spot_img
Wednesday, December 7, 2022
spot_img

ကရင်နီပြည်မှာ စက်တင်ဘာလ ဒုတိယအပတ်တိုက်ပွဲအတွင်း စစ်ကောင်စီ ၈၀ ကျော်သေဆုံး

spot_imgspot_imgspot_imgspot_img

ကန္တာရဝတီတိုင်း( မ် )

စက်တင်ဘာလ ဒုတိယအပတ်အတွင်း မိုးဗြဲ၊ လွိုင်ကော်၊ ဒီးမော့ဆို ၊ ဖရူဆိုမြို့တို့မှာ တိုက်ပွဲဖြစ်ပွားခဲ့ပြီး စစ်ကောင်စီ ၈၅ဦးကျော် သေဆုံးခဲ့တယ်လို့ ကရင်နီအမျိုးသားများကာကွယ်ရေးတပ် ( KNDF ) က ဒီကနေ့ စက်တင်ဘာလ ၁၅ ရက်နေ့ ထုတ်ပြန်ချက်အရ သိရပါတယ်။

လက်ရှိမှာ စစ်ကောင်စီတပ်ဟာ ရိက္ခာပို့နိုင်ဖို့အတွက် ပြည်ထောင်စုလမ်းမကြီးတစ်လျှောကို တပ်စွဲထားပြီး နယ်မြေစိုးမိုးနိုင်ဖို့ ကြိုးစားနေတာဖြစ်တယ်လို့ ကရင်နီတပ်မတော် ကာကွယ်ရေး ဒုဝန်ကြီး ခူဒယ်နီယာယ်က ပြောပါတယ်။

“သူတို့ရဲ့ ရည်ရွယ်ချက်ကတော့ ပြည်ထောင်စု လမ်းမကြီးဖြစ်တဲ့နေရာတိုင်းမှာ သူတို့ စစ်ရေးနယ်မြေတွေကို စစ်ရေးစိုးမိုးမှု လုပ်နိုင်ရမယ်ဆိုတဲ့ဟာက သူတို့ရဲ့ အစီအစဉ်လေ။ ဒီပြည်ထောင်စုလမ်းမကြီးတစ်ခုလုံး သူတို့စိုးမိုးထားမှပဲ သူတို့ရိက္ခာပို့ ရမယ်။ သူတို့ လက်နက်ခဲယမ်းတွေ သူတို့ ဆက်သွယ်ရေးလမ်းကြောင်းတွေက အဓိက ပါပဲ။ အဲ့ဒါဒီလမ်းမကြီးကို စိုးမိုးနိုင်ဖို့ သူတို့ထိုင်တာဖြစ်တယ်။” လို့ ခူဒယ်နီယာယ်က ပြောပါတယ်။

စက်တင်ဘာလ ၈ရက်နေ့မှ ၁၁ ရက်နေ့အထိ ဝှါရီဆူးပလိုင်ကျေးရွာကနေ စစ်ကြောင်းထိုးလာတဲ့ စစ်ကောင်စီတပ်နဲ့ ကရင်နီဒေသခံကာကွယ်ရေးပူးပေါင်းတပ် မိုးဗြဲမြို့တွင်းမှာ တိုက်ပွဲအပြင်းအထန်ဖြစ်ပွားခဲ့ပါတယ်။ အဲဒီတိုက်ပွဲအတွင်း စစ်ကောင်စီဘက်က ၆၀ ကျော်သေဆုံးခဲ့ပြီးနောက် ပြန်လည်ဆုတ်ခွာခဲ့ရတယ်လို့ ကာကွယ်ရေးတပ်ဖွဲ့ ဖက်က ထုတ်ပြန်ထားပါတယ်။

မိုးဗြဲဘက်ကို စစ်ကူသွားခဲ့တဲ့ စစ်ကောင်စီတပ်ကို ဒီးမော့ဆိုမြို့ ဝီသဲကူးကျေးရွာမှာ စက်တင်ဘာလ ၁၃ရက်နေ့က မိုင်းဆွဲတိုက်ခိုက်ခဲ့ပြီး စစ်ကောင်စီဘက်က အရာရှိတစ်ဦးအပါအဝင် ၁၃ဦး သေဆုံးခဲ့တယ်လို့ KNDF က ထုတ်ပြန်ပါတယ်။

ဒါ့အပြင် ဒီးမော့ဆိုခြေတော်ရာအနီးရှိ သဲတောင်၊ နန်းမယ်ခုံမြို့နယ်ရှိ ဆင်မတောင်ပေါ်၊ ဒေါခမီးကျေးရွာနဲ့ ဆောင်ဒူရွယ်သစ်ကျေးရွာတို့မှာလည်း တိုက်ပွဲဖြစ်ပွားခဲ့ပြီး စစ်ကောင်စီ ၇ဦးထက်မနည်း သေဆုံးခဲ့တယ်လို့ ဆိုပါတယ်။

စက်တင်ဘာလ ၁၁ရက်နဲ့ ၁၂ရက်နေ့မှာလည်း ဖရူဆိုမြို့ ဒေါညေးခူကျေးရွာနဲ့ ထီးသော်ကူးရှိစစ်ကောင်စီစခန်း တွေမှာ တိုက်ပွဲဖြစ်ပွားခဲ့ပြီး စစ်ကောင်စီ ၅ ဦးထက်မနည်း သေဆုံးခဲ့သလို စက်တင်ဘာလ ၁၂ရက်နေ့မှာလည်း လွိုင်ကော်မြို့ ကယန်းသာယာစစ်ဆေးရေးဂိတ်ကို သွားရောက်တိုက်ခိုက်မှုကြောင့် စစ်ကောင်စီဘက်က အရာရှိတစ်ဦးအပါအဝင် အများအပြားထိခိုက်ဒဏ်ရာရခဲ့တယ်လို့ ဆိုပါတယ်။

စစ်ကောင်စီတပ်ဟာ စက်တင်ဘာလ ဒုတိယပတ်အတွင်း မိုးဗြဲမြို့ကို အပြင်းအထန်ထိုးစစ်ဆင်ခဲ့တဲ့အပြင် ဒီးမော့ဆိုမြို့နယ် ပူဖား၊ ဒေါခမီး၊ နန်းမယ်ခုံတကြောကို အင်အားအလုံးအရင်းနဲ့ စစ်ကြောင်းထိုးလျက်ရှိနေပြီး ဖရူဆိုမြို့အခြေစိုက်တပ်စခန်းကနေ စစ်ယာဉ်တန်း (၂၀)ကျော်ကို တပ်အင်အားဖြည့်တင်းနေတယ်လို့ ထုတ်ပြန်ချက်အရ သိရပါတယ်။

spot_imgspot_imgspot_imgspot_img

More from the blog

KNDF တပ်ရင်း ၄က ရဲဘော် ဂျေရုမ်း မိုင်းနင်းမိရင်း ကျဆုံး

ကန္တာရဝတီတိုင်း(မ်) ဖရူဆိုမြို့တွင်းတစ်နေရာမှာ နယ်မြေရှင်းလင်းရေးပြုလုပ်ရင်း စစ်ကောင်စီထောင်ထားတဲ့ မိုင်းနင်းမိတဲ့အတွက် ကရင်နီအမျိုးသားများ ကာကွယ်ရေးတပ် ( KNDF ) တပ်ရင်း ၄မှ ရဲဘော် ဂျေရုမ်းဟာ ဒီဇင်ဘာလ ၄ရက်နေ့က ကျဆုံးသွားခဲ့ရပါတယ်။ ရဲဘော် ဂျေရုမ်းဟာ တပ်ရင်း(၄) တည်ထောင်တဲ့အတောအတွင်း ပထမဆုံး ကျဆုံးသွားတဲ့ ရဲဘော်ဖြစ်တယ်လို့ KNDF တပ်ရင်း...

ဒီးမော့ဆိုအနောက်ခြမ်း စစ်ရှောင်စာသင်ကျောင်းတစ်ခုရဲ့ ကျောင်းဆင်းပွဲ

ကန္တာရဝတီတိုင်း(မ်) ဒီဇင်ဘာလ ၅ရက်နေ့က ဒီးမော့ဆိုအနောက်ဘက်ခြမ်း စစ်ရှောင်ကျောင်းတစ်ကျောင်းမှာ ကျောင်းဆင်းပွဲအခမ်းအနားပြုလုပ်ခဲ့ပါတယ်။ အဲဒီအခမ်းအနားကို ကျောင်းသူ၊ကျောင်းသားတွေ ၊ ကျောင်းသားမိဘတွေနဲ့ ကျောင်သားသမဂ္ဂအဖွဲ့ဝင်တွေ တက်ရောက်ခဲ့ပါတယ်။ အခုလိုကျောင်းဆင်းပွဲ အခမ်းအနားကျင်းပ‌ခွင့်ရတဲ့အတွက် ဝမ်းသာပီတိဖြစ်တဲ့အကြောင်းကို ဆရာမတစ်ဦးက အခုလိုပြောပါတယ်။ "ကျောင်းဆင်းပွဲဆိုကျွန်မ လုံးဝမမျှော်လင့်ဘူး။ အရင်နှစ်ကျမတို့လုပ်တာမိဘ( ၁၀ )ယောက်တောင်မလာဖူးပါဘူး။ ဒီတစ်နှစ်ကျတော့ ကျမဘယ်လိုမှ ပြောမပြနိုင်တဲ့ပီတိကို ကျမခံစားရပါတယ်။ မိဘတွေအများကြီးတက်ရောက်လာတယ်...

လွိုင်ကော် ၅ရက်တာ တိုက်ပွဲအတွင်း စစ်ကောင်စီဘက် တပ်ခွဲမှူးတစ်ဦးအပါအဝင် ၅ဦးသေဆုံး

ကန္တာရဝတီတိုင်း( မ် ) ကရင်နီပြည် လွိုင်ကော်မြို့ နယ်၊ ပါလောင်းကျေးရွာ နဲ့ ကျေးရွာဝန်းကျင်တွေမှာ နိုဝင်ဘာလ ၂၄ရက်နေ့မှ ၂၉ ရက်နေ့အတွင်း ၅ရက် တိုက်ပွဲပြင်းထန်ဖြစ်ပွားခဲ့ပြီး စစ်ကောင်စီဘက်က တပ်မ ၆၆ လက်အောက်ခံ ခမရ ၁၀၈ တပ်ရင်း တပ်ခွဲမှူးတစ်ဦးအပါအဝင် ၅ဦး သေဆုံးခဲ့တယ်လို့...

လက်နက်ကြီးရန်ကြောင့် စာသင်ကျောင်း ရွေ့ပြောင်းဆောက်လုပ်၊ စာရေးကိရိယာများ လိုအပ်နေ

ကေးဒူ (ကန္တာရဝတီ တိုင်း(မ်)) ကျေးရွာအတွင်းကို လက်နက်ကြီး ကျရောက်လာတာကြောင့် ဒီးမော့ဆိုအရှေ့ဖက်ခြမ်း ကျေးရွာတစ်ခုမှာ ဖွင့်လှစ်နေတဲ့ စာသင်ကျောင်းတစ်ခုဟာ လုံခြုံနိုင်မယ့် တောထဲ တစ်နေရာကို ရွေ့ပြောင်းဆောင်လုပ်နေရပြီး အမိုးအကာ လိုအပ်ချက်တွေလည်းရှိနေတယ်လို့ ကျောင်းမှာ စာသင်ပေးနေတဲ့ စေတနာ့ဝန်ထမ်း ကျောင်းဆရာတစ်ဦးက ပြောပါတယ်။ “ လက်နက်ကြီး ရွာထဲ တစ်ခေါက် နှစ်ခေါက်ကျသွားတယ်။...