကောင်စီရွေးကောက်ပွဲကို တော်လှန်ရေးအင်အားစုတွေ ဆန့်ကျင်သွားမည်

ကန္တာရဝတီတိုင်း( မ် ) ကရင်နီပြည်မှာ ၂၀၂၃ခုနှစ်အတွင်း စစ်ကောင်စီကပြုလုပ်မယ့် ရွေးကောက်ပွဲကို ပြုလုပ်ခွင့်ပေးမှာမဟုတ်ပဲ ဆန့်ကျင်သွားမယ်လို့ တော်လှန်ရေးအင်အားစုကနေ ဒီကနေ့ ဇန်နဝါရီလ ၂၈ ရက်နေ့မှာ ပူးတွဲ သဘောထား ထုတ်ပြန်ထားပါတယ်။ တော်လှန်ရေးအင်အားစုတွေဖြစ်ကြတဲ့ ကရင်နီအမျိုးသားများကာကွယ်ရေးတပ် (KNDF)၊ ပြည်သူ့ကာကွယ်ရေးတပ် ဒီးမော့ဆို (DMO-PDF) ကနေ လူထုဆန္ဒမပါဝင်တဲ့ တရားမဝင်အတုအယောင်...

ကတ်သလစ်ခရစ်ယာန်ဘာသာဝင်တို့ရဲ့ “မယ်တော်ပွဲ” ဆုတောင်းခြင်းအစီအစဉ် ပြုလုပ်

ကန္တာရဝတီတိုင်း(မ်) ကရင်နီပြည် ဒီးမော့ဆိုမြို့အနောက်ဖက်ခြမ်း စစ်ရှောင်စခန်းတစ်နေရာမှာ ကတ်သလစ်ခရစ်ယာန်ဘာသာဝင်တို့ရဲ့ "မယ်တော်ပွဲ" ဆုတောင်းခြင်းအစီအစဉ်ကို ဒီကနေ့ ဇန်နဝါရီလ ၂၈ ရက်နေ့မှာ ကျင်းပပြုလုပ်ခဲ့ပါတယ်။ "ရည်ရွယ်ချက်ကတော့ ဒီမြန်မာပြည်ငြိမ်းချမ်းဖို့ရယ် စစ်ရှောင်ပြည်သူတွေ အိမ်မြန်မြန်ပြန်နိုင်ဖို့ရယ် ပြီးတော့ တိုက်ပွဲဝင်နေတဲ့ရဲဘော်တွေ ဘေးကင်းဖို့ရည်ရွယ်ပြီးဆုတောင်းပွဲလုပ်တာပေါ့။ " လို့ ပွဲကျင်းပရေးတာဝန်ရှိသူတစ်ဦးက ဆိုပါတယ်။ ယခင် အာဏာမသိမ်းခင်က တစ်နှစ်တစ်ကြိမ် စည်ကားစွာကျင်းပခဲ့ပေမယ့်...

ဒီးမော့ဆို အရှေ့ဘက်ခြမ်း စစ်ရှောင်စခန်းတစ်နေရာတွင် မွေးခင်းစ ကလေးငယ်တစ်ဦး သေဆုံး

ကေးဒူ ( ကန္တာရဝတီ တိုင်း(မ်)) ကရင်နီပြည် ဒီးမော့ဆို အရှေ့ဘက်ခြမ်း စစ်ရှောင်စခန်းတစ်နေရာတွင် မွေးခင်းစ ကလေးငယ်တစ်ဦး ဆေးခန်းသွားပြရင်း လမ်းမှာ သေဆုံးသွားခဲ့တယ်လို့ သိရပါတယ်။ ဇန်နဝါရီလ ၂၆ ရက်နေ့ မနက် ၂ နာရီ လောက်က မွေးတာဖြစ်ပြီး ကလေးက မိခင်နို့မစို့နိုင်လို့ အနောက်ဘက်ခြမ်းကို ဆေးခန်းသွားပြရင်း...