spot_img
Wednesday, August 10, 2022
spot_img

ကရင်နီပြည်မှာ တစ်ပတ်အတွင်း တိုက်ပွဲ ၅ကြိမ်ဖြစ်ပွား၊ စစ်ကောင်စီတပ်မှ တိုက်လေယာဉ် (၂)ကြိမ်သုံး တိုက်ခိုက်ခဲ့

spot_imgspot_imgspot_imgspot_img

ကန္တာရဝတီတိုင်း ( မ် )

ကရင်နီပြည်မှာ ဇူလိုင်လ ဒုတိယအပတ်အတွင်း တိုက်ပွဲ ၅နေရာဖြစ်ပွားခဲ့ပြီး မတ်စလောင်းတောင်တိုက်ပွဲအတွင်း စစ်ကောင်စီတပ်မှ တိုက်လေယာဉ်ဖြင့် (၂)ကြိမ် အသုံးပြုတိုက်ခိုက်ခဲ့တယ်လို့ ကရင်နီအမျိုးသားများ ကာကွယ်ရေးတပ် ( KNDF ) က ဒီကနေ့ ဇူလိုင်လ ၁၅ရက်နေ့မှာ ထုတ်ပြန်ထားပါတယ်။

ဇူလိုင်လ ၁၁ရက်နေ့မှာ ဘောလခဲမြို့နယ် မက်စလောင်းတောင် စခန်းကုန်းကို ကရင်နီတပ်မတော် ( KA )နဲ့ ကရင်နီအမျိုးသားများ ကာကွယ်ရေးတပ် ( KNDF ) သွားရောက်တိုက်ခိုက်ခဲ့ပါတယ်။ တိုက်ပွဲအတွင်း စစ်ကောင်စီက တိုက်လေယာဉ်နဲ့ နှစ်ကြိမ်အသုံးပြု တိုက်ခိုက်ခဲ့ပြီး
KNDF -16 ရဲဘော်တစ်ဦး ကျဆုံးခဲ့ရပါတယ်။ ရွံရွံချွန်ချွန်တိုက်ခိုက်ရင်း ကျဆုံးခဲ့ရတဲ့ KNDF ရဲဘော်ကို အာဏနည်သူရဲကောင်းအဖြစ် အလေးပြု သမိုင်းမှတ်တမ်းတင်ကြောင်း KNDF က ဆိုပါတယ်။

ဒီးမော့ဆိုမြို့နယ်၊ သေးဆူလဲကျေးရွာမှာ နယ်မြေလုံခြုံရေးယူနေတဲ့ KNDF တပ်ဖွဲ့နဲ့ စစ်ကောင်စီတို့ ဇူလိုင်လ ၁၁ရက်နေ့မှာ တိုက်ပွဲဖြစ်ပွားခဲ့ပါသေးတယ်။ ဒီးမော့ဆိုမြို့ ၊ဒေါငံခါးကျေးရွာမှာလည်း ဇူလိုင်လ ၁၂ရက်နေ့က စစ်ကောင်စီထောက်ပို့ကားနှစ်စီးကို KNDF တို့ ကြားဖြတ်တိုက်ခိုက်ခဲ့တယ်လို့ထုတ်ပြန်ထားပါတယ်။

ဇူလိုင်လ ၁၄ရက်နေ့မှာလည်း ဖရူဆိုမြို့နယ်အတွင်း KA၊ KNDF တို့ နယ်မြေရှင်းလင်းရေး ပြုလုပ်နေချိန် စစ်ကောင်စီနဲ့ တိုက်ပွဲဖြစ်ပွားခဲ့ပြီး စစ်ကောင်စီဘက်က တစ်ဦး သေဆုံးခဲ့ပါတယ်။ ဒါ့အပြင် ဒီးမော့ဆိုမြို့နယ် အူးခူရီကျေးရွာမှာလည်း နယ်မြေလုံခြုံရေးယူနေတဲ့ ကရင်နီဒေသခံကာကွယ်ရေးပူးပေါင်းတပ်ဖွဲ့နဲ့ စစ်ကောင်စီတို့ တိုက်ပွဲဖြစ်ပွားခဲ့တယ်လို့ KNDF က သတင်းထုတ်ပြန်ထားပါတယ်။

spot_imgspot_imgspot_imgspot_img

More from the blog

ကျေးရွာဆေးပေးခန်းတစ်ခုကို စစ်ကောင်စီတပ်က လေကြောင်းတိုက်ခိုက် ဒေသခံတစ်ဦးသေဆုံး ၂ဦးထိခိုက်ဒဏ်ရာရ

ကန္တာရဝတီတိုင်း(မ်) ကရင်နီပြည် လွိုင်ကော်မြို့ အရှေ့ ခြမ်းက ကျေးရွာတစ်ရွာရှိ ဆေးပေးခန်းကို ဒီနေ့ ဩဂုတ်လ ၉ ရက်နေ့ မွန်းလွဲ ၁၀ နာရီကျော်အချိန်မှာ စစ်ကောင်စီတပ်က တိုက်လေယာဉ်တစ်စင်းနဲ့ အကြောင်းမဲ့ လာရောက် ပစ်ခတ်တိုက်ခိုက်ခဲ့ပါတယ်။ လေကြောင်းပစ်ခတ်မှုကြောင့် လူ ၁ ဦးသေဆုံးပြီး ၂ ဦး ထိခိုက်ဒဏ်ရာရရှိခဲ့ပြီး...

လွိုင်ကော်မြို့ ပွန်ချောင်းက စစ်ကောင်စီတပ်စခန်းကို KA ၊ KNDF တို့က ဒရုန်းဖြင့် သွားရောက်ပစ်ခတ်

ကန္တာရဝတီတိုင်း( မ် ) လွိုင်ကော်မြို့ ပွန်ချောင်းက စစ်ကောင်စီတပ်စခန်းကို ကရင်နီတပ်မတော် ( KA )၊ ကရင်နီအမျိုးသားများကာကွယ်ရေးတပ် ( KNDF ) တို့က ယမန်နေ့ ဩဂုတ်လ ၇ရက်နေ့မှာ ဒရုန်းနဲ့ သွားရောက်ပစ်ခတ်ခဲ့တယ်လို့ ကရင်နီပြည်အစိုးရ ကာကွယ်ရေး ဒု-ဝန်ကြီး ခူဒယ်နီယာယ်က ပြောပါတယ်။ “နှစ်နေရာတော့...

ဒေသခံတွေ တစ်နှစ်ကြာသိုလှောင်သိမ်းဆည်းထားတဲ့ စပါးမှိုတက်တာကြောင့် ပျက်စီးမှုတချို့ရှိ

ကန္တာရဝတီတိုင်း( မ် ) ကရင်နီပြည် ဒီးမော့ဆိုအရှေ့ဘက်ခြမ်းမှာ ဒေသခံတွေ ပြီးခဲ့တဲ့နှစ်ကတည်းက တောတောင်ထဲ သိုလှောင်သိမ်းဆည်းထားတဲ့ စပါးတွေကို ကြွက်စားတာ၊ မိုးရေစိုတာ၊ မှိုတက်တာတွေကြောင့် ပျက်စီးဆုံးရှုံးမှုတချို့ရှိခဲ့တယ်လို့ ဒေသခံတောင်သူတွေဆီကနေ သိရပါတယ်။ ပြီးခဲ့တဲ့ ၂၀၂၁ခုနှစ်မှာ စစ်ကောင်စီက အာဏာသိမ်းပြီးနောက် ဒေသတွင်းတိုက်ပွဲဖြစ်ပွားခဲ့ပြီး ကျေးရွာထဲလက်နက်ကြီးကျရောက်မှုတွေ စစ်ကြောင်းထိုးမှုတွေရှိတာကြောင့် ဒေသခံတွေဟာ ၎င်းတို့သိုလှောင်ထားတဲ့ စပါးတွေ...

ဩဂုတ်လပထမပတ်တိုက်ပွဲအတွင်း စစ်ကောင်စီတပ်မှ အနည်းဆုံး ၅ဦးသေဆုံး

ကန္တာရဝတီတိုင်း(မ်) ဩဂုတ်လ ပထမပတ်အတွင်း ကရင်နီဒေသခံကာကွယ်ရေးပူးပေါင်းတပ်ဖွဲ့နဲ့ စစ်ကောင်စီတပ်တို့ ဖြစ်ပွားခဲ့တဲ့တိုက်ပွဲတွေမှာ စစ်ကောင်စီတပ်မှ အနည်းဆုံး ၅ဦးသေဆုံးပြီး ထိခိုက်ဒဏ်ရာရရှိခဲ့တယ်လို့ KNDF သတင်းနှင့်ပြန်ကြားရေးဌာနက ဒီကနေ့ (ဩဂုတ်လ ၈ရက်) မှာ သတင်းထုတ်ပြန်ပါတယ်။ ပထမပတ်အတွင်း ဒီးမော့ဆိုမြို့နယ် သေးဆူလဲကျေးရွာအနီး၊ ဒီးမော့ဆိုမြို့မရဲစခန်း၊ စံပြ ၆ မိုင်၊ ဘက်တလိန်ကျေးရွာ တိုက်ပွဲတွေမှာ...